買電器，好多人只講功能、樣同價錢，是否慳電？最後先會諗。
世界自然基金會（WWF）高級氣候項目主任黃俊賢（Angus）指出，之前測試發現不同品牌的電器，耗電量相差甚遠，以LED TV為例，全年電費可以相差$110，聽落好少，但每件電器慳少少，加加埋埋隨時多過政府資助的千八蚊。
老實講，買慳電器材好難靠慳番來的電費回本，但如果大前提是幫地球減碳，幾貴都值。
第1步：識讀標籤
目前政 府只強制五種電器（雪櫃、冷氣機、抽濕機、洗衣機及慳電膽）要有能源標籤（http://www.gov.hk/tc/residents /environment/energy/mandatorylabel.htm），一級最慳電，五級最嘥電，每級標籤的產品耗電量約相差10至15%， 以一部一匹冷氣機為例，一級同五級的全年電費可以相差$480。
其餘電器未有規限，所以好少有貼標籤。如果電器在外國出廠，由於要跟足歐美國家指引，清楚表明產品是否慳電，Angus話雖然每個國家審批標準不同，但有認證的電器，基本上已夠慳電，部分會列明耗電量，更具參考價值。
第2步：有數得計
如果無列明耗電量，可以睇產品catalog，一般會列出操作及備用時的耗電量，例如某牌子電視操作時耗電量為100W，備用時為1W，假設你平均每日睇六個鐘電視，粗略計算：100W×6小時+1W×18小時 = 618Wh
由於中電及港燈以kWh為收費單位，只要將以上結果除以1000，即可得出耗電度數，換言之，電視機每日大約用0.618度電，再乘以每度電電費（中電每度電約$1.028，港燈則約$1.311），就知部機每日電費要$0.64（中電）/ $0.81（港燈）。
其中以電視機分別最大，近兩、三年興起的LED TV（http://www.hdplasmatvreviews.com/plasma-vs-lcd-vs-led-tv），用LED發光，比起用光 管發光的LCD TV更慳電，畫質亦較靚。雖然LCD TV價格平一大截，例如Sony 40吋LCD TV只賣$5,980，但同尺寸LED TV最平都要$9,980，但單睇下面數據，就知LED TV比LCD TV慳最少四成電費，而且壽命更長，用五年已比LCD TV慳到$900電費，差價其實只得三千一。
另外，亦可以買個「耗電計算器」（約$180），將家中電器逐一插入量度耗電量，再計算邊件電費最貴，以後盡量少用。
第3步：靠拖板
揀到慳電產品，想進一步慳更多電，可由備用時間入手；曾有測試指PlayStation 3遊戲機由於會定期連接上網檢查更新，所以備用狀態下都會好「食電」，就算無開機玩，每年已經要俾$1,400電費，好得人驚。
最直接解決方法是用後掹插蘇，或使用設有獨立開關掣的拖板，每次用完就熄埋拖板上對應開關掣。嫌每次出門口要手動熄全屋電器？中電建議可考慮用智 能拖板（https://www.clponline.com.hk/myHome/EnergyEfficiencyIdeas /EEGadgetTech/SmartPlug/Pages/Default.aspx）（約$300），拖板設有一個「Master」插頭及幾個 「Peripheral」插頭，只要將電視插到「Master」位置，然後將同電視相關的電器例如DVD機、機頂盒、錄影機等插到 「Peripheral」，每次一熄Master位置電器，拖板就會自動切斷埋Peripheral位置電源，毋須逐個掣㩒。
第4步：校時間
屋 企好多電器未必需要長時間開啟，例如冷氣機、暖風機、抽濕機等，其實用一陣已熄得，可以加裝時間掣（約$30至$200，電流愈大就愈貴）設定幾時開幾時 關，例如瞓覺開着冷氣機後，set定半夜自動熄機，一來可以慳電，二來不用開足全晚，第二朝抽到「乾爭爭」，健康又慳電。
第5步：換燈膽
同 電視機一樣，家居照明用LED就最慳，有數得計：以普通兩房一廳小家庭計，成間屋用傳統鎢絲燈膽，每月大約要交$150電費，轉用慳電膽就交$100，但 用LED燈膽只需$80。表面睇，LED燈膽售價較貴（約$100），但壽命（近六萬小時）比慳電膽長六倍，而且用5W就可以做到10W慳電膽或50W傳 統燈膽的亮度，最重要是每盞慳電膽平均有5mg水銀，如果隨意棄掉，會對環境造成極大禍害，為地球着想，轉LED最好。 ####
用「耗電計算器」接駁屋企電視，即時顯示電流數字為0.435A，再乘以220V電壓，就知耗電量為95.7W，每小時要交約＄1電費。
能源標籤列明「每年耗電量」，例如圖中標籤列明每年用1200小時要交$935電費，毋須靠估。
LED TV選擇多又慳電，不過售價仍然比舊式LCD TV貴一截。
「Master」位置特別以不同顏色標示，包保不會認錯。
部分智能拖板設有紅外線感應，用遙控器關「Master」電器，拖板就識得切斷埋「Peripheral」電器，連㩒掣都慳番。
接駁冷氣機要使用電流較大的時間掣，20A以上先夠用，否則好易燒掉。
LED燈膽體積較細，而且可輕易轉成不同顏色，Philips之前就曾推出過可轉色的冰桶（http://www.philips.com.hk/c/ambiance-accessories/lumiware-691516066/prd/zh），既可照明又可放酒。
世界自然基金會（WWF）高級氣候項目主任黃俊賢（Angus）指出，之前測試發現不同品牌的電器，耗電量相差甚遠，以LED TV為例，全年電費可以相差$110，聽落好少，但每件電器慳少少，加加埋埋隨時多過政府資助的千八蚊。
老實講，買慳電器材好難靠慳番來的電費回本，但如果大前提是幫地球減碳，幾貴都值。
第1步：識讀標籤
目前政 府只強制五種電器（雪櫃、冷氣機、抽濕機、洗衣機及慳電膽）要有能源標籤（http://www.gov.hk/tc/residents /environment/energy/mandatorylabel.htm），一級最慳電，五級最嘥電，每級標籤的產品耗電量約相差10至15%， 以一部一匹冷氣機為例，一級同五級的全年電費可以相差$480。
其餘電器未有規限，所以好少有貼標籤。如果電器在外國出廠，由於要跟足歐美國家指引，清楚表明產品是否慳電，Angus話雖然每個國家審批標準不同，但有認證的電器，基本上已夠慳電，部分會列明耗電量，更具參考價值。
第2步：有數得計
如果無列明耗電量，可以睇產品catalog，一般會列出操作及備用時的耗電量，例如某牌子電視操作時耗電量為100W，備用時為1W，假設你平均每日睇六個鐘電視，粗略計算：100W×6小時+1W×18小時 = 618Wh
由於中電及港燈以kWh為收費單位，只要將以上結果除以1000，即可得出耗電度數，換言之，電視機每日大約用0.618度電，再乘以每度電電費（中電每度電約$1.028，港燈則約$1.311），就知部機每日電費要$0.64（中電）/ $0.81（港燈）。
其中以電視機分別最大，近兩、三年興起的LED TV（http://www.hdplasmatvreviews.com/plasma-vs-lcd-vs-led-tv），用LED發光，比起用光 管發光的LCD TV更慳電，畫質亦較靚。雖然LCD TV價格平一大截，例如Sony 40吋LCD TV只賣$5,980，但同尺寸LED TV最平都要$9,980，但單睇下面數據，就知LED TV比LCD TV慳最少四成電費，而且壽命更長，用五年已比LCD TV慳到$900電費，差價其實只得三千一。
另外，亦可以買個「耗電計算器」（約$180），將家中電器逐一插入量度耗電量，再計算邊件電費最貴，以後盡量少用。
第3步：靠拖板
揀到慳電產品，想進一步慳更多電，可由備用時間入手；曾有測試指PlayStation 3遊戲機由於會定期連接上網檢查更新，所以備用狀態下都會好「食電」，就算無開機玩，每年已經要俾$1,400電費，好得人驚。
最直接解決方法是用後掹插蘇，或使用設有獨立開關掣的拖板，每次用完就熄埋拖板上對應開關掣。嫌每次出門口要手動熄全屋電器？中電建議可考慮用智 能拖板（https://www.clponline.com.hk/myHome/EnergyEfficiencyIdeas /EEGadgetTech/SmartPlug/Pages/Default.aspx）（約$300），拖板設有一個「Master」插頭及幾個 「Peripheral」插頭，只要將電視插到「Master」位置，然後將同電視相關的電器例如DVD機、機頂盒、錄影機等插到 「Peripheral」，每次一熄Master位置電器，拖板就會自動切斷埋Peripheral位置電源，毋須逐個掣㩒。
第4步：校時間
屋 企好多電器未必需要長時間開啟，例如冷氣機、暖風機、抽濕機等，其實用一陣已熄得，可以加裝時間掣（約$30至$200，電流愈大就愈貴）設定幾時開幾時 關，例如瞓覺開着冷氣機後，set定半夜自動熄機，一來可以慳電，二來不用開足全晚，第二朝抽到「乾爭爭」，健康又慳電。
第5步：換燈膽
同 電視機一樣，家居照明用LED就最慳，有數得計：以普通兩房一廳小家庭計，成間屋用傳統鎢絲燈膽，每月大約要交$150電費，轉用慳電膽就交$100，但 用LED燈膽只需$80。表面睇，LED燈膽售價較貴（約$100），但壽命（近六萬小時）比慳電膽長六倍，而且用5W就可以做到10W慳電膽或50W傳 統燈膽的亮度，最重要是每盞慳電膽平均有5mg水銀，如果隨意棄掉，會對環境造成極大禍害，為地球着想，轉LED最好。 ####
用「耗電計算器」接駁屋企電視，即時顯示電流數字為0.435A，再乘以220V電壓，就知耗電量為95.7W，每小時要交約＄1電費。
能源標籤列明「每年耗電量」，例如圖中標籤列明每年用1200小時要交$935電費，毋須靠估。
LED TV選擇多又慳電，不過售價仍然比舊式LCD TV貴一截。
「Master」位置特別以不同顏色標示，包保不會認錯。
部分智能拖板設有紅外線感應，用遙控器關「Master」電器，拖板就識得切斷埋「Peripheral」電器，連㩒掣都慳番。
接駁冷氣機要使用電流較大的時間掣，20A以上先夠用，否則好易燒掉。
LED燈膽體積較細，而且可輕易轉成不同顏色，Philips之前就曾推出過可轉色的冰桶（http://www.philips.com.hk/c/ambiance-accessories/lumiware-691516066/prd/zh），既可照明又可放酒。
沒有留言:
張貼留言