周五（27日）誕下6磅2安士小B女嘅陳自瑤（Yo Yo），經過兩日休養後，於29號下晝，由老公王浩信陪同出院。戴住大黑超嘅Yo Yo睇嚟精神唔錯，兩公婆十指緊扣，恩愛就恩愛，不過見王浩信只用一隻手抱住B女，睇落有啲牙煙啫。
當Yo Yo同王浩信做訪問時，為免小B女受鎂光燈影響，兩公婆輪流幫囡囡以衫遮面，不過王小千金全程都冇「詐型」，一味瞓。上咗車後，小B女竟自己以雙手遮擋陽光，真係精靈得嚟又幾招積喎！
王浩信點解唔學Kelly老公，用個BB籃挽住呢， 既安全又摩登嘛。
Yo Yo不停拉起BB女件衫遮鎂光燈，BB女全程冇開眼，又冇周身郁，好乖喎。
一上車，受到陽光反射，BB女竟然自動雙手遮擋，真係叻女。
陳自瑤忙湊龍女
陳自瑤（Yo Yo）去年11月結婚兼宣布有咗，除咗每日keep住喺微博為有份演嘅劇集打氣之外，前排仲學識整曲奇餅。B女預產期原為5月中，但早前發現B女被臍帶纏 頸，Yo Yo上周五（27日）早上剖腹取出6磅2安士龍女，老公王浩信仲親手為龍女剪臍帶。生咗嘅YoYo辛苦湊B，睇嚟會絕跡微博一排咯！
產前學整曲奇
YoYo為生仔停工，閒時在家學整曲奇，第時仲可以同囡囡一齊整，當親子活動。 ####
一家三口 提早榮升爸爸媽媽，陳自瑤同王浩信都好開心。依家YoYo坐月，王浩信亦停工照顧老婆同囡囡，生手父母應該忙到冇覺好瞓。
沒有留言:
張貼留言