Search
日本中線行程指南
引言
2013年02月28日 ~~ 第1199期 香港《壹周刊》日圓不斷跌，令人有回到初戀的溫馨。
因為，好像只有在初戀的時代，兌換日圓去日本旅行才不會太肉赤。
怎估計得到時光倒流？
終於可以再度不留情地購物，終於可以瘋狂地吃個不停，像 N年前第一次去日本旅遊的滋味，不用顧慮什麼九算十算。
日本，去幾多次也嫌不夠，即使只去一個城市也大把吃喝玩樂讓你享受，如此難得的光景，當然要留多幾日玩個痛快。整理︰許宇靖 資料︰壹週刊生活組日本中線行程指南
東京
2013年02月28日 ~~ 第1199期 香港《壹周刊》六日五夜推介行程
Day 1
Gundam Front Tokyo
Kate Rose Café
Legoland Discovery Center
Zakuro銀座店
Day 2
麵屋吉左右
Ekimise
東京晴空塔
Day 3
Toyku Plaza
Hikarie
秋元屋
Day 4
藤子． F．不二雄博物館
東京車站
a tes souhaits甜品店
Day 5
兒童動物自然公園
Johnson Town
鐵道博物館
Day 6
南之丘牧場
Nasutoran食堂
那須泰迪熊博物館
那須彩繪玻璃美術館Day 1 Gundam Front Tokyo
十八米高高達早年拆完又拆，終於回歸台場永久居留，成為新商場 Diver City Tokyo Plaza的地標。全球第一間高達主題展館 Gundam Front Tokyo，設免費區及收費區，免費區有過千件高達模型展品，一次過睇晒高達三十年來的變化；收費區有天幕影院 DOME-G，播放重新製作長十分鐘的電腦動畫，重現阿寶與馬沙終極一戰，仲搵埋小室哲哉配樂，誠意十足。
巨型高達座落商場前端，參觀展館外，可順道行街。
由免費區步入收費區的走廊，恍如置身漫畫世界。
1:1高達半身像，第一時間衝埋去影合照啦。
在輕觸屏幕挑選角色後，畫面會換上你的選擇，有三十秒時間同佢合照。
地址：東京都江東區青海 1-1-10 Diver City Tokyo Plaza 7/F
營業時間： 10am-10pm（週一至週五）， 9am-10pm（週六、日及公眾假期）
網址： http://gundamfront-tokyo.com
網上購票：每個月 1日至 5日，透過網站 t.pia.jp預訂兩個月後門票，但須提供日本住址及電話。
公開購票：每個月 15日，可在日本 7-Eleven便利店直接購買。
即日購票：可在售票處購買，額滿即止。
票價：預約門票：$84（成人）、$67（小童）
即日門票：$100（成人）、$84（小童）
前往方法：台場站步行 5分鐘Kate Rose Café
商場有高達展館，食住呢股動漫熱， café自然大行其道。女僕 café睇厭咗？ Kate Rose Café前身係一間類似人生教練嘅學術機構，吸納咗大批發明星夢少女，一路上堂一路兼職做吓模特兒。老闆娘覺得唔好嘥，不如叫晒佢哋做侍應，開咗 Kate Rose Café，得閒就同雜誌如 an.an搞吓 crossover event。唔止男士開心，女仔嚟到，見到一個個模特兒，就好似睇緊雜誌，更開心。
個個店員有名有姓有 profile，拍過 Zipper、 JJ、 Vivi，仲有埋 twitter、 facebook，極方便。
蛋糕小食唔算特別，不過 café擺明唔係 sell食物。
睇裝修就知同一般女僕咖啡店唔同，以白色為主調，簡約浪漫。
門口餐牌唔講有咩食，只係話 café入面有好多可愛女仔。
地址： Diver City Tokyo Plaza 2010鋪
電話：+81-3-5530-1880
營業時間： 10am-9pm
網址： http://www.katerosecafe.jpLegoland Discovery Center
馬來西亞有亞洲首個 Lego主題樂園，東京上年都開咗個 Legoland Discovery Center，位於台場 Decks Beach內，面積同 Legoland Park無得比，只可以講係迷你版。夠啦！場內設施好啱小朋友，三百萬粒 Lego膠粒，砌成唔同造型公仔及建築，包括彩虹橋、淺草寺同涉谷區等等，連最新的地標 Skytree晴空塔都有份，齋影相都有排行。可惜冇乜獨家精品， Lego迷可能會失望。
Miniland有東京著名景點模型，仲會有日夜景兩種唔同氣氛。
公仔造型極之細緻。
有主題 café，都係嗰句，重點不在食物，而係食環境氣氛。
地址：東京台場 Decks Tokyo六樓及七樓
電話：+81-3-3599-5168
網頁： http://www.legolanddiscoverycenter.jp/tokyo
門票：$168；網上預訂$126
前往方法：台場站下車步行 5分鐘Zakuro銀座店
位於銀座的 Zakuro，正宗日式涮涮鍋，有鎮店之寶仙台牛，和服打扮的侍應幫你煮埋分埋，全程郁都唔使郁。牛肉富油脂香，點啲特製麻醬，似腐乳，但味道一流。建議 order一碟烏冬，用 Sukiyaki嘅醬汁炒一炒，好吃得不得了。
女侍應全程跟足次序煮俾你食，先食清口味嘅 Shabu Shabu，再嚟重口味嘅 Sukiyaki。
A5級仙台牛，屬和牛中最高級數，甚少餐廳有得食。
食完牛肉蔬菜，啲汁唔好嘥，可以 order烏冬或拉麵，撈汁食。
地址：東京都中央區銀座 4-6-1銀座三和大廈地庫
電話：+81-3-3535-4421
營業時間： 11:15am-10pm
前往方法：銀座駅 A8出口，往三越與松屋之間的 UFJ銀行地庫一樓Day 2 麵屋吉左右
好拉麵難求，你睇中環的豚王晚晚排長龍就知。日本都有長龍拉麵店，位於木場站的麵屋吉左右不在旺區，但朝朝十點幾就有人排隊，門口放咗十張櫈仔，每次放十個人入店，無得插隊無得留位，話就話收三點，實際上一賣晒啲麵就收檔，而且不可帶小孩進店、嚴禁攝影，限制多多。自家製麵彈牙到暈，叉燒肉質柔軟，湯底亦濃郁到極，難怪生意長做長有。
叉燒沾麵，湯底更加濃郁，夾一大箸麵點一點湯，屬日本人最愛口味。細碗$70，大碗$82。
店鋪由兩夫婦低調經營，麵由老闆親自手打，特別彈牙。
朝早十一點開鋪，十點已經有人排隊，霸佔拉麵界評分榜一年，就係咁勁。
地址：東京都江東區東陽 1-11-3
電話：+81-3-3699-5929
營業時間：（星期一、二、四、五、六） 11:30am-3pm（湯底賣完即休市）
前往方法：地鐵東西線木場站 2號出口步行 5分鐘Ekimise
淺草因為晴空塔落成而熱鬧起來，新商場 Ekimise亦落戶淺草。位於東武地下鐵淺草站上蓋，由創立於 1931年的松屋百貨，將樓上三層打造成針對年輕人消費的商場。三層共 52間店鋪，有服飾及生活雜貨店、家電專門店、賣和風傳統精品的 market及 food court，頂層設觀景台，可遠眺晴空塔。
商場名為「駅見世」，呼應淺草寺內的仲見世通，外形很有懷舊味。
食肆、百貨公司齊備，商場的 7樓則全層賣日本工藝品及精品。
地址：東京都台東區花川戶 1-4-1
電話：+81-3-6802-8633
營業時間： 10am-8pm
前往方法：東武地下鐵 Skytree Line淺草站直達東京晴空塔
去年落成的東京晴空塔（ Tokyo Skytree），塔高 634米，是全球十大最高建築物之一，塔內設有兩個展望台，可盡覽東京、富士山的景色。開業唔夠一年，遊客人數高達二千多萬，可惜人頭多過景，趁個勢開始減弱，立即前來參觀一下。搭升降機上去， 50秒即達 350米展望台，眼前景色一望無際，再上 455米的天空迴廊，沿塔身走一圈，好似在空中散步，非常壯觀。
晚上六時晴空塔會亮燈，一時是藍一時是紫，每晚不同。
The Skytree Shop賣嘅都係晴空塔精品，有擺設、文具、零食等。
商場有不少獨家精品，這一系列 Bearbrick只於 Solamachi店有售， 400%大的售$420/隻。
商場內餐廳設露天位，行到攰就去醫肚，食飽又繼續行過。
晴空塔下的 Tokyo Solamachi購物商場，門口有個噴水池，小朋友玩到除晒衫都無人理，唔似香港啲商場，坐一坐都俾人趕。
地址：東京都墨田區向島 1-33-12
營業時間： 8am-10pm（最後入館時間為 9pm）
網址： http://www.tokyo-skytree.jp
展望台票價：$168（成人）$126（ 12-17歲）$76（ 6-11歲）$50（ 4-5歲）
天空迴廊票價：$84（成人）$67（ 12-17歲）$42（ 6-11歲）$25（ 4-5歲）
前往方法：東武伊勢崎線崇平橋站步行 1分鐘Day 3 Tokyu Plaza Omotesando Harajuku
原宿表參道變化神速，上年又有新商場。原宿 Gap，你應該仲記得，拆卸後原址現在變成 Tokyu Plaza Omotesando Harajuku。外形固然震撼，入面嘅商鋪都夠特色，以賣潮服及精品為主，例如 BEAMS新 line choosy chu， The Shel'tter Tokyo旗艦店。連地庫共八層，最令人驚訝係商場內居然有一個空中花園，竟然係俾公眾人士休憩。
Tokyo’s Tokyo以賣漫畫為主，亦有好多獨家精品。
空中花園擺滿不同設計的櫈椅，旁邊是 Starbucks。
由日本建築師中村哉志設計，耗資六百億日圓興建。
地址：東京都涉谷區新宿前 4.30.3
營業時間： 11am-9pm
網址： http://www.omohara.tokyu-plaza.com
前往方法： JR山手線原宿站步行 4分鐘Hikarie
涉谷新商場 Hikarie一開幕立即成為地標，樓高 16層，建築造型獨特，以玻璃纖維強化水泥代替傳統水泥，又採用 LED同步行震動發電地板， sell環保節能。最矚目商店係著名設計師長岡賢明，「 D47」團隊進駐既八樓，展覽一系列本土設計。 Hikarie主攻女性市場，大部分商店賣女裝、化妝品及精品等。
商場內有多間餐廳，中日西式菜都有。
幾乎成個商場都係賣女裝，日牌全部齊晒。
地址：東京都涉谷區涉谷 2-21-1
電話：+81-3-6427-2301
營業時間： 11am-11pm
網址： http://www.hikarie8.com
前往方法： JR涉谷站步行約 2分鐘秋元屋
位於民居地鋪的秋元屋，不在商業中心旅遊熱點或食廈，大部分本地人幫襯，而且夠嘈，人人拎住杯冰凍啤酒，高談闊論，跟你平日見到的日本人完全兩個樣，勝在夠 relax，氣氛贏晒。九蚊一串串燒，味道一流選擇夠多，食完再嗌，嗌完又食，好味到完全停唔到口。
番茄煙肉串燒$13/串
雞腎串燒$8/串
地址：東京都中野區野方 5-28-3
電話：+81-3-3338-6236
營業時間：（星期一至五） 5pm-12nn、（六、日、假期） 4pm-12nn
前往方法：西武新宿線野方站出閘轉左，轉入東京三菱銀行之小路Day 4 藤子． F．不二雄博物館
叮噹是不少人的集體回憶，上年在海港城的展覽人頭湧湧，就知人氣不減。 2011年開業的藤子． F．不二雄博物館，位於神奈川縣川崎市，距離東京站約 40分鐘車程，唔算太遠。館內有不少珍藏品，如作者手稿、模型，又可重溫漫畫的經典場面，影相位夠多。除了叮噹，亦有作者其他作品，包括奇天烈百科全書、 Q太郎等人物。門票須於網上預訂，入場分四個時段，不太方便。
大雄及朋友們經常流連的空地，以一比一姿態重現眼前。
閱讀區有漫畫借閱，可以坐低慢慢回味。
技安吉列豬扒飯$84。在主題 cafe有不少造型精緻的菜式，選用作者故鄉富山縣的越光米製作。
精品店有大量獨家貨品出售。
地址：神奈川縣川崎市多摩區長尾 2-8-1
電話：+81-570-055-245
網址： http://fujiko-museum.com/pc.php
訂票網址： http://l-tike.com/fujiko-m
票價：成人$84、小童$42
前往方法：於東京站乘 JR前往登戶站，轉乘穿梭巴士直達東京車站
繼各大新商場及晴空塔外，重修完畢的東京車站成為當地最新話題景點，車站有近百年歷史，見證着日本起落興衰，更被列入國家歷史文物。早年飽受戰亂及天災而嚴重毀壞，經過五年復修工程後，終於回復百年前的原貌，大片紅磚外牆，配襯古希臘的細緻拱柱，優雅華麗，內有酒店、多間售賣甜點及手信的商店，有不少限定精品，睇完建築順道購物。
去年十月重開嘅東京車站，外形係古英式建築，入面開滿一間間潮店，影完相入去就可以 shopping。
圓形拱頂在二次大戰後已經被摧毀， 50年後，終於回復當日華麗。
地址：東京都千代田區 JR東京站
網址： http://www.tokyostationcity.coma tes souhaits
a tes souhaits法式甜品店，是日本飲食網的甜品店之冠，由曾獲 Coup du Monde法國大賽冠軍的川村英樹主理。口感同食開的甜品有好大分別，比一般出品滑得多，凡大時大節推出的特別版蛋糕，必在一朝內被一掃而空，味道較清淡，但清甜，不似人工化的千篇一律。
啤梨蛋糕 Gateau paire$35，嗰種鮮味同香味，直程係將法國市場拎出嚟嘅啤梨擺入口一樣。
露天枱得一兩張，對面就係東京女子大學，可惜唔見新垣結衣、蒼井優之類嘅質素。
地址：東京都武藏野市吉祥寺東町 3-8-8 Kasa吉祥寺 2
電話：+81-422-29-0888
營業時間： 11am-7pm（星期一休息）
前往方法：吉祥寺站北口往關東巴士 3號站，乘「西 10號西荻窪站方向」巴士於「女子大前」站下車，再步行 1分鐘Day 5 兒童動物自然公園
去東京買買買，不妨去埋東京近郊，感受一下不一樣的滋味。尤其當香港已發展到接近沒有郊區概念之際，例如去距離池袋 50分鐘車程的埼玉縣兒童動物自然公園，足有廿六公頃大，展區達廿多個，共有二百三十種動物棲息，對香港人來說，好多都係人生第一次見到。唔似一般動物園，只可以在圍欄外睇動物，這裡大部分展區都不設防，可以近距離親近動物，甚至伸手觸摸，而且展區盡量模擬適合動物生活的生態，感覺似去咗同動物一齊生活。
每日早上有餵飼時間，企鵝企定定搶食，非常可愛。
環尾狐猴來自馬達加斯卡，尾部有黑白環狀花紋，動作很快，成日跳嚟跳去。
公園內有六頭長頸鹿，一歲 BB都有兩米高。
地址：埼玉縣東松山岩殿 554
電話：+81-493-35-1234
營業時間： 9:30am-5pm（星期一休息）
網址： http://www.parks.or.jp/sczoo
入場費：成人$42，小童$17
前往方法：於東武東上線高坂站轉乘川越觀光巴士直達Johnson Town
埼玉市中心都有齊崇光、 0101等百貨公司，但要逛個性小店便要去郊區 Johnson Town。五十多年前原是美軍的住宅區，但美軍撤出後，剩下一幢幢白色木製的美式房屋。區內有十多間店子及 café，每個月第一個星期日更有跳蚤市場。大部分店主都識英文，勁 like！
每間鋪頭各有獨特風格，如歐陸雜貨店、設計師小店等，多姿多采。
在 MIMI小店賣的手作精品，獨一無二。
地址：埼玉縣入間市東町 1-6-12
電話：+81-42-962-4450
網址： http://www.isonocorporation.com
前往方法：東武鐵道西武秩父線往入間市站，步行 15分鐘鐵道博物館
展館前身為列車工場，地方足四萬六千平方米，分成五大區。最大的展廳展出三十六個從古到今行駛的 JR列車車頭，由日本第一輛古董蒸汽火車到新幹線，全部實物，部分更可以登上車廂坐坐。展覽廳燈光昏暗，又播放着列車行走的路軌聲、鳴笛聲，在模仿那些年的古老火車月台，有氣氛到簡直以為自己身在火車站。
D51模擬蒸汽火車駕駛很複雜，要控制壓力、加速等幾逼真，有專人在旁指導。
展館分兩層，歷史區分成兩層，每日 12時及 3時，中央的列車更會旋轉及鳴笛，好有氣勢。
地址：埼玉市大宮區大成町 3-47
電話：+81-48-651-0088
營業時間： 10am-6pm（星期二休息）
網址： http://www.railway-museum.jp
入場費：成人$84、小童$42
前往方法： JR大宮站乘埼玉新都市交通 New Shuttle前往鐵道博物館站直達Day 6 南之丘牧場
再前往充滿大自然氣息的櫪木縣，是不少東京人的後花園。南之丘牧場佔地不算廣，勝在入場免費，可以自由參觀，春夏時放眼一片綠草，空氣都清新過人。在這裡有得騎馬、擠牛奶，算同動物有過肌膚之親。當中的牛隻最罕有，全國只有二百頭，屬英國根西島品種，呈啡白色，乳脂肪及蛋白質含量豐富，牛奶味特濃，因此牛奶都用來製作食品，有新鮮牛奶、軟雪糕、煉奶等，是當地有名的手信。除了睇動物，仲有射箭、釣魚及迷你高爾夫等活動，而且有民宿讓客人在牧場過夜，全和室設計，包兩餐每人只需$980，想體驗牧場生活也不算貴。
牧場年中無休，不收入場費及泊車費，只係逐個活動計錢。
牧場內的根西島牛很矜貴，因出產品質優良的牛奶被稱為貴族牛。
香港人很少有機會騎馬，坐在馬背上慢行一圈，很寫意。
南之丘牧場的羊隻溫馴可愛，沒有攻擊性。
地址：櫪木縣那須郡那須町湯本 579
電話：+81-287-76-2150
營業時間： 8am-5pm
網址： http://www.minamigaoka.co.jp
前往方法：於 JR黑磯站轉乘東野巴士，往那須溫泉或那須 Ropeway方向，一軒茶屋站下車，步行 15分鐘Nasutoran食堂
午餐用的食材都是農場限定，分量雖少，但有成九道菜，絕對食得飽。
那須高原友愛之森本來只是駕車休息站，但卻有齊觀光中心、賣當地物產的商店、工藝館等。餐廳 Nasutoran供應著名的那須便當，呼應當地的九尾狐傳說而有九道菜，以當地出產的食材及農作物製作，主菜要用那須和牛，飲品亦要包括牛奶，每日限量十五份。
地址：櫪木縣那須郡那須町高久乙 593-8
電話：+81-287-78-1219
營業時間： 11am-3pm（冬季至 2pm）
網址： http://www.nasumira.com/yuainomori
前往方法：於 JR那須鹽原站轉車往黑磯站，乘坐穿梭巴士那須泰迪熊博物館
泰迪熊造型可愛，館內亦有熊仔 cafe及商店可以幫襯。
主角泰迪熊曾陪伴主人遊歷世界，後來出了多本相集而成名。館內有大大小小過百隻泰迪熊，當中有全球最細的熊公仔，又有結婚及時裝表演場景。二樓是龍貓布偶展館，有貓巴士、龍貓人物的布公仔，宮崎駿迷別錯過。
地址：櫪木縣那須郡那須町高久丙 1185-4
電話：+81-287-76-1711
營業時間： 4月至 10月 9:30am-5pm
網址： http://www.teddynet.co.jp/nasu/
入場費：成人$84、小童$50
前往方法：於 JR黑磯站轉乘東野巴士直達那須彩繪玻璃美術館
教堂內有多幅巨型彩繪玻璃，華麗精緻。
美術館是一幢英式石製教堂，內有不少珍貴的作品，包括有二百年前歷史、畫上《聖經》人物及故事的彩繪玻璃及玻璃燈罩等。館內有一副 1922年製的古董風管鋼琴，每日都有免費演奏會，很有特色。
地址：櫪木縣那須郡那須町高久丙 1790
電話：+81-287-76-7111
營業時間： 4月至 10月 9am-6pm
11月至 3月 9am-4:30pm
網址： http://stainedglass-museum.com/nasu
入場費：成人$100、小童$25
前往方法：於 JR黑磯站轉乘巴士，車程約半小時住宿推介
位於東京車站旁的 Tokyo Station Hotel，同樣歷史悠久，有唔少達官貴人住過，經過多年復修，上年十月終於重新開幕，即刻成為東京最熱門酒店， booking爆晒。酒店與東京車站連成一線，擁有傳統歐陸式建築，配合現代化服務，重建後，客房由五十多間增至一百五十間，面積由四十平方米起。喺東京鬧市，好難搵到咁大面積嘅酒店啦。
酒店喺正車站旁，同為紅色外牆。
客房分不同主題，每間裝修都唔同，但都係以典雅高貴為主。
大堂同客房鋪歐陸式地氈，回復酒店百多年前嘅 外貌。
酒店有六間中、西、日餐廳同兩間酒吧， Lobby又有咖啡室，係 high tea或 happy hour嘅好地方。Tokyo Station Hotel
地址：東京都千代田區丸之內 9-1
網址： http://www.tokyostationhotel.jp
價錢：$3,007起/晚
一聽半島酒店就知係 sell豪華，香港係，東京都係，但走到東京半島酒店，感覺好唔同，酒店四周都放滿過千件藝術品，仲安排藝術參觀之旅，坐住勞斯萊斯，由司機車到涉谷區嘅舊朝倉家住宅同 Art Front Gallery。鍾意藝術品的話，淨係睇酒店內嘅擺設都已回本。
今時今日，酒店唔只鬥豪華，仲要鬥 gimmick，好似日本半島酒店咁，搞埋藝術之旅。
位於酒店內嘅 Peter酒吧，將推出櫻花主題小食，配合一年一度櫻花祭。東京半島酒店
地址：東京都千代田區有樂町 1-8-1
網址： http://www.peninsula.com/tokyo
價錢：$4,302起/晚
想在東京浸溫泉，離市中心一粒鐘路程的那須最啱。那須有不少溫泉旅館及有小型民宿，位於那須的 Epinard，是當地最大型酒店，設備完善，有齊天然溫泉、游泳池等。
Epinard擁有那須高原上最大溫泉，以柏木造簷篷，散發大自然芳香。
房間設備簡單，沒有豪華裝修，不過乾淨企理，住得舒服。Hotel Epinard Nasu
旅遊資料
簽證：持 BNO或特區護照均毋須簽證。
機票：多間航空公司提供香港至東京羽田機場直航服務，票價由$2,320起。
時差：比香港快一小時。
貨幣：日圓 Yen，匯率約 HK$8.4=100円（文中以此計算）
天氣：夏天炎熱，冬季寒冷，天氣比香港乾燥，夏季不時下雨， 12月至 1月期間有機會下雪。
電壓： 110伏特，插頭為兩直腳扁插。
電話：日本國號為 81，東京區號為 3，可在機場或各便利商店買 SIM Card上網或致電，或在香港購日本流動數據 SIM Card，費用較便宜。查詢： http://www.esondata.com
交通：東京交通設備完善，市內有 JR電車、地鐵、巴士等公共交通工具，可達各地，甚至東京近郊地區。的士起錶$55起，其後每跳$8。
東京 JR網址： http://www.jreast.co.jp有用電話
消防局： 119
天氣查詢： 177
東京地鐵失物認領處：+81-3-3834-5577
東京都醫療諮詢：+81-3-5285-8181
旅游服務中心：+81-3-3201-3331
國內中央郵政局：+81-3-5472-5851
VISA信用卡報失：+81-120-133-173
Master信用卡報失：+81-3-5531-6100
中國駐東京大使館
地址：東京新港區元麻市 3-4-33
電話：+81-3-3403-3065旅遊小貼士
Q：日本有沒有餐廳推介網頁？
A：香港有 openrice，日本也有無數個飲食網頁，最推介 tabe log，最多網友留言評分，意見相對中肯；又分開不同界別如壽司、迴轉壽司、燒肉、居酒屋、日式甜品、西式甜品，或按不同 budget排列，符合不同口味人士需要。到 app store或 play store按入 http://kakaku.com即可免費下載，亦可上 http://www.tabelog.com瀏覽網頁版。
Q：除了埼玉縣和櫪木縣外，東京附近還有哪些近郊地區？
A：部分郊區位於鄰近的千葉縣、神奈川縣及山梨縣等。近年很多遊客到東京市 shopping外，也會順道遊郊區，感受鄉村風味。千葉縣位於東京市東面，大部分地區是農田及海，農產品佔全國第二；神奈川縣人口密度高且工商業活動頻繁，著名景點有箱根山及軍事要地鎌倉市；山梨縣在日本的內陸地區，主要從事農業，富士山便是座落這區。
Q：在東京有沒有民宿？
A：住民宿不只是因為貪平，仲可以體驗日本人真正生活習慣。有興趣的話可上網尋到不同類型民居，但注意間間屋主的要求不同，部分可能要先經電郵聯絡再決定放唔放租。查詢： http://www.wimdu.com
Q：在東京如何退稅？
A：東京成田、羽田機場都沒有退稅櫃位，所以去百貨公司買嘢前，一定要問清楚有沒有退稅專櫃，或者可否用免稅價購物，大型百貨公司如伊勢丹、 0101等都有退稅服務。必須購物滿 10,501日圓才可退稅 5%，不過食物、化妝品同煙酒除外。另外用銀聯卡在不少地方都有 95折，如有的話不妨帶備。整理︰許宇靖 資料︰壹週刊生活組日本中線行程指南
Back to top沖繩
2013年02月28日 ~~ 第1199期 香港《壹周刊》五日四夜推介行程
Day 1
The Ritz-Carlton
Day 2
伊江島
Kishimoto食堂
沖繩美海水族館
燒肉乃我那霸餐廳
Day 3
泊 iyumachi魚市場
豐崎 Chura Sun Beach
國際通 ZUK
Day 4
石垣島 Club Med
Banna Park
Cafe Nu~Bo
Day 5
石垣島拖行降傘Day 1 The Ritz-Carlton
沖繩雖為陽光海灘旅遊勝地，但蘇梅峇里布吉式的巨型度假村一向絕跡。終於，名牌 The Ritz-Carlton登陸，收購位於北部名護市的日式度假村，改建成馬爾代夫式 resort，以後，去沖繩都可以匿喺酒店玩足三日三夜。選址不在臨海區域，反而上了山頭，因為沖繩的天氣不是一年四季都適合水上活動，反而高爾夫球更有發展潛力，挑選遠離市中心的沖繩北部，正正基於這因素。
－共有八間 Cabana房，對正泳池，但設計算有私隱，極具東南亞度假村風味。
The Ritz-Carlton睇中名護市，因為有高爾夫球場兼自成一國，極有私隱。
全間 resort只設一個室外泳池。
地址：沖繩縣名護市喜瀨 1343-1
電話：+81-980-43-5555
網址： http://www.ritzcarlton.com/okinawa
價錢： Deluxe Room$2,604、 Premier Deluxe Room$4,284、 Cabana Room$5,964KISE鐵板燒餐廳
講到明是馬爾代夫式，當然要自給自足。單單餐廳加酒吧都有八間，推介鐵板燒店 Kise，用地道食材，全場得 18個位，大廚在你面前表演，牛肉是意料之內的好，驚喜在大廚用鐵板煲飯再炒香，加埋一入場俾你穿上靚靚圍裙的心思。
店內用上最高級食材，以最簡單方法呈現食物原味。
ESPA
由英國名牌 ESPA（香港半島酒店都有分店）主理的 spa是度假村亮點之一。 Spa位於獨立大樓，由酒店過去要穿越一條竹道，種滿沖繩植物，入到水療中心，裝修延續森林花園氛圍，散發大自然氣息， spa內有 gym、桑拿、室內暖水池，成廿間房，跟足馬爾代夫 style，用 golf car代步。
ESPA在全球 spa界享負盛名，初次打入日本市場，推介蠔殼按摩，比一般熱石更能保存溫度。
全店以木作主調，讓你彷彿置身樹林。
Spa位於主建築物以外，可用高爾夫球車代步。Day 2 伊江島
本島以外，沖繩的其他外島另有一番風情。位於本島東北面的伊江島充滿田園感覺，跟本島的海洋博公園只是一海之隔，船程只需半個鐘，渡輪仲可以載車，最重要船程夠密，非常方便。小島以自然環境作賣點，放眼四周都是農地及牛欄，種滿甘蔗、煙草等農作物。如果四月尾至五月初去，唔可以錯過一年一度的百合花祭，海旁的百合野原公園，有超過一百萬朵百合花盛放。島上還有大量戰時遺蹟、懸崖峭壁、沙灘及潛水景點，玩半日，啱啱好。
公園佔地八萬多平方米，像一張白色被褥般蓋在地上。
島上的千人洞在二戰時曾有過千人避難，洞內有一塊石頭，相傳女士捧起就會有仔生。
伊江島餐廳賣的伊江牛，油香十足。
此地名為湧出，旁邊是 60米高的懸崖，海岸與天連成一線，相當宏偉。
地址：伊江村字東江上 509番地
電話：+81-980-49-5702
前往方法：於本部港碼頭乘坐渡輪，船票來回約$112。Kishimoto食堂
於 1905年創業，是本島著名的明星食堂，張貼了不少名人簽名。店子相當殘舊，主打地道沖繩麵，湯底以豬骨、鰹魚、醬油等熬成，清甜不過鹹。麵的軟硬度剛好，以傳統的方法手打而成，製麵水加入木灰粉，令水帶有鹼性，做出來的麵特別彈牙，質感有點似讚岐烏冬。每日平均賣三百碗，唔少人慕名而至，不過店子七點便打烊，想吃要趁早。
湯底有清香鰹魚，麵條比坊間的更彈牙，索了湯汁特別入味。
Kishimoto開業過百年，是當地的老字號，不少人專程前來。
地址：本部町字伊野波 350-1
電話：+81-980-47-6608
營業時間： 11am-7pm沖繩美海水族館
沖繩美海水族館是遊客必到之地，水容量達 7,500立方米的「黑潮之海」水槽，睇極唔厭。鯨鯊及魔鬼魚熱情地游近同遊客打招呼，過萬條共 70多種魚在面前暢泳，氣勢磅礡。四時後入場有七折，又冇自由行爭位，坐低半小時都冇人趕。
水族館入口處的鯨鯊紀念碑。
可以近距離看到超過 8米長的鯨鯊及全世界最大魔鬼魚。
地址：國頭郡本部町字石川 424番地
電話：+81-980-48-3748
營業時間： 8:30am-8pm
入場費：成人$151，小童$50燒肉乃我那霸
沖繩人吃豬成狂，最有名的黑毛 Agu豬，比一般豬隻含更多氨基酸，肉質柔軟，肉味香甜，完全不帶豬羶味。在香港只有少數沖繩料理供應 Agu豬，一客 shabu shabu要四百元。這裡每人只需約$115，就有一大盤五花腩及肩胛位，簡單地以清水白烚，不須調味，已經覺得超滿足，想再平一點可吃山原豚。餐廳有自家農場養殖，供應給當地餐廳和超市。
Agu五花腩肉，脂肪與肉層層相間，又稱為三枚肉，肉質軟滑無渣。
燒肉乃我那霸是名護市的人氣烤肉店，店內有自家酒出售。
店子座位不多，最好預先訂位。
地址：名護市宮里 1410-1 2樓
電話：+81-980-53-5017
營業時間： 11am-2pm， 5pm-11pm（星期一休息）Day 3 泊 iyumachi魚市場
想食海鮮？旅遊書大多推介第一牧志公設市場，但始終做遊客生意，唔太抵食。要平靚正，到泊 iyumachi魚市場最適合不過。格局地踎，只有本地人識窿路來這裡，魚獲大部分都是縣內的魚類或蝦類，即捕即賣的新鮮貨。夜光貝、龍蝦等貴價貨反而唔見，因為當地人說貝類可以保存得較耐，一般不是最新鮮，只有遊客先會食。這裡壽司、刺身及魚生飯等等，全部不過$100，隔鄰的 Maguro食堂有沖繩名菜如苦瓜定食，地道得來亦抵食。
魚市場每朝都有新鮮海產運到，售完即止。
每朝早都有吞拿魚拍賣，不定期有切魚表演。
沖繩的吞拿魚，魚味淡不過質感較有咬口。
地址：那霸市港町 1丁目 1-18
電話：+81-98-860-7700
營業時間： 8am-6pm豐崎 Chura Sun Beach
沖繩單是本島已經有二三十個沙灘，唔想撞口撞面都係遊客，建議去豐崎 Chura Sun Beach。位於那霸機場附近，離市區約二十分鐘車程，相對西岸旅遊勝地恩納海岸，這邊沙灘冇咁密集，遊客較少，來的多是本地人，更有號稱全沖繩南部最大人工沙灘，全長近七百米，沙灘分左右兩邊，只有中央設游泳區。免費入場，設施新淨齊全，又有瞭望台欣賞藍天碧海景致，靚到玩足一日唔捨得走。
沙灘旁的公園有草地，可以學本地人租借燒烤爐燒烤。
Chura Sun Beach較多本地人，貪佢夠新，設備齊全。
沙灘有龍門俾遊人踢足球，旁邊又有籃球場。
地址：豐見城豐崎 5-1豐崎海濱公園
電話：+81-98-850-5332
開放時間： 6am-10pmZUK@國際通
那霸遊客區的國際通上十居其九都是手信鋪，特色店鋪欠奉，貨品一模一樣，想搵特別嘢？可到 ZUK行一轉，包你買到啱心水精品。 ZUK是一間以手作品為主題的概念店，裝修似原宿潮鋪，店內商品都是由獨立藝術家或設計師製作。作品九成出自沖繩人手筆，店主定蛇武卻來自北海道，兩年前才移居此地，因為對沖繩藝術有興趣，所以開一家集合本地特色於一身的商店，希望令藝術品亦可以融入日常生活中。
手作商品包羅萬有，有 T-shirt、飾物、陶瓷、玻璃、畫作等等，全部獨一無二，富沖繩色彩又唔娘，價錢幾十蚊有交易。每件貨品都有介紹製作人及背後的典故，買來當手信夠晒特別。最欣賞店子頂層設有免費展覽室，每星期都有唔同主題。店內仲有小型 café，供應咖啡、芭菲等輕食，型到似去咗東京。
欣賞店內有註明藝術家的名字及資料，每個設計都有故事，比起手信鋪那些倒模製作有心思得多。
T-shirt設計夠潮，由十多位設計師操刀，過百款式，在當地製作，質地唔錯。
店內 design都靚過人，整齊簡潔，甚有雜貨小店 feel。
第三層全層是 Art Gallery，展出不同藝術家的畫作，每一兩星期就轉一次，保持新鮮感。
皮革人字拖鞋可自行設計，由專人為你刻上圖案。$430/對
店內小型 café有吧座及戶外座位，芭菲雪糕用北海道牛乳製作，配上本地黑糖啫喱、大豆、黑蜜等。
地址：那霸市牧志 2-1-21
電話：+81-98-943-2109
營業時間： 10am-10pm
網址： http://www.zuk-okinawa.comDay 4 石垣島 Club Med
沖繩由百多個小島組成，唔去一轉離島點叫嚟過？最後兩日建議由本島飛去沖繩最南端的石垣島，一 take過玩齊水陸空。
想親身接觸大海感受水清沙幼，划獨木舟是不錯選擇，曾獲票選為最佳潛水度假村的 Club Med，新推出透明獨木舟，方便你睇吓海底狀況，水清到睇到珊瑚魚仔。
Club Med有全包旅遊套餐，幫你安排好晒行程，仲有早、午、晚三餐供應，菜式一啲都唔馬虎，餐廳每晚仲會變換主題，留喺度假村已經有排玩。
透明獨木舟相當輕身，亦穩固，但好易被刮花，相信需要不斷更新。
度假村內，另一項極具挑戰性的玩意：空中飛人，玩得叻的話，可以表現花式，似去咗馬戲班。
地址：石垣島川平灣 907-0453
電話： 3111 9388
網頁： http://www.clubmed.hk
價錢：$1,950/晚，包住宿、一日三餐、餐飲及浮潛課程、射箭、瑜伽班等活動。Banna Park
石垣島郊野公園 Banna Park，知你用對腳行又辛苦又唔過癮，特別加入新嘢玩。俾你自己控制 segway，導賞員仲一路教你觀察動植物。兜公園一個圈，足足用你個半鐘。天氣好時，空氣清新、景色靚，唔會覺悶。揸 segway唔使考牌， X2型號，望上去好兇猛，其實超易控制，但千萬不可分心，否則極易炒車。
規定上車後要戴頭盔，日本人就係細心過你，送多一個即棄頭罩， 衞生又唔臭。
公園內有好多蝴蝶同古怪植物，你可以要求停低，駐足欣賞。
沿路，除咗森林外，仲會過橋。Segway遊森林
地址：石垣島沖繩縣營 Banna Park北口（石垣市登野城 2241-1）
集合時間：第一節 9:15am
第二節 3:15pm（ 4-9月） 2:15pm（ 10-3月）
對象： 16歲以上
網址： http://www.hirata-group.co.jp
收費：$672/每人 2小時（每次可供 6人參加）Cafe Nu~Bo
睇石垣旅遊書，好多海旁 cafe推介，張張相都俾 photoshop執到似電腦合成照，信三成都死。但 Club Med附近的 Cafe Nu~Bo真係人見人讚，分室內同室外座位，擺設簡單，被一片綠草圍住，遠望就係無際大海，不過要注意，潮退時景色差好遠。
室內只有十個座位，簡單唔侷促，令 cafe瀰漫一份溫暖感。
忌廉海鮮飯套餐$67
露天座位用野餐布鋪枱，配合周圍綠草如茵格局。
地址：石垣市川平 1216-35
電話：+81-980-88-2628
營業時間： 11am-6pm
網址： http://www2.ocn.ne.jp/~mf0927Day 5 拖行降傘
玩降傘玩滑翔，無安全感之餘，通常只可一人上陣。愈怕愈恨玩，不如玩用鋼索吊住嘅降傘，仲可以二人同行，唔使有個教練喺旁邊破壞氣氛。坐廿分鐘快艇出到海中心，即時上座，降傘升到上半空，即使被快艇拖行，也非常穩定，自拍完全無難度，而且雙腳凌空，唔會似坐空中梳化咁遮擋視線，沖繩畢竟是沖繩，由高空望落海，一片清澈，無遮無擋。
船員會替你細心綁好救生衣，用英文講解留意事項，放心。
要坐廿幾分鐘快艇出海中心，來回差唔多成粒鐘，艇仔細細，以為一眼睇晒，竟然有個隱藏廁所，估佢唔到。
集合地點在石垣港碼頭旁的停車場側，認住呢個藍色帳幕，唔算太難搵。
集合地址：石垣市新川 2419-1（石垣港琉球銀行對面）
電話：+81-980-87-8821
營業時間： 8am-8pm
收費：$588/每人（若只乘坐快艇每位$84）
網頁： http://www.blue-seasar.com石垣島介紹
位於日本最南部，被譽為「日本最後天堂」，島上擁有純白沙灘及清澈海水，更有潛水者讚嘆的珊瑚礁。除了水上活動外，石垣島的美食也享負盛名，當中以石垣牛最為有名。石垣新機場將於今年三月投入服務，屆時會有更多航班前往。
前往石垣島方法：於那霸機場轉機約 1小時到達。乘搭日本航空票價約$1,633，訂票網址 http://www.jal.co.jp。住宿推介
如果去沖繩想住好啲特別啲，留意以下心水。例如最啱情侶的百名伽藍，位於沖繩本島東南部，面對太平洋海景，可欣賞到日出日落，度假村只得十三間標準客房同兩間特別室，即使爆滿，也只有三十個客人，十三歲以下小童恕不招待。沒有什麼健身室、水上活動，只有圖書館、禪堂，靜到好似在潛修。覺得太悶太靜？正是人家賣點。
房間包早、晚兩餐，全用當地時令特產炮製。晚餐設十二道菜：泡盛腐乳、 Agu豬、石垣牛、龍蝦刺身，齊備。
整棟建築物，以環繞一周的迴廊貫穿。入夜後，着了燈，跟大白天的海景相比，又是另一種美態。
客房間間望海，不特止，犀利在擁有 220度廣角視野，日出睇到，日落又睇到。百名伽藍 Hyakuna Garan
地址：沖繩縣南城市玉城字百名山下原 1299-1
電話：+81-98-949-1011
網址： http://www.hyakunagaran.com
房價：標準客房$4,404（包早、晚餐）/每人每晚
特別室$6,607（包早、晚餐）/每人每晚
Auberge Bonne Chere RAOUT位於著名沙灘區恩納村，無論出發水上活動還是潛水，極為方便。老闆中田浩司本是東京人，在東京學意大利菜、法國菜，十二年前，毅然來到沖繩開西餐廳，然後又在附近開埋民宿，只有四間房，但裝修、擺設，均令沖繩民宿變成希臘小白屋一樣。
走廊位，髹上全白，配襯藍天白雲，單單呢一格，你話俾人知去咗希臘，十個有十個信。
另一間雙人房，以啡色作基調，把吊扇同個露台仔，型過一般沖繩酒店房多多聲。
酒店餐廳，外形似足地中海。Auberge Bonne Chere RAOUT
地址：沖繩縣國頭郡恩納村真榮田 61-1
電話：+81-98-965-3205
網址： http://www.raout.com
房價： Valencia$1,074
（雙人至三人房，包早、晚餐）/每人每晚
Napoli$1,007
（三至四人房，包早、晚餐）/每人每晚
Marseille$822
（七至八人房，包早、晚餐）/每人每晚
Crete$755
（雙人房，包早、晚餐）/每人每晚旅遊資料
簽證：持 BNO或特區護照均毋須簽證。
機票：港龍航空及香港航空有直航來往沖繩那霸機場，票價$3150起；若前往石垣島，可乘搭國泰航空或中華航空包機（中途停台北）。
時差：比香港快一小時。
貨幣：日圓 Yen，匯率約 HK$8.4=100円（文中以此計算）
天氣： 4月中至 10月為夏季，平均溫度為 30° C，間中有雨。天氣最穩定為 7月至 9月，是玩水上活動的旺季。沖繩的櫻花最早盛開，約從 1月開始便有寒櫻報到。
電壓： 110伏特，插頭為兩直腳扁插。
電話：那霸市及沖繩本島中南部區號為 98，本島以北及石垣島區號為 980，可在機場或縣內各便利商店買 SIM Card上網或致電，或在香港購日本流動數據 SIM Card，費用較便宜。查詢： http://www.esondata.com
交通：那霸市內有單軌列車（ Yui-Rail）來往那霸機場至首里。往其他地區可乘坐巴士，但班次疏落，價錢亦貴，建議自駕遊最方便。參考網址： http://okinawabus.com
http://www.kotsu-okinawa.org
的士起錶為$38，其後每 400米$6。有用電話
警察局： 110(日語)
消防局： 119
那霸市公立醫院：+81-98-887-1199
名護市夜間診所：+81-980-51-1425旅遊小貼士
Q：沖繩的交通方便嗎？
A：沖繩本島有完善交通設備，幾乎全島都可乘鐵路或巴士前往。若有國際車牌，最好自駕遊，市內有很多租車店，最常用的公司為 OTS，在本島及石垣島均有分店，提供中文租車服務、自駕用地圖、交通規則等等，租車一日$318起，詳情： http://www.otsrentacar.net
Q：沖繩有多少個小島？
A：沖繩有約 159個離島，每個小島都有獨特風情，最多人前往久米島、宮古島、石垣島、西表島、小濱島、與那國島及慶良間諸島。每個島都有飛機或渡輪到達，但要注意有些小島未能使用信用卡，建議預備足夠現金。
日航沖繩內陸機票： http://www.jal.co.jp；
八重山觀光渡輪公司： http://www.yaeyama.co.jp
Q：在沖繩自駕有什麼要注意？
A：沖繩自駕不難，留意往那霸市的國道 58號，在繁忙時間不時擠塞，國際通在每個星期日都會劃成行人專用區，車輛不准駛入。前往北方如恩納及名護，建議走沿海的國道 58號，走收費的沖繩自動車道較快，但風景不及國道 58號優美。自駕最正必去今歸仁村的古宇利大橋，連結與勝半島及平安座島的海中道路。一般道路車速限 50 km/h，請勿超速以免被罰款。
Q：沖繩有什麼水上活動？
A：沖繩海水清澈，有不少熱帶魚及珊瑚礁，潛水必去青之洞窟，不少潛水公司都有 package前往，沒有潛水牌都可以選擇浮潛，大部分潛水公司都在國頭郡恩納村，可以每間格吓價。站立式滑浪板(http://www.happystandup.com)及透明獨木舟(名護市喜瀨沙灘可租用)都是人氣水上活動，但須預約。
http://www.nagi.biz
http://www.mstide.com
http://www.seastory.jp
Q：有什麼沙灘推介？
A：沖繩有多個沙灘，當中以天然沙灘 Moon Beach最受歡迎，曾獲選為百大最美沙灘，水清沙幼，有不少海洋生物，而且擁有夕陽西下美景，但人較多，而且收入場費$42。位於海洋博公園內的 Emerald Beach是人工沙灘，但細沙呈白色，而且夠方便，全年開放。想看沖繩著名的星砂，要到竹富島的皆治沙灘，但石頭多，不適合游泳。
Moon Beach
地址：恩納村前兼久 1203
電話：+81-98-965-1020（ Hotel Moon Beach）
Emerald Beach
地址：本部町石川 424
電話：+81-980-48-2741（海洋博公園）整理︰許宇靖Back to top
資料︰壹週刊生活組日本中線行程指南
北海道
2013年02月28日 ~~ 第1199期 香港《壹周刊》七日六夜推介行程
Day 1
Susukino區
Asian Stand餐廳
Moliere餐廳
Day 2
麵屋菜菜兵 衞
丸駒溫泉旅館
唐花草餐廳
Day 3
函館朝市
五稜郭
函館麵廚房
大沼國定公園
Day 4
有珠山纜車
洞爺湖
洞龍之湯
登別溫泉
Day 5
旭川拉麵村
La Vista大雪山
Nonno餐廳
Day 6
富良野芝士工房
麓鄉之森
美瑛青池
Day 7
三井 Outlet
新千歲機場Day 1 Susukino區
Susukino位於札幌市中心，由機場乘 JR往札幌轉地下鐵約 45分鐘左右。有好多商場食肆，想購物的話一日都行唔晒，包括 LOFT、 PARCO等，比札幌及大通站更旺。
Tanuki Square裝修光鮮有型，氣氛 casual，來 happy hour或者飲咖啡都不錯。Asian Stand
狸小路購物區是遊客必遊之地，走到盡頭的第七街，開業不到一年的 Tanuki Square令人眼前一亮，連飲食雜誌《北海道 Walker》、《 poroco》都曾大篇幅介紹。門面絕不起眼，穿過窄長的入口，發現兩層食廈隱藏着十六間小店。每間也各具特色，有走法日 fusion路線的 Bistro清水亭、關西風串炸店串 Katsu Bar福等。揀唔到食邊間？多國料理 Asian Stand，是食店 Stanley Market的副線，主打亞洲菜，印度、泰式、越南菜包羅萬有，店內只可容納十多人，肥少少的客人都入唔到。啤酒多達十六款，仲有沖繩泡盛、日本果酒，坐在如屋台般的酒吧好 cozy。
Asian Stand店長山口小姐唔識英文，勝在笑容滿面。
用日本雞肉炸成，外層香脆肉質嫩滑，味道甜甜辣辣，最適合送酒。炸雞$45
地址：札幌市中央區南 3条西 7丁目狸小路 7
電話：+81-11-233-5102
營業時間： 6pm-2am
前往方法：地下鐵大通站步行 10分鐘Moliere
獲米芝蓮三星的札幌餐廳只有三間， Moliere是其中之一。開業接近三十年，老闆中道博是北海道法國菜的先驅，曾往巴黎工作達七年，擅長將北海道產食材融入法國菜中。店內食物選用羊蹄山附近出產的蔬菜、燒尻島產的小羊及十勝牛等，以不同配搭帶出層次感，煮法依足法國傳統，窗外對正清幽舒適的円山公園，跟熱鬧嘈雜的大通氣氛完全不同。
平目魚薄切（$300午市套餐內）平目魚上放上超過十種北海道野菜，每一款都有不同醬汁及煮法，配上紅菜頭及檸檬汁，層次豐富。
燒鹿肉（$1,004晚市套餐內）鹿肉慢煮 40分鐘，保持肉質柔嫩，配上煮蘋果杏脯及紅酒汁，很暖胃。
餐廳布置不算豪華，但寬敞舒服。
店內有多種紅酒選擇。
地址：札幌市中央區宮之丘 2丁目 1-1
電話：+81-11-631-3155
營業時間： 11:30am-2pm， 5:30pm-8pm
前往方法：地下鐵円山公園站步行 5分鐘Day 2 麵屋菜菜兵 衞
曾獲飲食網站 tabelog三次選為北海道最佳拉麵、米芝蓮唯一推介的拉麵名店菜菜兵 衞，以雞湯打出名堂，店內最好味的雞白湯底用四十公斤的雞熬成二十小時以上，雞味重帶香甜，喝下去一點也不膩。每款湯底配上四種自家製麵條，富麵粉香又冇鹼水味，即使位置隔涉，仍然日賣超過一百碗，週末只做午市，估唔到離開香港，食拉麵仍然要排隊。
四種麵條即日製作，每日要預備 30公斤，用最高級小麥粉製成。
湯底由名古屋清雞湯加魚乾清湯製作，可選醬油或鹽味，入口清香不過鹹，配上最幼身的麵條，質感爽彈。名古屋雞醬油味$63
店子由堀師傅及其妻子打理，每日親手在店內做麵，連吃勻全日本拉麵達人大崎裕史也大讚好吃。
地址：札幌市白石區川下 3条 4丁目 3-21
電話：+81-11-873-8860
營業時間：星期一至二、四至五 11am-3pm， 6pm-9pm
星期六至日 11am-3pm星期三休息
前往方法： JR平和站步行 15分鐘丸駒溫泉旅館
來到丸駒溫泉旅館，第一時間衝去自 1915年創業時挖掘出來的天然露天風呂，沒有經過人工修飾，夠晒返璞歸真，一路浸溫泉，一路眺望遠處的紋別岳及風不死岳。溫泉水由腳下自然湧出，水位跟支笏湖一樣會上升下降，平均 120厘米深，最高可升至 160厘米，水溫約有 54度，水質亦如湖水般通透清澈。
展望露天風呂同樣飽覽支笏湖景。
丸駒旅館背山面湖，面向日本最北的支笏湖，冬天也不會結冰。
私家個室呂丸之湯，以陶器製成，感覺溫泉水更加熱燙。
地址：千歲市支笏湖幌美內 7番地
電話：+81-123-25-2341
網址： http://www.marukoma.co.jp
房價：每位$823起（兩位起）
前往方法： JR札幌站北口設免費穿梭巴士，須預約（ 11月至 4月）或於新千歲機場乘中央巴士，車程約 50分鐘，於支笏湖畔站下車，再轉乘旅館免費穿梭巴士，須預約。唐花草
丸駒溫泉旅館距離支笏湖溫泉街約半小時車程，附近完全冇旅館及商店，晚飯唯有選擇旅館內餐廳。加多$500，可以到唐花草餐廳吃晚餐，設有傳統日式「圍爐」，放滿備長炭，直接將魚插在沙爐上燒烤，又可以加熱鍋物，坐在炭火旁邊，愈吃愈熱辣辣。
餐廳用傳統日式「圍爐」，夠晒風味。
姬鱒魚是支笏湖名物，燒至香脆乾身，味道有點似三文魚，這裡烹調全用支笏湖水，物盡其用。Day 3 函館朝市
身處北海道，當然要餐餐都食海鮮，到魚獲豐富嘅函館，更不能錯過。佔地過萬平方公尺嘅函館朝市，橫跨四條街，聚集三、四百間商店，全場都係叫賣聲，非常熱鬧。市集售賣新鮮現捕嘅海產、蔬菜、水果等等。朝市內仲有多間食堂，行完市集記住食埋早餐先好走。
函館朝市本來係普通街市，因食物種類又新鮮又多，吸引大量遊客光顧，現變成觀光市集。
函館名產魷魚，即釣即切，柔軟黏口帶微甜，非常新鮮。
地址：函館市若松町 9
電話：+81-138-22-7981
網址： http://www.hakodate-asaichi.com
營業時間： 6am-12nn
前往方法：由札幌站乘 JR前往函館站，約 3個半小時，函館車站步行三分鐘五稜郭
五稜郭建於江戶時代，是日本第一個西式建築的城堡，因戰略需要而呈五角星形，曾是戊辰戰爭及箱館戰爭的戰場，極具歷史意義。戰爭完畢，幾乎所有建築物都被摧毀，政府進行重修之餘，又在當地種咗過千棵櫻花樹，因而成為北海道賞櫻勝地。最好登上五稜郭塔，由高空 360度俯覽公園，夏天時遍地櫻花，冬天滿地雪景。
五稜郭塔於 2006年建成，塔頂呈五角星形。
上塔頂前須到一樓購票，成人門票$67，小童$51。
地址：函館市五稜郭町 44番地
電話：+81-138-51-2864
前往方法： JR函館車站轉函館市電到「五稜郭公園前」站，下車步行約 10分鐘。
網址： http://www.goryokaku-tower.co.jp函館麵廚房
函館麵廚房開業超過八十年，是當地老字號，在麵界享負盛名，全國均設分店，每次經過門口總排着長龍，不過無實力又點會有人排？湯底透明得望到碗底，味道清淡得嚟夠特別，配合彈牙直麵條，叫人一試難忘。
招牌鹽味拉麵$89，湯清味濃卻不過鹹。
地址：函館市豐川町 12-7函館 Bay美食俱樂部
電話：+81-138-26-1122
網址： http://www.ajisai.tv
營業時間： 11am-10pm（每月第三個星期四休息）
前往方法： JR函館車站轉函館市電在「魚市場通」站下車，步行十分鐘。大沼國定公園
位於函館以北 20公里的大沼公園，早在 1958年被指定為國定公園，是日本新三大景點之一。幾百年前，駒岳火山噴發，令此形成大沼、小沼與蓴菜沼三個湖泊，湖面錯落着百多個小島及十八座橋，外貌奇特的駒岳山更會倒映大沼湖中，天色朦朧的話，真的誤以為自己置身仙景。想漫遊公園，可以搭觀光船或租部單車，靜靜地沿着湖邊欣賞壯麗風光。
觀光船很長身，可容納多人。
情侶可租小船，兩人靜靜地喺湖中漫遊。
地址：龜田郡七飯町字大沼町
電話：+81-138-67-3685
網址： http://www.onuma-guide.com
前往方法： JR函館車站轉乘特急列車至大沼公園站約 20分鐘Day 4 有珠山纜車
北海道活火山，高 737米，過去一百年爆發過四次，對上一次在 2000年，因此火山口仍在冒煙。搭纜車上山長達 6分鐘，其間你可以近距離觀看山頭光禿禿嘅昭和新山，山口仍噴出煙霧及散發一陣陣硫磺味，由高望落非常驚人，可以想像火山爆發嘅場景有幾震撼。
搭纜車上山頂，底下有珠山及洞爺湖景色可一覽無遺，成人費用$121，小童$61。
一片翠綠襯托下，光禿禿嘅火山口更覺顯眼。洞爺湖
到山頂後，可在展望台鳥瞰鄰近的洞爺湖，洞爺湖因火山爆發而成，外觀呈圓形，向上而望就好似一隻玉鐲。可搭觀光船遊湖，夏天會舉辦煙火大會，冬天唔會結冰。
洞爺湖四季景色優美，湖水呈湛藍色，因在火山旁，長年不結冰。
地址：北海道有珠郡壯瞥町字昭和新山 184-5
電話：+82-142-75-2401
網址： http://www.wakasaresort.com/
前往方法：由函館站乘 JR往洞爺站，轉乘道南巴士，於洞爺湖溫泉總站下車，乘往昭和新山巴士至終站。洞龍之湯
欣賞完大自然風光，觀光船碼頭旁有個天然足浴溫泉，免費任浸，池的底部鋪滿卵石，企喺度可以刺激腳底，促進血液循環，由腳底暖到上身。坐在長櫈上，補充一下腳力，繼續欣賞洞爺湖的湖光山色。
長櫈可容納十幾人，個個排排坐等浸腳。
附近有間湖畔 café，出售輕盈小食。
地址：虻田郡洞爺湖町洞爺湖溫泉 142
前往方法：洞爺湖溫泉總站步行約 15分鐘登別溫泉
距離地獄谷約十分鐘車程，即到大湯沼，有天然足湯浸浸腳。
登別有當地號稱「日本第一湯」嘅登別溫泉，溫泉水量充沛，源泉溫度介乎 45度至 92度，對醫病、護膚、美容都有功效。地獄谷火山口至今仍有溫泉水湧出，周圍都係暖氣同硫磺味。
地址：登別市登別溫泉
網址： http://www.noboribetsu-spa.jp
前往方法：由洞爺站乘 JR前往登別站，約 40分鐘，轉乘道南公車於登別溫泉站下車Day 5 旭川拉麵村
旭川拉麵多是醬油湯底，名店不少，拉麵村集合當地八大人氣拉麵店，間間各有特色，包括開業超過 60年的老店青葉、較新派的 Saijo及剛在香港開分店的梅光軒，不過香港店味道差很遠，要食，當然食最正宗的。
旭川人認為旭川係日本拉麵發源地。
村內有多間拉麵店，每間口味不同，各有捧場客。
拉麵屋天金的醬油拉麵，湯底熬足兩日，售$59。
地址：旭川市永山 11條 4丁目 Powers
電話：+81-166-48 2153
營業時間： 11am-9pm
網址： http://www.ramenmura.com
前往方法：由登別站乘 JR前往南永山，站步行 7分鐘La Vista大雪山
La Vista大雪山風格及氣氛似足德國鄉村，充滿童話國度 feel。這裡的溫泉回歸傳統和風感覺，設大浴場及半露天風呂，私家風呂先到先得，免費任浸，冇限時又不須預約。共有三種不同風呂，岩石風呂較普通，唔算有特色，勝在夠大。其中一個有齊室內陶器風呂及半露天的傳統檜木風呂，一次試勻兩款，最抵浸。
私家風呂可容納兩至三人，最適合一家人。
旭川地勢較高，冬天不時下大雪，積雪成個人咁高。
地址：上川郡東川町旭岳溫泉
電話：+81-166-97-2323
價錢：每位$1,950起（兩位起）
網址： http://www.hotespa.net/hotels/daisetsuzan
前往方法：於 JR旭川站乘旭川電氣軌道 66號巴士，車程約 1小時 50分。Nonno
La Vista位於旭岳深山，交通不便，好彩飲食方面照顧亦算周全。餐廳有 Nupuri鐵板燒及鍋物料理及法國菜 Nonno可選，全用上北海道食材，富地道特色，味道清新不膩，賣相亦講究精緻。吃過飯，記得到冬天限定的室外冰酒吧，享受一杯熱騰騰的暖紅酒、清酒或朱古力。
Nonno主打法國菜，如這道前菜用了富良野產的豚肉製作肉凍，西式沙律拌上明太子醬汁。
唔好以為坐冰酒吧一定凍，實情是室外比入面還要凍 5度。Day 6 富良野芝士工房
富良野景色如畫，牛奶出名又香又滑，連帶芝士都好味過人。齋食唔夠過癮？不如到芝士工房落手落腳 DIY，親手製造芝士，唔使一個鐘就有製成品，香滑到唔捨得食。工房仲有芝士、牛油及餅乾等出品，用嚟做手信就最啱。
工房內有不少奶製品，芝士、乳酪等，即買即食。
北海道有好多 DIY工房，有朱古力、紅酒，連音樂盒都有得自製。
不少產品設免費試食，覺得好味先購買。
地址：北海道富良野市中五區
電話：+81-167-231-156
營業時間： 9am-4pm
網址： http://www.furano-cheese.jp
芝士製作：約 HK$84，須預約。
前往方法：由旭川站乘 JR前往富良野站，約 1小時 40分鐘，下車步行 10分鐘。麓鄉之森
日本八十年代有部連續劇叫《來自北國》，電視播足廿年，陪伴住唔少日本人成長，劇集喺麓鄉之森取景，令呢個地方一下子紅咗，仲成為旅遊勝地。森林入面保留劇中男主角親手建造的圓木小屋，仲有森之寫真館及森之餐廳，行到攰攰哋，可以到餐廳品嘗北海道著名的湯咖喱。
餐廳只在四月至十月開放，提供當地美食。
地址：富良野市東麓鄉
電話：+81-167- 29-2323
前往方法： JR富良野車站搭麓鄉線巴士，於終點下車步行 15分鐘。美瑛青池
日本攝影師白石健人在美瑛青池影嘅一張相，被蘋果睇中作 MacBook wallpaper，即刻令當地成為攝影勝地，個個爭住來朝聖。青池位於美瑛往白金溫泉的樹林中，因為水質含溫泉的礦物質，加埋太陽光線，變成獨特的藍綠色，配合池邊灰白色的枯樹及沿路的白樺樹，神秘又淒美。
地址：白金溫泉的 966號國道
前往方法： JR美瑛車站轉往白金溫泉的巴士，青池站下車。Day 7 三井 outlet
要 shopping，北海道的確唔夠東京大阪鬥，不過位於北廣島市嘅三井 outlet，有齊港人熟悉品牌 As Know As、 Beams、 mercibeaucoup、 pageboy、 Lowrys Farm同 Nice Claup等，貨品價錢低至五至七折，一樣可以令你大出血。建議於行程最後一日先去，一來 outlet近機場，二來唔使拎住一堆行李周圍走。
商場不設送貨服務，所以都係最後一日嚟，自己運返香港。
地址：北海道北廣島巿大曲幸町 3-7-6
網址： http://www.31op.com/sapporo
營業時間： 10am-8pm
前往方法：由美瑛站乘 JR到北廣島站，約 2小時 42分鐘，再轉乘中央巴士，約 25分鐘。新千歲機場
一般機場設計冷漠，正常人都唔多願停留，但北海道新千歲機場就不斷有驚喜，除了有不少手信鋪可以掃貨，令商場日日爆滿。係多啦 A夢 fans的話，就不能錯過多啦 A夢主題樂園，位於機場三樓，佔地過萬呎，分免費及收費區，有成二千多件模型任你觀賞，更過癮嘅係你可以親身體驗「法寶」，透過立體、倒影等技術製造幻象。機場四樓更設溫泉店，仲通宵營業，不過記得睇住時間，唔好玩到 miss咗班機。
機場二樓有齊食肆、商店，三樓更有北海道拉麵道場，有十間拉麵店，想食咩口味都有齊晒。
位於機場三樓的 Royce’ Chocolate World，可以透過玻璃窗直擊朱古力的製作過程，仲可以即刻買嚟食。
多啦 A夢主題樂園收費區入場費$50，至於精品店？當然在免費區。
德國名牌熊仔 Steiff也有主題館，分六個園區，展示熊仔唔同面貌。
萬葉之湯在北海道有多間分店，今次進駐機場四樓，以後坐凌晨機都無問題。住宿推介
兩口子浸溫泉，最緊要夠清靜，沒人騷擾就最好，想避開如蝗蟲般的人群，在札幌離定山溪溫泉鄉約十分鐘車程的翠山亭俱樂部是不二之選。這裡格局似高級私人會所，走摩登豪華路線，燈光昏暗設計簡約，很有情調。所有房間都有室內私家風呂，唔算好寬敞，至少可以慢慢浸。二樓仿照圖書館作設計的酒吧，每天以自助形式免費供應餐酒及咖啡，四周放滿了陶瓷、玻璃藝術品，睇中可以買走。
旅館內有兩間套房，最大的足有過千呎，有榻榻米亦有床，可容納五人。
酒吧每日 3時至 7時設免費任飲，有紅白餐酒、咖啡及甜點供應。
每間房都有私人溫泉，套房內的算大，可容納兩人，水溫最高可達 70度。翠山亭俱樂部定山溪
地址：札幌市南區定山溪溫泉西 2丁目 10
電話：+81-11-595-2001
網址： http://www.club-jyozankei.com
價錢：每位$2,625起
有 114年歷史的鯉川溫泉旅館，位於二世古昆布溫泉鄉，家庭式經營，至今已由第三代館主八木周司先生接手。旅館似日本昔日的學校，木造建築外形及裝潢富懷舊韻味，設施唔可以同酒店相提並論，如民宿般樸素簡約，但感覺生活化。
旅館不大，只有十二間房，設施有限，卻吸引不少當地人幫襯。冬天看雪景，秋天賞紅葉。
木材鋪成的走廊似足昔日的學校。鯉川溫泉旅館
地址：磯谷郡蘭越町字湯里 592
電話：+81-136-58-2111
網址： http://www.koikawa-onsen.jimdo.com
北海道溫莎度假酒店有「亞洲瑞士」的稱譽，係當地唯一一間六星級度假村。酒店內外配套齊全，大廳高樓底極有氣派，早幾年更曾招待七大工業國元首。
酒店擁有全日本唯一米芝蓮三星法國餐廳，落地玻璃可環顧洞爺湖一帶景色。
房間寬敞，全部坐擁湖景或海景。溫莎度 假村酒店
地址：北海道虻田郡洞爺湖町清水
電話：+81-142-73-1111
網址： http://www.windsor-hotels.co.jp
價錢：$3,066起/晚旅遊資料
簽證：持 BNO或特區護照均毋須簽證。
機票：國泰航空、香港航空有直航來往北海道新千歲機場。票價$5,775起。
時差：比香港快一小時。
貨幣：日圓 Yen，匯率約 HK$8.4=100円（文中以此計算）
天氣：北海道四季分明，夏天平均約 25℃以下，氣候宜人；冬天下雪，可低至-10℃。不同季節的北海道有不一樣的風景，如夏天賞花，冬天滑雪。
電壓： 110伏特，插頭為兩直腳扁插。
電話：北海道每個地方的區號不同，例如札榥為 11，函館為 138，旭川為 166。可在機場或各便利商店買 SIM Card上網或致電，或在香港購日本流動數據 SIM Card，費用較便宜。查詢： http://www.esondata.com
交通：北海道市內交通方便，有 JR、地鐵及巴士前往各地，自駕遊亦容易。往道東及道北，高速公路不多，駕車時間較長，建議每兩小時休息一次。
租車公司推介： http://www.nrh.co.jp/foreign
http://www.rent-a-lease.com/chinese
JR網址： http://www.jrhokkaido.co.jp
地鐵網址： http://www.city.sapporo.jp
巴士網址： http://www.chuo-bus.co.jp有用電話
消防局： 119
天氣查詢： 177
VISA信用卡報失：+81-120-133-173
Master信用卡報失：+81-3-5531-6100
中國駐北海道大使館
地址：北海道札幌市中央區南 13條西 23-5-1
電話：+81-11-563-5563旅遊小貼士
Q：哪個季節是遊北海道的最佳時間？
A：北海道四季分明，每個季節都有不同風景。 4-6月是北海道的春季，有些地方的雪還未完全融化， 5月初櫻花在各地陸續開始盛放，可在網上確認開花時間； 7-8月是夏季，不會太熱，五顏六色的花田盛放，是攝影的好時機； 9-11月是秋季，楓遍全國，是賞楓的季節，而且這段時間的魚獲豐富及農產品收成，因此可盡情享受北海道的美食； 12-3月是冬季，大部分街道都覆蓋着白雪，滑雪活動非常受歡迎。
Q：北海道有哪些特別祭節？
A：若果冬天遊北海道，一定不可以錯過當地各大雪祭，包括札幌雪祭、小樽雪燈之路、層雲峽冰瀑祭及旭川冬祭。札幌雪祭由 1950年開始，每年二月舉行，分別在大通會場、 Susukino及 Tsudomu會場展示不同造型的冰雕及雪雕；小樽雪燈之路也是在每年二月舉行，用積雪製成燈，點上蠟燭，每個店鋪門前都點起不同造型的雪燈，氣氛浪漫；層雲峽冰瀑祭的祭典時間由一月橫跨至三月，在石狩川的河畔舉行，用十萬噸冰雪堆成城堡、迷宮及滑梯等造型，並配上不同顏色燈光，場面壯麗；旭川冬祭在旭橋河畔舉行，知名度雖不及札幌雪祭，卻有健力士世界紀錄的超級大雪像，吸引不少遊人前往觀賞。
Q：浸溫泉有何規矩要遵守？
A：進入溫泉池前應沖身，不要把毛巾帶進池內，亦不可以穿泳衣或用毛巾包身。不喜歡同陌生人肉帛相見的話，不少溫泉都提供「貸切風呂」，即是包場，通常需要額外加錢及限時。每次浸泡不要超過半小時，若飲完酒千萬不要立刻入浴。
Q：冬天往北海道有什麼要注意？
A：北海道下雪量多，在積雪或結冰路面上走路很易跌倒，記得穿著舒適的平底鞋或防滑鞋，亦可到當地鞋店或運動用品店購買防滑抓套在鞋底。雪地自駕尤其困難，一定要在租車店買多一重保險，及留意旅遊保險意外賠償條款，沒有雪地駕駛經驗者，建議乘公共交通工具較安全。整理︰許宇靖 資料︰壹週刊生活組
沒有留言:
張貼留言