癲覆食材 爆穀蜆湯 芝士波雞翼 鹽燒蝦

癲覆食材　穀甜湯

眼前的楊尚友，三十來歲、一身潮着打扮，身邊人都笑稱他黐線、癲癲哋。不是開玩笑，他真是癲的，曾經用熨斗烘多士，發明爆穀蜆湯、蛋撻奶昔等，全部食得又睇得。最近還當上飲食文化節目的主持，用充滿香港人集體回憶的食物創作，啟發大家從平凡中尋找不平凡。

梅菜扣肉批

■ Christian曾於外地酒店，利用熨斗烘出一份極滋味的多士。

用熨斗烘多士、西多士做雪糕，你可能認為係啲年輕廚師嘅噱頭，睇得唔食得。錯！一身潮人打扮 的楊尚友（ Christian），被人稱為黐線廚師，便是西多雪糕及熨斗多士的創造者，他經常強調自己是癲得有原則。他爸爸是毛里裘斯華僑，為了證明自己學廚決心， 十五歲便隻身遠赴毛里裘斯由切菜洗鍋做起，及後在瑞士接受正統訓練，還在當地及日內瓦多間酒店餐廳任職。這位癲廚原來並不「癲」，最近更醉心研究家鄉客家 菜，還想出梅菜扣肉批，當小記大讚時，他卻說已擱置，很可惜吧？「 It's ok！」他強調。
Christian的廣東話唔鹹唔淡，卻是會絞盡 腦汁研究傳統家鄉菜的年輕人，「我嘅哲學係要知道食物嘅歷史同傳統。」點學？「我曾經到雞場學養雞、到葡萄園摘葡萄學做酒，一位稱職嘅廚師，就係要尊重食 物，了解它們背後的故事。你叫碟意粉做卡邦拿，就要知道佢嘅故事同傳統做法，唔係白汁加煙肉就叫卡邦拿。」他說。

平凡中的不平凡

Christian三十而立，不但首創香港第一間 DIY大阪燒餐廳，最近還當上港台節目《味之天下》的主持，以食物來講古仔， Christian自言自己的根在香港，喜歡用與香港人有集體回憶的食物來創作。「從平凡中創出不平凡，希望香港人能感受到 something different but still the same。」最佳例子就是他將蛋撻攪碎做成奶昔。得唔得？「絕對得！我希望在節目中 inspire people to have fun。」相信這位從心而發的廚師，或多或少有着香港人「唔鹹唔淡」、「癲得嚟有譜」的特質。

（《味之天下 II》由即日起至 2月 10日（逢星期五） 7pm，於亞洲電視本港台播映）

爆穀蜆湯

Christian當年為追求太太，創出的菜式，將太太最愛的蜆湯改良，加入爆穀，兩者竟離奇地夾，令湯更加鮮甜。

材料

牛油 30克、洋葱（切碎） 50克、蜆（連殼） 500克、清酒 3湯匙、雞湯 600毫升、黑胡椒/芫荽（切碎）各適量、忌廉/爆穀各 100克

做法

1.煲滾雞湯，放爆穀，以慢火滾 10分鐘至出味，隔去爆穀，取湯。

2.燒熱鍋，下牛油煮溶，爆香洋葱碎，下蜆拌煮至開口，加入清酒，冚蓋熄火，搖晃片刻至蜆入味，再焗 10分鐘。

3.然後下黑胡椒、已煮過的雞湯，開火略煮後，熄火，下忌廉拌勻，再下芫荽碎拌勻，盛起上碗，完成。

芝士波雞翼

以脆卜卜的芝士波作脆皮，那種香濃特別的芝士味，令雞翼更加滋味，雞翼愛好者絕不能錯過。

材料

芝士波/班戟粉各 50克、鹽少許、蛋漿 100克、雞翼 6隻

做法

1.芝士波揑碎成粉，加入班戟粉、鹽，拌勻芝士班戟粉。

2.用刀在雞翼插數個小孔，分別沾上蛋漿及（ 1）。

3.燒熱油，放入雞翼拌炸至全熟，盛起瀝油，上碟完成。

貼士：

若果喜歡較厚的炸皮，可多沾一層芝士班戟粉。

鹽燒蝦

這個鹽燒蝦簡單又易做， Christian希望大家吃的時候，都會想起我們的西貢！

材料

海蝦 12隻、粗鹽 300克、芥末醬適量

做法

1.開大火燒熱鑊，鋪滿粗鹽，略燒片刻。

2.放上蝦，每面煎約 30秒至蝦身轉成橙色，上碟，吃時蘸上芥末醬。

貼士：

小心粗鹽燒熱後會彈起。

蘋果日報