Dream Car
Autobahn無限速試轟 Audi RS6 Spec.極速旅神
Volkswagen集團從來都咁大方！明明主力係安排傳媒去奧地利感受 GTI Meeting嘅 Golf fans有幾瘋狂，但唔只加插新款 Golf VII GTI試車，仲連集團旗下嘅 Audi都畀埋你試！而且車款絕唔求其，而係最新推出、地上最速旅行車 RS6，來回德國與奧地利嘅 Autobahn無限速公路更加係應晒景，等大家清楚感受香港冇可能出現嘅跨國極速旅行滋味！
自 2008年 Volkswagen廠方直接掌管香港汽車業務後，品牌聲望同銷量於短期內 3級跳！旗下 Audi當然亦有樣學樣，廠方於今年 1月 1日開始正式成立 Audi Hong Kong接手品牌管理及汽車進口事宜，董事總經理 Reinhold Carl第 1次露面已經話自己熱愛賽車，嚟到香港唔只用最新 450匹 RS4代步，亦可見近月狂谷 quattro GmbH部門特製 S同 RS頂級車系， S7、 S5、 R8等排住隊到港。不過最期待嘅，其實都係第 1代已被譽為地上最快旅行車嘅 RS6，究竟最新第 3代進展如何？即時㩒掣着車話你知！
1代 RS6於 02-04年推出，除 450匹基本版外， 04年更加推限量 999架嘅 RS6 Plus特強版，馬力增至 476匹， 0-100km/h由 4.6秒縮短至 4.4秒。
08-10年推出嘅 2代 RS6，最誇張係用到同 R8、林寶 Gallardo相同嘅 5.0公升 V10引擎， RS6仲獨家加上 twin-turbo谷到成 580匹，但因車身太重， 0-100km/h都係 4.6秒。
潮得有霸氣
實不相瞞，筆者一向鍾意 RS4多過 RS6，因為頭 2代 RS6外形實在有啲老餅，車身圓碌碌，包圍又唔夠辣，唯一好處係可以話佢扮豬食老虎。不過，今代 A6大整容，不規則頭燈 hi-tech feel，車身又好似操晒肌肉紋出嚟，基本外形已經比上代後生 10年。 RS6更加用咗全新 RS系列包圍設計，鬼面罩下部大大個 quattro字，頭泵把兩邊斜間入風口夠晒巨型，配埋賽車咁款嘅碳纖車尾擾流底板，筆者覺得連 R8都未夠佢惡！
而且喺新一代 Audi各車系變得更加似樣嘅情況下，𠵱家 RS系列嘅家族式包圍設計，用喺細碼嘅 RS4身上，反而有啲似細路着咗大人衫，用喺大一個碼 RS6身上先真正可以發揮出嗰份霸氣同威嚴感，所以今代筆者就終於覺得 RS6靚過 RS4嘞！
而且喺新一代 Audi各車系變得更加似樣嘅情況下，𠵱家 RS系列嘅家族式包圍設計，用喺細碼嘅 RS4身上，反而有啲似細路着咗大人衫，用喺大一個碼 RS6身上先真正可以發揮出嗰份霸氣同威嚴感，所以今代筆者就終於覺得 RS6靚過 RS4嘞！
車頭最注目係鬼面罩下有大大個框同 quattro字樣，頭鏟亦夠晒大塊。
包圍同側鏡飾件有碳纖同鋁合金 2種材質選擇，碳纖當然辣啲。
尾擾流底板包住左右雙出尾喉，黑色喉嘴呢款係 option嘅 RS Sport尾喉，排氣聲特別雄厚！
用到 21吋巨軨配 285/30ZR21闊胎，留意就算尾轆之內都用到賽車級浮動剎車碟。
炒到斷開冇人死
可能大家對 RS6印象最深刻嘅係佢有幾快，不過筆者最驚嘆嘅反而係 08年嘅一段外國新聞。話說有個 1代 RS6車主喺歐洲小國盧森堡飛到 200km/h以上炒車，部車斷開兩截，但個車主竟然冇死冇傷，仲要自己行落車打電話報警！相片早已喺網上瘋傳，可見 RS6唔只快，仲安全到嚇壞人！
跟風對手堅到爆
02年 Audi推出第 1代 RS6之時，旅行車完全只係實用代步車種，幾乎冇人對性能有要求。不過 RS6出奇地大賣之後，各車廠都虎視眈眈呢個市場，但 M-Benz去到 03年 E55 AMG Estate先超過 400匹， BMW 5系更加去到 05年第 4代先正式為 M5推出 Touring版，揀高性能旅行車始終都係 RS6最 original。不過新一代 M-Benz同 BMW都急起直追，兩者頂級旅行車都已準備就緒！
暴力壓境 M-Benz E63 AMG Estate
E-Class剛 facelift， E63 AMG Estate亦同步登場，新款大窿頭泵把誇到嚇親， 5.5公升 V8 bi-turbo引擎提升至 585匹，一樣行 4MATIC四驅，耗油一樣係 9.8L/100km，大多一個 7速 MCT雙離合器波箱， 0-100km/h只需 3.6秒！
輕量取勝 BMW M5 Touring
第 5代 M5剛推出，雖然未出旅行車版，但性能肯定幾乎一樣。現時 M5房車版用 560匹 4.4公升 V8 TwinPower Turbo引擎，配 7速雙離合器波箱，純後輪驅動，車重只有 1,870kg， 0-100km/h加速 4.4秒。
560匹爆得慳
RS6嘅暴力傳統，係用大排氣量 V形引擎都未夠，仲要加埋 twin-turbo增壓系統，由 1代 450匹 4.2公升 V8 twin-turbo到 2代 580匹 5.0公升 V10 twin-turbo，比 RS4慣用嘅自然吸氣引擎更癲狂！不過排氣法規愈嚟愈嚴，全世界車廠都開始為引擎 down-size，第 3代 RS6就降低至用 4.0公升 V8 twin-turbo，雖然 560匹最大馬力比上代少咗 20匹，但喺 1.2 bar增壓值同 turbo加入 twin-scroll設計後，扭力就由 66.3kgm增至 71.4kgm。最重要係 Audi最耍家嘅輕量化技術更上一層，新 RS6車身有成 20%由鋁合金製成，比上代足足輕咗 100kg，車重終於跌穿 2噸大關， 0-100km/h加速即時由 4.6秒大幅縮減至 3.9秒！
其實 RS6呢副 4.0公升 V8 twin-turbo引擎，喺早前到港嘅 S7 Sportback身上已試過，雖然馬力由 420匹大幅提高至 560匹，但 COD(Cylinder On Demand)停缸技術一樣保留，可以喺扭力低於 25.5kgm同 3,500rpm以下，自動停止 2、 3、 5、 8汽缸燃爆，將耗油降低達 12%，再加上停車自動熄匙系統， 9.8L/100km耗油比上代大減 30%，油費$1.7/km有找，喺呢類 supercar嚟講，好慳啦！
其實 RS6呢副 4.0公升 V8 twin-turbo引擎，喺早前到港嘅 S7 Sportback身上已試過，雖然馬力由 420匹大幅提高至 560匹，但 COD(Cylinder On Demand)停缸技術一樣保留，可以喺扭力低於 25.5kgm同 3,500rpm以下，自動停止 2、 3、 5、 8汽缸燃爆，將耗油降低達 12%，再加上停車自動熄匙系統， 9.8L/100km耗油比上代大減 30%，油費$1.7/km有找，喺呢類 supercar嚟講，好慳啦！
雖然用 8前速 Tiptronic波箱，但一樣夠快，而且連 Launch Control功能都有埋。
設有巨型屏幕嘅表板燈光會轉色，慳油停缸模式時會變綠，大腳踩油就變紅。
Option灰色 6-pot前卡鉗更大， 390mm剎車碟亦 upgrade成 420mm碳化陶瓷碟。
Individual模式可自行設定引擎、避震、轉向、差速等，甚至引擎聲都有校。
操控硬得很
之前喺香港試 S7 Sportback已經覺得比普通 A7 Sportback硬橋硬馬好多，而同底盤嘅 RS6就更加 hardcore，就算將 Audi drive select駕駛模式系統 set到 Normal模式，操控已經好似 S7 Sportback用 Dynamic模式咁。舒適性當然冇得再同普通版比，但溝通感同反應就高咗三班，牛咁大嘅旅行車身形，都舉重若輕。因為 RS adaptive避震本身已經降低咗 20mm車高， Audi dynamic steering轉向系統更改良至接近 100%對應車速，唔會再覺得軚感時輕時重，重力改變 smooth好多。
用到 Dynamic模式時就更加強橫，直頭可以無視龐大身形同近 2噸嘅車重，揸上手靈活性已經好接近細一個碼嘅 RS4，切入彎角時 sharp到完全唔覺佢係一部大車，仲有點點 supercar嘅直接感覺！同時所有引擎、波箱、避震、四驅、差速、軚感等系統嘅變化又做得比其他型號細膩好多，雖然大部分都係用電子操作，但完全唔會發覺有兀突感，揸得快時信心比一般加咗 Dynamic模式嘅型號高好多，達到易揸又高速嘅表現，任何人揸都可以快 30%以上，高手就更加可以無限發揮！
用到 Dynamic模式時就更加強橫，直頭可以無視龐大身形同近 2噸嘅車重，揸上手靈活性已經好接近細一個碼嘅 RS4，切入彎角時 sharp到完全唔覺佢係一部大車，仲有點點 supercar嘅直接感覺！同時所有引擎、波箱、避震、四驅、差速、軚感等系統嘅變化又做得比其他型號細膩好多，雖然大部分都係用電子操作，但完全唔會發覺有兀突感，揸得快時信心比一般加咗 Dynamic模式嘅型號高好多，達到易揸又高速嘅表現，任何人揸都可以快 30%以上，高手就更加可以無限發揮！
4.0公升 V8嘅 twin-turbo用新興 twin-scroll設計，每 2個汽缸嘅死氣經一條獨立排氣管推動 turbo扇葉，令扭力輸出更加強勁。
S系統用到格皮籠都未算豪， RS6座椅直頭用到六角形縫線，感覺超 grand！
前座包圍力比睇落去更加強勁，而且座墊偏硬，有高度溝通感。
除用上 RS平底軚盤外，中控台嘅 8吋 mon唔只有 3D介面，仲可以顯示增壓值、油溫同圈速等跑車必備資訊。
200km/h快得穩
老實講，同上代嘅 580匹 5.0公升 V10 twin turbo偈比，新款嘅 560匹 4.0公升 V8 twin turbo偈嘅爆炸力的確係冇咁「牛」！但勝在夠爽同扭力大 5.1kgm，最緊要係明顯覺得車身輕咗。喺 Autobahn公路一轉無限速路段時，即刻拖落 4波地板油加速，再唔係嗰下突然爆炸力嚇到你，而係嗰種淡淡然又嚟得超快嘅加速感令你覺得快到驚，而自動縮油！
但當習慣咗過 200km/h嘅高速時，又會好有信心地持續高速，因為 100km/h同 200km/h巡航時嘅穩定性都冇乜分別，避震支撐力會自動調整得更硬，軚盤變得夠重夠快，再加上有對包到你實嘅桶 seat同良好隔音令風噪唔會大好多而嚇親你，其實喺車廂之內對速度已經冇乜概念！就算要入高速彎，仍然好有信心唔使踩 brake，一來係 6-pot前卡鉗配 420mm碳化陶瓷剎車碟，制動力強大又線性，令人覺得隨時剎得停；二來係避震同四驅系統對應唔同車速嘅反應實在太好，入彎時車身傾側好少，唔會有危機感。揸住 RS6高速穿州過省，真係可快得嚟完全冇壓力。值得一讚嘅係，雖然 RS6冇用 S tronic雙離合器波箱，只係用 8速 Tiptronic+/-波，但轉波一啲都唔輸蝕，快得嚟一樣有嗰份質感，又唔會高速少少就唔畀你拖波，而且高速巡航時可以上到 8波，更加輕鬆舒服。
但當習慣咗過 200km/h嘅高速時，又會好有信心地持續高速，因為 100km/h同 200km/h巡航時嘅穩定性都冇乜分別，避震支撐力會自動調整得更硬，軚盤變得夠重夠快，再加上有對包到你實嘅桶 seat同良好隔音令風噪唔會大好多而嚇親你，其實喺車廂之內對速度已經冇乜概念！就算要入高速彎，仍然好有信心唔使踩 brake，一來係 6-pot前卡鉗配 420mm碳化陶瓷剎車碟，制動力強大又線性，令人覺得隨時剎得停；二來係避震同四驅系統對應唔同車速嘅反應實在太好，入彎時車身傾側好少，唔會有危機感。揸住 RS6高速穿州過省，真係可快得嚟完全冇壓力。值得一讚嘅係，雖然 RS6冇用 S tronic雙離合器波箱，只係用 8速 Tiptronic+/-波，但轉波一啲都唔輸蝕，快得嚟一樣有嗰份質感，又唔會高速少少就唔畀你拖波，而且高速巡航時可以上到 8波，更加輕鬆舒服。
如果嫌黑色碳纖太低調，車廂另有網紋鋁合金裝飾選擇。
Option嘅 Bang& Olufsen音響有成 1,200 watt輸出，更用到 15隻喇叭。
冷氣系統高級到用四區獨立恆溫，後座左右都可以獨立調校溫度。
565L旅行尾箱放 2大 1細行李箱都仲有位剩，摺埋後座 1,680L，放 3部單車都掂。
無限速？咪亂嚟！
成日聽人講歐洲有無限速公路，但未去過歐洲揸車嘅車友千祈咪亂嚟！因為其實歐洲嘅公路 7成以上都有限速！雖然係疏啲，但路邊一樣有限速路牌，而且大部分高速公路唔係好似香港咁影快相，而係用間區測速系統。
每隔一段距離就會有架空攝錄機，經過時飛到 300km/h都未必有事，但去到下一個架空攝錄機，時間短過路段限速所能做出嘅最快時間，就可以計出超速程度， block就極少見，但之後會收到告票，而且罰款貴香港好多，可高達 2,000歐元（約$20,000）以上！所謂嘅無限速路段，只限出現黑白斜間路牌之後，一見番紅黑白限速路牌，就要守番規矩喇！
每隔一段距離就會有架空攝錄機，經過時飛到 300km/h都未必有事，但去到下一個架空攝錄機，時間短過路段限速所能做出嘅最快時間，就可以計出超速程度， block就極少見，但之後會收到告票，而且罰款貴香港好多，可高達 2,000歐元（約$20,000）以上！所謂嘅無限速路段，只限出現黑白斜間路牌之後，一見番紅黑白限速路牌，就要守番規矩喇！
Audi RS6 Spec.
引擎： 3,993c.c. V8 twin turbo
馬力： 560hp/5,700-6,600rpm
扭力： 71.4kgm/1,750-5,500rpm
傳動： 8前速 Tiptronic+/-自動波
車重： 1,925kg
車身： 4,979× 1,936× 1,461(mm)
0-100km/h： 3.9秒
耗油： 9.8L/100km
售價：待定
查詢： Audi HK(3465 0000)
馬力： 560hp/5,700-6,600rpm
扭力： 71.4kgm/1,750-5,500rpm
傳動： 8前速 Tiptronic+/-自動波
車重： 1,925kg
車身： 4,979× 1,936× 1,461(mm)
0-100km/h： 3.9秒
耗油： 9.8L/100km
售價：待定
查詢： Audi HK(3465 0000)
撰文、攝影：陳致新
鳴謝： Volkswagen Hong Kong(3698 9688)
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言