新車激試
迷你 Morning Drive潮拜 MINI John Cooper Works GP
Morning Drive唔係幾百萬嘅 supercar專利！即時落得 track嘅終極賽車版亦非純種跑車先可以出！一個氣溫高達 33度嘅星期日清晨，青馬觀景台就集結咗廿幾部 MINI，為嘅除咗係 morning drive，仲要同全球限量 2,000部、香港只有 3輛配額，仲要貴普通 MINI Cooper S 17萬嘅終極版 MINI JCW GP過一過招！
自從 BMW集團於 2001年推出新 MINI，至今已經去到第 2代最尾期，唔只車系前所未有去到 8個咁多，型號亦多到暈，任何一款車型都有基本 Cooper、高性能 Cooper S同特強 John Cooper Works型號。不過最強嘅 JCW GP終極型號，始終只有三門揭背 hatch車型專有，繼 2006年第 1代新 MINI推出過 JCW GP型號後，今年第 2代 MINI JCW GP終於再次登場。雖然 218匹輸出冇加大，但戰鬥力依然大增， 8分 23秒紐布靈北賽道圈速，足足比上代快 19秒！而且全港 3部夠矜貴、 55萬車價夠巴閉！買得到嘅，當然亦會係 hardcore嘅 New Mini Club Hong Kong成員，新車落地，唔使特登 call人，都有成廿個 MINI車主搶住出嚟 morning dirve！
55萬大把選擇
對於死硬派粉絲來講，或者用 55萬買一部香港只有 3架嘅 MINI JCW GP可能會覺得好抵，但其實市場呢個價位嘅高性能車種仲有大把選擇。
限量蠍子
Abarth Punto Scorpione
13年頭喺香港推出，配額只有 10部，內外包裝以黑色表現毒蠍魅力，配用 1.4公升 Multiair引擎有 180馬力，雖然性能弱咗 38匹，但售價$488,888平一截。
Abarth Punto Scorpione
13年頭喺香港推出，配額只有 10部，內外包裝以黑色表現毒蠍魅力，配用 1.4公升 Multiair引擎有 180馬力，雖然性能弱咗 38匹，但售價$488,888平一截。
港人至愛
BMW M135iA
寶馬 1系最強車型，五門五座位設定實用性高，而且馬力達到 320匹，比 MINI JCW GP多 102匹，但價錢就差唔多，賣$549,000。
BMW M135iA
寶馬 1系最強車型，五門五座位設定實用性高，而且馬力達到 320匹，比 MINI JCW GP多 102匹，但價錢就差唔多，賣$549,000。
齊料享受
Audi A5 Sportback 2.0 Quattro
原本為 4座位，不過上年小改款後座變為 3座，可坐 5人。仲有免匙啟動系統、電動天窗同自動恆溫冷氣等系統，先進得多，但馬力就比 MINI JCW GP少 7匹。售價為$554,500。
Audi A5 Sportback 2.0 Quattro
原本為 4座位，不過上年小改款後座變為 3座，可坐 5人。仲有免匙啟動系統、電動天窗同自動恆溫冷氣等系統，先進得多，但馬力就比 MINI JCW GP少 7匹。售價為$554,500。
GP特徵就係要紅黑！
上代 MINI出完 GP就大改款，即係話 MINI JCW GP係 R56型 MINI最後一款車，加上「限量」 2個字，特別有收藏價值！而且今代 GP外形包裝得更加凶狠，雖然嚟自 MINI Challenge落場版賽車嘅碳纖大尾翼、車底 diffuser、特大中置雙出尾喉同 17吋軨款同上代設計一樣，但頭泵把大頭鏟就比上代誇得多，最醒係除招牌火紅色側鏡外，頭泵把同頭冚入風口都加入更多搶眼火紅貼紙，再喺車門加條 GP大拉花，令人一眼就認得出佢係特強限量版，其他型號想 D.I.Y.扮佢亦更加困難！特別係 MINI迷，就更易認出佢身份。
外觀形象鮮明，車廂設計同樣一啲都唔馬虎，雖然成個布局冇大改，但就用咗大量紅色縫線同真皮包裹，凸顯 MINI JCW GP嘅跑味。
外觀形象鮮明，車廂設計同樣一啲都唔馬虎，雖然成個布局冇大改，但就用咗大量紅色縫線同真皮包裹，凸顯 MINI JCW GP嘅跑味。
頭冚嘅風口位 GP貼紙係焦點所在，如果可以食埋落車身就更完美。
車頂亦都有拉花，離遠一望就知係 GP。
門檻嘅 GP 1 OF 2000並冇講明出廠編號，少咗一份紀念價值。
就係呢條車側拉花講明 GP限量嘅身份。
R53 MINI Cooper S車主 Jeff
其實部車嘅顏色叫做 Thunder Grey Metallic，呢隻灰色車身淨係得 GP先有，其他 MINI車即使想噴都冇。
R50 MINI Cooper車主阿豪
GP特徵就係要紅黑，咁先有味道同襯番 GP嘅傳統。而且鋼琴黑儲物格同車邊門檻都嵌咗 GP 1 OF 2000徽章，加埋紅色波棍同安全帶，型過晒其他 MINI車款啦！
叫得 GP梗係快㗎啦！
雖然 MINI JCW GP都係繼續用 1.6公升直四 turbo引擎，但就大量加入賽車技術，以鋁合金打造盤頭同啤令座，增強活塞同強化盤頂，加上低重量嘅曲軸同充鈉排氣活門，令到引擎表現更出色。而且 twin scroll turbo可以產生更高增壓，以及 BMW嘅 VALVETRONIC電子氣門技術，再加上電腦經過賽車化調校後，馬力提至 218匹，比 Cooper S同 JCW分別多出 34匹同 7匹。而且以大油起步嘅話更可以啟動 overboost功用，最大扭力推高至 28.5kgm，比一般 Cooper S多出 4.1kgm， 6.3秒 0-100km/h加速亦快咗 0.9秒，極速更加可以去到 242km/h。
另外，擁有強大性能之餘， MINI JCW GP仲同時兼顧環保，跟隨節能潮流，喺 minimallism技術輔助下，耗油量為 7.1L/100km，以每公升油費$16.5嚟計，每公里只需約$1.2就搞掂，相當抵玩。
另外，擁有強大性能之餘， MINI JCW GP仲同時兼顧環保，跟隨節能潮流，喺 minimallism技術輔助下，耗油量為 7.1L/100km，以每公升油費$16.5嚟計，每公里只需約$1.2就搞掂，相當抵玩。
車頭亦裝有頂 bar，加強結構剛性。
雖然車廂布局冇變到，但一眼望埋去 GP徽章同紅黑 two-tone嘅設計，即時就好有賽車 feel。
New MINI Club會長 Benny
叫得 GP梗係快㗎啦！即使比一般改咗嘅 Cooper S或者 JCW， GP其實都係比佢哋快。不過喉聲就唔係好特別。普通 JCW低轉打炮聲好明顯， GP反而唔係好突出囉。
極力子好有賽車感覺！
由第 1代 GP開始，就以能夠隨時落場作為設計重點，嚟到第 2代 MINI JCW GP宗旨不變，既然係最 hardcore嘅型號，當然只會配上最 hardcore嘅 6前速手波波箱，唔只波棍行程夠短，連極力子都特別過人，唔少車主都話 GP嘅極力子比起普通版 Cooper S或 JCW變得更加輕，但又更加 racing。
對於死硬派粉絲，惟有棍波先可以真正享受到 GP嘅樂趣。
極力子嘅設定係專為落 track而設，所以好容易就可搵到摩擦點轉波。
Cooper S Countryman車主 Hugo
MINI JCW GP係一部可以落場嘅街車，平時踩極力子要踩到好深，但佢就唔使，極力子行程短咗，而且摩擦點低啲，好清晰，亦唔難吊，輕踩再收已經可以即時轉波，令到轉波嘅頻率同順暢性都會比普通私家車快同敏銳好多，所以極力子好有賽車感覺！
避震唔會太硬又唔會太軟。
其實 MINI JCW GP最癲嘅，並唔係 tune到副偈有幾大馬力，而係將後座拆空變成雙座位跑車！上代已經比普通 Cooper S輕 40kg，今代更加由 1,240kg下降至 1,160kg，令到加速表現更狂野、彎路表現更靈活。而且拆完之後仲喺全車廂中央加咗大大碌火紅色 room bar撐住 B柱，加強車架整體剛性，配合原裝頭頂 bar，再加埋車尾嘅尾翼同 diffuser加強下壓力，種種嘅設計一點一滴累積起來，先可以造就 MINI JCW GP無可挑剔嘅過彎性能。不過咁嘅落場車設計，當然討好唔到實用型用家。
其實 MINI JCW GP出得限量 2,000部，當然唔係預一般車主會買，事實上就算接受到都未必捨得或攞到 quota。不過雖然 GP版加咗 room bar，又首次設有可調校式避震，可以將車高降低 15mm，原來舒適性都唔低。
其實 MINI JCW GP出得限量 2,000部，當然唔係預一般車主會買，事實上就算接受到都未必捨得或攞到 quota。不過雖然 GP版加咗 room bar，又首次設有可調校式避震，可以將車高降低 15mm，原來舒適性都唔低。
雖然拆走後座加尾頂 bar，令到尾箱多位，但如果拎嚟放雜物就會本末倒置，失去追求性能嘅原意。
前輪用咗 6-pot迫力，係為咗落場可以玩得更盡興。
每一位 MINI車主坐完張座椅，都大讚好舒服， Recaro出品果然名不虛傳。
MINI JCW Roadster車主 Edmond
成架車設定配合得好平衡，避震唔會太硬又唔會太軟。再加上用 Recaro跑化真皮座椅，兩側嘅半桶包腰設計，令到承托力好出色，即使高速攻彎都可以穩定車主，比我部 JCW仲要舒服。
一踩就停 真係好鬼應
但講到今代 GP同上代、或現行的 Cooper車系最大分別，一定係 MINI史上首次用到前輪 6-pot迫力，而且通風碟直徑足有 330mm同 25mm厚，令到入彎時可以更加遲剎車，變相出彎速度可以更快，落場比賽自然快人一步。
尾翼同車底 diffuser除咗有樣之外，喺高速時仲可以幫手穩定車身。
New MINI Club會長 Benny
前輪用 6-pot迫力，剎車變得好直接同反應好快，基本上一踩就停，真係好鬼應！畀我嘅感覺就好似踩緊改咗 M Performance迫力套件嘅 BMW 3系咁，初頭唔適應，剎車大力得滯，搞到個人係咁向前衝！
MINI John Cooper Works GP Spec.
引擎： 1,598c.c.直四 twin scroll turbo
馬力： 218hp/6,000rpm
扭力： 26.5kgm/1,750至 5,750rpm （ overboost 28.5kgm/2,000-5,100rpm）
傳動： 6前速手波
車重： 1,160kg
車身： 3,774× 1,683× 1,393（ mm）
0-100km/h： 6.3秒
耗油： 7.1L/100km
售價：$549,000
查詢： MINI HK（ 3193 6800）
馬力： 218hp/6,000rpm
扭力： 26.5kgm/1,750至 5,750rpm （ overboost 28.5kgm/2,000-5,100rpm）
傳動： 6前速手波
車重： 1,160kg
車身： 3,774× 1,683× 1,393（ mm）
0-100km/h： 6.3秒
耗油： 7.1L/100km
售價：$549,000
查詢： MINI HK（ 3193 6800）
撰文：余頌達
攝影：葉偉豪
鳴謝：金豐汽車服務有限公司、 New MINI Club Hong Kong
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言