劇集《拳王》熱播，三位主角鄭嘉穎、黃浩然、黃德斌個個操到成身「乜鬚」，莫講話盛女，男人睇到都眼甘甘，Tony
Jaa後，都冇見過泰拳咁熱。講起泰拳，香港人唔會陌生，不過唔少都當佢係一種健身運動，睇過《拳王》至知拳手打擂台拳拳到肉咁刺激，今次就搵嚟首位代表
香港出戰K1格鬥賽嘅泰拳王向栢榮師傅，講解吓《拳王》劇情對唔對辦，仲話泰拳好少打死人，鄭嘉穎誇張咗！
泰拳打死人，好誇張！
我 哋真係帶咗電腦播MyTV.com畀師傅睇㗎，向師傅覺得《拳王》唔錯，令觀眾對泰拳有好印象，招式雖然簡單但跟得好足，幾位演員雖未算打得好，但基本動 作都交到貨，反而廠景擂台流咗少少，租番伊館呢類大場去拍，氣氛更好，不過佢笑言泰拳賽家已經好有系統，唔會打得死人。
港產泰拳王 向栢榮師傅
向 栢榮師傅，外號「轟炸機」。曾贏得多項國際搏擊賽事，係made in Hong Kong 嘅世界級泰拳拳王級人馬，更係首位出戰日本K1格鬥比賽嘅香港人，傳奇一役用咗33秒就KO日本拳王。上年喺公認水平最高嘅泰拳比賽「Thai Fight Extreme」應邀出戰，搵拳王睇《拳王》就最有公信力。
泰拳打死人 可信度30%
睇預告見到鄭嘉穎大叫「我殺咗人呀！」，其實係佢演嘅拾一喺黑市拳賽打死人入獄，出獄都無意再玩泰拳。泰拳殺傷力係咪真係咁大？向師傅就話打咁多年擂台都未見過有死人同重傷。「正式比賽節奏好快，你未打死人已經分咗勝負，不過佢話係黑市拳賽就比較有說服力少少喇。」
拳手兼職維生 可信度80%
劇入面唔少拳手都係兼職身份，鄭嘉穎要揸的士、做保安，現實中做全職打拳夠唔夠糊口？「香港比賽獎金唔多，出場費只係約1萬蚊左右，要去到出埠比賽先至可觀啲，但都係約5萬元，單靠打拳賺嘅錢根本唔夠，拳手唔教拳都會有其他正職。」
秘傳口訣反敗為勝 可信度50%
其中一場擂台戰，師兄子力被對手㩒住打，多得鄭嘉穎賽前講過「中軸」二字，臨場變招 強攻對手下盤，結果反勝。真實拳賽會唔會有此類真言？向師傅覺得冇咁誇張：「泰拳好簡單直接，練習時學咗幾百招，到真正上場可能只係用得兩三招，好少轉一 轉招就反敗為勝。臨場戰鬥千鈞一髮，教訓提場會直接教佢重點攻擊邊處，唔會講乜嘢『中軸』咁玄妙。」
出名拳王逐個數
美麗拳王 帕莉亞 電影《美麗拳王》改編自其真人故事，18歲前為咗賺錢打泰拳，儲夠錢去做變性手術，做咗選美皇后，之後以女兒身復出擂台。
泰拳王 播求 目前泰拳界最有影響力嘅王牌人物。兩屆K1冠軍，人氣歷久不衰，今年29歲轉打Thai Fight都一樣奪冠。
中國拳手 徐琰 散打高手，但亦為國家泰拳隊主力，有火麒麟外號，可以話係目前K1上最活躍嘅華人拳手，目前喺日本都有一定人氣。
日本型男 魔裟斗 出名靚仔嘅日本泰拳手，曾贏得一屆K1，打拳打到同日本女星矢澤心結婚，靚仔好打確係屈機。
餓狼傳說 東丈 來自港人最愛格鬥game《餓狼傳說》、《拳王》，出拳會引發龍捲風。雖然係虛構人物，但真係最多MK仔識嘅泰拳手。
指點門路 學泰拳要JOIN啱班
《拳王》中鄭嘉穎拳風颯颯，身邊開始有男性「畢D」上身話要學番一招半式。不過本着習武之心學拳嘅人始終唔多，主流學泰拳目的都係為咗keep fit健身。有見及此，拳館都開多幾班畀唔同需要嘅學員，想減肥還是想打擂台就要join啱班。
拳王之道技巧班
目 前大型泰拳比賽都係採用邀請制，想打擂台不二法門都係加入拳館，師傅話參加一般技巧班可學到足夠技術，參加拳館定期舉行嘅內部比賽，累積賽績同人氣，又或 者拳會覺得你質素優異，就有機會被推薦出戰大型賽事。就算你唔想立即打比賽，都冇所謂，師傅話唔少學徒最初都係想練吓身手，操到50歲先打擂台嘅case 一樣有，絕對係有心唔怕遲。
專業女教練 Nana
Nana教泰拳已經有7年年資，仲曾經喺曼谷考獲專業泰拳教練資格，夠晒pro。佢話教授嘅動作係針對職場女性最頭痛身體部位特別設計，纖出靚線條之餘唔會練粗手腳肌肉，女士們可以少啲顧慮。
女士至愛 瘦身班
女 士們唔想打打殺殺，可參加減肥keep fit為本嘅瘦身班。請教有份度課程嘅女教練Nana，佢話呢類瘦身班會比較着重腳踢動作：「泰拳配合唔同嘅腳踢能修減腿部各個部位。泰拳係帶氧運動，對 體重控制好有幫助，專家都建議大家每日做30分鐘帶氧運動，打泰拳既易上手又冇跑步咁單調。」
模特兒Rika：「唔驚練出肌肉！」
「我玩泰拳keep fit已有年半，最喜歡同師傅單對單踢腳拳、出一身汗。其實照足師傅安排去操，再跟番指示去均衡飲食，就會操到好靚嘅bodyline，唔會搞到手臂長出老鼠仔咁誇張！」
招式示範 側撐
成日睇片都見泰拳手會做一個獨腳企嘅架式，原來呢招係遠距離探敵用，唔畀敵人埋身，遠距離都有腳踢，所以泰拳好講求距離感。
腳踢接鞭槌
泰拳講求快同狠，有好多拳腳混合連續技，每個拳手都會有自己嘅組合，向師傅就示範咗呢招常用嘅必殺技。
FACE讀者免費試堂！
睇完都有疑問、唔緊要！家榮拳館送一堂畀《FACE》讀者免費試玩。現凡《FACE》書內優惠券（影印本冇效），可免費於Bomber Gym或WUnique試玩一堂，優惠細則如下︰ 1.只限未參加過榮拳館課程之人士使用 2.優惠有效日期至2012年5月31日止，逾期無效 3.試玩優惠如有任何爭議，榮拳館保留最終決定權 4.首30名試玩者可於試玩後以半價$480購買榮拳館之會服及adidas拳套一對(原價$960)。先到先得，送完即止。 查詢：榮拳館 2730 3991/2892 8885 地址：Bomber Gym 香港灣仔春園街11號1樓全層/WUnique九龍尖沙咀山林道30-32號1樓全層 ####
曾奪得冠軍包括「挑戰者拳王爭霸賽冠軍(09)」、「WMC洲際拳王金腰帶(07)」、「泰國泰皇盃冠軍(06)」、「泰國皇后盃冠軍(04)」。
唔少明星都係向師傅高足，有份出演《拳王》嘅胡定欣（右一）係其一，師傅就話吳浩康打得最好。
要好似向師傅咁打海外比賽，就先喺香港拳王級大賽勝出先可以，打比賽好似見工咁，resume夠睇頭至會有人理。
劇中黃浩然演嘅「畢D」第7集就可以打新秀賽唔算太誇，向師傅話夠勤力天份又唔錯的話，大概半年已可出戰拳館外嘅比賽。
高踢同低踢可以練唔同嘅肌肉，高踢扭埋腰可以減patpat位，低踢主要練小腿。
除咗腳踢亦有手部動作，呢招擺拳可以郁動埋上臂，幫你減byebye肉。
腳踢
轉身
出肘
鞭槌
泰拳打死人，好誇張！
我 哋真係帶咗電腦播MyTV.com畀師傅睇㗎，向師傅覺得《拳王》唔錯，令觀眾對泰拳有好印象，招式雖然簡單但跟得好足，幾位演員雖未算打得好，但基本動 作都交到貨，反而廠景擂台流咗少少，租番伊館呢類大場去拍，氣氛更好，不過佢笑言泰拳賽家已經好有系統，唔會打得死人。
港產泰拳王 向栢榮師傅
向 栢榮師傅，外號「轟炸機」。曾贏得多項國際搏擊賽事，係made in Hong Kong 嘅世界級泰拳拳王級人馬，更係首位出戰日本K1格鬥比賽嘅香港人，傳奇一役用咗33秒就KO日本拳王。上年喺公認水平最高嘅泰拳比賽「Thai Fight Extreme」應邀出戰，搵拳王睇《拳王》就最有公信力。
泰拳打死人 可信度30%
睇預告見到鄭嘉穎大叫「我殺咗人呀！」，其實係佢演嘅拾一喺黑市拳賽打死人入獄，出獄都無意再玩泰拳。泰拳殺傷力係咪真係咁大？向師傅就話打咁多年擂台都未見過有死人同重傷。「正式比賽節奏好快，你未打死人已經分咗勝負，不過佢話係黑市拳賽就比較有說服力少少喇。」
拳手兼職維生 可信度80%
劇入面唔少拳手都係兼職身份，鄭嘉穎要揸的士、做保安，現實中做全職打拳夠唔夠糊口？「香港比賽獎金唔多，出場費只係約1萬蚊左右，要去到出埠比賽先至可觀啲，但都係約5萬元，單靠打拳賺嘅錢根本唔夠，拳手唔教拳都會有其他正職。」
秘傳口訣反敗為勝 可信度50%
其中一場擂台戰，師兄子力被對手㩒住打，多得鄭嘉穎賽前講過「中軸」二字，臨場變招 強攻對手下盤，結果反勝。真實拳賽會唔會有此類真言？向師傅覺得冇咁誇張：「泰拳好簡單直接，練習時學咗幾百招，到真正上場可能只係用得兩三招，好少轉一 轉招就反敗為勝。臨場戰鬥千鈞一髮，教訓提場會直接教佢重點攻擊邊處，唔會講乜嘢『中軸』咁玄妙。」
出名拳王逐個數
美麗拳王 帕莉亞 電影《美麗拳王》改編自其真人故事，18歲前為咗賺錢打泰拳，儲夠錢去做變性手術，做咗選美皇后，之後以女兒身復出擂台。
泰拳王 播求 目前泰拳界最有影響力嘅王牌人物。兩屆K1冠軍，人氣歷久不衰，今年29歲轉打Thai Fight都一樣奪冠。
中國拳手 徐琰 散打高手，但亦為國家泰拳隊主力，有火麒麟外號，可以話係目前K1上最活躍嘅華人拳手，目前喺日本都有一定人氣。
日本型男 魔裟斗 出名靚仔嘅日本泰拳手，曾贏得一屆K1，打拳打到同日本女星矢澤心結婚，靚仔好打確係屈機。
餓狼傳說 東丈 來自港人最愛格鬥game《餓狼傳說》、《拳王》，出拳會引發龍捲風。雖然係虛構人物，但真係最多MK仔識嘅泰拳手。
指點門路 學泰拳要JOIN啱班
《拳王》中鄭嘉穎拳風颯颯，身邊開始有男性「畢D」上身話要學番一招半式。不過本着習武之心學拳嘅人始終唔多，主流學泰拳目的都係為咗keep fit健身。有見及此，拳館都開多幾班畀唔同需要嘅學員，想減肥還是想打擂台就要join啱班。
拳王之道技巧班
目 前大型泰拳比賽都係採用邀請制，想打擂台不二法門都係加入拳館，師傅話參加一般技巧班可學到足夠技術，參加拳館定期舉行嘅內部比賽，累積賽績同人氣，又或 者拳會覺得你質素優異，就有機會被推薦出戰大型賽事。就算你唔想立即打比賽，都冇所謂，師傅話唔少學徒最初都係想練吓身手，操到50歲先打擂台嘅case 一樣有，絕對係有心唔怕遲。
專業女教練 Nana
Nana教泰拳已經有7年年資，仲曾經喺曼谷考獲專業泰拳教練資格，夠晒pro。佢話教授嘅動作係針對職場女性最頭痛身體部位特別設計，纖出靚線條之餘唔會練粗手腳肌肉，女士們可以少啲顧慮。
女士至愛 瘦身班
女 士們唔想打打殺殺，可參加減肥keep fit為本嘅瘦身班。請教有份度課程嘅女教練Nana，佢話呢類瘦身班會比較着重腳踢動作：「泰拳配合唔同嘅腳踢能修減腿部各個部位。泰拳係帶氧運動，對 體重控制好有幫助，專家都建議大家每日做30分鐘帶氧運動，打泰拳既易上手又冇跑步咁單調。」
模特兒Rika：「唔驚練出肌肉！」
「我玩泰拳keep fit已有年半，最喜歡同師傅單對單踢腳拳、出一身汗。其實照足師傅安排去操，再跟番指示去均衡飲食，就會操到好靚嘅bodyline，唔會搞到手臂長出老鼠仔咁誇張！」
招式示範 側撐
成日睇片都見泰拳手會做一個獨腳企嘅架式，原來呢招係遠距離探敵用，唔畀敵人埋身，遠距離都有腳踢，所以泰拳好講求距離感。
腳踢接鞭槌
泰拳講求快同狠，有好多拳腳混合連續技，每個拳手都會有自己嘅組合，向師傅就示範咗呢招常用嘅必殺技。
FACE讀者免費試堂！
睇完都有疑問、唔緊要！家榮拳館送一堂畀《FACE》讀者免費試玩。現凡《FACE》書內優惠券（影印本冇效），可免費於Bomber Gym或WUnique試玩一堂，優惠細則如下︰ 1.只限未參加過榮拳館課程之人士使用 2.優惠有效日期至2012年5月31日止，逾期無效 3.試玩優惠如有任何爭議，榮拳館保留最終決定權 4.首30名試玩者可於試玩後以半價$480購買榮拳館之會服及adidas拳套一對(原價$960)。先到先得，送完即止。 查詢：榮拳館 2730 3991/2892 8885 地址：Bomber Gym 香港灣仔春園街11號1樓全層/WUnique九龍尖沙咀山林道30-32號1樓全層 ####
曾奪得冠軍包括「挑戰者拳王爭霸賽冠軍(09)」、「WMC洲際拳王金腰帶(07)」、「泰國泰皇盃冠軍(06)」、「泰國皇后盃冠軍(04)」。
唔少明星都係向師傅高足，有份出演《拳王》嘅胡定欣（右一）係其一，師傅就話吳浩康打得最好。
要好似向師傅咁打海外比賽，就先喺香港拳王級大賽勝出先可以，打比賽好似見工咁，resume夠睇頭至會有人理。
劇中黃浩然演嘅「畢D」第7集就可以打新秀賽唔算太誇，向師傅話夠勤力天份又唔錯的話，大概半年已可出戰拳館外嘅比賽。
高踢同低踢可以練唔同嘅肌肉，高踢扭埋腰可以減patpat位，低踢主要練小腿。
除咗腳踢亦有手部動作，呢招擺拳可以郁動埋上臂，幫你減byebye肉。
腳踢
轉身
出肘
鞭槌
沒有留言:
張貼留言