近期盛女熱爆， 36歲的滕麗名（阿滕），一次又一次俾男人呃，仲未上到岸，稱得上係盛女人辦。
06年她被大陸學生妹張利華撬走拍拖9年的魏駿傑、09年又被本刊踢爆其男友郭政鴻原來有老婆兼有B。連環重創後，滕麗名去年再被指當上小三，苦纏已有正印女友的圈外打工仔朱建崑（Matthew）。
據知滕麗名曾經對花心男友Matthew心灰意冷，冷戰個多月，但阿滕心知自己market愈來愈細，故的起心肝與正印鬥過。
4月初，本刊獨家斷正滕麗名與男友Matthew鬼祟由東京旅行完返港。暫時脫離盛女行列的阿滕每次約會男友都拋晒胸，信心返晒嚟。相信她已成功踢走正印，自己坐正。
每晚睇無綫，都見到《結．分@謊程式》內，滕麗名有個能幹、對自己又死心塌地的老公陳奐仁任佢呼喝，令觀眾睇到火都嚟。原來現實生活中，感情路上飽經風霜的滕麗名，小女人不特止， 還極度執迷。
自2010年阿滕自願退出，唔再做介入郭政鴻家庭的第三者後，去年初即遇上於Canon從事行銷工作的打工仔朱建崑（Matthew），二人一撻 即着。「佢哋喺朋友敍會上認識，交換電話後，Matthew就狂追阿滕。Matthew做得sales，把口梗有番咁上下，佢經常夜蒲，溝女對佢嚟講冇難 度。阿滕恨拍拖恨到出面，佢兩個話咁快撻着。」知情者說。可惜撻着半年後，Matthew被爆一腳踏兩船，阿滕無奈再做第三者，情緒一度崩潰失控。
男人不壞，女人不愛。明知花心男友身邊有個正印女友，去年底滕麗名竟低調與Matthew翻撻。阿滕好友說：「阿滕衰咗鑊喺郭政鴻手上，嗰時已經 同我哋班姊妹講，點都唔會再做人第三者， 點知轉個頭又係咁。阿滕係個冇愛情唔得嘅人，Matthew又送花、又send SMS，多兩，個幾月又一齊番囉！我哋問佢，佢唔肯認㗎， 但佢講過真係好鍾意Matthew！」
去年8月 啜爆正印女友
去年8月，Matthew陪拍拖多年的正印女友happy hour，兩人的士上激吻兼返回男方位於紅磡的住所過夜。東窗事發後，阿滕曾與男友冷戰，但不久又被他番。
兩年地下戀情
阿滕早年與魏駿傑拍拖9年愛得光明正大，奈何爛尾收場，此後她不肯再公開戀情，即使被影到拖手或者過夜，她都一概擘大眼講大話。
11年5月 甜蜜遊泰
去年5月，縢麗名與新相識的Matthew打得火熱，兩人更一起去泰國旅行。返港時在眾目睽睽下卿卿我我。
11年6月 帶仔返歸
滕麗名被本刊影到親自駕車接Matthew返回她位於西貢的村屋過夜，阿滕全程拒絕回應。
11年8月 蒙在鼓裏
Matthew背住阿滕與正印女友鬼混後翌日，竟拖住阿滕與自己同事一齊食飯、唱K，兩人並於尖沙嘴街頭十指緊扣，數日後即被傳媒揭發男方一腳踏兩船。
湯水攻勢箍男友
為了踢走Matthew正印女友，阿滕頻頻出招，除了做跟得女友，又經常煲靚湯及煮飯俾男友食。不論 出街買餸，入廚房煮飯，準備甜品生果，到飯後洗碗，都由她一手包辦。直到今年二月，Matthew終被打動，決心飛甩正印女友，與阿滕一齊。為了箍實男 友，阿滕每次約會Matthew都小鳥依人， 更悉心打扮，趁自己身材仲keep得住，經常以低胸裝出擊。
機艙全程戴口罩
阿 滕翻撻成功，當然盡地一煲希望脫離盛女行列。最近拍完《結．分@謊程式》，阿滕病住都與男友去東京旅行。4月11日傍晚，本刊發現，她與Matthew坐 國泰經濟艙航班由日本東京羽田機場返港。據機組人員透露：「喺候機室已經見到滕麗名同個男人一齊，可能人多啦！佢哋冇傾偈，好似唔識咁。後尾排隊上機，佢 哋就排頭等、商務嗰行。點知睇張機票至知係坐經濟艙，不過空姐照俾佢哋入先。」 當日阿滕以小背心拋胸上陣，不過一直戴上大口罩作遮掩。上機後Matthew一馬當先將二人行李放上儲物櫃，阿滕則輕鬆坐在經濟艙座位上。二人全程雖未有 交談，但一舉一動都默契十足。起飛未夠15分鐘，二人已各有各瞓，連飛機餐都懶得食，看來5日4夜東京之旅實在太盡興。飛機着陸後，Matthew邊攞行 李邊溫柔地對阿滕說：「你啲傷風未好番，喺香港唔好再凍親喇！」阿滕即以嬌嗲聲線回應：「我知道啦！」男友一句關心的說話，戀愛大過天的阿滕一定甜到入 心。
麥玲玲批 阿滕44歲後先有真姻緣
滕麗名76年1月20號出世，麥玲玲師傅話佢嘅真正姻緣運要到44歲先會出 現。「阿滕條命凍得滯呀！容易成為二奶、第三者，而且同人爭通常都係爭輸，成為犧牲品，特別係35歲至44歲，感情比較反覆，唔實在。舊年仲差，今年叫做 好啲，易爭贏，不過都係短暫勝利囉。阿滕對感情太認真喇， 佢適合異地戀，或者搵個對象大佢十幾年以上，離過婚仲好啲。」連玲玲師傅都咁講，難道阿滕真係要認命。
日本補祝生日
返 港後滕麗名心情大靚，在朋友敍會上經常講起男友，看來關係漸漸地上化。知情者透露：「阿滕之前幾個月都冇提起過Matthew，連去日本事先都冇同我哋 講。點知去完返嚟，佢成個人風騷晒，又話Matthew帶佢去過邊度玩，仲好有信心同我哋講話對方係信得過，真係好耐冇見阿滕笑得咁開心。我哋估 Matthew喺嗰邊應承咗阿滕一啲嘢。」據知， 今次東京之旅是Matthew為一月生日的阿滕補祝生日，因為阿滕一直忙於拍《結．分@謊程式》，而將旅行一改再改。返港後，滕麗名經常自由進出 Matthew位於紅磡海濱南岸的住所，展開半同居生活。
假期Mark實男友
上周日（22日）下午一 時，Matthew駕駛其單門寶馬跑車，載住阿滕、阿滕好友及兒子，由紅磡寓所駛出，再到深灣遊艇會。戴住黑超、身形豐滿了不少的阿滕率先落車，隱約見到 她的吊帶裙內已穿上性感三點式泳衣。她還主動代友人抱住一個體重接近30磅的小男孩，心廣體胖的阿滕臂力原來有番咁上下。待Matthew泊好車，一行四 人浩浩蕩蕩向遊艇會走去。記者等至傍晚都未見眾人離開，相信他們趁當日陽光普照出海去了。 事後記者曾致電滕麗名和Matthew，但至截稿前仍未聯絡得上。
三遇情場騙子
滕麗名19歲加入娛樂圈，多年來事業發展一般，感情路上卻波折重重，三遇情場騙子，多次被男友出賣，堪稱無綫花旦中最可憐的一位。
98-07年 婚前甩拖
阿滕與魏駿傑拍拖9年，已達談婚論嫁的階段。魏卻在重慶拍劇時搭上嫩口女學生張利華。07年魏滕二人分手，不足半年後，魏更與新歡閃電結婚。
08-10年 慘變二奶
阿滕與郭政鴻合作《野蠻奶奶大戰戈師奶》戲假情真撻着，二人出雙入對甚至車廂熱吻，發展穩定。09年郭政鴻被踢爆一腳踏兩船，更早與一名內地女子誕下女兒（下圖），阿滕在不知情下成為第三者，最後黯然退出。去年中，郭政鴻還再添一女，阿滕唔死心都唔得啦。
2011年 遇花心男
阿滕見過鬼仲未怕黑，去年中再戀上Canon打工仔朱建崑（Matthew），但不久爆出男方早有拍拖多年的正印女友，一腳踏兩船。雖然斷正，但阿滕想早日擺脫「盛女」行列，惟有隻眼開隻眼閉。現時踢走正印，希望佢開花結果啦。 ####
4月11日
鬼祟由東京返港
滕麗名與男友Matthew由日本羽田機場返港，可能機上有不少香港人的關係，着吊帶衫晒胸的阿滕一直戴上口罩，登機後低頭瑟縮。Matthew則擰歪面坐，兩人扮作不相識。
拋胸係我嘅必殺技！（設計對白）
滕麗名連環情傷，去年豁出去，擔任謝沇錤豐胸纖體專門店代言人。《蘋果日報》圖片
機艙現怪胸
為掩人耳目，Matthew起飛後亦戴上口罩，兩人瞓足4個鐘機程。其間記者發現，阿滕的前腹忽然現怪胸，相信只有兩個可能：一是阿滕在日本食得太多出現怪肚腩，二是她解掉bra帶令胸部下墮。
《壹週刊》圖片
《壹週刊》圖片
《壹週刊》圖片
《壹週刊》圖片
4月22日肥腫似大肚
踏入4月中，香港氣溫驟升，風和日麗最適合出海。這日阿滕坐Matthew車到達深灣遊艇會，身穿吊帶花裙的她率先下車。現場所見她身形腫脹不少，唔知仲以為佢有咗。
手瓜起𦟌
下車後，阿滕母愛爆棚抱起女友人重三十磅的兒子。
出海暢泳
阿滕與Matthew甚有默契，在公眾場所二人甚少交談，阿滕與女友人先下車，Matthew泊好車才尾隨。
4月21日送上門
阿滕最近冇工開，日日掛住瘟仔。這日下午4時，她由西貢寓所駕車去Matthew紅磡屋企，至深夜都未見離開。
住千萬豪宅
Matthew被指是打工仔，但他出入揸七十幾萬的寶馬房車，住的是月租二萬多元的紅磡豪宅海濱南岸。《蘋果日報》圖片
村屋冇私隱
阿滕多年前在西貢購入村屋，與郭政鴻搭上期間，郭不時被影到出入該村屋。有指阿滕近年有意在市區買豪宅，唔想瘟仔再被影到。
無綫處境劇《結．分@謊程式》中的阿滕，角色大女人，經常使喚老公陳奐仁。現實中的阿滕卻是小女人，為愛不惜犧牲一切。
勁恨披嫁衣 今年已36歲的阿滕，恨嫁恨到出面。雖然唔肯承認拍拖，但她說：「到結婚先會公開！」《蘋果日報》圖片
死敵唔回應 因為拍劇，阿滕與商天娥成為死對頭，兩人不時隔空互片。對於阿滕打低男友正印女友坐正，娥姐卻不肯回應半句。《壹週刊》圖片
《蘋果日報》圖片
《壹週刊》圖片
沒有留言:
張貼留言