本刊早前率先報道楊思琦二月中在美國洛杉磯為空心吳帥產女後，她即於微博報喜，一心為大話妹形象消毒，及後又發放消息於本周五（23日）返港，復工撲水養女。
日前，記者再遠赴L.A.採訪，已坐完月的楊思琦一直足不出戶。本周三（21日）下午，其大嫂突然駕車外出帶記者遊花園；同一時間，思琦由大哥駕車送去機場，成功調虎離山擺脫記者，提早一日登機返港。
上機前思琦致電樂易玲，當晚無綫即發通告，通知各大傳媒思琦會於本周四（22日）早上抵港，結果過百傳媒蜂擁至機場接機。
本刊在機場禁區獨家影到思琦與抱住B女的思琦媽，一家三口在地勤職員協助下步出機艙，滿月B女更被包到冚。其後思琦媽與B女由職員秘道離開，思琦則在樂易玲陪同下接受訪問。不過有關吳帥的感情事，她一概不回答。
思 琦去年中狠撇拍拖九年的李泳豪，為吳帥未婚產女。點知男友靠唔住，思琦心死，決意與潛藏大陸的吳帥斬纜，就連女兒都跟母親姓，改名叫楊卓穎（譯音）。為了 獨力撫養女兒，思琦於坐月期間多番思索怎樣為日後復出鋪路，更多次深夜致電樂易玲，希望樂小姐能幫忙，讓她回港後接多些工作。思琦應承樂易玲會於四月復 工，並發放消息，聲稱將於3月23日（周五）回港。
無綫漏夜發通告
正當全世界都以為思琦會於本周五返港時，原來她已 計劃秘密提早返港。周三晚（21日），無綫突然廣發通告，聲稱思琦將於翌日（22日）早上7時許返抵香港。22日早上，過百傳媒天未光就蜂擁至機場，無綫 派出製作資源部總監樂易玲、思琦經理人Pansy及外事部總監曾醒明等共五人到場，相當大陣仗。
思琦是乘坐CX881班機由美國洛杉磯飛抵香港，抵達時間是早上7時08分，15分鐘後所有人已落機，惟未見思琦母女與B女出現。身在禁區內的本 刊記者，接近8時突然看見身穿黑衫黑帽，戴上黑超的思琦與抱住B女的思琦媽，以及一名女友人，在兩名國泰地勤空姐陪伴下，在一條掘頭通道上逗留，正在商量 怎樣運走B女。
滿月B女不宜坐長途機
楊思琦B女楊卓穎剛滿月便坐飛機返港，究竟有沒有問題？其實嬰孩出生首月，跟母 親的身體狀況都仍未穩定，是不宜坐長途飛機。BB出生4-6周，身體的免疫系統是最弱的時候，畢竟機內人多菌多，嬰兒較容易受到感染。但現時的航空公司， 一般都准許足七天大的初生嬰兒上機。至於氣壓問題，現代機艙設計完善，艙內的氣壓已調節得非常好，對嬰孩不會造成不適。升降期間或會引致嬰兒耳朵不適，可 給予奶嘴在航機升降時吮食。
8：30am高調現身
據知思琦今次回港是坐經濟艙客位，但落機後的待遇竟然勁過頭等。除了有地勤幫佢擋記者，仲有職員專門幫佢推行李。思琦步出接機大堂時，大堆行李不慎倒地，佢竟然掂行掂過（下圖），等職員幫佢收拾。
隻字不提吳帥
這時記者舉機拍照，抱B的思琦媽即時擰歪面，地勤亦驅趕記者離開。五分鐘後思琦獨自行出通道，記者上前提問，她戴住耳筒聽歌，當記者透明。思琦過關後從A閘出口步出，即被近百記者包圍。她在樂易玲等高層陪伴下，未等記者提問，她主動先開口。 楊：楊思琦 記：記者 楊：今日返咗嚟喇，好多謝咁多位傳媒朋友關心我，嚟緊嘅日子我會盡最大努力照顧我囡囡，令佢開心快樂、健康成長。呢段時間好多謝屋企人、朋友同公司，尤其係樂小姐同經理人嘅幫助。 記：咁BB呢？ 楊：BB已經走咗。（秘道走？）係呀，因為佢太細，費事閃光燈閃到。 記：BB之前返嚟先？ 楊：係呀。（擺到明講大話） 記：BB姓楊？ 楊：係呀，跟我姓。 記：吳帥係咪BB爸爸？你同佢正式分手？ 楊：呢啲我唔回應喇！ 記：嚟緊工作點安排呀？ 楊：希望盡快投入工作，養好身子同盡快減肥啦，瘦番啲效果好啲！ 記：以後BB邊個照顧？ 楊：我會俾心機照顧佢。 記：BB食人奶定奶粉？ 楊：人奶，其實兩樣都有。 記：同吳帥仲有無聯絡？ 楊：呢啲唔講喇！ 記：以後都唔提佢？ 楊：呢啲唔答喇！ 記：吳帥係咪你媽咪介紹？你哋搞成咁佢有無失望？ 楊：辛苦晒大家喇！要答嘅都差唔多喇！ 記：會唔會覺得自己遇人不淑？ 楊：我唔會再回應㗎喇！之前喺微博都交代過，唔想多講。 記：第時會唔會同BB講爸爸係邊個？ 楊：我會俾心機照顧BB…… 記：BB始終都會問。 楊：（笑）等佢大個先算啦。 記：以後識男仔會唔會小心啲？ 此時思琦低頭冇回應，樂易玲即搶住對她說：「以後聽話，唔好咁硬頸，要聽媽咪話。慢慢嚟，唔急。」 楊：係呀，聽公司話就算喇！ 記：以後係咪公司叫你做乜都做？ 楊：一直都係㗎。 之後思琦坐上公司安排的七人車返回清水灣半島寓所。
過期居留局住走
其實思琦坐完月未夠一星期便急於返港，除了想盡快 撲水供樓及養女外，原來亦因為她不能過期居留美國。「思琦去年9月23號起程去美國，到3月23號就夠半年。根據美國出入境法例，遊客唔可以逗留超過六個 月，佢逼住坐完月冇耐就走。咁都好，思琦可以早啲返香港搵錢， 佢孭住幾層樓，依家仲要養多個女，負擔好大。」知情者透露：「之前佢生完女冇第一時間話俾樂小姐知，樂小姐有啲嬲，不過思琦解釋因為要餵人奶好攰，叫樂小 姐原諒。樂小姐叫佢返港後一定要形象大洗底，之後再慢慢幫佢接job。」本周三晚，樂易玲姐回應思琦要洗底復出一事時說：「做咗媽咪梗係要改形象啦！依家 有好多活動傾緊，不過我未應承。想等佢返嚟唞唞，扮番靚先出嚟。」
掃大量奶粉
思琦去年9月到胞兄楊思豪的L.A.大屋安胎，雖然已坐完月，但思琦仍足不出戶，留家湊女。記者日前發現思琦買了大量補充裝初生嬰兒奶粉，相信是帶返香港供女兒食用。
調虎離山騙記者
本刊記者日前遠赴L.A.，希望可以採訪思琦的近況。仍住在胞兄楊思豪大屋的她連日足不出戶，直至本周三（21日）下午，思琦大嫂駕車外出，未幾便發現記者。當時大嫂非常友善地向記者查問，更表明若記者不拍照，她可以代記者入屋向思琦傳話。 一小時後大嫂駕車返家，記者提出請思琦步出大屋接受訪問的要求，大嫂表示會入屋傳話，同時記者亦send短訊游說思琦。直到晚上7時，大嫂送女親友離開大屋，仍非常熱心表示會幫口勸思琦出來見記者。 等到晚上11時許，思琦音訊全無。此時大嫂又駕車外出，記者緊隨其後，她在附近兜了一圈便折返大屋。記者發現原本泊在大屋內的另一部車不見了，原來就在大嫂帶記者遊花園的同時，思琦與母親已抱B離開大屋，由胞兄駕車護送往機場，登上當晚凌晨1時的班機飛返香港。 楊思琦唔只鍾意講大話掩飾真相，原來亦詭計多端。形象再變差，真係樂小姐都救佢唔到。
採訪手記 攝影哥哥失望了
洛杉磯時間本周二下午，記者在思琦家門外被警察查問。美國法例嚴厲，民居絕不能亂闖。記者只好把車駛到附近的快餐店暫避。在加州的高溫天氣下，記者在車廂內差點焗暈。 上周有消息指思琦將於本周五（23日）抵港，本刊為讓讀者先睹為快，再派記者遠赴美國洛杉磯進行採訪。 今次同行的攝影哥哥，當年睇住思琦當選港姐，二人一直保持友好關係，這次親身赴美，希望思琦念舊情，可以出門口影幾張相。點知攝影哥哥多次send短訊給思琦，卻只換來一句「多謝關心」。
記者為等好消息，飢寒交迫都唔敢離開崗位。晚上約11時，大嫂再次駕車外出，只為引開記者。原來，思琦已成功check in，坐凌晨一時的飛機返香港。那一刻記者知道受騙了，只好拚命往機場開車，不過到達機場已經是半夜一時，只有望住思琦乘坐的飛機起飛。 攝影哥哥話睇住思琦大，估唔到佢會一聲不響，提早一日走咗都唔通知聲。雖然好失望，但佢話唔嬲，只怪吳帥傷害思琦太深，令思琦唔再信男人！ ####
殘爆肥腫
仍未修身兼胸脹的思琦刻意以全黑打扮示人，企圖遮掩肥腫身形。雖然戴上黑超，但面容憔悴，記者多次在她身邊發問，她都充耳不聞。
本周四（22日）早上8時，抵達香港機場的楊思琦步出機艙，即與前來招呼她的機場人員密斟，商討如何從秘道運走B女。現場所見，B女全程由思琦媽抱住。
抱孫狂奔
她們發現記者後，楊思琦一心諗住引開記者，與此同時抱住B女的思琦媽突然在禁區內狂奔避記者，快到連女地勤都追唔上。
之後地勤帶思琦媽經職員秘道成功擺脫記者。
最後思琦媽被帶到另一禁區檢查站，同行的女友人尾隨負責推BB車。為了掩護BB，思琦媽用毛巾將B女包到冚，隱約見到腳仔。
為了掩護BB，思琦媽用毛巾將B女包到冚，隱約見到腳仔。
思琦產女至今已個多月，經手人吳帥（中）依然音訊全無，有傳他在國內有個未婚妻，難怪思琦唔俾阿女跟佢姓。《壹週刊》圖片
思琦愛女楊卓穎（譯名）剛滿月便坐飛機返港，連坐15個鐘頭長途機，真係辛苦了BB。
為了幫思琦返港造勢，樂易玲率領外事部總監曾醒明等人未夠7點就到機場。思琦一步出，兩高層即傍到實。
經過樂易玲悉心部署，思琦強裝笑容回應記者提問，不過只談B女與工作，有關吳帥的提問全部唔回應。
樂易玲幫思琦安排定保母車，訪問後即送她返回清水灣半島寓所。約十架採訪車尾隨其後，之後未見思琦外出。
大哥護送去機場 洛杉磯時間本周二，楊思琦在胞兄楊思豪護送下，秘密到機場提前返港。（資料圖片）
大嫂引開記者
對記者一直表現友善的大嫂，連日來負責把風，最後更駕車引開記者，讓思琦趁機離開大屋赴機場。
記者在早上吃過早餐便再冇嘢落肚。等了一晚，思琦調虎離山，記者撲去機場送機尾後，到凌晨2時才有飯盒充飢。
869期《忽然1周》
日前，記者再遠赴L.A.採訪，已坐完月的楊思琦一直足不出戶。本周三（21日）下午，其大嫂突然駕車外出帶記者遊花園；同一時間，思琦由大哥駕車送去機場，成功調虎離山擺脫記者，提早一日登機返港。
上機前思琦致電樂易玲，當晚無綫即發通告，通知各大傳媒思琦會於本周四（22日）早上抵港，結果過百傳媒蜂擁至機場接機。
本刊在機場禁區獨家影到思琦與抱住B女的思琦媽，一家三口在地勤職員協助下步出機艙，滿月B女更被包到冚。其後思琦媽與B女由職員秘道離開，思琦則在樂易玲陪同下接受訪問。不過有關吳帥的感情事，她一概不回答。
思 琦去年中狠撇拍拖九年的李泳豪，為吳帥未婚產女。點知男友靠唔住，思琦心死，決意與潛藏大陸的吳帥斬纜，就連女兒都跟母親姓，改名叫楊卓穎（譯音）。為了 獨力撫養女兒，思琦於坐月期間多番思索怎樣為日後復出鋪路，更多次深夜致電樂易玲，希望樂小姐能幫忙，讓她回港後接多些工作。思琦應承樂易玲會於四月復 工，並發放消息，聲稱將於3月23日（周五）回港。
無綫漏夜發通告
正當全世界都以為思琦會於本周五返港時，原來她已 計劃秘密提早返港。周三晚（21日），無綫突然廣發通告，聲稱思琦將於翌日（22日）早上7時許返抵香港。22日早上，過百傳媒天未光就蜂擁至機場，無綫 派出製作資源部總監樂易玲、思琦經理人Pansy及外事部總監曾醒明等共五人到場，相當大陣仗。
思琦是乘坐CX881班機由美國洛杉磯飛抵香港，抵達時間是早上7時08分，15分鐘後所有人已落機，惟未見思琦母女與B女出現。身在禁區內的本 刊記者，接近8時突然看見身穿黑衫黑帽，戴上黑超的思琦與抱住B女的思琦媽，以及一名女友人，在兩名國泰地勤空姐陪伴下，在一條掘頭通道上逗留，正在商量 怎樣運走B女。
滿月B女不宜坐長途機
楊思琦B女楊卓穎剛滿月便坐飛機返港，究竟有沒有問題？其實嬰孩出生首月，跟母 親的身體狀況都仍未穩定，是不宜坐長途飛機。BB出生4-6周，身體的免疫系統是最弱的時候，畢竟機內人多菌多，嬰兒較容易受到感染。但現時的航空公司， 一般都准許足七天大的初生嬰兒上機。至於氣壓問題，現代機艙設計完善，艙內的氣壓已調節得非常好，對嬰孩不會造成不適。升降期間或會引致嬰兒耳朵不適，可 給予奶嘴在航機升降時吮食。
8：30am高調現身
據知思琦今次回港是坐經濟艙客位，但落機後的待遇竟然勁過頭等。除了有地勤幫佢擋記者，仲有職員專門幫佢推行李。思琦步出接機大堂時，大堆行李不慎倒地，佢竟然掂行掂過（下圖），等職員幫佢收拾。
隻字不提吳帥
這時記者舉機拍照，抱B的思琦媽即時擰歪面，地勤亦驅趕記者離開。五分鐘後思琦獨自行出通道，記者上前提問，她戴住耳筒聽歌，當記者透明。思琦過關後從A閘出口步出，即被近百記者包圍。她在樂易玲等高層陪伴下，未等記者提問，她主動先開口。 楊：楊思琦 記：記者 楊：今日返咗嚟喇，好多謝咁多位傳媒朋友關心我，嚟緊嘅日子我會盡最大努力照顧我囡囡，令佢開心快樂、健康成長。呢段時間好多謝屋企人、朋友同公司，尤其係樂小姐同經理人嘅幫助。 記：咁BB呢？ 楊：BB已經走咗。（秘道走？）係呀，因為佢太細，費事閃光燈閃到。 記：BB之前返嚟先？ 楊：係呀。（擺到明講大話） 記：BB姓楊？ 楊：係呀，跟我姓。 記：吳帥係咪BB爸爸？你同佢正式分手？ 楊：呢啲我唔回應喇！ 記：嚟緊工作點安排呀？ 楊：希望盡快投入工作，養好身子同盡快減肥啦，瘦番啲效果好啲！ 記：以後BB邊個照顧？ 楊：我會俾心機照顧佢。 記：BB食人奶定奶粉？ 楊：人奶，其實兩樣都有。 記：同吳帥仲有無聯絡？ 楊：呢啲唔講喇！ 記：以後都唔提佢？ 楊：呢啲唔答喇！ 記：吳帥係咪你媽咪介紹？你哋搞成咁佢有無失望？ 楊：辛苦晒大家喇！要答嘅都差唔多喇！ 記：會唔會覺得自己遇人不淑？ 楊：我唔會再回應㗎喇！之前喺微博都交代過，唔想多講。 記：第時會唔會同BB講爸爸係邊個？ 楊：我會俾心機照顧BB…… 記：BB始終都會問。 楊：（笑）等佢大個先算啦。 記：以後識男仔會唔會小心啲？ 此時思琦低頭冇回應，樂易玲即搶住對她說：「以後聽話，唔好咁硬頸，要聽媽咪話。慢慢嚟，唔急。」 楊：係呀，聽公司話就算喇！ 記：以後係咪公司叫你做乜都做？ 楊：一直都係㗎。 之後思琦坐上公司安排的七人車返回清水灣半島寓所。
過期居留局住走
其實思琦坐完月未夠一星期便急於返港，除了想盡快 撲水供樓及養女外，原來亦因為她不能過期居留美國。「思琦去年9月23號起程去美國，到3月23號就夠半年。根據美國出入境法例，遊客唔可以逗留超過六個 月，佢逼住坐完月冇耐就走。咁都好，思琦可以早啲返香港搵錢， 佢孭住幾層樓，依家仲要養多個女，負擔好大。」知情者透露：「之前佢生完女冇第一時間話俾樂小姐知，樂小姐有啲嬲，不過思琦解釋因為要餵人奶好攰，叫樂小 姐原諒。樂小姐叫佢返港後一定要形象大洗底，之後再慢慢幫佢接job。」本周三晚，樂易玲姐回應思琦要洗底復出一事時說：「做咗媽咪梗係要改形象啦！依家 有好多活動傾緊，不過我未應承。想等佢返嚟唞唞，扮番靚先出嚟。」
掃大量奶粉
思琦去年9月到胞兄楊思豪的L.A.大屋安胎，雖然已坐完月，但思琦仍足不出戶，留家湊女。記者日前發現思琦買了大量補充裝初生嬰兒奶粉，相信是帶返香港供女兒食用。
調虎離山騙記者
本刊記者日前遠赴L.A.，希望可以採訪思琦的近況。仍住在胞兄楊思豪大屋的她連日足不出戶，直至本周三（21日）下午，思琦大嫂駕車外出，未幾便發現記者。當時大嫂非常友善地向記者查問，更表明若記者不拍照，她可以代記者入屋向思琦傳話。 一小時後大嫂駕車返家，記者提出請思琦步出大屋接受訪問的要求，大嫂表示會入屋傳話，同時記者亦send短訊游說思琦。直到晚上7時，大嫂送女親友離開大屋，仍非常熱心表示會幫口勸思琦出來見記者。 等到晚上11時許，思琦音訊全無。此時大嫂又駕車外出，記者緊隨其後，她在附近兜了一圈便折返大屋。記者發現原本泊在大屋內的另一部車不見了，原來就在大嫂帶記者遊花園的同時，思琦與母親已抱B離開大屋，由胞兄駕車護送往機場，登上當晚凌晨1時的班機飛返香港。 楊思琦唔只鍾意講大話掩飾真相，原來亦詭計多端。形象再變差，真係樂小姐都救佢唔到。
採訪手記 攝影哥哥失望了
洛杉磯時間本周二下午，記者在思琦家門外被警察查問。美國法例嚴厲，民居絕不能亂闖。記者只好把車駛到附近的快餐店暫避。在加州的高溫天氣下，記者在車廂內差點焗暈。 上周有消息指思琦將於本周五（23日）抵港，本刊為讓讀者先睹為快，再派記者遠赴美國洛杉磯進行採訪。 今次同行的攝影哥哥，當年睇住思琦當選港姐，二人一直保持友好關係，這次親身赴美，希望思琦念舊情，可以出門口影幾張相。點知攝影哥哥多次send短訊給思琦，卻只換來一句「多謝關心」。
記者為等好消息，飢寒交迫都唔敢離開崗位。晚上約11時，大嫂再次駕車外出，只為引開記者。原來，思琦已成功check in，坐凌晨一時的飛機返香港。那一刻記者知道受騙了，只好拚命往機場開車，不過到達機場已經是半夜一時，只有望住思琦乘坐的飛機起飛。 攝影哥哥話睇住思琦大，估唔到佢會一聲不響，提早一日走咗都唔通知聲。雖然好失望，但佢話唔嬲，只怪吳帥傷害思琦太深，令思琦唔再信男人！ ####
殘爆肥腫
仍未修身兼胸脹的思琦刻意以全黑打扮示人，企圖遮掩肥腫身形。雖然戴上黑超，但面容憔悴，記者多次在她身邊發問，她都充耳不聞。
本周四（22日）早上8時，抵達香港機場的楊思琦步出機艙，即與前來招呼她的機場人員密斟，商討如何從秘道運走B女。現場所見，B女全程由思琦媽抱住。
抱孫狂奔
她們發現記者後，楊思琦一心諗住引開記者，與此同時抱住B女的思琦媽突然在禁區內狂奔避記者，快到連女地勤都追唔上。
之後地勤帶思琦媽經職員秘道成功擺脫記者。
最後思琦媽被帶到另一禁區檢查站，同行的女友人尾隨負責推BB車。為了掩護BB，思琦媽用毛巾將B女包到冚，隱約見到腳仔。
為了掩護BB，思琦媽用毛巾將B女包到冚，隱約見到腳仔。
思琦產女至今已個多月，經手人吳帥（中）依然音訊全無，有傳他在國內有個未婚妻，難怪思琦唔俾阿女跟佢姓。《壹週刊》圖片
思琦愛女楊卓穎（譯名）剛滿月便坐飛機返港，連坐15個鐘頭長途機，真係辛苦了BB。
為了幫思琦返港造勢，樂易玲率領外事部總監曾醒明等人未夠7點就到機場。思琦一步出，兩高層即傍到實。
經過樂易玲悉心部署，思琦強裝笑容回應記者提問，不過只談B女與工作，有關吳帥的提問全部唔回應。
樂易玲幫思琦安排定保母車，訪問後即送她返回清水灣半島寓所。約十架採訪車尾隨其後，之後未見思琦外出。
大哥護送去機場 洛杉磯時間本周二，楊思琦在胞兄楊思豪護送下，秘密到機場提前返港。（資料圖片）
大嫂引開記者
對記者一直表現友善的大嫂，連日來負責把風，最後更駕車引開記者，讓思琦趁機離開大屋赴機場。
記者在早上吃過早餐便再冇嘢落肚。等了一晚，思琦調虎離山，記者撲去機場送機尾後，到凌晨2時才有飯盒充飢。
869期《忽然1周》
沒有留言:
張貼留言