自從近年單車風刮起，唔少人都會買架單車隨時踩吓，不過講到將單車成為興趣，十居其九都係男性佔多。大部分女仔都係假日租車踩過吓癮就算，除咗自細有志成為女單車手嘅運動員外，決心買架單車周圍去嘅女仔可以話係極少數！
究竟點解都仲會有一班少數嘅女性單車愛好者咁熱愛踩單車？今期就搵咗3位終日與單車為伴嘅靚女，同大家分享吓單車少女心事！
Ball Ball's Profile
年齡：2x 職業：大學生 車種：梗牙單車 年資：2年
Peloton NJS 50 CM Spec.
車架：Peloton NJS 50 CM 傳動：Sugino Zen梗牙單速 制動：Gran Campe手制、Tektro卡鉗 輪組：前Pink Areo Spoke、後H+Son F30（車軸）、GranCompe（輪框） 車價：約$20,000
少女潮踩Fixed Gear
Ball Ball×Peloton NJS50 CM
女仔天生愛靚，連帶揀單車都一樣，唔少都會好似讀緊大學產品設計Year 3嘅靚女Ball Ball咁，揀專門整色整水嘅Fixed Gear潮車。「我開始玩Fixed Gear都係2年前嘅事，因為呢排單車hit，本身已經想買架單車踩，當時見到同學啲Fixed Gear鬼咁靚，而且便服look踩都好match，所以就拍板買架3千蚊入門車玩吓！之後發覺都幾重，一年後就喺日本網站訂咗呢架輕啲，原本係 track bike嘅車架返嚟，再加番啲顏色件上去，前後都用咗2萬蚊，不過為咗靚，冇計！」筆者見到Ball Ball架Fixed Gear用粉紅車件撞珍珠白車架，lady味勁重，好難想像一位男士踩住Ball Ball架車會係點！
「玩咗兩年實驗證明腳冇粗到，不過明顯成身肌肉結實咗！」
不 過Fixed Gear一向難掌握而且冇得轉波，細細粒嘅Ball Ball踩車會唔會好吃力？「Fixed Gear因為角度問題，其實都好好去，而且踩咗一排發覺Fixed Gear行車感覺好實在，你出幾多力佢就畀幾多反應你夠晒直接。雖然踩得耐都會攰，不過當keep fit都幾好呀！（咁會唔會怕腳粗？）開頭都有啲驚，不過我呢2年差唔多一星期踩2次，最勁試過喺屯門踩到去沙田，實驗證明腳冇粗到，不過明顯成身肌肉都 結實咗！」Ball Ball仲話其實香港玩Fixed Gear嘅女仔都唔少，佢識嘅都起碼有30人，不過通常男仔都會用Fixed Gear玩埋花式；而女仔就比較少咁做，始終比較危險嘛！
二輪女裝專門化
好多時女仔揀單車都係揀細碼或加細碼車架，但其實大部分單車廠都有為女性製造唔同功用嘅女裝車，無論角度、size都比普通細碼單車更啱女性，lady想踩得夠pro.，即刻同妳睇車！
越野特製•Trek Skye S
通常女仔入山玩都唔會玩得好激，最好車輕靈活就冇問題！呢架Trek Skye S XC MTB，鋁車架擁有13吋特低上管，加上80mm避震前叉，玩「環塘」夠晒！$5,380/a
專業公路•Eddy Merckx EFX-1
大部分road bike都係以男士身形設計，不過Eddy Merckx嘅EFX-1就好唔同，碳纖維車架表明為女士開發，坐姿更fit lady！$21,000/b
輕巧小輪•Performer Eclipse
女仔唔想踩咁大架road bike，其實可以揀架細啲輕巧啲嘅小輪徑，呢架Performer Eclipse，車身如road bike般結實，而且可向代理自定拉花，要幾lady色都有！約$10,000/c
城市淑女•Merida Gillyflower
除咗專業車款，日常用citybike都有女裝車，好似Merida嘅Gillyflower，採用超低車架設計，加上白底紫色拉花，唔似一般買餸車。$1,580/d
查詢： a）香港單車專門店（2670 2318） b）單車城（2778 5585） c）Lock On（2397 7774） d）雲鵬單車（2476 4545）
摺車男友拍住上 Jenny×Dahon Obi Wan P18
單車種類之中，香港人最愛始終係摺車，除咗車身摺得易收藏，車身輕啲同低啲亦方便上落， 所以都吸引唔少女仔玩，好似Jenny就係其中之一。「因為我男朋友踩開單車，間中都會租車同佢踩吓。不過因為唔化算，仲要顧住還車時間，所以最終用易手 價$700買咗部摺車踩，冇幾耐仲換埋呢架Dahon Obi Wan P18摺車添。有咗私家車之後，更加迷上踩車，基本上香港咩地方都去過！最開心就係由東涌踩入迪欣湖，因為可以踩車仲可以去迪士尼門口望望，好正㗎！不過 因為女仔會比男仔體能差，起碼我比男朋友差先，所以上鹿頸路嘅斜路會好辛苦勁出汗，必定帶好多水同大量紙巾，我唔用都會畀啲男仔用！」女仔嘅細心，男仔真 係好難跟得足！
Jenny's Profile
年齡：2x 職業：單車店店員 車種：摺合單車 年資：1年
Dahon Obi Wan P18 Spec.
車架：Obi Wan P18 傳動：Shimano Tiagra 2 x 7速 制動：前後Avid V型卡鉗式 輪組：前後Dahon WTB 20吋 車價：約$5,280
「日頭踩到出晒汗，搞到個妝溶溶哋，所以之後出車只係化淡妝！」
筆者第一次見Jenny，發覺佢都幾著重打扮，其實 喺出車同行街，衣着同化妝有冇特別心得？「最初我都冇乜理出街定踩車嘅裝扮，不過踩咗車一年，都知着短褲會比較方便。但冬天實在太凍，所以就會着一款短裙 連窄腳褲嘅裝束，上身就同平時出街冇咩分別，因為想休閒啲唔想咁pro。至於化妝，我之前化個出街妝，尤其係日頭踩到出晒汗，搞到個妝溶溶哋，假眼睫毛仲 要dum晒落嚟！所以之後出車只係化淡妝、搽防曬，出去拎基本化妝嘢就算，出車輕便最重要！」Jenny愛單車嘅程度，大到同男友以及一班朋友喺太子開咗 間摺車專門店Lock On，真係愛車愛到出面！
踩山有人幫阿寶×Orange Five
講真，肯好似Jenny同 Ball Ball咁周圍踩車，仲要夠膽踩馬路嘅女仔已經唔多，何況要玩崎嶇山路嘅MTB？其實香港都有唔少女性玩MTB，可惜10個有9個都係外國人，我哋就好彩 搵到本地勁罕女MTB玩家阿寶，而且玩咗6年，仲踩埋大帽山最激山路，唔知阿寶點解會揀呢項咁危險嘅運動呢？「我本身都有玩開行山等戶外運動，6年前因為 朋友介紹，喺澳門參加咗個MTB比賽，雖然我當時水平只係假日租車黨質素，好彩啲路只係普通沙地，我都勉強玩到。之後老公都開始玩埋一份，於是就決心揀架 MTB一齊玩，家個個星期都同其他車友一齊上山踩，當郊遊吓吹下水幾開心㗎！」 其實女士踩MTB同男士會唔會有唔同心態呢？「梗係有！通常男士都要有幾快踩幾快，要刺激吖嘛！不過我自己就郊遊心態多啲，唔會貪快，過唔到嘅路都唔會 搏，小心為上！好彩老公同班男車友都好照顧我，即使我未必追到佢哋，佢哋都冇怨言咁等我。而且到咗一啲崎嶇路仲會有男士幫手推車，女士踩山都好着數㗎！」
阿寶's Profile
年齡：3x 職業：中學教師 車種：越野單車 年資：6
Orange Five Spec.
車架：Orange Five Al. 懸掛：前Fox Talas 150mm、後Fox Float RP23 140mm 傳動：Shimano XTR 2 X 10速 制動：前後Shimano XTR 油壓碟式 輪組：前後Sun Ringle Black Flag Pro 車價：約$40,000
「因為貪靚唔想整花塊面，所以特登用下巴落地，損得都幾勁！」
不過踩MTB始終會炒車跌親擦損流血，仲隨時留疤痕， 通常女士聽到都怕怕，咁阿寶又點樣去解決呢個危機？「最基本就係穿護甲啦，好似護肘、護膝就一定唔少得，加埋手套、頭盔就萬無一失嘞！而且我隨身都會帶定 一套急救包、糖、同濕紙巾，炒車都可以即時清潔消毒，食番粒糖補充體力，呢啲嘢男士一定唔會帶！仲有想玩得輕鬆就要揀架輕身同上管低嘅單車，始終女仔體能 真係差少少，所以輕車無論抬、踩都可以慳唔少力，上管低啲亦方便上落車，跳車走佬都快啲！」 見阿寶每次出車都準備十足，踩車一定安全為先，全因之前試過炒鑊甘！「記得第一次踩『環塘』，當時仲係踩MTB冇幾耐，所以技術麻麻。當去到落石級位置， 就失控連人帶車向前翻，當時已feel到將會頭落地！不過因為貪靚唔想整花塊面，所以特登用下巴落地，損得都幾勁，要唞成2個星期先好番。經過嗰次之後， 雖然冇動搖我踩MTB嘅決心，不過之後踩唔熟嘅路都會戴full face頭盔以策安全。」 ####
全車顏色以粉紅、白為主調，少女味勁強。
尾轆攝咗一張印咗佢哋開嘅車會咭片，可上http://www.hongkongfixedgeargift.wordpress.com留意佢哋！
上管為咗唔好被把手打花，Ball Ball為車架整咗個protector，細心到暈！
為咗令架Fixed Gear喺道路合法行駛，特別裝咗套粉紅迫力。
搭火車就要拆車轆，好彩Ball Ball換嘅呢架新車比較輕身，單手抬起都冇問題。
平時去得近，Ball Ball連袋都唔孭，只係學㗎仔孭住條單車鎖。
車上裝上復古鈴鈴，Jenny最like佢股classic味！
出街周圍去，安全最緊要，Jenny特別揀咗酒紅色頭盔，唔似男裝啲色咁悶。
手套可以保護雙手皮膚，市面上都有好多女裝款式揀。
出車除咗電話，仲會拎定大量紙巾，筆者自問踩車一定唔會帶！
每次出車都會拎定支水，好過踩完飲汽水咁唔健康。
尾袋出車長期都會有唇彩、眼線筆，check color等基本化妝品，輕量化緊要呀！
為咗唔好整到成身傷痕，阿寶必定着晒保護裝備出發。
背囊入面有大量糖果、濕紙巾同急救用品，同阿寶踩車嘅男士都靠晒佢！
踩山隨時要上落推車，所以揀架上管比較矮嘅車架會方便啲！
即使踩車大部分時間都對住成班男人，但阿寶都唔怕冇嘢講。
Ball Ball's Profile
年齡：2x 職業：大學生 車種：梗牙單車 年資：2年
Peloton NJS 50 CM Spec.
車架：Peloton NJS 50 CM 傳動：Sugino Zen梗牙單速 制動：Gran Campe手制、Tektro卡鉗 輪組：前Pink Areo Spoke、後H+Son F30（車軸）、GranCompe（輪框） 車價：約$20,000
少女潮踩Fixed Gear
Ball Ball×Peloton NJS50 CM
女仔天生愛靚，連帶揀單車都一樣，唔少都會好似讀緊大學產品設計Year 3嘅靚女Ball Ball咁，揀專門整色整水嘅Fixed Gear潮車。「我開始玩Fixed Gear都係2年前嘅事，因為呢排單車hit，本身已經想買架單車踩，當時見到同學啲Fixed Gear鬼咁靚，而且便服look踩都好match，所以就拍板買架3千蚊入門車玩吓！之後發覺都幾重，一年後就喺日本網站訂咗呢架輕啲，原本係 track bike嘅車架返嚟，再加番啲顏色件上去，前後都用咗2萬蚊，不過為咗靚，冇計！」筆者見到Ball Ball架Fixed Gear用粉紅車件撞珍珠白車架，lady味勁重，好難想像一位男士踩住Ball Ball架車會係點！
「玩咗兩年實驗證明腳冇粗到，不過明顯成身肌肉結實咗！」
不 過Fixed Gear一向難掌握而且冇得轉波，細細粒嘅Ball Ball踩車會唔會好吃力？「Fixed Gear因為角度問題，其實都好好去，而且踩咗一排發覺Fixed Gear行車感覺好實在，你出幾多力佢就畀幾多反應你夠晒直接。雖然踩得耐都會攰，不過當keep fit都幾好呀！（咁會唔會怕腳粗？）開頭都有啲驚，不過我呢2年差唔多一星期踩2次，最勁試過喺屯門踩到去沙田，實驗證明腳冇粗到，不過明顯成身肌肉都 結實咗！」Ball Ball仲話其實香港玩Fixed Gear嘅女仔都唔少，佢識嘅都起碼有30人，不過通常男仔都會用Fixed Gear玩埋花式；而女仔就比較少咁做，始終比較危險嘛！
二輪女裝專門化
好多時女仔揀單車都係揀細碼或加細碼車架，但其實大部分單車廠都有為女性製造唔同功用嘅女裝車，無論角度、size都比普通細碼單車更啱女性，lady想踩得夠pro.，即刻同妳睇車！
越野特製•Trek Skye S
通常女仔入山玩都唔會玩得好激，最好車輕靈活就冇問題！呢架Trek Skye S XC MTB，鋁車架擁有13吋特低上管，加上80mm避震前叉，玩「環塘」夠晒！$5,380/a
專業公路•Eddy Merckx EFX-1
大部分road bike都係以男士身形設計，不過Eddy Merckx嘅EFX-1就好唔同，碳纖維車架表明為女士開發，坐姿更fit lady！$21,000/b
輕巧小輪•Performer Eclipse
女仔唔想踩咁大架road bike，其實可以揀架細啲輕巧啲嘅小輪徑，呢架Performer Eclipse，車身如road bike般結實，而且可向代理自定拉花，要幾lady色都有！約$10,000/c
城市淑女•Merida Gillyflower
除咗專業車款，日常用citybike都有女裝車，好似Merida嘅Gillyflower，採用超低車架設計，加上白底紫色拉花，唔似一般買餸車。$1,580/d
查詢： a）香港單車專門店（2670 2318） b）單車城（2778 5585） c）Lock On（2397 7774） d）雲鵬單車（2476 4545）
摺車男友拍住上 Jenny×Dahon Obi Wan P18
單車種類之中，香港人最愛始終係摺車，除咗車身摺得易收藏，車身輕啲同低啲亦方便上落， 所以都吸引唔少女仔玩，好似Jenny就係其中之一。「因為我男朋友踩開單車，間中都會租車同佢踩吓。不過因為唔化算，仲要顧住還車時間，所以最終用易手 價$700買咗部摺車踩，冇幾耐仲換埋呢架Dahon Obi Wan P18摺車添。有咗私家車之後，更加迷上踩車，基本上香港咩地方都去過！最開心就係由東涌踩入迪欣湖，因為可以踩車仲可以去迪士尼門口望望，好正㗎！不過 因為女仔會比男仔體能差，起碼我比男朋友差先，所以上鹿頸路嘅斜路會好辛苦勁出汗，必定帶好多水同大量紙巾，我唔用都會畀啲男仔用！」女仔嘅細心，男仔真 係好難跟得足！
Jenny's Profile
年齡：2x 職業：單車店店員 車種：摺合單車 年資：1年
Dahon Obi Wan P18 Spec.
車架：Obi Wan P18 傳動：Shimano Tiagra 2 x 7速 制動：前後Avid V型卡鉗式 輪組：前後Dahon WTB 20吋 車價：約$5,280
「日頭踩到出晒汗，搞到個妝溶溶哋，所以之後出車只係化淡妝！」
筆者第一次見Jenny，發覺佢都幾著重打扮，其實 喺出車同行街，衣着同化妝有冇特別心得？「最初我都冇乜理出街定踩車嘅裝扮，不過踩咗車一年，都知着短褲會比較方便。但冬天實在太凍，所以就會着一款短裙 連窄腳褲嘅裝束，上身就同平時出街冇咩分別，因為想休閒啲唔想咁pro。至於化妝，我之前化個出街妝，尤其係日頭踩到出晒汗，搞到個妝溶溶哋，假眼睫毛仲 要dum晒落嚟！所以之後出車只係化淡妝、搽防曬，出去拎基本化妝嘢就算，出車輕便最重要！」Jenny愛單車嘅程度，大到同男友以及一班朋友喺太子開咗 間摺車專門店Lock On，真係愛車愛到出面！
踩山有人幫阿寶×Orange Five
講真，肯好似Jenny同 Ball Ball咁周圍踩車，仲要夠膽踩馬路嘅女仔已經唔多，何況要玩崎嶇山路嘅MTB？其實香港都有唔少女性玩MTB，可惜10個有9個都係外國人，我哋就好彩 搵到本地勁罕女MTB玩家阿寶，而且玩咗6年，仲踩埋大帽山最激山路，唔知阿寶點解會揀呢項咁危險嘅運動呢？「我本身都有玩開行山等戶外運動，6年前因為 朋友介紹，喺澳門參加咗個MTB比賽，雖然我當時水平只係假日租車黨質素，好彩啲路只係普通沙地，我都勉強玩到。之後老公都開始玩埋一份，於是就決心揀架 MTB一齊玩，家個個星期都同其他車友一齊上山踩，當郊遊吓吹下水幾開心㗎！」 其實女士踩MTB同男士會唔會有唔同心態呢？「梗係有！通常男士都要有幾快踩幾快，要刺激吖嘛！不過我自己就郊遊心態多啲，唔會貪快，過唔到嘅路都唔會 搏，小心為上！好彩老公同班男車友都好照顧我，即使我未必追到佢哋，佢哋都冇怨言咁等我。而且到咗一啲崎嶇路仲會有男士幫手推車，女士踩山都好着數㗎！」
阿寶's Profile
年齡：3x 職業：中學教師 車種：越野單車 年資：6
Orange Five Spec.
車架：Orange Five Al. 懸掛：前Fox Talas 150mm、後Fox Float RP23 140mm 傳動：Shimano XTR 2 X 10速 制動：前後Shimano XTR 油壓碟式 輪組：前後Sun Ringle Black Flag Pro 車價：約$40,000
「因為貪靚唔想整花塊面，所以特登用下巴落地，損得都幾勁！」
不過踩MTB始終會炒車跌親擦損流血，仲隨時留疤痕， 通常女士聽到都怕怕，咁阿寶又點樣去解決呢個危機？「最基本就係穿護甲啦，好似護肘、護膝就一定唔少得，加埋手套、頭盔就萬無一失嘞！而且我隨身都會帶定 一套急救包、糖、同濕紙巾，炒車都可以即時清潔消毒，食番粒糖補充體力，呢啲嘢男士一定唔會帶！仲有想玩得輕鬆就要揀架輕身同上管低嘅單車，始終女仔體能 真係差少少，所以輕車無論抬、踩都可以慳唔少力，上管低啲亦方便上落車，跳車走佬都快啲！」 見阿寶每次出車都準備十足，踩車一定安全為先，全因之前試過炒鑊甘！「記得第一次踩『環塘』，當時仲係踩MTB冇幾耐，所以技術麻麻。當去到落石級位置， 就失控連人帶車向前翻，當時已feel到將會頭落地！不過因為貪靚唔想整花塊面，所以特登用下巴落地，損得都幾勁，要唞成2個星期先好番。經過嗰次之後， 雖然冇動搖我踩MTB嘅決心，不過之後踩唔熟嘅路都會戴full face頭盔以策安全。」 ####
全車顏色以粉紅、白為主調，少女味勁強。
尾轆攝咗一張印咗佢哋開嘅車會咭片，可上http://www.hongkongfixedgeargift.wordpress.com留意佢哋！
上管為咗唔好被把手打花，Ball Ball為車架整咗個protector，細心到暈！
為咗令架Fixed Gear喺道路合法行駛，特別裝咗套粉紅迫力。
搭火車就要拆車轆，好彩Ball Ball換嘅呢架新車比較輕身，單手抬起都冇問題。
平時去得近，Ball Ball連袋都唔孭，只係學㗎仔孭住條單車鎖。
車上裝上復古鈴鈴，Jenny最like佢股classic味！
出街周圍去，安全最緊要，Jenny特別揀咗酒紅色頭盔，唔似男裝啲色咁悶。
手套可以保護雙手皮膚，市面上都有好多女裝款式揀。
出車除咗電話，仲會拎定大量紙巾，筆者自問踩車一定唔會帶！
每次出車都會拎定支水，好過踩完飲汽水咁唔健康。
尾袋出車長期都會有唇彩、眼線筆，check color等基本化妝品，輕量化緊要呀！
為咗唔好整到成身傷痕，阿寶必定着晒保護裝備出發。
背囊入面有大量糖果、濕紙巾同急救用品，同阿寶踩車嘅男士都靠晒佢！
踩山隨時要上落推車，所以揀架上管比較矮嘅車架會方便啲！
即使踩車大部分時間都對住成班男人，但阿寶都唔怕冇嘢講。
沒有留言:
張貼留言