八十後Tony Cheng，三十歲未夠，兩年前已經夥拍名廚Roland Schuller開設The Drawing Room，去年再揼本邀請新加坡文華酒店大廚來港坐鎮新店海南少爺，雖然大廚另起爐灶，Tony自己入廚站穩陣腳，尖沙咀分店剛開幕，就打算今年開多兩 間。飲食生意搞得有聲有色，沒想過一盤生意背後，原來老闆其實最享受入廚，十四歲經已立定決心做廚師。
「細個喺英國讀書，跟Jamie Oliver食譜整香草焗雞，好大陣仗呀！當時氣氛好warm，一班朋友好開心好好feel，我第一次覺得自己真係好鍾意煮嘢食，一定要做廚師！」閒時睇 食譜睇food science書之外，大學仲讀緊三年級，已經走去Le Cordon Bleu正式學廚，一年內返大學兼返廚藝學校。畢業後做核數師考埋牌，都係為咗學識管理生意。之後去iBank打工，更加為咗開餐廳儲彈藥！
目標明確向理想進發，正常。分文不收做足年幾義工，入廚偷師，決心恒心唔係人人有︰「去Aspasia食飯識咗大廚Roland，叫佢收我做廚 師，冇錢收o架，之後佢薦我去羅馬二星餐廳All'Oro，大廚、二廚同埋我，得三個人煮四十五人嘅菜，煮完仲要洗廚房，日日朝十晚三，過咗羅馬大半年都 未去過鬥獸場呀。」
辛苦換來實戰經驗，令他入廚工夫紮實，加上烹飪理論食材知識豐富，要煮要設計新菜，無難度。Tony為海南少爺設計不少菜式，例如今次示範的黑松 露豆腐，材料雞蛋、牛油、菇菌，都是西餐常配黑松露的食材，現在以中式做法展現。「這款菜的approach很西式，其實是自製的玉子豆腐，根本是中菜。 松露油炒菇時，記得用中細火，太高溫松露味會走晒。」
現時日日巡店試菜，又要拍烹飪節目，邊有時間入廚？「老闆要兼顧很多行政工作，做廚師目標簡單得多︰煮出好吃的菜式給客人吃。客人反應即時直接，很滿足。最終目標，都係希望開多幾間餐廳，請人管理，自己返入廚房做廚師。」
材料
雞蛋4隻 豆漿1杯 白靈芝菇100克 黑松露隨意 黑松露醬隨意 白松露油1湯匙 鹽、糖少許 牛油、菜油適量
步驟
1 混合雞蛋、豆漿、鹽、糖及半湯匙白松露油，攪勻。想口感更滑溜，可以隔篩過濾蛋漿。
2 將蛋漿倒入扁平容器，蛋漿厚度約一吋。
Tong Cheng
03年於藍帶廚藝學院修畢一年烹飪課程、08年赴羅馬二星餐廳All'Oro無薪學師，09年回港夥拍名廚Roland開設意大利餐廳The Drawing Room，當老闆兼大廚，10年開設海南少爺，曾為港台拍攝飲食節目，現兼任now《煮角》主持。
3 以中高火蒸15分鐘，然後切成塊狀。
4 燒熱油鍋，待油冒煙，加入豆腐慢火煎，煎至兩面金黃脆身，拿起備用。
5 加小量菜油及牛油於鍋中，以中火炒白靈芝菇，炒至轉色及出水後，加入鹽及白松露油略炒。
6 豆腐上碟，白靈芝菇鋪面，再隨意刨幾片黑松露。如沒有即刨黑松露，可於炒菇時加入黑松露醬略炒。
日式蟹宴專門店「蟹膳」 地址︰灣仔譚臣道3號 電話︰2866 1618
一人一爐shabu shabu「勝手」 地址︰銅鑼灣加路連山道5號 電話︰2577 2628 地址︰大坑銅鑼灣道134號 電話︰2806 3678
最新型格福岡拉麵「秀拉麵」 地址︰中環威靈頓街33號 The Loop地面上層 電話︰2522 5990 義賣時段︰1/4 6pm-11pm
半島酒店「日式下午茶」 地址︰尖沙咀梳士巴利道 半島酒店大堂 電話︰2315 3069(不設訂位)
沒有留言:
張貼留言