Scroll Page | Stop Scrolling

Tweet

Pin it

Widgets

Keyword:美容,生活,购物

裝置每晚 6:00亮燈，每隔 15分鐘就會隨聖誕歌〈 All I Want For Christmas Is You〉變色，浪漫非常，想霸靚位欣賞就要預早入場。 

Geek友講場

聖誕「蒲」公英　掃 high tech禮物

厭倦一式一樣的聖誕場景，蒲來蒲去都係酒吧、 disco？
今年不妨將眼角推高一點，與至愛過一個 high tech聖誕節！
先嚟皇后像廣場聖誕樹，破格變身巨型發光蒲公英，就連白領一族流連嘅置地廣場，都大玩滾動球裝置吸睛，讓大家走進異度空間，大開眼界！
玩得過癮，最好再選購心水禮物，畀個藉口自己血洗荷包，將平日捨不得入手嘅手機、電腦、遊戲機統統掃走，送畀自己同親友都一樣開心。

《 FACE》 Gadget版監修人 903 DJ Donald　最緊要 warm

周圍嘅聖誕布置已經好有趣，反而最大路最傳統布置就少見，所以我打算去花墟買棵迷你真聖誕樹呢！送聖誕禮物真係好傷腦筋，還未想到。不過會揀有持續性，唔好用一下或會過期的潮物。本來想收到 iPad mini鍵盤保護套，可惜前排太心急已經買了。𠵱家變成 PS4，但最好禮物仍然是家人送來的溫暖牌。

皇后像廣場　變種蒲公英

中環皇后像廣場今年一反傳統，以發光蒲公英取代木獨聖誕樹。取名「 WISH」嘅藝術裝置，由美國藝術家 Robert James Buchholz一手栽培，今年曾喺英國倫敦奧林匹克公園亮相。今次豎立喺廣場嘅 3棵巨型發光蒲公英，有近 5層樓高，每個花球上有 70粒如同雷射光碟嘅「種子」，每粒由超過 3萬粒 LED燈組成。

蒲公英嘅花莖鋪滿玻璃片及馬賽克，全利用循環再用或二手物料製作， 3棵蒲公英共重 3噸半。 

場內兩旁設有許願咭，參觀者可隨便寫上聖誕願望。 

聖誕歌曲　隨風起舞

至於地下 18粒直徑約 1米嘅大「種子」，皆接駁喇叭，令「種子」隨聖誕歌節奏變色，氣氛迷幻。設計師嘅靈感源自隨風飛舞嘅蒲公英種子，寓意將祝福散播全香港。同場更設有聖誕藍屋，聖誕老人又會現身合照，大人小朋友都啱玩。

入到室內則有以藍白色為主調嘅聖誕藍屋，歡迎與聖誕老人合照。 

呢個美國運通奇幻聖誕屋將於 12月 19至 21、 23、 25日（ 6:00pm-9:30pm）及 24日（ 6:00pm-10:30pm）開放。 

2013香港繽紛冬日節

日期：即日至 2014年 1月 1日
時間： 6:00pm至 11:00pm、 6:00pm至 12:00mn（ 12月 24日及 12月 31日）
地點：中環皇后像廣場北（鄰近中環港鐵站 K出口）

免費入場
網址： http://www.winterfest.com.hk 

Landmark　七彩變幻球

科學館嘅滾動球裝置，大家不會陌生，近日中環置地廣場嘅噴水池，亦化身迷幻版滾動球裝置，聖誕期間行經中環點都要停一停、𥄫一𥄫。這個聖誕「喜悅無限動力裝置」，由德國藝術家 Hanns-Martin Wagner設計，運用力學原理，喺廣場天幕打造縱橫交錯路軌，令七彩圓球不停滾動，加上燈光效果，絕對唔差過幻彩詠香江。廣場中央則有本地藝術家何文聰嘅馴鹿雕塑同聖誕樹雕，與樓上嘅變幻球相映成趣，再加埋模擬飄雪效果及音樂表演，去到一定冇悶場。

雖然暫時聽唔見噴水池嘅流水聲，但展期內逢週三至五（ 12:00nn-2:30pm），都會傳來外國四重奏組合 Homme等爵士樂。 

整個裝置長 28.2米、寬 19米、高 7.55米，足足有 3個排球場咁大！喺中庭睇到眼花繚亂，不妨行上一層鳥瞰壯觀全景，更可以清楚睇見模擬降雪效果。 

十多個七彩波每隔幾分鐘就會排住隊滑落，遊人喺廣場等待時嘅興奮心情，感覺有啲似六合彩攪珠時咁刺激。 

由本地雕塑及裝置藝術家何文聰設計的機械馴鹿雕塑及聖誕樹雕，會隨音樂慢慢擺動，好過癮！ 

喜悅無限動力裝置

日期：即日至 2014年 1月 2日
時間： 12:00nn-2:00pm、 5:00pm-7:00pm（燈光匯演及降雪效果，每半小時一次。）
地點：中環置地廣場中庭

免費入場
網址： http://www.landmark.hk 

天際 100　最 high觀星台

行入星座天幕，第一時間當然要搵自己嘅星座。 

若嫌中環太多人，可以選擇去全港最高嘅天際 100。除飽覽香港全景，今年首創嘅星座天幕，喺漆黑天幕布滿繁星，星光中更隱藏 12星座星圖，唔使用望遠鏡都可以浪漫觀星。聖誕期間買 1張正價門票，可以日夜各入場 1次，比平時更抵玩。

日玩夜探天際 100雙聖誕

日期：即日至 2014年 1月 2日
時間： 10:00pm至 9:00pm
地點：九龍站環球貿易廣場 100樓天際 100觀景台
票價：$168（成人）、$118（小童或長者）、$134（學生）
查詢： 2613 3888

Gifts for Men　 LG G Flex

去完咁多聖誕景點，當然要食住個 mood，揀份最 like聖誕禮物啦！除傳統手織溫暖牌頸巾外，送多件新 gadget畀男友亦唔過分。好似 LG剛推出嘅頂級手機 G Flex，唔只機身略呈彎形講電話時更貼面，佢機背更用上自我修復物料，唔怕刮亦唔怕屈，即使男友粗心大意將手機放褲袋，都唔怕坐爛刮花！此外， G Flex規格亦夠高階， Snapdragon 800四核心處理器、 2GB記憶體、 4K超高清拍片等，男友肯定愛不釋手。

屏幕表現理想，冇顆粒感之餘，因彎曲屏幕更接近眼球弧度而令立體感更強。 

將 G Flex放在平面就可睇出彎曲程度，由於曲芒有一定彈性，最多可承受達 40kg壓力，所以無需擔心坐爆芒！

試相

G Flex有 1,300萬像素鏡頭，試喺室內影聖誕樹，雖然現場光源不足，但還原度仍然滿意，而且冇過份偏色，惟一係放大睇會見細節稍為不足。

Spec.

系統： Android 4.2.2
處理器： Qualcomm Snapdragon 800四核心 2.2GHz
鏡頭： 1,300萬像素（主）、 210萬像素（副）
影片： 4K 3,840× 2,160解像度
屏幕： 6" 1,280× 720 POLED
記憶體： 2GB
容量：內置 32GB、支援 microSD
售價：$ 6,698
查詢： LG（ 3543 7777）

室外室內

手機之外，男生 gadget其實仲有唔少選擇，無論室外定室內，音樂發燒友或攝影達人，都能全面兼顧。

Outdoor
攝影神器　 Sony A7

講近期話題數碼相機， Sony A7當然榜上有名，推出 1個月仍長期缺貨。皆因定價親民而規格及外形都屬頂級，全片幅 Exmor CMOS、 2,430萬像素、可配搭 Carl Zeiss鏡頭等均屬頂級配置，但體積卻僅得 126.9× 94.4× 48.2mm，加上只重 474克方便帶出街拍攝聖誕裝飾，相信是不少攝影男的心水禮物。
售價：$14,490（連 SEL28-70mm鏡頭）
查詢： Sony（ 2345 2966）

限量潮機　 RICOH GR Limited Edition

攝影要和潮流扯上關係，必定要提最新 GR Limited Edition。呢部限量版 snapshot王以獨特軍綠色波浪搭配黑色大理石紋手柄，規格同樣有最快 0.2秒高速對焦， APS-C感光元件及「 GR ENGINE V」影像處理器，即使不懂任何攝影理論也可輕易拍出質素極高的相片。最重要是全球限量 5,000部，合乎潮人口味。
售價：$7,490
查詢：捷成（ 2926 2300）

真正街機　 SMACON

智手機遊戲全面搶佔遊戲機市場，近期日本 SMACON就推出支援 Android用的同名藍牙手掣，體積只有 125× 62× 20mm，重量更不夠 100g，非常小巧。只要和手機以藍牙配對後即可使用，充電一次可玩 18小時。暫時已支援 200多款手機遊戲，更可趁機重溫昔日懷舊作品。
售價：$399
查詢： HMV（ 2739 0268）

Indoor
升級王者　 Macbook Pro with Retina Display 13"

新版 Macbook Pro終於發售，外形幾乎不變，但硬件不僅採用最新 Haswell處理器，內置顯示咭亦升級成 Intel Iris Graphics，效能更高。最正係續航力卻反增加 2小時變成 9小時，軟件方面則有自家的 iWork及 iLife變成免費下載，加上萬元不到的定價，確實吸引。
售價：$9,988
查詢： Apple（ 800 908 988）

派對音響　 THE BOOM Bluetooth Speaker

MiPOW的藍牙喇叭 THE BOOM，採用復古風設計夠晒型格，外殼則以優質鋁合金打造，以雙向輸出環迴立體聲喇叭。最特別佢有個可拆合手柄，能輕易放在室內不同地方，充電一次即可連續播放 8至 10小時，可說是聖誕 party必備產品。
售價：$890
查詢： Shooting（ 2959 6226）

黑白對比　 I-MEGO

美國品牌 I-MEGO向來用料講究，新 THRONE系列耳罩式耳機，用上獨特盾牌外形設計襯仿金屬外殼機身，並以真皮加獍皮打造頭帶。舒適之外，佢更採用 40mm雙膜片單元令音色突出。較特別是兩色外殼的音質會有分別，黑色低頻有力、白色則較為平衡自然。
原價：$1,499
推廣價：$1,299
查詢： I-MEGO（ 3481 8351）

Gifts for Women　 OSIM 3D暖暖枕

送聖誕禮物畀女友，絕對令男人神經緊張，若精挑細選最後女友都唔喜歡，浪費心機亦冇癮！要摸清女人心，唔一定要睇黃子華新劇偷師，諗吓女友平時點幫你按摩，自然識得回報。呢部 OSIＭ全新加強版的 3D暖暖枕，以模仿專業按摩師雙手設計，揉揑按摩程式力度適中，加上新改良彎角設計，放落頸椎更為貼服，可迅速紓緩肩頸繃緊及痠痛感，最重要係有溫熱功能，暖笠笠又舒適。如此貼心禮物，夠 warm亦夠 sweet，粗心大意男唔怕撞板啦！

3D暖暖枕溫熱功能有助促進身體循環，開啟後更會發光提示，近排天氣凍，啱晒！ 

枕袋可全個拆出進行清潔，用得耐亦可保持衞生，拆除及穿上都十分容易。 

隨機附送一條可調校橡筋帶，除頸之外，亦可將暖暖枕放在腰間。 

Spec.

功率： 19W
電源： 100-240V
重量：約 1.5kg
售價：$980
查詢： OSIM（ 2790 2300）

女生愛美

女生天生貪靚，無論內外都要追求美觀，因此挑選 gadget或 accessories作聖誕禮物，除功能勁之餘，外表因素亦絕不能忽視！

Gadget
非同小可　 iPad Mini with Retina Display

市場上 tablet選擇眾多，但數熱賣款式仍然要提 iPad Mini，除貪 Apple招牌夠虛榮外，新版 iPad Mini亦確實令人刮目相看。佢不但用上全新 7.9吋 Retina Display，更有 A7晶片升級到與 iPhone 5s同級，又維持上一代的小巧外形連女生亦可隻手掌握，加上定價僅$3,088，非常划算！
售價：$3,088（ 16GB WiFi）
查詢： Apple（ 800 908 988）

紅色誘惑　 Plantronics BackBeat GO 2 Signature Red

運動型耳機在市場漸受重視，市面選擇亦多，當中 Plantronics推出的 BackBeat GO 2亦趁聖誕節，推出酒紅色特別版。功能方面沒太大改變，依然有 P2i軍用級防汗、支援 4.5小時音樂播放或 5小時通話時間，並對應 iOS及 Android手機等，還可控制音樂播放及化成免提裝置。
售價：$798
查詢： LRT（ 2395 3913）

進階神器　 CASIO EX-ZR1200

相機界的自拍神器無人不識，女生光聽名字便已興奮莫名，奈何天價難入手。不過 CASIO仲有另一部「進階版自拍神器」 EX-ZR1200，佢擁有 EXILIM Engine HS 3雙核心高速影像處理器，並同時搭載 12級美顏及美白模式，加埋 24mm廣角鏡頭，配合 180度式反芒及內置相機腳架，完美自拍豈止一機做到？
售價：$3,380
查詢：捷成（ 2926 2300）

Accessories
香味充電　 Jelly Power XXL 7800

外置充電池不是玩特別物料就是勁大容量，設計都偏向剛陽。幸好近期 JUMBOX推出了一款創意十足的外置電，顏色繽紛之餘，竟還會散發香味。味道方面，則有海洋、檸檬或草莓等選擇，加埋 2.1A加 1A雙高輸出及 7,800mAh大容量，實為不錯的女生用外置電。
售價：$298
查詢： Shooting
（ 2959 6226）

搶眼機袋　 Doughnut Macaroon

龍女勢力不容忽視，本地相機袋品牌 Doughnut近期亦將熱賣款式 Macaroon加入搶眼湖水藍色。繽紛顏色內卻有 tablet、鎖匙、手機等厚墊儲存格，亦可加入隨袋附送嘅相機內膽保護相機。而袋身的韓國防水尼龍物料亦夠輕身，小小背包功能卻出奇地強，又靚又實用。
售價：$369
查詢： Doughnut
（ 2386 3279）

暖在心頭　 Hello Kitty冬日暖手寶 40周年版

女生頭號偶像 Hello Kitty踏入 40周年，香港 SANRIO特別以「感謝」為主題推出一套兩款「冬日暖手寶 40周年別注版」暖手器。厚度 20mm，重量僅 40g，只要 3粒 AAA電池即可提供攝氏 50度左右保暖效果。另外亦有高溫及低溫選擇，仲方便到去便利店就買到添！
售價：$99.9
查詢：冠恒集團（ 3615 6500）

撰文：王佩兒、熊俊彥
攝影：傅新發、有關機構

QR code this page

 免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。