睇大屋
鋼琴大師劉詩昆早前與家人及紅顏知己孫穎,斥資於上水古洞連掃五間獨立屋,並將其中兩間價值達一億,共七千呎相連獨立屋打通,打造成私人藝術館。 富豪僭建不停被挖,孫穎說:「我哋唔會好似唐英年咁,係入晒則先改建。」
豪過特首
與劉詩昆行孖咇的「鋼琴公主」孫穎,投資物業拍住上,兩人去年投資買鋪位,持貨半年,速賺七十萬;在內地投資房地產也有斬獲,鋪鋪贏! 早前孫穎拍住劉詩昆長子劉曉迎再出擊,連掃五間位於上水古洞天巒的獨立屋,其中包括十七號、十八號相連大宅,總面積超過七千呎,連同花園,接近萬呎,這兩間大屋現市值接近一億。
爭贏黎明
該屋苑雖然地處上水,但單計管理費,每月就要七千元起跳,據業界人士透露,新鴻基地產的郭老太,亦是業主之一。 「其實當時仲有黎明同鄭明明都睇中,呢兩間屋嘅花園,係全屋苑最大,因為佢哋一次過掃幾間,所以發展商決定優先賣俾佢哋。其中十七號屋仲係冇造按揭,一炮過俾錢,另一間就係孫穎個名,但佢都俾咗四成首期。」一名地產界人士說。 據了解,至於另外三間大屋,分別由孫穎、劉詩昆胞妹及長子劉曉迎持有。
收屋驚喜
孫穎收屋後,發現屋內的鎖匙盒、18K白金泥鏟及一套Wedgewood杯碟都十分精美,「根本就唔關乎價值,而係心意,俾人感覺好受到尊重。」
名畫真迹
投資睇長線,孫穎跟劉詩昆已計劃斥資過千萬裝修,將十七號、十八號獨立屋打通,加建泳池,增設保安系統,打造成藝術館,展出珍貴私人收藏。當中包括匈牙利政府贈送已故鋼琴大師李斯特一束真髮、劉海粟、張大千和黃永玉的名畫;還會跟著名品牌合作,將部分展品重新包裝展出。 孫穎表示,為了這批展品,她已買重保險,並會設置二十四小時保安系統。對近日富豪僭建熱門話題,孫穎強調一定奉公守法,「我哋唔會好似唐英年咁,事先一定入晒則,獲批先開始改建,如無意外,預計今年底會完工。」 由於屬於私人藝術館,故只開放給兩人創立的「締造非凡會」會員入內參觀。 「我哋仲打算喺藝術館內搞音樂會,會員可以一邊聽音樂,一邊欣賞藝術品,費用全免。」孫穎說。 據知,劉老師不少學生包括騰訊主席馬化騰的愛女、甄子丹的女兒、琦琦的女兒等,均是會員。
二億物業
現年35歲的孫 穎,畢業於南京藝術學院,17歲開個人演奏會,自此不時獲邀到世界各地演出,並於93年正式來港發展。03年她售出西半山過千呎物業賺二百萬後,開始專攻 投資豪宅。08年金融海嘯後購入三個貝沙灣二千呎單位,勁賺五千萬離場。現時孫穎手上仍有三個物業,包括價值億元的天巒獨立屋、四千萬的御龍山單位,以及 位於深圳市值三千六百萬的空中別墅,還有早年買入,已升值至六百萬的penthouse,估計擁有物業市值超過二億。
率先睇
藝術館雖然尚有半年多才完工,但孫穎已經開始計劃好館內的展品類型。「我跟劉老師都有收藏,他的尤其多,好似劉海粟的山水畫,他一直放書房未有理會,我發現後才把它重新整理,搵專門公司清潔,這是大師級作品,應該公諸同好,況且當中有故事,我覺得更加珍貴。」
劉海粟山水畫過千萬
中國書畫家劉海粟1977年送給劉詩昆的禮物,話說當年仍是中共元老葉劍英女婿的劉詩昆,由外父介紹認識劉海粟。去年劉海粟的一幅巨型作品《黃山雲海》,在國內的朵雲軒春季拍賣會上以3,852.5萬成交,至於他送給劉老師的山水畫,估價行估計價值過千萬。
音樂家李斯特頭髮
1956年,劉詩昆獲得由匈牙利政府舉辦的《李斯特國際鋼琴大賽》季軍,由於冠軍及亞軍均有政治理由勝出,當地很多媒體大表不滿,在各方壓力下,匈牙利政府從李斯特博物館珍藏的李斯特頭髮中,取了一束送給劉詩昆,作為特別獎。
鄭裕玲$38,000裸女
劉詩昆早前出席鄭裕玲等人成立的《至八會》畫展,認為DoDo作品非業餘且有頗高水平,他說:「我以三萬八千買咗幅畫,跟住DoDo又送多一幅俾我。」
蕭邦鑽石錶$298萬
孫穎鍾意收藏手錶,包括全球只有兩隻的蕭邦錶。「我覺得好古典,唔單係一隻手錶,係一件藝術品,所以我會放喺藝術館俾大家欣賞。」
春夏秋冬$100萬
俄羅斯畫家Galina Rusak以春夏秋冬為主題的其中一幅畫作。「有朋友嚟探我,我彈住唔同嘅樂曲介紹呢幾幅畫,佢聽住音樂欣賞,即刻話要用100萬買走呢四幅畫,不過佢好大方,應承將呢幾幅畫先放喺藝術館一段時間。」
AP鋼琴錶$38萬
AP出品全球20隻限量版鋼琴錶,孫穎搵了幾年,去年終於買到。「我覺得呢隻錶好能夠代表劉老師,不過老師只係上台表演先會戴,因為佢平時都唔戴錶。」 ####
相連屋藝術館 17及18號的相連屋門前種有櫻花樹,整個屋苑只有兩間屋有櫻花樹,包括郭老太名下那一間。
花園變泳池 改建後,花園變為泳池,「雖然屋苑有兩個會所,不過屋入面有泳池,我哋嘅徒弟多數係小朋友,佢哋嚟到可以隨時游水,方便好多。」
鎖匙盒
價值超過十萬的Wedgewood瓷器杯碟
白金泥鏟
琦琦跟任達華女兒Ella,早前到訪劉詩昆,一直有學鋼琴的Ella,見到孫穎彈琵琶,即表興趣馬上拜師,坐在劉詩昆右邊的小女孩是仁愛堂總理張瑋傑女兒張鈺琪。
甄子丹女兒跟劉詩昆學琴一年多,孫穎大讚她:「佢畫畫好靚,又好勤力練琴,睇得出媽咪教得好好,舊年本來同我哋一齊去維也納參加音樂遊樂團,因為要做手術去唔到,今年可能會同我哋一齊去奧地利表演。」
香港中樂團二胡首席辛曉紅的女兒白汶芊也是劉詩昆的徒弟,孫穎說:「芊芊彈得好好,佢成日表演,仲喺香港小姐比賽表演過。」
劉詩昆去年搞音樂會,查良鏞(右三)、陶傑(右一)等城中猛人撐場出席記者會。
深圳空中別墅
葉劍英 劉詩昆 前妻葉尚真
刊於1147期《壹週刊》
沒有留言:
張貼留言