-
Scroll Page | Stop Scrolling
振英哥七月一日「登位」，一朝天子一朝臣，乃歷史定律，原特首辦及兩位司長嘅「內廷」謀臣曲終人散，在所難免，部分人已準備好散band後去向，開展另一番事業。
先講特首辦新聞統籌專員何安達（Andy），佢入「大內」幫煲呔六年，經歷過無數風雨，早前同老友講，已覺得夠皮，係時候講再見。據知佢離開官場後有意開設公共事務顧問公司，自己做老闆，幫客戶度吓策略諗吓計，以佢嘅經驗，不愁無客，反而驚太多人幫襯，做唔切。
Andy做呢類生意並非初哥，二十年前佢離開《南華日報》（當時任政治編輯）後，已加入盧子健嘅公關集團，負責旗下一間公關公司，到○六年成為煲呔新聞大員，至放低盤生意，如今佢重操故業，只會更加熟手。
佢亦知道做過政府身份敏感咗，日後工作須小心翼翼，盡量避嫌，例如唔直接游說高層同僚，只喺後面做吓研究，向客戶提吓意見，咁就唔會踩到地雷。事實
上高官新聞秘書退休後開公關公司亦有先例，當年幫過「肥龍」（時任政務司司長）嘅關太，離開官場後就搞咗間亞聯政經顧問公司，生意都唔錯，同過往官職身份
分得好開，冇受過質疑。
「大內」另一重要政治參謀劉細良，據聞亦會散水，佢唔單止離開特首辦，連中央政策組顧問份工都唔做，聽講會同老婆Carmen搞夫妻檔，發展出版及傳媒生意，兼做專欄作者，發揮佢「天馬行空」嘅文人才華。
細良做過民主黨軍師，又任職傳媒多年，○六年成為中央政策組顧問，只是「掛單」性質，實際上係「借」去特首辦，擔任煲呔近身軍師，所以佢平日喺禮賓
府返工，好少去中策組。特首辦大換班勢所必然，細良做咗六年都悶悶哋，拍拍屁股離開亦係一件樂事，反正佢喺內廷多年，睇到聽到唔少，以佢嘅社會學碩士根
底，寫幾本書都得，已經「賺」夠。
講開中策組，阿頭劉兆佳本應係煲呔首席智囊，但兩人唔多啱key，故近年佢已靠邊站，風傳振英哥上台後，將搵中策組阿二邵善波坐正，佳叔則榮休讓座。邵老兄早已係振英哥幕後軍師，「左傾」思維亦好夾，無論佢入唔入「大內」，一樣會係重要謀臣。
至於特首辦主任梁卓偉，由於冇局長位offer畀佢（食衞局局長畀咗CY好友高永文），「大內總管」又搵咗邱騰華做，佢老哥已決定返回港大醫學院，做番老本行。佢加入政府做副局長以來，表現出眾，CY冇留佢，確係大大走寶。
除咗「大內」幕僚，司長左右手亦會換馬，小弟聞說鬍鬚曾嘅得力助手葉根銓（Franky）將做到六月底，之後就同老細講bye
bye。佢老哥做政治新聞多年，又喺馬會做過，左中右廣布人脈，而且諗嘢轉數快，幾年來幫咗鬍鬚曾唔少，老細亦同佢好夾，但改朝換代後，政府內乜環境，佢
亦睇唔清，不如試吓其他新工作，發揮自己所長。
聽講有一間大型公共機構同佢斟緊，出任公關部阿頭，呢個位懸空咗一段時間，想搵適當人選出掌，以Franky嘅經驗同能力，都幾啱做，但是否成事，要等一陣至知。
先講特首辦新聞統籌專員何安達（Andy），佢入「大內」幫煲呔六年，經歷過無數風雨，早前同老友講，已覺得夠皮，係時候講再見。據知佢離開官場後有意開設公共事務顧問公司，自己做老闆，幫客戶度吓策略諗吓計，以佢嘅經驗，不愁無客，反而驚太多人幫襯，做唔切。
Andy做呢類生意並非初哥，二十年前佢離開《南華日報》（當時任政治編輯）後，已加入盧子健嘅公關集團，負責旗下一間公關公司，到○六年成為煲呔新聞大員，至放低盤生意，如今佢重操故業，只會更加熟手。
煲呔「大內群英」一班謀臣，何安達（後排左三）及劉細良（後排右二）將會告別特首辦，出外再戰江湖；特別助理陳岳鵬（後排右一）料會重返政黨，繼續從政之路。
「大內」另一重要政治參謀劉細良，據聞亦會散水，佢唔單止離開特首辦，連中央政策組顧問份工都唔做，聽講會同老婆Carmen搞夫妻檔，發展出版及傳媒生意，兼做專欄作者，發揮佢「天馬行空」嘅文人才華。
何安達做咗特首辦新聞統籌專員六年，已覺夠皮，近年佢以教仔為樂，離開政府後自己搞公關公司，教仔時間更多。
講開中策組，阿頭劉兆佳本應係煲呔首席智囊，但兩人唔多啱key，故近年佢已靠邊站，風傳振英哥上台後，將搵中策組阿二邵善波坐正，佳叔則榮休讓座。邵老兄早已係振英哥幕後軍師，「左傾」思維亦好夾，無論佢入唔入「大內」，一樣會係重要謀臣。
至於特首辦主任梁卓偉，由於冇局長位offer畀佢（食衞局局長畀咗CY好友高永文），「大內總管」又搵咗邱騰華做，佢老哥已決定返回港大醫學院，做番老本行。佢加入政府做副局長以來，表現出眾，CY冇留佢，確係大大走寶。
梁卓偉只做咗幾個月「大內總管」，特首辦散band後，佢亦唔會留低，振英哥走寶了。
聽講有一間大型公共機構同佢斟緊，出任公關部阿頭，呢個位懸空咗一段時間，想搵適當人選出掌，以Franky嘅經驗同能力，都幾啱做，但是否成事，要等一陣至知。
沒有留言:
張貼留言