打算在今年美食博覽晒本錢，拿三十八萬一斤的蜘蛛肚壓場，兼送出四隻七頭網鮑試食，試一啖吃掉一千元，海味店恆興行老闆娘Macy一年比一年大手 筆！唔想逼餐死入場排隊試，其實貴有貴吃，平有平吃，平時賣二百幾元一罐的南非鮑魚，一樣可以炮製大餐俾全家人分享。「三十頭的南非鮑原隻用來蒸飯，一啖 一隻，夠睇頭。況且蒸飯不用技巧，人人都煮得到，加碟菜已經係豪華又簡單嘅一餐。」
罐頭鮑煮食方便，不過不是種種 都適合蒸飯。「南非的養鮑味道濃，質地亦腍滑，質素比智利或澳洲養鮑都高。紐西蘭的也夠清香，但密度高，雪凍做刺身最好味，再煮就會韌。揀比較腍身的鮑 魚，蒸飯就啱啱好。至於南非野生鮑味道更濃，海水鹹味亦較重，仲好食，不過價錢貴，平日煮食的話，養鮑又平又方便，很合理。」 鮑魚蒸飯旨在吃鮑魚鮮味，要將罐頭內的鮑汁加入米中，留意每碗一湯匙就夠。「鮑汁膠質重，如果加太多去煲飯，飯粒會太黏口，唔夠爽身。加上雞肉汁會流入飯 粒，所以蒸飯時比平日用電飯煲加較少水，略略蓋過米面就夠了。」既然鮑魚汁咁重要，Macy更提醒大家︰「買罐頭鮑要留意成分，要揀天然、無漂過的。市面 上一些假罐頭鮑，成分寫着鮑片，只是鮑螺片。至於倒模做的假鮑魚沒有細小的鬚，好易睇得出。靚鮑應該清香有光澤，切片略炒、涼拌、煲粥，甚至打邊爐輕輕一 灼，鮑汁加入湯底都好得！只係唔可以用來煲湯，罐頭鮑唔煮得咁耐。」
材料
南非罐頭鮑魚（30頭）：1罐 雞髀肉：250克 白米：200至250克 薑絲：適量 雞髀醃料 豉油：1茶匙 蠔油：1茶匙 鮑魚汁：1湯匙 蛋白：1茶匙 糖：半茶匙 鹽：半茶匙 胡椒粉：少許 芝麻油：數滴 粟粉：1茶匙
步驟
(1)將雞髀肉切粒，加入醃料拌勻（粟粉最後放），放入雪櫃醃2小時，拿出來置於室溫1小時，備用。 (2)白米洗淨，分別放於4個小碗中，每碗加入1湯匙鮑魚汁，3至5隻鮑魚，以及適量水至剛蓋過米面。 (3)放入鍋蒸35分鐘，然後將雞髀肉和薑絲加於白飯上，再蒸10分鐘即成，分量足4人用。
廖淑雯
參茸海味店恆興行第二代傳人，廿多歲開始打理海味生意，看得多煮得多吃得多，鑽研出不少簡單易煮，而又天然健康的參茸海味食譜，曾推出食譜《家嫂廚房》。
(1)
(2)
(3)
$1,388
$300
沒有留言:
張貼留言