鄭中基陸永晒b

前有線主持余思敏（黃圈），奉女成婚後，安心做少奶奶，閒時相約舊同事飯敍，老公鄭中基亦陪伴出席，更將女兒契俾有線主持 衞志豪（紅圈）。

媽咪姐手帳
鄭中基陸永齊晒 B
2012年03月02日
近日佗住龍 B嘅楊千嬅，每次出 嚟都樂於分享佗 B趣事。千嬅舊愛鄭中基唔知係咪受到千嬅影響，近日亦頻頻晒 B，不時將其餅印囡囡放上網同大家分享。

鄭中基更公開愛的宣言，對老婆公開講「愛你」，同以前密密實實真係一百八十度轉變。



囡囡似足老竇，眼仔細細，面珠肥嘟嘟。鄭中基都話希望囡囡愈大愈唔好似佢。

呢邊廂， 啱 啱做 咗老竇 嘅農夫成員陸永，雖然日日湊女餵奶無覺好 瞓，又爆老婆有輕微產後抑鬱症，自己要照顧兩女，壓力倍增，不過都唔介意將自己烏歪樣放上網。睇佢對住囡囡個冧樣，同平日 喺台上 yo yo yo寸寸貢完全唔同呀！

陸永唔介意頭髮油、眼腫臉腫同囡囡合照，仲放上網，但唔顧形象都要顧吓 衞生喎！

陸永將自己、囡囡同靚老婆對眼 key埋一齊，呢張全家福都搞鬼過人。