38歲楊千 與33歲丁子高09年於美國秘婚，努力造人兩年，去年尾終於一索得男，成功趕製龍B仔。
忙搵奶粉錢，丁子高除了要打理去年開設的公關公司「RM Workshop」，原來更與死黨勁搞私幫生意，百足咁多爪。本刊發現丁子高與老死、的士太子爺鄭子邦合股的一間顧問公司，去年12月遭一對男女入稟追討 10萬元債項。公關大亨無端端變債仔，本週一丁子高大方回應：「件事已經settle咗，不過咁小事，老婆當然唔知啦！」老婆臨盆在即，梗係唔講好過講 嘅。
6月生得的楊千嬅，佗住佢同丁子高的愛情結晶「RMB」（Real & Miriam's Baby），早前選擇性出席新戲《春嬌與志明》宣傳，完成任務後則專心安胎，留喺屋企煲劇整蛋糕。
孖密友炒樓
丁父丁永方貴為上海大地主，擁有幾塊地皮，而且經營製衣生意，身家保守估計超過兩億。雖然身為富二代，但丁子高唔靠老豆，去年一月自己成立公關公司，更以佢同千嬅的英文名字頭「RM」做公司名。千嬅臨盆在即，老公丁子高肩負搵奶粉錢重任。 公關生意啱啱起步，原來丁子高早於兩年前開始涉足地產，與的士太子爺兼好友鄭子邦開設顧問公司炒樓。本刊發現，兩人在2010年成立「德邦顧問有限公司」，兩年間先後買賣過兩個物業，全部位於灣仔的單幢式唐樓美漢大廈。
丁子高：一場誤會，settle咗！
同好友鄭子邦聯名開公司炒樓，丁子高話有心進軍地產界，「我哋target係一千萬以下嘅中價樓，銅鑼灣同灣仔嘅升幅大，同埋啲盤易走！至於嗰十萬（欠債）其實好小事，一場誤會，settle咗！」
被入稟追數
李姓女士與一名法國人去年12月入稟追討丁子高有份的「德邦顧問」10萬，據資料顯示，丁子高在10年6月以240萬買入兩人的美漢大廈單位，但李姓女士事隔年幾先入稟追番10萬蚊細訂。
梁永鏗律師：半年唔入會彈票
根據梁永鏗律師（小圖）所講，今次丁子高被追討債項，未必係佢錯，「如果半年內唔去入票，銀行應該會彈票，所以李小姐（原告）當時應該盡快入票。不過如果李小姐證明到丁子高確實冇畀到10萬，佢就有機會喺6年有效期內追收到欠款。」
千嬅面燶燶
娶 到個富貴老婆，本身屋企又大把，本錢雄厚的丁子高，去年轉售其中一個物業，持貨短短1年賺了131萬，好搵過搞活動。有心賺大錢，但丁子高的顧問公司持有 的另一個物業卻遇到阻滯，去年12月被賣家入稟區域法院，追討10萬元債項。 未知是否官司纏身，丁子高上週六（24日）與千嬅往跑馬地食飯時頻講電話，令原本心情唔錯的千嬅，行出餐廳時心情唔多靚，要老公拖實氹番。當晚丁子高亦十 分識做，在ifc包場請近百位親朋戚友捧老婆場，齊睇《春嬌與志明》，二人大部分時間各自招呼朋友。咁識氹老婆，千嬅亦收晒貨。
丁子高：老婆當然唔知
搞私幫生意被追數，丁子高週一接受電話訪問時大方承認，更詳細解釋事件。「其實單嘢好無聊、好低能，我同個拍檔兩年前買咗層樓，嗰10萬 係訂金，本來一直冇問題，成個交易完成晒，我哋亦已經將物業轉售，仲賺咗七位數！點知兩個月前個賣家聯絡我律師，話冇收過啲錢，我即刻叫同事check番 紀錄，最後費事煩，咪再開多次cheque畀佢囉！（搞到入稟咁嚴重喎？）件事已經settle咗喇！我家冇欠債冇爭人錢㗎！（千嬅知唔知？）咁小事， 我都要check番先記得，老婆當然唔知啦！」 10萬對丁生絕對係小數目，嚇親佗住丁家血脈嘅老婆大人就唔好啦！
ifc包場睇《春嬌》氹妻
包場$8,000搞掂
雖 然《春嬌與志明》本週四才正式上畫，但優先場的票房已勁爆，口碑又狂讚。千嬅有新戲上，一向識冧老婆的丁子高包場請朋友欣賞千嬅演技，原來包起ifc一間 house只需8千，即可請100個friend睇戲。「我係托千嬅公司嘅同事幫我打去ifc問價，佢哋覆實個價畀我之後即刻confirm，100人睇 都係8千蚊！」
《春嬌與志明》串星夠搶
曉明醜女啜核 飾演春嬌醜女死黨Brenda的林兆霞，做話劇出身，戲中講佢遇着未拍過拖嘅黃曉明，兩人一拍即合，曉明更當眾叫豬扒女友做Baby！唔知俾Angelababy睇到，會唔會嚇到打冷震？
王馨平MV翻hit 90年代憑〈別問我是誰〉hit爆的王馨平，除咗喺戲中會客串一角，〈別〉MV更係一大關鍵，絕對係全場最大爆笑位！想知有幾爆，記得完場唔好即刻走，否則肯定走寶！
伊健樂仔爭女 鄭伊健飾演春嬌初戀男友，只出現過一幕，就係同志明同枱食飯。戲中志明勁介意春嬌有個天王男友，兩人爭夾菜食，伊健最後更語帶雙關話：「唔好意思，食咗你條菜！」超抵死！ ####
24/3填飽肚照計心情唔錯，但千嬅竟然揦晒口面鼓埋泡腮。丁生事後解釋，「晨早起身冇化妝，俾人影梗係嬲啦，同埋嗰條係斜路，佢都行到攰！」
見到有記者，個肚籮咁大嘅千嬅初時都笑晒口任影。
拎住電話密密煲，唔通千嬅覺得俾老公冷落，所以嬲爆爆？
千嬅03年以3千多萬買入赤柱富豪海灣，09年以6千多萬賣出，勁賺3千萬！
丁子高緊張解釋欠債，不過一講到6月出世的龍B即興奮表示：「BB房未裝修呀，人哋話大住肚裝修唔好，咪等個B出世先整囉！」《蘋果日報》圖片
拍檔鄭子邦
丁子高（原名丁浩霖）同鄭子邦由細玩到大，兩人更共同持有「德邦顧問公司」（見下表）。丁子高說：「我哋好close，千嬅同佢都好熟㗎！」
美漢大廈唔係大型屋苑，丁子高先後買了兩個單位，其一單位的賣家李志麗卻在去年尾入稟追收10萬，至於另一單位則於去年5月賣出，丁生1年即賺131萬。
歎完午飯，丁子高親自揸車送千嬅返陽明山莊屋企休息。
本刊到「德邦顧問有限公司」所報的地址查探，發現並無「德邦顧問」，只有另外兩間公司。
上週六晚，臨入場前丁生行埋千嬅身邊講咗幾句，千嬅即時口擘擘回應，表情極之認真。
未夠鐘開場，丁子高同楊千嬅各有各傾，招呼朋友功夫都一樣咁合拍！
父母齊撐 睇到半夜12點，千嬅同楊父楊母齊齊坐車返屋企休息。
丁生豪包ifc請朋友睇《春嬌》，氹到千嬅當晚即刻上微博分享冧爆心情！
忙搵奶粉錢，丁子高除了要打理去年開設的公關公司「RM Workshop」，原來更與死黨勁搞私幫生意，百足咁多爪。本刊發現丁子高與老死、的士太子爺鄭子邦合股的一間顧問公司，去年12月遭一對男女入稟追討 10萬元債項。公關大亨無端端變債仔，本週一丁子高大方回應：「件事已經settle咗，不過咁小事，老婆當然唔知啦！」老婆臨盆在即，梗係唔講好過講 嘅。
6月生得的楊千嬅，佗住佢同丁子高的愛情結晶「RMB」（Real & Miriam's Baby），早前選擇性出席新戲《春嬌與志明》宣傳，完成任務後則專心安胎，留喺屋企煲劇整蛋糕。
孖密友炒樓
丁父丁永方貴為上海大地主，擁有幾塊地皮，而且經營製衣生意，身家保守估計超過兩億。雖然身為富二代，但丁子高唔靠老豆，去年一月自己成立公關公司，更以佢同千嬅的英文名字頭「RM」做公司名。千嬅臨盆在即，老公丁子高肩負搵奶粉錢重任。 公關生意啱啱起步，原來丁子高早於兩年前開始涉足地產，與的士太子爺兼好友鄭子邦開設顧問公司炒樓。本刊發現，兩人在2010年成立「德邦顧問有限公司」，兩年間先後買賣過兩個物業，全部位於灣仔的單幢式唐樓美漢大廈。
丁子高：一場誤會，settle咗！
同好友鄭子邦聯名開公司炒樓，丁子高話有心進軍地產界，「我哋target係一千萬以下嘅中價樓，銅鑼灣同灣仔嘅升幅大，同埋啲盤易走！至於嗰十萬（欠債）其實好小事，一場誤會，settle咗！」
被入稟追數
李姓女士與一名法國人去年12月入稟追討丁子高有份的「德邦顧問」10萬，據資料顯示，丁子高在10年6月以240萬買入兩人的美漢大廈單位，但李姓女士事隔年幾先入稟追番10萬蚊細訂。
梁永鏗律師：半年唔入會彈票
根據梁永鏗律師（小圖）所講，今次丁子高被追討債項，未必係佢錯，「如果半年內唔去入票，銀行應該會彈票，所以李小姐（原告）當時應該盡快入票。不過如果李小姐證明到丁子高確實冇畀到10萬，佢就有機會喺6年有效期內追收到欠款。」
千嬅面燶燶
娶 到個富貴老婆，本身屋企又大把，本錢雄厚的丁子高，去年轉售其中一個物業，持貨短短1年賺了131萬，好搵過搞活動。有心賺大錢，但丁子高的顧問公司持有 的另一個物業卻遇到阻滯，去年12月被賣家入稟區域法院，追討10萬元債項。 未知是否官司纏身，丁子高上週六（24日）與千嬅往跑馬地食飯時頻講電話，令原本心情唔錯的千嬅，行出餐廳時心情唔多靚，要老公拖實氹番。當晚丁子高亦十 分識做，在ifc包場請近百位親朋戚友捧老婆場，齊睇《春嬌與志明》，二人大部分時間各自招呼朋友。咁識氹老婆，千嬅亦收晒貨。
丁子高：老婆當然唔知
搞私幫生意被追數，丁子高週一接受電話訪問時大方承認，更詳細解釋事件。「其實單嘢好無聊、好低能，我同個拍檔兩年前買咗層樓，嗰10萬 係訂金，本來一直冇問題，成個交易完成晒，我哋亦已經將物業轉售，仲賺咗七位數！點知兩個月前個賣家聯絡我律師，話冇收過啲錢，我即刻叫同事check番 紀錄，最後費事煩，咪再開多次cheque畀佢囉！（搞到入稟咁嚴重喎？）件事已經settle咗喇！我家冇欠債冇爭人錢㗎！（千嬅知唔知？）咁小事， 我都要check番先記得，老婆當然唔知啦！」 10萬對丁生絕對係小數目，嚇親佗住丁家血脈嘅老婆大人就唔好啦！
ifc包場睇《春嬌》氹妻
包場$8,000搞掂
雖 然《春嬌與志明》本週四才正式上畫，但優先場的票房已勁爆，口碑又狂讚。千嬅有新戲上，一向識冧老婆的丁子高包場請朋友欣賞千嬅演技，原來包起ifc一間 house只需8千，即可請100個friend睇戲。「我係托千嬅公司嘅同事幫我打去ifc問價，佢哋覆實個價畀我之後即刻confirm，100人睇 都係8千蚊！」
《春嬌與志明》串星夠搶
曉明醜女啜核 飾演春嬌醜女死黨Brenda的林兆霞，做話劇出身，戲中講佢遇着未拍過拖嘅黃曉明，兩人一拍即合，曉明更當眾叫豬扒女友做Baby！唔知俾Angelababy睇到，會唔會嚇到打冷震？
王馨平MV翻hit 90年代憑〈別問我是誰〉hit爆的王馨平，除咗喺戲中會客串一角，〈別〉MV更係一大關鍵，絕對係全場最大爆笑位！想知有幾爆，記得完場唔好即刻走，否則肯定走寶！
伊健樂仔爭女 鄭伊健飾演春嬌初戀男友，只出現過一幕，就係同志明同枱食飯。戲中志明勁介意春嬌有個天王男友，兩人爭夾菜食，伊健最後更語帶雙關話：「唔好意思，食咗你條菜！」超抵死！ ####
24/3填飽肚照計心情唔錯，但千嬅竟然揦晒口面鼓埋泡腮。丁生事後解釋，「晨早起身冇化妝，俾人影梗係嬲啦，同埋嗰條係斜路，佢都行到攰！」
見到有記者，個肚籮咁大嘅千嬅初時都笑晒口任影。
拎住電話密密煲，唔通千嬅覺得俾老公冷落，所以嬲爆爆？
千嬅03年以3千多萬買入赤柱富豪海灣，09年以6千多萬賣出，勁賺3千萬！
丁子高緊張解釋欠債，不過一講到6月出世的龍B即興奮表示：「BB房未裝修呀，人哋話大住肚裝修唔好，咪等個B出世先整囉！」《蘋果日報》圖片
拍檔鄭子邦
丁子高（原名丁浩霖）同鄭子邦由細玩到大，兩人更共同持有「德邦顧問公司」（見下表）。丁子高說：「我哋好close，千嬅同佢都好熟㗎！」
美漢大廈唔係大型屋苑，丁子高先後買了兩個單位，其一單位的賣家李志麗卻在去年尾入稟追收10萬，至於另一單位則於去年5月賣出，丁生1年即賺131萬。
歎完午飯，丁子高親自揸車送千嬅返陽明山莊屋企休息。
本刊到「德邦顧問有限公司」所報的地址查探，發現並無「德邦顧問」，只有另外兩間公司。
上週六晚，臨入場前丁生行埋千嬅身邊講咗幾句，千嬅即時口擘擘回應，表情極之認真。
未夠鐘開場，丁子高同楊千嬅各有各傾，招呼朋友功夫都一樣咁合拍！
父母齊撐 睇到半夜12點，千嬅同楊父楊母齊齊坐車返屋企休息。
丁生豪包ifc請朋友睇《春嬌》，氹到千嬅當晚即刻上微博分享冧爆心情！
沒有留言:
張貼留言