特首選舉變成豬狼對決,黑材料一鑊比一鑊甘,俾人用「既狼且辣」手法追住打嘅唐英年,明知衰嘢陸續有來,依然唔退選。
上星期四(二十三日),《壹》仔喺中環見到唐唐坐住架Benz經過,架車之後停响雪廠街,佢落咗車企埋一邊,應該係等自己個司機嚟接番佢走。 同一位置,有個阿嬸喺度派緊免費報紙,是日報紙正正用咗梁振英同唐英年做頭,附近一個睇緊報紙嘅女人,一抬頭就見到唐英年「生」企响隔籬,即時愕一愕,跟住好快耷低頭偷笑。 有感情缺失、僭建同一籮緋聞墊低,呢類尷尬場面,只係小兒科,唐唐繼續用佢「大智若愚」手法,以笑遮醜。 好在,企咗五分鐘,架HT(Henry Tang)22專車就嚟到執番佢。 ####
唔怕尷尬嘅唐英年原地唔郁,望住阿嬸派自己做頭嘅報紙俾路人,搞到阿嬸忍唔住問佢要唔要一份。
豬生,乜咁啱呀!(設計對白)
女途人抬頭見到唐英年就喺眼前,愕然到口擘擘,之後繼續扮睇報紙,實則耷低頭偷笑。
刊於1147期《壹週刊》
沒有留言:
張貼留言