扒房愈開愈多，不只鬥用料靚，還要加上自家風乾櫃等，細節愈來愈講究。君悅酒店加入戰場，泰國餐廳換上全新Steakhouse，籌備近年，當然要 找來經驗大廚坐鎮。首次來亞洲工作的主廚Chef David，於美國主理扒房多年，曾為聖地牙哥Po Pazzo餐廳開店出任行政總廚，開業首年即擊敗一眾名店對手，獲得聖地牙哥最佳扒房之評論家獎。
面對一流大廚，梗係偷師問問點樣煎靚牛扒？Chef David答得輕鬆︰「首先，當然要揀質素好的牛扒，烹調秘訣係最緊要快，加熱時間短，水分揮發少，自然保留到肉汁。所以，要用高溫將扒烤至表面深色，烤 得平均而不過久，就會夠味又juicy。」別人常教煎牛扒要煎好一面才可以反轉？「不一定的，如果烤爐夠熱，例如炭烤，反幾次都沒問題，不過家用的平底鍋 不夠熱，通常會逐面煎，但逐面煎與鎖住牛扒封住肉汁無關，只有烤得快，肉汁流失才會少。」
Chef David更加教大家炆牛肋骨的方法，保證不會失手。「連骨的肋肉味道較豐富，肉質較韌，只會愈煮愈腍，不用擔心太熟。用超市買到的肉汁(gravy)， 加點香草和最平的紅酒，由它焗幾個鐘，已經好好味。炆之前一定要將肋骨煎香，就會很夠味。」炆好的肋骨肉腍滑而香味濃郁，炮製無難度，肯花時間就煮到。幾 個鐘頭啫？絕對值得！
材料
牛肋骨750克 菜油30毫升 鹽、胡椒適量 洋葱（切粒）300克 甘筍（切粒）150克 西芹（切粒）150克 紅酒 250毫升 牛仔肉汁或牛骨湯 1公升 番荽 10支 百里香 10支 月桂葉 2片 伴碟︰雜菜、薯茸或飯
步驟
1 預熱焗爐於150度。
2 以鹽及胡椒塗勻牛肋骨所有表面。
3 猛火燒熱平底鍋，加菜油至冒煙，放入牛肋骨，逐面煎至深色，拿起備用。
4 調低至中火，加洋葱、甘筍及西芹，煮至軟腍後，加紅酒，煮至揮發一半。再加牛骨湯，以猛火煮至滾起。
5 將所有材料(伴碟蔬菜及薯茸除外)放入鍋，蓋上鍋蓋，放入焗爐焗四至六小時，直至牛肉離骨。
6 牛肋骨上碟，以雜菜及薯茸伴碟，淋上汁醬(先按個人口味調味)。如果想汁醬更濃稠，可以再煮杰身才上碟。
David Campbell
2000 年畢業於多倫多喬治布朗學院，取得烹飪管理學位，隨即加入亞特蘭大君悅酒店，其後於聖地牙哥、夏威夷等地的君悅酒店當主廚或行政副總廚，經驗豐富。喜歡亞 洲菜，更熱愛新挑戰，首次來港，出任香港君悅酒店Grand Hyatt Steakhouse主廚。
2
3
4
5
Metro Buffet & Grill
沒有留言:
張貼留言