大封面
電視爆婚訊迫三太就範 超雲 5億嫁山聰
2012年10月19日 ~~ 第899期 忽然１周豪門喜事即將又添一樁。 23歲何超雲搭上 36歲陳山聰後，二人十足連體嬰，愛到難捨難離。本刊上周率先爆二人歐遊期間，山聰求婚成功，更秘密影定婚紗相，可惜臨門一腳卻被三太陳婉珍阻撓，山聰入贅之計未得逞。
不過婚事再現轉機，原來山聰獻計，超雲同意先斬後奏，更聯絡好查小欣上無綫節目，單方面宣布婚訊，卻遭線眼密布的三太中途攔截。
超雲誓「娶」山聰，決心無人能阻，三太與她吵過幾次大鑊後，最終無奈軟化。周三（ 17日），她透過助手說：「我唔會阻止（婚事）！」山聰最終得米，「嫁」得入何家，與超雲共享 5億身家。
我唔會阻止（真實對白）
三太一向認為超雲還未屆適婚之齡，超雲今次先斬後奏影埋婚紗相，令三太無名火起。但三太周三突然態度軟化，聲言支持愛女婚事。
60萬潮爆婚紗
（模擬圖片）
超雲和山聰早前趁歐遊期間，秘密到巴黎影婚紗相。據知她當日所穿的婚紗屬法國名牌 Elie Saab潮爆款式，價值 60萬。斜膊兼前短後長的裙腳，跟超雲形象合襯。 Elie Saab近年深受名人追捧，周汶錡早前就穿此品牌婚紗。
網晒肉麻
最近不少藝人玩微博和 instagram，不過微博只是他們宣傳平台， instagram才見真章。超雲和山聰不時透過 instagram發表肉麻相，二人愛得相當徹底。
蜜月肉照
早前超雲與山聰歐遊預支蜜月期間，上載性感泳衣相。二人肉貼肉攬實，擺出 冧爆表情，連網友都話恐怖頂唔順。
自家製香檳
超雲與山聰隔日就話慶祝紀念日，為表二人恩愛，更專程訂做二人合照的貼紙，黐上每支七百多元的 Moë t香檳上，於歐遊時晚晚 high。
本刊上周率先爆出，志在攀入豪門唔想捱的陳山聰，今年 8月趁與何超雲歐遊期間，於第一站葡萄牙，買定玫瑰花求婚。被山聰迷湯攻陷的超雲，當然嗒糖應承。一向敢作敢為的她，更帶埋山聰到巴黎影埋婚紗相。
計仔多多的山聰，不時出動小禮物 冧超雲。早前試過送二人英文名字頭（ Joel＆ Florinda）白色膠表，得女友開心，超雲更稱這是全年最窩心的禮物。
收百萬黑勞
超雲之後竟向山聰回贈一隻全球限量 20隻，勞力士和大力水手 crossover的手錶回禮，索價 30萬，炒價更高達百萬。
骨痹電話殼
山聰於歐洲嘆足幾個月，連在街頭剪髮都要擺上網。不過醉翁之意不在「頭」，擺明是想騷他用了二人蜜照的 iPhone電話殼，骨痹到極點。
愛的宣言
儘管戀情一直不被外界睇好，超雲仍繼續沉醉，更於網上發表愛的宣言，愛到山盟海誓咁款。她更暗寸唔接受他們的人思想落後。
三太睇相眼火爆
據知當時身在葡萄牙的超雲，為求火速完成婚紗照，千方百計搵名師訂做婚紗。知情人士說：「時間真係倉卒咗啲，所以超雲就搵咗一件 fashion show出現過嘅婚紗，叫品牌 Elie Saab嗰邊趕做一條啱佢 size嘅婚紗裙。連埋趕工費，呢條裙都使咗超雲 60萬。」 8月底，超雲帶埋山聰飛去巴黎，就地取景，影了幾張婚紗相。結婚咁大件事，但超雲卻從未向家人透露半句，因為她深知山聰還未成為三太的理想女婿人選。「超雲為咗確保山聰喺何家站穩腳，經已成日安排山聰喺何家飯局出現，但三太覺得山聰始終唔係門當戶對，佢哋拍拖玩玩吓冇所謂，但嚟真就一定唔得。」奈何超雲今鋪玩認真，她和山聰上月疏乎夠返港，便即時當面向三太攤牌，但三太一睇張結婚相就眼火爆。知情人士說：「嗰晚嘈到拆天！三太平時好斯文大方，根本唔會鬧個女。但佢見到張相之後，就話超雲同山聰幼稚，竟然先斬後奏。」三太㷫爆，超雲和山聰當然唔敢火上加油。
月初，本刊拍得山聰陪超雲夜闖銅鑼灣修甲，對於結婚一事，超雲說：「唔好催我啦！」咁又係，催佢都冇用，皆因要過三太嗰關。
年年送珠寶
超雲一踏入 18歲，賭王已急不及待帶她出入 ball場見世面。賭王更每年送過百萬珠寶首飾俾超雲，十分錫她。
查小欣露口風
本月 7日，查小欣於《爆足一周》首集中刻意透露話下集將會有驚人消息，其實此消息就是超雲上節目宣布婚訊，奈何最終俾三太阻止。上周日（ 14日）播出的《爆》，查就搵來蘇永康攝位，而那所謂的驚人消息就是張天愛離婚。
山聰搭路上無綫
超雲原定與三太出席本周六（ 20日）的年度二手衫義賣活動，據知超雲更計劃活動後宣布婚訊。不過三太現時態度軟化，超雲唔使再度計自爆婚訊。《蘋果日報》圖片
不過立志成為何家快婿的山聰絕不罷休，於是他游說超雲透過無綫，單方面宣布婚訊。超雲落疊後，山聰隨即利用僅餘的人脈關係，最終搵查小欣幫手。一名無綫高層爆：「查小欣兩個禮拜前，沾沾自喜同《爆足一周》嘅台前幕後預告，話經已約到超雲上節目做獨家訪問，佢仲好肯定話到時超雲會拎埋婚紗相上嚟宣布婚訊。」
正當超雲和山聰以為水到渠成，成功搵到平台宣布婚訊之際，原來三太一早已經收到風，出盡力阻止。知情人士說：「三太依家係東華三院主席，形象好重要，佢唔俾仔女隨便接受訪問，所以一早安插線人喺班仔女身邊，驚佢哋亂講嘢！何況佢根本唔贊成超雲呢頭婚事，所以即刻煞停超雲。」
其實陳山聰去年取消關注伍詠薇微博，觸發伍於微博絕交一事，當時陳亦透過查小欣電台節目澄清，可見陳、查二人關係甚佳。記者就此事問過查小欣，她說：「我係約咗超雲同山聰上嚟傾結婚嘅事，不過後尾超雲打嚟話媽咪反對，佢話三太依家係東華主席，唔方便做訪問！」
自知養得起山聰
事實上今年 23歲的超雲，敢作敢為，今次她愛山聰絕對可以用義無反顧來形容。為令男友入門，她屢敗屢試，伺機在公開活動中向記者自爆婚訊，希望藉傳媒力量逼三太就範。知情人士說：「賭王每年都送首飾俾超雲，加上賭王最近送咗嘅四億獨立屋，超雲計計數都知自己身家億億聲，養得起山聰有突。」
縱然這段「山雲戀」一直不被外間看好，婚事被三太再三阻撓，但超雲依然勇敢愛下去。她早前更在 instagram有感而發，她說：「大家只會祝福明星 X圈外人……怒罵那些名人 X明星……其實大家真的忽略了愛的意識。」難怪世人總說愛情是盲目的。如無意外，山聰成為何家快婿只是遲早的事，皆因三太終被超雲的連環招數逼到就範，近日她態度明顯軟化。知情人士說：「三太唔想再同個女咁樣角力，倒不如開通啲。不過佢就提醒超雲，結婚一生人得一次，叫超雲再考慮下。」周三（ 17日），記者就超雲婚事致電三太，她透過助手說：「我冇話反對唔反對，個女都咁大，佢有佢嘅生活同選擇。如果係結婚，我會支持佢，唔會阻止。」三太開埋綠燈，山聰今鋪和味。
前妻重生
陳山聰再婚，而去年被他狠飛的前妻 Ponny，據知已放低傷痛，重過新生活。周三（ 17日），她在微博寫上「開心就是這麼簡單」，證明活得比你好。
帶山聰冧賭王
超雲深知山聰未能掂三太，於是向賭王埋手。超雲每當收到風可以和賭王飯敍，例必 call埋山聰盛裝赴會，實行岳父政策。《壹週刊》圖片
上周六（ 13日），賭王坐七人車直達三房位於布力徑的獨立屋食飯，據知當晚山聰亦是座上客之一。
23歲攬 5億身家
三房長女何超雲，一直得賭王何鴻燊歡心，單計父親多年來送的禮物，保守估計都有 5億。就算屋企因她和山聰結婚一事而閂水喉，超雲亦唔使憂。
07年獲贈澳門豪宅 約 1千萬
超雲 18歲生日時，賭王不但於澳門旅遊塔為她安排百萬生日會，更豪送價值千萬的澳門豪宅。
08年收貨船 約 3千萬
08年，賭王購入一艘價值三千萬的貨船，以超雲的英文名「 Florinda」命名。當時超雲更專程飛到寧波，為貨船主持下水禮。
約 5億
09年開舖 約 1百萬
09年，大學未畢業的超雲，想開舖做老闆。賭王打本百萬，讓她開設名牌二手衫舖，舖頭名「銷雲閣」亦由賭王親自命名。不過近年生意冷清，自己友幫襯居多。《壹週刊》圖片
10年收名車 約 160萬
超雲 21歲生日，賭王吩咐三太以 Benz S500房車作為愛女的生日禮物，價值 160萬。
今年三太送樓約 7千萬
今年，有指三太將賭王所贈的大潭雅柏苑豪宅重新裝修，供超雲和山聰同居，該單位面積 2千多呎，市值 7千多萬。
今年賭王送獨立屋約 4億
今年二月賭王以海外註冊公司「 Beyond Best」名義，以 4億 3千 5百萬購入香島道 37號獨立屋，給何超雲做嫁妝。
沒有留言:
張貼留言