百萬 全身 大修 《撳錢》剩女主持 陳莉敏 Queenie：我整容 30次

Scroll Page | Stop Scrolling

Tweet

Pin it

Widgets

-->

Keyword:美容,生活,购物

’10年靚晒
選港姐至今已 16年， Quennie依然以「靚」字行先，整容當食生菜。《 Face》圖片

now《撳錢》節目 hit爆，連帶有份做主持的黃婉曼、 C君和陸永人氣持續高企。不過，長期成為高登仔夢中女神的黃婉曼，近日正受到威脅，皆因不少宅男開始轉移目標，瞄準節目中另一女主持 Queenie（陳莉敏）。
曾為 TVB藝員的 Queenie，已屆 38歲中女之列，不過滑溜皮膚再加標致索樣，依然呃得吓人。其實大眼、高鼻和瓜子面全屬後天加工。做得出唔怕講的她，直認前後整容 30次：「我係美容白老鼠，到現時為止，全身上下整咗超過 30次，咁多年加埋起碼用咗過百萬。」

自稱恨拍拖的 Queenie，曾做過空姐。 95年參選港姐，同屆冠軍為楊婉儀。一直是無綫藝員的她，曾在 TVB8擔任主持，直至早前才有機會客串處境劇《同事三分親》。幕前行行企企，不過 Queenie在 OL界卻無人不識。近年她專注在網上寫 blog分享扮靚心得，一直高企 yahoo blog熱門搜尋頭三甲。其中名為「老娘的內衣」文章，由 06年開 blog至今，已有過 500萬人瀏覽。
now睇中 Queenie能吸納龐大的網絡讀者，因此高薪挖她主持《撳錢》節目。大情大性的她，在節目中經常 fing手 fing腳，更多次口快快噏中正確答案，亦是令她迅速被網友追捧的原因之一。

放大圖片

 

’00年豬扒
昔日 Queenie擁有脹爆 pizza面，化妝技巧亦甚不濟。《蘋果日報》圖片

放大圖片

 

95年那屆港姐冠軍為楊婉儀，而編號 14的 Queenie則帶點娘味，在眾女之中未見突出。

放大圖片

 

’95年港姐
Queenie選港姐時仍有 baby fat，五官輪廓與現時相距頗大。

放大圖片

 

最近 Queenie以嘉賓主持身份亮相《撳錢》，每次俾貼士都動作多多，甚為搶鏡。

噏細幾歲扮 young

網上熱爆燈，早前無綫便請她上《星期二檔案》做訪問。其間更大談她的中女危機和整容心得：「我曾經靚過，皮膚好有彈性，但係有一日突然之間覺得好墮，所以我唔可以 let it go……啲男人係咁 o架，鍾意幼嫩嘅女仔，肉體青春啲又真係好味啲嘅！當女人衰老嘅時候，老就好似等於接近死亡，愈嚟愈接近俾人離棄。以前我會同朋友講細幾歲，依家覺得好幼稚……要 keep住 young嘅，其實仲有好多方法。好似打 botox、打 Hyaluronic Acid(透明質酸)，一樣做得到。」

放大圖片

 

Queenie曾為無綫藝員，可惜一直淪為四、五線藝員仔，曾與區錦棠等人拍攝《同事三分親》。

放大圖片

 

蘋果肌整形
08年 5月， Queenie公開接受蘋果肌（指眼下方的倒三角位）整形，注射 Restylane，增加彈性和減少黑眼圈。

放大圖片

 

有網友指 Queenie和單立文是表兄妹關係，為此單解釋：「我哋只係哎吔表兄妹， Queenie只係同我老婆（胡蓓蔚）熟。」在 Queenie上載的扮靚片段中，亦不時有胡蓓蔚客串。

放大圖片

 

雷射瘦腿
Queenie接受「 85℃雷射瘦腿」手術，她在手術前還有心情擺甫士娛人娛己。《 Face》圖片

放大圖片

 

打 Botox
甚為貪靚的 Queenie，打透明質酸已是慣常事，藉此消除自己的魚尾紋和法令紋。《蘋果日報》圖片

放大圖片

 

豐唇
年前 Queenie嫌自己雙唇唔夠豐滿，遂在唇邊多處落針「加建」，令唇形更明顯。

放大圖片

 

打麻醉針時， Queenie主動拿着鏡子觀看過程，有網友就直言佩服其勇氣。

網友睇法極端

網友對 Queenie的瘋狂整容行徑，睇法可謂兩極化：有人直指她整容已經走火入魔，個樣似蠟像、巫婆；亦有人覺得她睇落似 25歲，後生過天氣女郎黃婉曼。究竟整容是好是壞，依然冇個肯定嘅答案！

放大圖片

 

放大圖片

 

放大圖片

 

激彈

放大圖片

 

放大圖片

 

放大圖片

 

大讚

最 hurt被指整容怪

對於整容， Queenie幾乎乜方法都試過，她認為整完唔認才最核突，「計計埋埋平均一年我都會整三、四次，加埋都有一百萬，當然有啲係有贊助啦。我整得容就唔怕講，塊面都唔知拮過幾多針。我最唔鍾意自己嘴邊肉、法令紋、夫妻宮同塊面太凹。而豐面、瘦臉呢啲屬小兒科，其他好似試過喺大髀抽脂補面，打美白針、豐唇、拉皮，用激光消減啲青筋血管。總之有新嘢我就會試，台灣嘅美容店都已經熟晒路。講真，唔試過又點介紹俾讀者啫！其實我知有好多人都有整容，但係就唔敢認，我認我貪靚所以整容，我最難受試過俾人話我係整容怪。不過冇所謂，出嚟靚自己開心就得啦！」

放大圖片

 

一直在無綫做 TVB8主持的 Queenie（右），毫不起眼，直至成為網絡達人才極速竄紅。

放大圖片

 

Queenie在網上亦有教人煮嘢食心得，更推出飲食書和食譜。《蘋果日報》圖片

住二千萬獨立屋

已屆中女之列， Queenie坦言自己仍單身，現時住在市值二千萬清水灣獨立屋。單身貴族狂扮靚弊在冇人吼，加上單靠寫專欄收入，難以維持奢華生活，難怪有人懷疑 Queenie收入與開支唔相稱。「好多人以為我俾人包，我都想有呀，係人都想有依靠，我唔想強求，我又唔擔心，反正我有能力照顧自己，主要收入都係投資股票。」咦！呢番說話，乜咁似「女股神」葉翠翠嘅！

放大圖片

 

七萬租住獨立屋
Queenie自稱現時以七萬蚊租住清水灣一個面積有 2,500呎的獨立屋。不過唔少網友就質疑她單靠寫專欄收入，難以負擔如此豪華生活。《壹週刊》圖片

放大圖片

 

Queenie除了扮靚美容外，對畫畫和音樂同樣有興趣，在家中偏廳更擺設全套鼓。《壹週刊》圖片

放大圖片

 

Queenie將打完透明質酸的空針筒做擺設，閒閒哋都有過百枝。她說：「美容行業太唔環保，我咪廢物利用囉！」

盧覓雪轟無綫冇誠意

放大圖片

 

阮兆祥明撐好妹妹盧覓雪，坦言有玩《撳錢》。

《撳錢》撳出話題，自然推高各主持人氣，除了 Queenie惹來網友激烈討論外，另一位嘉賓主持盧覓雪原來最近與無綫擘面。據知原本一直為無綫收費台主持了兩年飲食節目的盧覓雪，合約已於去年 12月正式完結，但無綫遲遲唔傾續約，搞到盧意興闌珊，與 now簽了三個月合約。
近日盧更向外炮轟無綫冇誠意，「無綫冇人搵我呀！坦白講，無綫從未考慮將我嘅節目搬去翡翠台，即係認為我唔夠好，咁不如自己走啦！無謂磨爛蓆！」
《撳錢》效應下，有指無綫製作資源部總監樂易玲希望撬番盧覓雪返無綫，而流住無綫血多年的阮兆祥亦自爆有玩《撳錢》，明撐盧覓雪。

獎金隨時加碼

放大圖片

 

為了增加話題，節目獎金將會不定期加碼。

金錢並非萬能，不過就推到《撳錢》成為全城熱話，有慣性收視的 TVB亦立即搵草蜢主持遊戲節目《華麗明星賽》救亡。日前 now乘勢宣布周日（ 27日）的獎金，將會加碼至 20萬，又爆響口話年底再送出額外 100萬獎金。
據知不少廣告商已主動聯絡 now提議放水贊助獎金，而 now初步亦希望每星期至少有一集有額外獎金益觀眾。
獎金日日清，加上試過 79蚊新低位獎金， now於短期內會將問題難度升級，希望獎金能累積至驚人數字，增加話題性。另外亦積極搵新一批嘉賓加強主持陣容，據知人物會涉獵玄學界和時裝界。
不過節目於周二（ 22日）開始，要俾錢先有得睇，當晚參加遊戲只有約 11,700人，比免費試玩高峯期近 7萬人，已回落近八成。據 now公關透露：「我哋依家暫時仲未知上台嘅客戶有冇增加，要遲啲等市場部收集晒數據先知。」

Scroll Page | Stop Scrolling

Tweet

Pin it

Widgets

-->

Keyword:美容,生活,购物

恩愛切餅完成行禮儀式後，陳豪和陳茵媺到餐廳切結婚蛋糕。刻意穿上鬆身黑色晚裝的陳茵媺，腹部微隆。 

大封面

大住肚巴黎嫁陳豪　陳茵媺獲贈半間咖啡店

有指未婚懷有豪種的陳茵媺，已秘密返多倫多老家安胎等生。周三（ 12日），陳茵媺終在微博報喜，公告天下正式成為陳太，更豪晒價值約二百萬的三卡閃鑽婚戒，幸福到漏。
周日（ 9日）陳豪和陳茵媺已雙雙飛抵巴黎，為婚事做足準備，二人更於周二（ 11日）在有八百年歷史的文森古堡行禮。新郎哥陳豪為了今次五日四夜巴黎夢幻婚禮之旅，足足花掉三百萬，認真豪氣。
為獎勵陳茵媺生仔，據知陳豪已決定將明年開業的咖啡店一半股份，送俾老婆做禮物。得如此筍盤，陳茵媺今鋪可謂財色兼收。

結婚生仔實屬喜事，但作風低調的陳豪一直三緘其口，只說：「有好消息會公布！」但原來他與陳茵媺上月已秘密在外地完成註冊手續，名義上正式成為陳生陳太。

 

 

二百萬閃鑽婚戒陳豪和陳茵媺宣布成為夫妻後，向傳媒發相，其中一張「雙陳」拖手的相片，無名指上的二百萬鑽戒相當搶眼。 

開心錫手陳豪和陳茵媺周二（ 11日）於巴黎文森古堡行禮，古堡外巴黎景色一覽無遺。二人交換婚戒後，陳豪不禁錫老婆手。 

草地步入教堂手執鮮花的陳茵媺，由草地一步步行入教堂。

微博爆婚訊周三（ 12日），早上九時多陳茵媺於微博宣布和陳豪結婚，並以法文寫「多謝大家」。 


嘆咖啡嘆到成為專家的陳豪，去年拍攝《品味咖啡》時，已決定將巴黎咖啡文化帶到香港，他初步擬定於中環擺花街開舖（右圖）。

去年底探路

辦妥一紙婚書，但擁有夢幻婚禮才是女人最大心願，鬼妹仔性格的陳茵媺亦不例外。去年 11月，陳豪和陳茵媺飛到巴黎旅行，二人遊覽名勝古蹟外，更順便睇定結婚場地。「 Aimee（陳茵媺洋名）好鍾意巴黎，覺得嗰度生活節奏慢之餘，成個城市就好似一個流動嘅藝術館咁，每個細節都有歷史。其實佢哋一早共識咗今年結婚，所以佢哋當時都參觀咗好多古堡同餐廳，作為行禮同婚宴嘅場地。」
周日（ 9日），陳豪和陳茵媺兩人先抵達巴黎，入住位於市中心的 La Reserve Hotel內的蜜月套房，價錢約港幣四千蚊一晚。陳豪和陳茵媺的家人及一眾親友陸續抵達。周二（ 11日），一行廿多人出發到距離市中心大約 40分鐘車程，位於巴黎東部的文森古堡，進行簡單行禮儀式。穿上價值 6萬 8千元 Lanvin婚紗的陳茵媺，腹部微隆，但一臉幸福，與陳豪互相宣讀誓辭，並交換婚戒。陳豪為陳茵媺戴上的鑽戒至少有三卡，估計約二百萬。之後新郎與新娘帶住家人，返到市中心一間高級餐廳切蛋糕兼為一眾親友準備西式晚宴，慶祝完婚。知情人士說：「新娘當然開心，有一個咁夢幻嘅婚禮。 Aimee嘅媽咪全程眼濕濕，佢見到 Moses（陳豪洋名）可以俾到個女真正幸福，話真係好感動。」

八百年文森古堡文森古堡座落於巴黎東部，古堡建於約 1303年至 1337年間，約八百年歷史。古堡內面積龐大，並設有教堂。 

鐵塔景蜜月套房陳豪和陳茵媺下榻的酒店位於香榭麗舍大道附近的 La Reserve Hotel，部分房間對正巴黎鐵塔。一對新人揀選的套房約四千蚊一晚，附設客飯廳。 

雖然酒店房間設計現代化，但酒店外牆仍然保留古舊的法式情懷。

 

 

咖啡店豪嫂揸弗

整個五日四夜的巴黎之旅，開支當然全數由男家負責。其實今年 42歲的陳豪，一直希望成家立室，為向陳茵媺及其父母顯示誠意，除大方以二百萬禮金向陳茵媺父母提親外，近日亦承諾將明年中開設的咖啡店的一半股份，轉贈俾陳茵媺。知情人士說：「開咖啡店係 Moses一直以來嘅心願，早幾年喺馬來西亞開嗰間因管理不善而執笠，搞到 Moses對呢門生意更加謹慎，所以新店一拖再拖到依家都未有聲氣。其實 Moses一早選定咗喺中環擺花街或銅鑼灣區開舖，都有心水舖位置，貪呢兩個地方啲客捨得使錢。不過依家 Aimee個肚最重要，所以萬大事都要等 Aimee生咗之後先扑槌。」據知陳豪預計打本三百萬，於明年中開咖啡店，裝修以至定價都由老婆陳茵媺話事，陳豪一方面會以顧問身份，嚴選咖啡豆品種；一方面就主力搵奶粉錢。即將約滿無綫的他，有指已準備動筆續約，但就會向無綫爭取多點時間北上揾人仔。

大馬咖啡店

婚前預演陳豪和陳茵媺婚前經常情侶檔出騷吸金，有指二人為某商場穿上禮服婚紗預演婚禮的活動，酬勞高達百萬。《蘋果日報》圖片 

《蘋果日報》圖片 

04年港姐戚黛黛和 06年港姐冠軍陳茵媺，於慧妍雅集活動認識，今次戚亦為姊妹團之一。不過記者 WhatsApp問戚時，她則封嘴避談，話要俾私隱一對新人。至於另一姊妹朱凱婷則說：「婚禮好浪漫。」 

法國出世的黃長興去年亦與圈外女友 Peggy到巴黎教堂行禮，現場亦有神父見證，他說：「如果識人的話，搵教堂其實好易！」 

返港補擺喜酒

正式榮升陳太的陳茵媺，據知日內會由巴黎飛返多倫多休養，而陳豪就先返港完成手頭上工作。對於返港補擺喜酒的安排，陳豪和無綫都有意見上的分歧。知情人士說：「話晒 Moses同 Aimee都係一線，公司梗係想佢哋返嚟香港大搞，同啲廣告客戶交代。不過 Moses就想老婆可以專心安胎，所以遲遲唔俾期公司。」據知只要陳豪點頭，無綫就立即安排 8月底為二人於五星級酒店補擺喜酒。終於成為新郎哥，陳豪亦越洋對記者說：「好開心，返港後再同大家講，多謝大家祝福。」
前度愛人修成正果，當年被指一腳踏兩船的廖碧兒，早前出席活動，就有關陳豪和陳茵媺婚事，掩不住酸溜溜之情，她說：「佢哋冇正式回應過喎！」周三（ 12日），記者聯絡到正身處橫店拍劇的廖碧兒，對於舊愛今鋪真的結婚，她語帶輕鬆說：「我喺微博已經恭喜咗佢㗎喇！（你哋仲係朋友？）點解你哋成日問呢個問題……我 OK嘅。」早知有今日，何必當初，廖碧兒唔放低都唔得。

前度廖碧兒：我 OK嘅！對於陳豪的結婚傳聞，舊愛廖碧兒一直表現冷淡，出席活動時都避談。周三（ 12日），記者就此事再致電她，她死撐說：「我 OK嘅！」 

橫店捱通宵還是單身的廖碧兒近日正在橫店趕拍劇，晚晚拍通宵，她一有時間就搵同在當地的港星如鄭則仕飯敍，認真齋爆。

微博祝福陳茵媺宣布婚訊五小時後，廖碧兒終於在微博向一對新人送上祝福。

巴黎結婚港法約束

陳豪陳茵媺在法國古堡行禮，不過黃國桐律師表示一對夫妻在外地即使舉行了具有效法律約束的婚禮，成為合法夫妻，若日後出現問題，如夫妻離婚，所有有關贍養費、子女分配甚至遺產分配等等，都會根據夫妻當時的居留地而受不同的法律影響。
黃律師說：「以陳豪同陳茵媺為例，佢哋喺法國行禮，但佢哋嘅居留地係香港，即是說佢哋搵食同生活嘅地方喺香港，將來有乜事需要解決，都根據香港法例判決。
「好似好多香港藝人，佢哋係香港人，但如果連根拔咁返中國生活，將來有乜事，好可能要根據大陸法例嚟判決，而並非根據香港法例。例如藝人已經賣晒香港嘅物業，返中國內地買屋、生活及工作，咁佢哋居留地就係佢當時生活嘅城市。」

情侶檔賺千萬

一向有觀眾緣的陳豪，次次同女星拍拖都帶挈雙方豬籠入水，當年他與廖碧兒拍拖，乃圈中公開秘密，無綫亦食住個勢讓兩人情侶檔搵錢，首創最高情侶價 25萬。後來無綫見呢條水好賺，亦 sell胡杏兒及黃宗澤情侶檔表演，騷價升至 30萬。
10年，陳豪與廖碧兒分手，半年後戀上陳茵媺，兩人再拍住搵食。陳茵媺與陳豪拍拖後，個人騷價不但由萬五跳升至 5萬，兩人騷價更逐年飆升，今年兩人出騷價，更升到 100萬，冠絕五台山，保守估計兩人情侶檔搵過千萬。

百萬出騷

寶馬 

近年頻傳婚訊的陳豪及陳茵媺，拍拖兩年來不斷情侶檔出騷，由最初的 20萬升到今年 100萬，客戶全部更是大品牌，包括莎莎、寶馬等十多個。

收視保證

《天梯》《蘋果日報》圖片 

陳豪與陳茵媺有份主演的電視劇《心戰》及《天梯》，收視高企，分別為 32點及 39點，而《天梯》一劇，由於女主角張可頤已過檔王維基敵台，宣傳焦點更落在男主角陳豪與女二陳茵媺身上。

未婚先大肚

娛圈有不少奉子成婚的例子，謝安琪、湯盈盈及陳自瑤更是見肚至擺酒，實行做新一代潮媽。

謝安琪06年，開始走紅的謝安琪，突然宣布懷孕，並在 07年 1月下嫁張繼聰。同年 6月，謝安琪誕下重 8磅 8安士的兒子張瞻。

湯盈盈去年 11月，懷孕六個月的湯盈盈，與拍拖五年的錢嘉樂在海洋公園結婚，更成為首對在熊貓館舉行婚禮的新人。今年 3月，湯盈盈誕下女兒錢凱晴。 

陳自瑤11年 11月，王浩信婚前被爆出瞞着陳自瑤與 Cammi在家中密會 5小時。當時懷孕四個月的陳自瑤原諒了王浩信，並在翌年 4月誕下女兒王靖喬。

群星唱好

雙陳在巴黎結婚，兩人在圈中人緣甚佳，各藝人紛紛在微博送上祝福。至於曾力追陳茵媺的蕭正楠，亦大方祝福雙陳，不過他自爆自己「娶」陳茵媺在先，祝福中帶醋意。

採訪、撰文：娛樂組
攝影：攝影組