楊受成在自傳《爭氣》中，自爆於70年代，曾與一位電視女藝員到九龍塘時鐘酒店開房，引起軒然大波。全城熱猜誰是女主角，一班70年代紅極一時的女星亦無辜被拖落水。
不過縱橫名氣界幾十年的楊受成，風流史的確厚過電話簿。一名《歡樂今宵》EYT元老級藝員，就大爆當年親眼目擊楊受成直搗「女藝員」香閨，更與她入房兩小時。除此之外，楊受成當年亦與無綫玉女花旦過從甚密，他試過當眾瞓落花旦大髀。風流史愈揭愈多。
楊受成揞名爆開房事件一出，圈中人隨即議論紛紛，亦勾起不少老藝人的回憶。一位《歡樂今宵》元老，就向本刊記者憶述親身見證楊受成的兩段風流史。
拖女藝員入房
時 光追溯至70年代尾，當年綜藝節目《歡樂今宵》（簡稱EYT），收視長紅，有份參與EYT的藝員例必大受歡迎。一班EYT女藝員確實迷倒不少富豪，其中包 括當年主打鐘錶珠寶生意的楊受成。 某天，EYT某女藝員生日，邀請了一班EYT藝員收工後上她五台山廣播道香閨慶祝。該EYT元老亦有份出席，他說：「我哋嗰日拍完《歡樂今宵》，成班人上 去女藝員廣播道屋企慶祝她生日。我仲記得嗰位女星話要準備一下，所以佢自己先返屋企，叫我哋直接上去就得。及後成班人都有十個八個一齊上去，點知一開門， 已經見到楊生喺度。」
閨房密會兩粒鐘
某《歡樂今宵》元老級藝員爆料指，佢當年與一班EYT藝員一起應邀赴某女藝人家中的生日派對，卻目擊楊受成在派對中途與女主人入房兩小時的過程。
黐實慶祝
原本一心以為女藝員只邀請《歡樂今宵》仝人上她屋企慶祝，點知楊受成已經一早在女藝員家中，二人黐實慶祝。
拖住入房
女藝員突然和盤講出自己感情狀況，其間楊受成就和這名女藝員入了主人房。
等到凌晨
楊受成和女藝員在睡房逗留近兩小時，一班《歡樂今宵》同事在大廳等到冇癮，於是各自離開。
楊受成瞓玉女花旦大髀
由 於楊受成當年已和圈中人混熟，一班EYT藝員也見慣不怪。他續爆：「大家同壽星女傾咗一陣偈，壽星女突然之間喊，佢一邊喊一邊呻，話佢個藝員男友有第三 者。女藝員聲淚俱下，楊生就突然上前安慰她，仲扶佢入房休息。我哋一班藝員見到呢個情景都你眼望我眼，但又唔敢出聲。佢兩個入咗房好耐都未出嚟，成班人唔 知點咁，走吓一個又一個。我逗留咗兩個鐘，見佢兩個仲未出嚟，最後連bye bye都冇講就走！」
盧海鵬夏雨目擊
楊 受成和女藝員入房兩小時的事件，之後很快就傳遍整個EYT，不過一眾藝員為免得失該女藝員，冇人夠膽喺女藝員面前提番起件事，但私下EYT仝人就竊竊私 語，談論兩人曖昧的兩小時。 記者向當日有份為女藝員賀壽的盧海鵬和夏雨求證，兩人齊齊失憶。盧海鵬說：「我哋嗰時成日上阿秋（鄭少秋）同阿肥（沈殿霞）屋企打躉㗎啦！大家拍完《歡樂 今宵》咪上去傾吓偈囉！（楊受成曾上一位女藝員屋企並入房兩小時喎？）哎！咁耐嘅嘢唔講喇！點記得啫！」至於夏雨則避忌說：「大家拍完EYT，出嚟敍下好 正常啫，上屋企開party都唔出奇。（楊受成當年同女藝員入房？）我唔知吖！」其實當年不少電視藝員住在廣播道，包括：鄭少秋、沈殿霞、夏雨、森森、斑 斑及汪明荃等，多不勝數！
瞓玉女花旦大髀
風流史數之不盡。原來當年與楊受成有親密關係的女星多不勝數，EYT元老再 爆「玉女花旦」曾在酒廊與楊受成發生「瞓大髀餵蛋糕」一幕。 話說在70年代，娛圈經已夜夜笙歌，當年不少藝人收工後，也會相約到酒廊暢玩，不少老細級人物亦會到場消遣。其中位於尖沙嘴一間上樓酒廊，更成為富豪與明 星狂歡的鐵竇，女星會上去打躉，乘機高攀富豪。 該元老說：「呢件事真係好深刻，嗰晚一上到去就見到楊受成瞓咗喺玉女花旦嘅大髀度，個女仔仲好風騷咁餵楊受成食蛋糕㖭！」據知這名玉女花旦當年劇集一部接 一部，而且套套擔正，擅長演繹純情溫柔角色。「我哋個個都好愕然，因為玉女花旦平時貌似正經，但佢見到我哋望住都冇避忌。冇幾耐佢話要去廁所，唔夠半分 鐘，楊受成又借尿遁，之後佢哋一去冇回頭。有冇下文就佢哋至知啦！」玉女花旦之後有一段時間在娛圈銷聲匿跡，近年間中演出甘草角色。
瞓大髀過程
當日楊受成在尖沙嘴一間酒廊的VIP房內，瞓落玉女花旦的大髀上，畫面震撼了不少現場人士。
餵食蛋糕
楊受成瞓落玉女花旦的大髀上，不久玉女花旦就發動攻勢，溫柔地餵蛋糕俾楊受成食，而楊受成亦表現受落。
齊齊借尿遁
玉女花旦見酒廊賓客愈來愈多，於是話去廁所先行離開，得番一支公的楊受成亦借尿遁離場，二人一去不返。
吳沅儀：見到嗰陣好愕然
其實楊受成當眾瞓玉女花旦大髀一幕，圈中有幾個昔日做過花旦的藝員曾親眼目擊。當年曾落過酒 廊見識的吳沅儀就話：「嘩！真係好多年前喎！講開先醒起，都聽人講過呢件事，個玉女花旦平時好斯文，所以成班人見到嗰陣好愕然，不過咁樣先至得人驚囉，可 能趁後生想上位。」 當年拍劇無數的李司棋亦有聽聞此事，她說：「我都聽人講過，但自己就冇親眼見到。嗰陣時外面的確有好多老闆邀請藝人去啲活動，但我拍完劇都好攰啦，多數即 刻返屋企。」而無綫當家花旦之一的黃淑儀則說：「有同事都同我講過呢件事，不過我唔應酬，所以唔關我事。」阿姐汪明荃則拒回應，在電話說：「我唔答呢啲 嘢，唔好意思！」說罷匆匆收線。
白茵見證富豪船P
除了楊受成這兩段鮮為人知的風流史外，其實六、七十年代開始，已有 富商搞船P，藉此認識女星。今年70歲資深演員白茵也坦言曾被邀上船，她說：「我嗰時已經結咗婚，都有人叫我上船，仲話個個女藝員都會，咁我好奇咪去埋一 份囉。我仲記得嗰時要喺大會堂對面（編按：皇后碼頭）上船。我都精㗎喇！去到就匿喺大會堂裏面，睇吓船上面啲人識唔識，但發覺都冇熟人，梗係唔敢去啦，所 以我嗱嗱臨走人。」雖然相隔幾十年，但白茵說時依然歷歷在目。
白茵被邀上船
少女時代的白茵清麗脫俗，嗒得杯落。難怪一早已下嫁職業足球員黃文偉的她，也被富豪邀請上船開P，她說：「佢哋連我結咗婚都叫，仲話個個女藝人都去。」
羅蘭見怪不怪
出道初期行性感的羅蘭亦承認當年有不少飯局酒局廣邀女星，她說：「呢啲嘢一啲都唔出奇，我都聽唔少。」
缺乏傳媒監察
其 實女星陪老細的現象，由過去至現在一直都未停過。不過，當年娛樂新聞是應酬及宣傳文章居多，可說是正宗花邊趣聞，甚至有藝人出錢「買」傳媒採訪。當年的藝 人亦從來不介意在傳媒面前表現真面目。本刊一位資深記者亦曾身歷其境，她說：「嗰時啲藝人成日喺啲記者面前食煙，講埋溝女經，呢類桃色是非記者都係聽完就 算，唔會寫番出嚟。」不過自從90年代中期，娛樂報道進入新聞化世代，傳媒和讀者追尋事件真相，娛樂圈的真貌才愈揭愈多，難怪現在女星與富商密會變得十分 小心！
女星那些年好狼
娛圈藝人感情七國咁亂，七、八十年代的女藝人除了狂黐富豪外，更試過橫刀奪愛，為爭仔大打出手，十分狼死。
汪明荃搶何守信
75 年，何守信與汪明荃於節目《公益金百萬行》拖手而傳出緋聞。當時二人均有家室，汪被指是何B的小三，更有傳何B太太歐嘉慧曾找上門，與汪大打出手，雙方互 扯頭髮。之後何與汪相繼離婚，事件轟動全城。不過，八十年代初期，有傳何B亦因為偷嗒小花景黛音，女方被阿姐掌摑教訓。
趙雅芝冧黃錦燊
81年，已婚趙雅芝與黃錦燊拍攝劇集《女黑俠木蘭花》撻着。當時二人更被幕後人員大爆於片場互冧，有傳二人在布景板接吻。擾攘多時，趙84年與丈夫黃漢偉離婚，翌年再與黃錦燊於美國結婚。
肥肥怒摑趙雅芝
有傳已與鄭少秋結婚的肥肥，當年為怕秋官和趙雅芝拍劇時日久生情，故曾坐在車廂整天，監視二人拍戲。據知當時肥肥還因為二人的緋聞，怒摑趙雅芝一巴。 ####
楊受成上周推出自傳《爭氣》，其間更向傳媒自爆書中「開房」事件，難怪自傳一出隨即斷市，亦令楊受成成為焦點新聞人物。
當年不少電視花旦為楊受成的鐘錶珠寶店剪綵，包括右起翁美玲（已殁）、戚美珍、劉嘉玲及張曼玉等。摘自《爭氣》
楊受成在自傳《爭氣》中亦放上同汪明荃（前排右二）及馬敏兒（前排右一）的合照，可見他當時已和不少圈中女藝人混熟。
女藝員
戚美珍 70年代尾加入《歡樂今宵》，負責搞笑插科打諢的戚美珍，亦是節目資歷較深的藝員之一，但截稿前仍未獲她回覆。
汪明荃 我唔答呢啲嘢！ 橫跨不同年代《歡樂今宵》，由70年代已開始為節目做主持的汪明荃，對於當年楊受成曾到其中一女藝員家及入房一事，她說：「我唔答呢啲嘢！」隨即匆匆收線。
廖安麗 廖安麗算是《歡樂今宵》的早期元老，是「歡樂三小花」之一。記者多次致電她，也轉駁至留言信箱。
斑斑森森 70年代加入《歡樂今宵》的斑斑和森森，當時主力歌舞表演。她們均異口同聲表示未聽過楊受成與女藝人入房一事，她們說：「我哋有時間都去登台啦！」
《歡樂今宵》由1967年正式啟播，節目家傳户曉，連李小龍也上過該節目。
夏雨70年代亦是《歡樂今宵》的重要人物，他扮演「阿煩」甚受歡迎。對於楊受成和女藝員入房一事，他說：「都唔出奇吖！」《蘋果日報》圖片
女星邀楊受成開生日P當日，盧亦是座上客，但向他求證，他卻說唔記得。《蘋果日報》圖片
李司棋 今年61歲的李司棋，在70年代於《啼笑因緣》擔正，由於她聲線嬌嗲，故經常被安排做賢淑角色。在75年，當時25歲的她就因《小婦人》大受歡迎。
呂有慧 呂有慧在1971年參加第一期藝員訓練班入行，當時經常演繹古裝角色，1975年的《巫山盟》是她的代表作。77年，有周刊刊登影射呂有慧「紅杏出牆」的報道，呂當時怒極控告該周刊誹謗，最後勝訴，但她與丈夫金童最後都難逃離婚收場！
程可為 現時在劇集經常做人惡死阿媽，今年59歲的程可為，其實入行初期經常做玉女角色，當時亦迷倒不少男士。
李琳琳 李琳琳60年代已經為邵氏演員，在70年代就加入無綫，於《相見好》飾演于洋的情人，表現風騷。今年63歲的她一早退休。
黃淑儀 今年62歲的黃淑儀，當時在無綫是鎮台花旦之一，早於72年便在《殺妻記》擔正，周旋馮淬帆和羅國維之間。
玉女花旦
激罕夜蒲相 記者在網上搜括到一張激罕陳年舊相，相中程可為、呂有慧和蘇杏璇三人約埋一齊飲酒，當時三人樣貌標致，非常嫩口。由此可見當時她們都喜愛夜蒲。
吳沅儀：見到嗰陣好愕然！ 當年不少藝人收工後均相約去酒廊夜蒲，不過吳沅儀接受電話訪問時說：「件事好耐喇，見到嗰陣好愕然。」
帶小花出海
作為英皇娛樂老闆的楊受成，於04年曾被拍得帶當時還屬旗下藝人的梁洛施和梁敏儀上遊艇見識。《壹週刊》圖片
《蘋果日報》圖片
《壹週刊》圖片
《壹週刊》圖片
871期《忽然1周》
楊受成揞名爆開房事件一出，圈中人隨即議論紛紛，亦勾起不少老藝人的回憶。一位《歡樂今宵》元老，就向本刊記者憶述親身見證楊受成的兩段風流史。
拖女藝員入房
時 光追溯至70年代尾，當年綜藝節目《歡樂今宵》（簡稱EYT），收視長紅，有份參與EYT的藝員例必大受歡迎。一班EYT女藝員確實迷倒不少富豪，其中包 括當年主打鐘錶珠寶生意的楊受成。 某天，EYT某女藝員生日，邀請了一班EYT藝員收工後上她五台山廣播道香閨慶祝。該EYT元老亦有份出席，他說：「我哋嗰日拍完《歡樂今宵》，成班人上 去女藝員廣播道屋企慶祝她生日。我仲記得嗰位女星話要準備一下，所以佢自己先返屋企，叫我哋直接上去就得。及後成班人都有十個八個一齊上去，點知一開門， 已經見到楊生喺度。」
閨房密會兩粒鐘
某《歡樂今宵》元老級藝員爆料指，佢當年與一班EYT藝員一起應邀赴某女藝人家中的生日派對，卻目擊楊受成在派對中途與女主人入房兩小時的過程。
黐實慶祝
原本一心以為女藝員只邀請《歡樂今宵》仝人上她屋企慶祝，點知楊受成已經一早在女藝員家中，二人黐實慶祝。
拖住入房
女藝員突然和盤講出自己感情狀況，其間楊受成就和這名女藝員入了主人房。
等到凌晨
楊受成和女藝員在睡房逗留近兩小時，一班《歡樂今宵》同事在大廳等到冇癮，於是各自離開。
楊受成瞓玉女花旦大髀
由 於楊受成當年已和圈中人混熟，一班EYT藝員也見慣不怪。他續爆：「大家同壽星女傾咗一陣偈，壽星女突然之間喊，佢一邊喊一邊呻，話佢個藝員男友有第三 者。女藝員聲淚俱下，楊生就突然上前安慰她，仲扶佢入房休息。我哋一班藝員見到呢個情景都你眼望我眼，但又唔敢出聲。佢兩個入咗房好耐都未出嚟，成班人唔 知點咁，走吓一個又一個。我逗留咗兩個鐘，見佢兩個仲未出嚟，最後連bye bye都冇講就走！」
盧海鵬夏雨目擊
楊 受成和女藝員入房兩小時的事件，之後很快就傳遍整個EYT，不過一眾藝員為免得失該女藝員，冇人夠膽喺女藝員面前提番起件事，但私下EYT仝人就竊竊私 語，談論兩人曖昧的兩小時。 記者向當日有份為女藝員賀壽的盧海鵬和夏雨求證，兩人齊齊失憶。盧海鵬說：「我哋嗰時成日上阿秋（鄭少秋）同阿肥（沈殿霞）屋企打躉㗎啦！大家拍完《歡樂 今宵》咪上去傾吓偈囉！（楊受成曾上一位女藝員屋企並入房兩小時喎？）哎！咁耐嘅嘢唔講喇！點記得啫！」至於夏雨則避忌說：「大家拍完EYT，出嚟敍下好 正常啫，上屋企開party都唔出奇。（楊受成當年同女藝員入房？）我唔知吖！」其實當年不少電視藝員住在廣播道，包括：鄭少秋、沈殿霞、夏雨、森森、斑 斑及汪明荃等，多不勝數！
瞓玉女花旦大髀
風流史數之不盡。原來當年與楊受成有親密關係的女星多不勝數，EYT元老再 爆「玉女花旦」曾在酒廊與楊受成發生「瞓大髀餵蛋糕」一幕。 話說在70年代，娛圈經已夜夜笙歌，當年不少藝人收工後，也會相約到酒廊暢玩，不少老細級人物亦會到場消遣。其中位於尖沙嘴一間上樓酒廊，更成為富豪與明 星狂歡的鐵竇，女星會上去打躉，乘機高攀富豪。 該元老說：「呢件事真係好深刻，嗰晚一上到去就見到楊受成瞓咗喺玉女花旦嘅大髀度，個女仔仲好風騷咁餵楊受成食蛋糕㖭！」據知這名玉女花旦當年劇集一部接 一部，而且套套擔正，擅長演繹純情溫柔角色。「我哋個個都好愕然，因為玉女花旦平時貌似正經，但佢見到我哋望住都冇避忌。冇幾耐佢話要去廁所，唔夠半分 鐘，楊受成又借尿遁，之後佢哋一去冇回頭。有冇下文就佢哋至知啦！」玉女花旦之後有一段時間在娛圈銷聲匿跡，近年間中演出甘草角色。
瞓大髀過程
當日楊受成在尖沙嘴一間酒廊的VIP房內，瞓落玉女花旦的大髀上，畫面震撼了不少現場人士。
餵食蛋糕
楊受成瞓落玉女花旦的大髀上，不久玉女花旦就發動攻勢，溫柔地餵蛋糕俾楊受成食，而楊受成亦表現受落。
齊齊借尿遁
玉女花旦見酒廊賓客愈來愈多，於是話去廁所先行離開，得番一支公的楊受成亦借尿遁離場，二人一去不返。
吳沅儀：見到嗰陣好愕然
其實楊受成當眾瞓玉女花旦大髀一幕，圈中有幾個昔日做過花旦的藝員曾親眼目擊。當年曾落過酒 廊見識的吳沅儀就話：「嘩！真係好多年前喎！講開先醒起，都聽人講過呢件事，個玉女花旦平時好斯文，所以成班人見到嗰陣好愕然，不過咁樣先至得人驚囉，可 能趁後生想上位。」 當年拍劇無數的李司棋亦有聽聞此事，她說：「我都聽人講過，但自己就冇親眼見到。嗰陣時外面的確有好多老闆邀請藝人去啲活動，但我拍完劇都好攰啦，多數即 刻返屋企。」而無綫當家花旦之一的黃淑儀則說：「有同事都同我講過呢件事，不過我唔應酬，所以唔關我事。」阿姐汪明荃則拒回應，在電話說：「我唔答呢啲 嘢，唔好意思！」說罷匆匆收線。
白茵見證富豪船P
除了楊受成這兩段鮮為人知的風流史外，其實六、七十年代開始，已有 富商搞船P，藉此認識女星。今年70歲資深演員白茵也坦言曾被邀上船，她說：「我嗰時已經結咗婚，都有人叫我上船，仲話個個女藝員都會，咁我好奇咪去埋一 份囉。我仲記得嗰時要喺大會堂對面（編按：皇后碼頭）上船。我都精㗎喇！去到就匿喺大會堂裏面，睇吓船上面啲人識唔識，但發覺都冇熟人，梗係唔敢去啦，所 以我嗱嗱臨走人。」雖然相隔幾十年，但白茵說時依然歷歷在目。
白茵被邀上船
少女時代的白茵清麗脫俗，嗒得杯落。難怪一早已下嫁職業足球員黃文偉的她，也被富豪邀請上船開P，她說：「佢哋連我結咗婚都叫，仲話個個女藝人都去。」
羅蘭見怪不怪
出道初期行性感的羅蘭亦承認當年有不少飯局酒局廣邀女星，她說：「呢啲嘢一啲都唔出奇，我都聽唔少。」
缺乏傳媒監察
其 實女星陪老細的現象，由過去至現在一直都未停過。不過，當年娛樂新聞是應酬及宣傳文章居多，可說是正宗花邊趣聞，甚至有藝人出錢「買」傳媒採訪。當年的藝 人亦從來不介意在傳媒面前表現真面目。本刊一位資深記者亦曾身歷其境，她說：「嗰時啲藝人成日喺啲記者面前食煙，講埋溝女經，呢類桃色是非記者都係聽完就 算，唔會寫番出嚟。」不過自從90年代中期，娛樂報道進入新聞化世代，傳媒和讀者追尋事件真相，娛樂圈的真貌才愈揭愈多，難怪現在女星與富商密會變得十分 小心！
女星那些年好狼
娛圈藝人感情七國咁亂，七、八十年代的女藝人除了狂黐富豪外，更試過橫刀奪愛，為爭仔大打出手，十分狼死。
汪明荃搶何守信
75 年，何守信與汪明荃於節目《公益金百萬行》拖手而傳出緋聞。當時二人均有家室，汪被指是何B的小三，更有傳何B太太歐嘉慧曾找上門，與汪大打出手，雙方互 扯頭髮。之後何與汪相繼離婚，事件轟動全城。不過，八十年代初期，有傳何B亦因為偷嗒小花景黛音，女方被阿姐掌摑教訓。
趙雅芝冧黃錦燊
81年，已婚趙雅芝與黃錦燊拍攝劇集《女黑俠木蘭花》撻着。當時二人更被幕後人員大爆於片場互冧，有傳二人在布景板接吻。擾攘多時，趙84年與丈夫黃漢偉離婚，翌年再與黃錦燊於美國結婚。
肥肥怒摑趙雅芝
有傳已與鄭少秋結婚的肥肥，當年為怕秋官和趙雅芝拍劇時日久生情，故曾坐在車廂整天，監視二人拍戲。據知當時肥肥還因為二人的緋聞，怒摑趙雅芝一巴。 ####
楊受成上周推出自傳《爭氣》，其間更向傳媒自爆書中「開房」事件，難怪自傳一出隨即斷市，亦令楊受成成為焦點新聞人物。
當年不少電視花旦為楊受成的鐘錶珠寶店剪綵，包括右起翁美玲（已殁）、戚美珍、劉嘉玲及張曼玉等。摘自《爭氣》
楊受成在自傳《爭氣》中亦放上同汪明荃（前排右二）及馬敏兒（前排右一）的合照，可見他當時已和不少圈中女藝人混熟。
女藝員
戚美珍 70年代尾加入《歡樂今宵》，負責搞笑插科打諢的戚美珍，亦是節目資歷較深的藝員之一，但截稿前仍未獲她回覆。
汪明荃 我唔答呢啲嘢！ 橫跨不同年代《歡樂今宵》，由70年代已開始為節目做主持的汪明荃，對於當年楊受成曾到其中一女藝員家及入房一事，她說：「我唔答呢啲嘢！」隨即匆匆收線。
廖安麗 廖安麗算是《歡樂今宵》的早期元老，是「歡樂三小花」之一。記者多次致電她，也轉駁至留言信箱。
斑斑森森 70年代加入《歡樂今宵》的斑斑和森森，當時主力歌舞表演。她們均異口同聲表示未聽過楊受成與女藝人入房一事，她們說：「我哋有時間都去登台啦！」
《歡樂今宵》由1967年正式啟播，節目家傳户曉，連李小龍也上過該節目。
夏雨70年代亦是《歡樂今宵》的重要人物，他扮演「阿煩」甚受歡迎。對於楊受成和女藝員入房一事，他說：「都唔出奇吖！」《蘋果日報》圖片
女星邀楊受成開生日P當日，盧亦是座上客，但向他求證，他卻說唔記得。《蘋果日報》圖片
李司棋 今年61歲的李司棋，在70年代於《啼笑因緣》擔正，由於她聲線嬌嗲，故經常被安排做賢淑角色。在75年，當時25歲的她就因《小婦人》大受歡迎。
呂有慧 呂有慧在1971年參加第一期藝員訓練班入行，當時經常演繹古裝角色，1975年的《巫山盟》是她的代表作。77年，有周刊刊登影射呂有慧「紅杏出牆」的報道，呂當時怒極控告該周刊誹謗，最後勝訴，但她與丈夫金童最後都難逃離婚收場！
程可為 現時在劇集經常做人惡死阿媽，今年59歲的程可為，其實入行初期經常做玉女角色，當時亦迷倒不少男士。
李琳琳 李琳琳60年代已經為邵氏演員，在70年代就加入無綫，於《相見好》飾演于洋的情人，表現風騷。今年63歲的她一早退休。
黃淑儀 今年62歲的黃淑儀，當時在無綫是鎮台花旦之一，早於72年便在《殺妻記》擔正，周旋馮淬帆和羅國維之間。
玉女花旦
激罕夜蒲相 記者在網上搜括到一張激罕陳年舊相，相中程可為、呂有慧和蘇杏璇三人約埋一齊飲酒，當時三人樣貌標致，非常嫩口。由此可見當時她們都喜愛夜蒲。
吳沅儀：見到嗰陣好愕然！ 當年不少藝人收工後均相約去酒廊夜蒲，不過吳沅儀接受電話訪問時說：「件事好耐喇，見到嗰陣好愕然。」
帶小花出海
作為英皇娛樂老闆的楊受成，於04年曾被拍得帶當時還屬旗下藝人的梁洛施和梁敏儀上遊艇見識。《壹週刊》圖片
《蘋果日報》圖片
《壹週刊》圖片
《壹週刊》圖片
871期《忽然1周》
沒有留言:
張貼留言