上週五，千嬅出席丁子高表妹的 wedding party，著無袖衫騷減肥成果。
日操 3粒鐘 楊千嬅瘦 20磅復工
2012年10月18日 ~~ 第1180期 香港《壹周刊》今年六月誕下寶貝仔 Torres丁進諾後，千嬅繼續閉關湊仔兼坐月養身，不經不覺， B仔已經四個多月大，千嬅亦準備本月底正式復工，還八個廣告債。為求以最佳狀態出關，個多月前開始，千嬅跟健身教練每日操三粒鐘瘦身，再搵營養師設計飲食餐單。上週五（十月十二日），老公丁子高表妹在君悅酒店舉行結婚派對，久未露面的千嬅，回勇現身。
管家上身
閉關多時的楊千嬅，有仔萬事足！但手頭工作表已經排山倒海，千嬅無法再拖，本月底正式復工。
「千嬅好緊張個仔，佢覺得 BB頭幾個月好重要，餵人奶外，又落手落腳照顧 BB，所以千嬅本來預咗停工半年，但大量廣告債要還，焗住提早一個月復工。」千嬅身邊人說。
已有一個陪月加兩個菲傭幫手，但千嬅凡事管家婆上身。
「兩個菲傭都係新手，千嬅好多嘢要自己睇番實，始終 BB仔要小心照顧，例如朋友去到屋企，一定要先洗手，除晒首飾先可以掂 BB，又要定時定候提醒工人幫玩具消毒。以前千嬅成日話自己粗心大意，但依家變得好細心。」千嬅友人說。
七月千嬅為丁子高慶生時仍然未修身。
將於月底復工的千嬅，努力減肥望盡快回復昔日苗條。
早前出席活動，丁子高大晒自己的童年照，與囝囝 Torres的確十分似樣。
阿仔
老豆
雙管齊下
湊仔之餘，千嬅每日還要騰出時間學普通話和唱歌。
「有時 BB瞓咗覺，千嬅就會好得閒，所以專登請老師上門教普通話，又 keep住跟 Christine Samson學唱歌。」
復工將至，產後體重一度超標二十多磅的千嬅，修身工程亦不容怠慢。「之前餵人奶唔可以減肥，所以佢個幾月前先開始做運動，除咗跑步，仲請咗健身教練教做 gym，每日要做運動三粒鐘。」至今距離目標磅數，只差幾磅。
飲食方面亦需要配合，雙管齊下，可令瘦身加快見效。「營養師幫千嬅設計好每日飲食餐單，陪月幫佢準備食物，以少油清淡為主，但又要夠營養，有時千嬅屋企請客，佢都好忍得口。」千嬅身邊人說。
千嬅在老公培訓下愛上跑步，近日除了做 gym，千嬅每天亦 keep住跑步練氣。
離開君悅後，丁子高駕車返回數碼港寫字樓，之後再與千嬅一同返家。
千嬅湊仔親力親為，體驗初任媽咪的喜悅。
阿媽唔易做
懷孕後，千嬅的身形跟肚皮不斷膨脹，剖腹產子後，更需縫了六十針，湊仔又搞到筋膜發炎，為人母者，犧牲精神非一般人可及。
縫肚 7層
千嬅佗巨肚產子，醫生在她肚皮縫了七層共 60針，產後頭兩日，千嬅傷口劇痛，落床亦無能為力。
冇得減肥
大肚期間體重高峰期達 160磅，產後為 BB健康着想，千嬅堅持餵人奶，唯有將修身計劃延遲三個月，其間跟足營養餐單進食，不能做運動。
筋膜發炎
生仔前，千嬅雙手已開始陣痛，產後亦未有改善，千嬅經骨醫診斷，才發現原來佗 B期間，經常用手撐住身體「卸力」，加上產後抱 BB，導致雙手筋膜發炎。
沒有留言:
張貼留言