清酒水晶梨

「只有阿茂先會整餅！」《誰家灶頭無煙火》中，阿爸怒罵堅持要做整餅師的阿仔。今時今日，明星廚威過明星，仲有阿爸會反對個仔整餅？以為做戲咁做，原來有真人版。

同大部分父母一樣，Tracy屋企人期望她做醫生律師。無奈Tracy太愛甜品，又討厭讀書，唯有瞞住父母到美國西岸San Diego Culinary Institute學做甜品：「經常看電視的烹飪節目，做甜品好似好簡單，心想自己會做得比主持人更出色。」
九個月後學滿師畢業，Tracy便到著名餐廳George's At the Cove工作。三層高的餐廳由平民咖啡室至fine dining都有，Tracy得到多元化的甜品經驗。一年後，進入當時新開的Nobu工作，一直以為阿女在大學修讀教育的父母，知道真相後，嬲到爆炸。 Tracy唯有邀請阿爸阿媽到Nobu食飯，最後成功令他們知道整餅亦是專業工作，才得到體諒獲得支持！ 

在Nobu未做夠一年，已躍升甜品副總廚。之後再轉到Whisknladle任職，兼掌管同集團的PrepKitchen。看來靚女做甜品大有着 數喎！「當然不是，廚房男人多，工作環境辛苦，大部分都很惡，好多女仔頂唔順。」Tracy曾經到酒店工作，但大量製作十足啤機一樣，還是比較喜歡在小店 工作。「小店有多些空間發揮。做甜品最重要有心機。我比較喜歡做簡單的甜品，如蘋果批。要突出，我會落手落腳做好細節位，好似這一款清酒水晶梨個雪葩是自 製外，連on top的綠茶曲奇餅碎我也堅持唔用街貨，令甜品每一部分都充滿個人風格。」終極夢想，是和做廚師的男友開間餐廳仔：「佢入廚，我整餅。」好甜蜜呀！

材料
水晶梨：1個 水：500克 清酒：200克 糖：300克 柚子汁：20g 肉桂條：1支 橙皮：1/2個 檸檬皮：1/2個 紅糙米：小量 綠茶曲奇餅：3片 白桃雪葩：1球 （亦可用紅莓或檸檬雪葩）
 
步驟
1. 將清酒、水、糖、柚子汁、肉桂條，橙皮及檸檬皮放入煲中加熱至滾起。
 2. 水晶梨切開四份，去果心，放入已滾的糖水中，調至80度煲30分鐘。
 3. 將煲好的水晶梨取出，放進冰水中冷凍，然後放入雪櫃冷卻最少2小時。
 4. 紅糙米炸大約1分鐘至爆花，綠茶曲奇餅壓碎，備用。
 5. 冷卻好的水晶梨切薄片，平鋪於碟上。
 6. 加上綠茶曲奇餅碎和炸紅糙米，最後放上白桃雪葩便完成。

Sakesan地址：中環蘇豪些利街18號


####









黑松露凝脂鮮蟹拑海鮮配果味重的加州酒，一流。