平時媽媽為我哋煮足一年364日飯，難得母親節可以攞正牌休息一天，當然唔只食一餐飯慶祝咁簡單，做仔女一定要行街睇戲食飯做facial，樣樣都 陪住媽咪！所以《FACE》為大家搜羅了4間地理位置方便、各有特色的自助餐餐廳，無論食完晏去shopping、定食完dinner去睇夜景，都一定有 一間啱心水！
旺角 即叫即製米芝蓮填鴨
今次酒店特別為母親節落重本，加碼送上環球海鮮，有新西蘭生蠔、加拿大鱈場 蟹、新西蘭青口、越南小龍蝦、翡翠螺同瀨尿蝦，比平時多4-5款，亦會每人送上一份智利鮑魚仔，唔好見佢細細隻，其實用金華火腿熬成的雞湯炆煮了2日，所 以非常入味，鮮甜軟腍。而甜品師傅更花心思，在母親節當天推出15款以上的甜品，特別炮製了多款用燕窩做主打的中西甜食，好似燕窩士多啤梨慕絲、燕窩北海 道奶布甸等，滋補養顏。 除咗以上特別推介，必食的北京填鴨係由米芝蓮兩星中菜館——明閣自家烹調的，配上北京大葱同海鮮醬，惹味非常。仲有即叫即燒的法國鵝肝，最特別是3款 home made的配料，有南瓜醬、雜莓同薑餅醬，街外真係好少有。
北京填鴨 北京填鴨由酒店米芝蓮2星的明閣主理，2斤重的新鮮鴨自家燒製，皮脆帶少少油，師傅即片即食，非常香口。
智利鮑魚 母親節當日，特別一人送一份，智利鮑魚仔用雞、金華火腿熬製的上湯炆煮2 日，非常入味，軟腍卻不失口感。
法國鵝肝 師傅即席煎香法國鵝肝，油香四溢，記得配搭home made的雜莓醬、南瓜醬或薑餅醬，即去油膩感，可以食多2件。
燕窩甜品 甜品區域有10幾20款蛋糕，今年落重本用印尼燕窩炮製了多款中西甜食，有薑汁蛋白燉奶、生果朱古力慕絲同必食的燕窩北海道奶布甸。
D.I.Y. Cupcake 酒店自製的cupcake有呍呢嗱、朱古力同士多啤梨3款口味，母親節當日大家還可以D.I.Y.，自己設計cupcake，同媽咪又食又玩。
Check！母親節自助餐
日期：5月13日 時間：自助午餐11:30am-1:30pm；2pm-4:15pm 自助晚餐 5:30pm-7:45pm ；8:15pm- 10:30pm 價錢：自助午餐 成人 $298；小童及長者 $208 自助晚餐 成人 $488；小童及長者 $388 優惠：每人送一碟智利鮑魚，如訂室外座位，每4位送一枝原值$288的智利紅/白酒。
The Place及The Backyard
地點：旺角上海街555號朗豪酒店L樓 電話：3552 3232
銅鑼灣 新推海鮮浜燒
其實平時已經有好多人去Mr. Steak食buffet，因為有鵝肝、和牛任食之外，仲有冰島松葉蟹腳同即開生蠔，產地由西非、南非、蘇格蘭去到法國、澳洲同美國都有，大廚日日揀來自 4個不同產地，最肥美、最新鮮的生蠔畀大家任食。師傅提提大家，近期新西蘭同澳洲生蠔開始變肥，生蠔粉絲千祈唔好錯過。 為了慶祝母親節，餐廳特別加碼推出全新的日式浜燒，有即叫即燒的生蠔、保加利亞翡翠螺、大蝦等，食浜燒最緊要火喉夠，師傅功力深厚，將海鮮燒得面脆肉嫩， 將肉汁全部鎖住，一咬夠juicy。而母親節另一大派頭就是特製的燕窩甜品，選用印尼燕窩，絕不小家，啖啖都食到滋補的燕窩。
即叫即開的生蠔唔係好大隻，不過就真係夠新鮮，記得由淡味的美國、西非、南非開始食起，最後先食最濃味的澳洲蠔。
澳洲和牛 現場有大廚為大家即燒和牛，主要是牛肩胛、牛胸等部位，雪花分布得靚，簡單一煎，牛味已經出晒嚟。
日式浜燒 全新推出的日式浜燒選擇非常多，有大大粒的帶子、生蠔、翡翠螺等，絕對新鮮夠分量。
Check！母親節自助餐
日期：5月12-13日 價錢：自助午餐 (12nn-2:30pm) $388 晚市早場 (5:15pm-7:15pm) $388 晚市晚場 (7:45pm-10:15pm) $498 優惠：推出全新日本浜燒海鮮同加碼推出燕窩甜品任食！
Mr. Steak Buffet A La Minute
地址：銅鑼灣百德新街2-20號恆隆中心3樓T03號鋪 電話：2881 5756
尖沙咀 過20款鵝肝燕窩任食
要孝敬媽媽一定要食得好，今次餐廳食住法國五月，主打法國鵝 肝同印尼燕窩，無論main course定甜品都一樣矜貴，每位媽媽仲特別有一份花膠燕窩燉夏威夷木瓜，夠哂潤呀！ 師傅特別設計了多款新菜式，好似油香豐腴的焗網油鵝肝牛柳，雖然有點肥膩，但網油和鵝肝在口中一同溶掉的感覺，餘香在口中真的是久久不散，加上牛柳肉厚汁 多，牛味又夠，一定要encore。想食得淡味啲，就要試鵝肝慕絲煙三文魚班戟，師傅將法國鵝肝挑筋加紅酒同白蘭地浸一晚，再加cream蒸熟，所以入口 特別幼滑。
行政總廚邱師傅 我的心水最愛是焗網油鵝肝牛柳，雖然有少少油，不過一年一次真係無咩所謂，加上豬網油同鵝肝真係好甘香。
香煎鵝肝和牛漢堡 將法國鵝肝混入和牛扒，肉味香濃，一口漢堡包完全唔漏。
燕窩香檳荔枝啫喱 法國香檳啫喱包住原粒荔枝肉，非常清甜，酒香卻不帶苦澀。
Check！母親節自助餐
日期：5月12-13日 時間：5月12日 6pm-9:30pm 5月13日 5:30pm-7:30pm、8pm-10pm 價錢：$478起 優惠：每位媽媽獲贈一份花膠燕窩燉夏威夷木瓜。
倚窗閣
地址：尖沙咀彌敦道九龍酒店2樓 電話：2734 3803
紅磡 靚景任食和牛串燒
如果你的媽媽喜歡食日本菜，就一定不可錯過這裏的任食串燒。餐廳環 境一流，深木色的傳統日式裝飾，落地玻璃可以望到紅館以及少許海景，食材新鮮，用料亦絕對唔馬虎，任食串燒2小時，當中必食兼encore推介一定是肉嫩 多汁的美國安格斯牛柳，粒粒都厚切有6-8cm，淋上自家製的燒汁，鹹甜調配得宜，不會蓋過肉味。匈牙利鵝肝油分比較少，食起來油膩感減半，而手攪的免治 雞肉內拌有雞蛋、洋葱同雞軟骨組織，入口「嗦嗦」聲，粒粒雞軟骨增加咬口，非常過癮。除了串燒，餐廳還有一系列的刺身、壽司、天婦羅、日式沙律、涼麵同甜 品等，一人一set，絕對唔使同人爭。
鐵板燒部門主管劉師傅 主打一定係安格斯牛柳，因為牛味重又juicy，我自己都好鍾意食。
天婦羅 用上多種麵粉混合出來的炸粉夠薄身，所以天婦羅海蝦炸得特別香脆，粟米芯同南瓜都好清甜。
刺身 雜錦刺身包括肥美的挪威三文魚、北海道馬刀貝、油甘魚同非常爽口的北寄貝，加上師傅自家磨製的wasabi，香辣卻完全唔攻鼻。
Check！母親節自助餐
日期：5月13日 時間：12nn-3pm (任何兩小時) 價錢：成人 $358；小童 $278 折扣優惠： Compass Visa午時有9折，晚市有85折；American Express Cheung Kong (AECK) 9折。
千鶴日本料理
地址：九龍紅磡都會道7號都會海逸酒店8樓 電話：3160 6898 ####
行政總廚陳師傅 母親節當日樣樣都加碼送到，不過記住試米芝蓮2星廚主理的北京填鴨！
任食生蠔 有師傅即開即食生蠔，夠晒新鮮。
焗網油鵝肝牛柳 用豬橫隔膜包住法國鵝肝同安格斯牛柳，一咬下去滿口油香。
串燒 除了安格斯牛柳同鵝肝外，仲有雞胸肉配日本大葱，大葱微甜，帶出雞肉鮮味；雞軟骨雞味超濃又爽口。
沒有留言:
張貼留言