健康
熱愛籃球的阿霖，昔日每星期打三、四次，但患病後，由於稍有碰撞都會觸發痛風，他為免受傷，現在每月只打一、兩次，而且盡量避免劇烈走動，以射籃為主。
頭號健康
痛風轉襲年輕男
2013年02月21日 ~~ 第1198期 香港《壹周刊》
痛風向來被視為「熟男」甚至是老人病，但醫生指出，隨着「三高」年輕化，愈來愈多二、三十歲出頭的年輕男患上痛風症。事實上，痛風一旦黐埋身就好難斷尾，控制不好的話，還有機會導致腎結石，影響腎臟功能。所以，不想痛風「找上門」，便要做好預防措施，減肥、戒酒是醫生公認最有效的方法。
因右膝積聚大量尿酸晶體，阿霖去年須做微創手術清除。
今年二十六歲，在餐廳工作的阿霖，身高五呎七吋，體重二百零五磅，腰圍約四十吋。擁有如此「突出」的身形，難怪三年前，當時只有二十三歲的他，已經被痛風惡魔「睇中」。
憶起第一次痛風發作的情景，阿霖仍歷歷在目，「嗰晚去朋友屋企食飯，我食咗一隻蟹，之後駕車返屋企途中，我隻右腳腳掌已經開始痛。當時我都唔知發生乜嘢事，仲以為係之前打籃球扭親，諗住休息一陣就會無事，點知愈夜愈痛，痛到好似被幾十支針㓤，加上隻腳愈來愈腫，終於頂唔順去咗急症室。」當下醫生替阿霖抽血檢驗，報告顯示他的尿酸指數接近 9mg/dL，並有痛風臨床病徵，遂確診他患上痛風症。
骨科專科醫生高拔萃表示，尿酸其實是普林（ Purine）的代謝物，我們在日常飲食中會攝取到普林，正常情況下，普林透過新陳代謝變成尿酸後，會經腎臟排出體外，使血液中的尿酸濃度維持在正常值 6mg/dL或以下。但若尿酸產生過多或排出過少時，濃度超過 9mg/ dL，有近兩成五的人會因而觸發痛風。
因右膝積聚大量尿酸晶體，阿霖去年須做微創手術清除。
今年二十六歲，在餐廳工作的阿霖，身高五呎七吋，體重二百零五磅，腰圍約四十吋。擁有如此「突出」的身形，難怪三年前，當時只有二十三歲的他，已經被痛風惡魔「睇中」。
憶起第一次痛風發作的情景，阿霖仍歷歷在目，「嗰晚去朋友屋企食飯，我食咗一隻蟹，之後駕車返屋企途中，我隻右腳腳掌已經開始痛。當時我都唔知發生乜嘢事，仲以為係之前打籃球扭親，諗住休息一陣就會無事，點知愈夜愈痛，痛到好似被幾十支針㓤，加上隻腳愈來愈腫，終於頂唔順去咗急症室。」當下醫生替阿霖抽血檢驗，報告顯示他的尿酸指數接近 9mg/dL，並有痛風臨床病徵，遂確診他患上痛風症。
骨科專科醫生高拔萃表示，尿酸其實是普林（ Purine）的代謝物，我們在日常飲食中會攝取到普林，正常情況下，普林透過新陳代謝變成尿酸後，會經腎臟排出體外，使血液中的尿酸濃度維持在正常值 6mg/dL或以下。但若尿酸產生過多或排出過少時，濃度超過 9mg/ dL，有近兩成五的人會因而觸發痛風。
男人為主 多屬三高
高醫生續稱，痛風患者的男女比例為九比一，女性在停經前一般很少患上此症，因女性荷爾蒙可刺激腎臟排走尿酸。不過，以往痛風主要襲擊中年以上的男士，但近年患者卻有年輕化的趨勢，在他接觸的男病人之中，最年輕的只有十六歲。「我相信都係因為而家啲人愈來愈識飲識食，其實呢個病絕大部分係『食』出來嘅，好多痛風患者亦同時係『三高』（高血壓、高血糖、高膽固醇）病人，體形比較肥胖。」
追查阿霖的飲食習慣，發現他得病並非無原因。「我好鍾意飲老火湯，青紅蘿蔔煲排骨、西洋菜煲豬𦟌係我嘅至愛，公司日日有湯水供應，基本上我開工係湯當水咁飲；返到屋企，亦同樣晚晚有老火湯，以前我會連湯渣都食埋，而家已經收斂咗。
「另外，我由細到大都好鍾意食甜嘢，一星期三晚同朋友消夜都係食糖水；我亦好鍾意食朱古力，最瘋狂嘅時候，可以一口氣食四排。」
嗜湯好甜痛風大忌
「湯癡」阿霖寧可放棄美食也不願放棄靚湯，每次外出用膳也必定點老火湯飲。
註冊營養師劉立儀指出，狂「隊」老火湯兼「喪」食甜品，絕對是痛風病人的危險之舉。「煲老火湯少不免用較多嘅肉類，但肉類其實含大量普林，長時間煲煮會加速普林溶於水中，飲落肚之後就會令尿酸增多；另外，以湯代水亦係好錯嘅做法，因為痛風病人更加需要飲多啲水去排走尿酸，我會建議佢哋每日至少飲十至十二杯清水。
「至於糖水、朱古力，雖然並非高普林食物，但熱量就非常之高，會令體重增加，痛風病人亦應該少食。」
前年年尾，饞嘴又無決心減肥的阿霖終於吃出禍來，搞到要入醫院做手術，還要長期服食降尿酸藥。「其實呢幾年我痛風都不時發作，有時半年，有時兩、三個月就發作一次，但一直都係限於腳趾、腳眼、腳掌位，但二○一一年尾，我右邊膝頭突然好腫好痛，擾攘咗一個月，食極消炎止痛藥都唔得，醫生話係因為我膝頭積咗好多尿酸晶體，要用微創手術去清除。」
易請難送戒口為妙
高拔萃醫生解釋，當尿酸濃度過高，就會在距離心臟較遠、溫度較低的遠端關節，例如是腳趾、腳掌、手指、手腕內沉積，並形成晶體，引致發炎、紅腫、脹痛和灼熱。「如果痛風控制得唔好，其他大關節，例如是膝頭、手肘都會相繼受影響，嚴重的話，更會引致關節變形。另外，尿酸晶體亦有可能在腎臟積聚，形成腎結石，造成慢性腎病。」
由於痛風「易請難送」，一旦患上便無法根治，因此高醫生特別提醒年輕男士要注意飲食，避開「三高」食物。「呢個病，其實係可以預防嘅，即使驗到尿酸高、甚至確診為痛風患者，只要節制飲食，平日少食高普林食物，都可以大大減低痛風病發嘅機會。不過，如果痛風真係發作得好密，例如一年發作超過三、四次，醫生一般都會建議病人長期服用降尿酸藥，避免關節長期受到破壞。」
三十多歲從事 IT行業的林先生，身形瘦削，很難想像他在十八歲時已經加入痛風患者的行列。「我無『三高』，又唔飲酒，身體又無乜大病痛，真係諗極都唔明，點解我會中招！」
痛風常發於腳趾、手指，嚴重者，會出現關節變形
遺傳因素食物誘發
近年流行吃雞煲，肥膩之餘，亦會令人不知不覺間吃下大量肉類，若再加上啤酒，就很容易攝取過量普林，令尿酸增加，誘發痛風。
香港風濕病基金會副主席兼風濕病科專科醫生陳德顯表示，痛風與遺傳亦有一定關係。「有小部分人身體嘅遺傳基因可能出咗問題，以致自己製造過多尿酸，呢類病人好敏感，只要稍為食得多少少高普林食物，就有機會誘發痛風。」
林先生慨嘆︰「其實對我來講，戒唔戒口都好似無分別，所以而家我都唔理咁多，照食我鍾意嘅海產、海鮮，例如蝦、蟹、蠔。」
不過，註冊營養師劉立儀卻對林先生這種想法有保留。「的而且確，就算嚴格限制普林嘅攝取量，對降低尿酸濃度可能只係有好輕微嘅幫助，但如果痛風病人完全唔戒口，無節制咁食，就往往會令尿酸濃度大幅飆升，咁樣好容易病發。」
戒酒服藥減少病發
林先生的腳趾公關節經常受痛風襲擊，每次病發都令他舉步維艱。
「除此之外，我亦叮囑痛風病人千祈唔好飲酒，我見過好多痛風患者，平日無事無幹，但偶爾一、兩杯酒落肚，就會即刻出事。」
鑑於近一、兩年，林先生幾乎每星期都病發，唯有長期服用降尿酸藥物，惟他依然不服氣，仍努力尋找治病良方。「我試過買一啲可以降尿酸嘅茶包來飲，但飲咗兩個月，都係好似無乜用。」
對於坊間這些聲稱能降尿酸、治療痛風的保健產品，陳德顯醫生坦言對成效存疑。「從西醫角度來看，暫時無發現有邊啲食物可以幫助降尿酸，飲茶包，或者有助增加水分吸收，加速排走尿酸，但就無直接治療痛風作用。」
精明飲食
痛風是「吃」出來的病，想遠離痛風，就要吃得精明，而痛風患者，就更加要提防高普林和中普林的食物。
全麥麵包、麥餅、麥皮看似健康，但由於普林含量高，並不適合痛風患者食用。
藥物新知
新一代降尿酸藥 Febuxostat較傳統藥物副作用少，而且治療效果理想。
傳統的降尿酸藥物主要為 Allopurinol或 Probenecid，惟約有 1%的病人，會對 Allopurinol產生皮膚敏感反應，更有 0.1%的病人，會出現嚴重過敏反應，甚至危及生命。另腎功能較弱的痛風患者，亦不適宜服用 Probenecid。
針劑快速溶解結晶
但自新一代降尿酸藥 Febuxostat面世後，痛風患者有更多的選擇。香港中文大學內科及藥物治療學系教授譚麗珊說︰「呢隻藥比起傳統嘅降尿酸藥更加安全、有效，上年醫管局開始引入，但就屬於自費藥物，病人每個月大約要支付六百元藥費。」
另外，美國食品及藥物管理局（ FDA）亦剛批准生物製劑 Pegloticase作為降尿酸藥物。譚教授透露︰「外國有研究發現，當身體積聚大量尿酸晶體時，若靠口服降尿酸藥去溶解，可能需時十年八載；相反，如果注射 Pegloticase，就可能只需幾個月，尿酸晶體就會明顯縮細。對於病情嚴重，採用傳統治療而效果又唔理想嘅病人，可以考慮用呢個方法。」不過，有關藥物暫時仍未在本港註冊，而且費用昂貴，每針數以萬元計。
話你知
香港風濕病基金會不時舉辦風濕病講座，除提供痛風資訊外，亦設有電話支援熱線，提供輔導。網址︰ http://www.hkarf.org
話你知
減肥有助控制痛風病情，但患者忌急速減磅，尤其過分節食，會令肌肉內的蛋白質分解，代謝出更多尿酸，加速痛風發作。最理想是一星期減一至兩磅。
撰文：沈雅詩
攝影：許朝暉
攝影：許朝暉
沒有留言:
張貼留言