「集郵模」謝芷蕙（Cammi）自從去年同陳冠希（Edison）的「打車輪」慾照流出後，多得「集郵始祖」寵幸，Cammi即刻奀模變「名模」，食住「希嫂」條水四處銀。 Cammi有騷密密做，有水更加抽到盡。雖然Edison被恥笑雜食食出禍，不過仲未知驚，據知兩人竟然未斬纜，2月尾有人目擊Cammi晨早喺Edison住所離開，最大件事係Cammi原來準備出書爆Edison大鑊。出自傳爆料，呢次Edison點樣危機處理呢？
14歲出道、決心殺入娛樂圈的模Cammi（謝芷蕙），上年「唔小心」令她跟陳冠希的慾照曝光，一夜成名震撼全港，之後奉希之名，四處接job真銀，搵錢最實際。
繼續當散餐
自 慾照曝光後，二人均聲稱與對方冇聯絡玩割蓆，雖然上次Edison被指「重口味」，估唔到Edison原來仲有搵Cammi散玩。 據知情人士透露，曾目擊Cammi早上在Edison住所樓下步出。「2月尾嗰陣有啲貨要送去Edison屋企，咪一早送過去囉，點知撞到Cammi喺佢 樓下走出嚟，嗰下真係呆咗，其實Edison自從床照同上次單嘢個朵臭晒，啲女驚被人話似Cammi，所以冇女敢埋身，搞到Edison勁dry勁冇癮。 佢話Cammi仲好冧自己，咪搵Cammi攝吓時間，繼續當散餐食。不過Edison自從嗰次之後更小心，佢都有叫Cammi收口，如果唔係就以後唔搵 佢，而Cammi經過上次都知驚，所以家唔敢再提。」
「寫少女情懷」
知驚還知驚，但Cammi仲有撒手鐧，在今年書展將出自傳大爆情史，當然最吸引是爆Edison大 鑊。上週六（24日）Edison同家姐陳見飛出席自己鋪頭「Juice」的簽書活動，Edison自稱很久冇拍拖，更死口唔認有翻撻Cammi；而準備 出書爆Edison大鑊的Cammi則說：「都係寫啲少女情懷嘢啦，寫吓之前同男朋友拍拖嘅事，到時大家睇吓咪知囉！」17歲女，總之「陳冠希」三個字長 抽長有呀！
書展出書有圖有文
今年中四的Cammi，早前有傳被校方要求於今個學期結束後轉校，估唔到Cammi書未 讀完就想扮才女出書。Cammi經理人Admond話：「Cammi本書會喺6、7月書展前出，全部係佢自己寫，內容關於佢嘅感情生活、少女心事，而本書 會以散文加寫真的形式推出，寫真會有比堅尼相，價錢大約$128，有嘢送！」有嘢送，唔知會唔會送多兩張陳生床照呢？
吃力不討好
Cammi自同Edison攀上關係後，一直抽盡Edison水，但一直未獲觀眾接受，如早前孖住形象指導Nel Nel張學潤合作主持《怪談．靈搜奇》，亦被觀眾致電鬧爆，雖然密密接job，可惜不獲民心，完全吃力不討好。 ####
自拍成癮 Cammi同Edison的自拍慾照，被網民寸爆她擁有Nel Nel面和假大眼，相片同真人差天共地，不過Cammi冇有怕，繼續自拍上微博及Instagram。
獨家 手稿曝光 準備出書的Cammi，日前本刊獲得她從未公開的個人手稿，其中呢篇手稿內容寫出佢對感情的看法，更透露每次拍拖都係對方主動分手。
未忘舊情 陳冠希鍾情Cartier的“LOVE”系列手鐲，之前同女友Vincy亦襯埋一對。Edison上週六（24日）出席活動都仲戴住，真係長情喎！ Cartier "LOVE"手鈪
與Cammi的慾照流出後，嬲到老闆林建岳閂水喉，Edison回港多數時間專心打理鋪頭（左），又籌過百萬出戰渣打馬拉松賽事，實行以善事「洗底」望復出。
慾照上位 原本冇人識的Cammi，自去年10月「唔小心」令自己同Edison的慾照外洩後，成功上位，不過引來全城圍插，亦令Edison形象再插谷底。
過夜斷正 今年2月尾，有人晨早送貨到Edison家中時，喺樓下竟撞見Cammi素顏離開Edison私竇。據知Edison亦有向人透露和Cammi仍保持聯絡，估唔到陳生饑渴得咁緊要啫！
同Edison床照流出後，Cammi一夜成名，出席活動都有大班傳媒跟實追訪。《蘋果日報》圖片
《怪談》捱插 Cammi喺節目中被觀眾鬧足成分鐘，終忍唔住喊，其後更於鏡頭前失蹤幾分鐘去緩和情緒。
呢對龍鳳Twins夾埋係有噱頭，可惜係驚嚇多過驚喜，觀眾唔多buy喎！《蘋果日報》圖片
北上搵銀 Cammi因慾照而增加不少工作機會，尤其北上登台，佢話會把握機會密接job，嵋家一個月要北上幾次，真勤力。《蘋果日報》圖
沒有留言:
張貼留言