大肚千嬅認真嘆

佗仔係大晒㗎啦！﹙設計對白﹚
千嬅喺台上講拍戲經過時，隻手不停搓住個肚，大肚婆作風表露無遺。
媽咪姐手帳

大肚千嬅認真嘆
2012年03月02日
媽咪姐不嬲都話大肚婆係大晒，好似佗住 6個月男丁嘅楊千嬅咁，去到邊都有老公丁子高管接管送，仲肆無忌憚將公仔麵、薯條等 junk food擺落肚。大家睇埋千嬅喺周日（ 26日）宣傳《春嬌與志明》嘅表現，一定更加同意媽咪姐嘅講法。
話說千嬅呢部新戲就快上，但所有要舟車勞頓嘅宣傳，遠至北京，近到廣州、深圳，千嬅都已經 say no唔會做，當然香港除外。腹大便便嘅千嬅呢日就踩落商場，佢一上到台，大會即安排張櫈俾佢坐低講嘢，舒舒服服。
早前千嬅接受傳媒訪問時講：「我都冇諗過咁易有，因為之前好多煞科宴……我日日飲香檳，飲到癲喪嗰隻，原來真係整定㗎。」媽咪姐戥千嬅開心，不過有時晒命又唔好晒得咁盡喎！
同觀眾玩遊戲時，余文樂負責搞氣氛，千嬅就坐喺側邊，指指點點。


千嬅坐姿豪邁，好多時都係單手舉咪牌，另外隻手就用嚟搓大髀。