香草魷魚蝦筒

唔少香港人都鍾意食泰國菜，但係講到要自煮，串燒、明爐魚喺屋企整唔方便，煮咖喱蟹又嫌太大陣仗，最多咪不過係撈泰式沙律！睇完Coco Thai大廚Treerawong示範的炸釀魷魚筒，唔使廿分鐘，香口開胃泰菜隨即上枱，下次開party時預備，夠特別又好味，一流！

師 傅入廚廿年有多，來港不夠兩個月，之前在泰國著名餐廳Mango Tree任職兩年幾，更被派負責開芭堤雅新鋪，經驗豐富之餘，手勢絕對正宗，不會帶港式口味。去過Mango Tree都知道餐廳走高檔路線，不單用料靚，賣相亦精緻，師傅就最愛創新，於傳統泰菜加點花巧，例如這款釀魷魚︰「輕輕炸過更香口，送酒送飯，或者當小食 都得。」師傅還自創咖喱燴豆腐、青檸wasabi蝦、紅咖喱鴨菠蘿船，不會太嘩眾取寵，充分發揮泰國菜的香濃刺激，開胃好味為主。 炸魷魚筒雖然易做，其實有不少秘訣︰「蝦膠加入了金不換和芫荽根，咬落有少許爽口，香氣亦更濃郁。」以為釀魷魚不過將蝦膠塞滿魷魚筒內，原來又有小秘技︰ 「不要塞得太滿，因為蒸時會膨脹，記得先用竹籤在魷魚筒刺上小孔，否則空氣只可以由魷魚尾散出，會將餡料向外推。刺了小孔空氣就可以平均滲出，蝦膠就會脹 得圓圓滿滿很靚。」炸過後，魷魚沾上一層很薄的金黃色外層，香口而不油膩，魷魚很爽口，蝦膠軟綿清香，醬汁香辣開胃，天氣再熱都啱食。

材料
魷魚1隻：700克 鮮蝦：500克 肥豬肉：500克 金不換：200克 芫荽根：2條 辣椒：半茶匙 鹽：半茶匙 胡椒：半茶匙 蒜茸：1茶匙
汁醬
蒜茸：1茶匙 辣椒：半茶匙 豉油：1茶匙 蠔油：1茶匙 糖：半茶匙 雞湯：半湯匙 生粉水：適量

步驟
1. 鮮蝦剝殼剁成蝦膠，加入已攪碎的肥豬肉，拌勻再剁。
2. 金不換、芫荽根、辣椒切細粒，加入蝦膠中，再加入鹽、胡椒和蒜茸 拌勻剁碎。
3. 魷魚筒洗淨，釀入蝦膠至九成滿，但不用塞得太實。
4. 以竹籤將魷魚鬚和魷魚筒固定，然後用竹籤在魷魚筒身均勻地刺小孔。
 5. 蒸約十分鐘至七成熟。
6. 燒熱油鍋，炒香蒜茸和辣椒絲，加豉油、蠔油、糖和雞湯略炒，再加入小量生粉水炒成醬汁。
7. 燒滾一鍋油，將蒸好的魷魚炸至金黃色。
8. 魷魚切片，上碟，淋上醬汁，最後以炸金不換及紅椒絲裝飾即成。


Treerawong Pratumwan
曼谷人，入廚廿多年，曼谷地道小店及高級酒店餐廳都任職過，包括泰國名店Mango Tree曼谷店，其後負責芭堤雅分店開幕，出任大廚，不少明星及政要都試過其手勢，去年更被泰國旅遊局選為2010年出色廚師之一，剛來港出任鴨脷洲Coco Thai大廚。


####



2.

3.

4.

6.

7.

8.