碧咸（David Beckham）嫂Victoria上星期嚟咗香港出席佢嘅時裝品牌活動，一如以往，碧咸嫂全程黑面，不過CIA想幫Victoria平反，事關 Victoria之所以唧都唔笑，唔係因為佢份人寸，只係佢貪靚啫。話說出名貪靚到癲嘅Victoria，覺得自己笑容唔夠靚，所以好怕被影到自己笑到血 盤大口個樣。有接觸過佢嘅人同CIA講，Victoria其實幾nice。
至於Victoria訪港前幾日（20 日），佢就經香港坐國泰CX390班機去北京，仲將自己坐喺crew seat嘅相上載上twitter。CIA八到呢幾張相一流出，國泰高層即震怒，事關CX嘅空姐空少一向都鍾意喺機艙捉住啲明人名星影相，但今次 Victoria坐埋crew seat兼拎住職員專用嘅interphone扮嘢，就令外界質疑CX大細超兼影響安全，於是上星期一，國泰急急向各空中服務員發內部啟事，提醒員工 crew seats只可以讓空中服務員或合資格員工使用，乘客更唔可以掂機艙內嘅儀器，Victoria下次唔好咁貪玩喇。 ####
Victoria到埗後見乖女Harper Seven被記者圍住狂影，佢擔心寶貝女隻眼唔舒服，即刻出手想幫佢遮眼，錫到個女燶。
Victoria專程嚟香港出席佢嘅時裝品牌活動，無論邊個角度都一樣唧都唔笑。
留港36小時，上星期三晚Victoria就上載佢喺酒店房着住浴泡嘅相，仲話喺香港好開心，多謝大家。不過唔見樣嘅？無化妝嘛！
Victoria 喺由香港到北京嘅國泰航機內，坐crew seat，拎住專門用嚟向乘客廣播及空姐間溝通嘅interphone。相中空姐似乎玩得好投入，不過CIA聽聞當時班機其實喺飛行途中，班空姐唔做嘢走咗去影相，你話驚唔驚呀？
沒有留言:
張貼留言