-
Scroll Page | Stop Scrolling
一到5月，成班老友又考試、又冇假放，齊齊「潛水」，好鬼悶。與其假「潛水」，不如真係出吓海潛水，享受個靚陽光。難得又有相機廠出新防水DC，仲破紀錄可以深潛12米，無論玩浮潛、定係落深少少嘅水肺潛水，一部DC仔足夠拍低海中靚景，冇理由仲呆喺屋企啦！
《FACE》Gadget版監修人
903 DJ Donald
試過去馬爾代夫玩，都有租用酒店的Canon G11相機加潛水殼，雖然都要兩三百蚊，但可以影到海底世界真係好值得。自己去玩滑水都愛影相，每季見到新款防水相機都好想入貨，今年咁快就有新機出， 正！個人比較鍾意部Optio WG-2，有6顆LED補光燈，水底黑媽媽影到，讚！
耀舞海中 好玩浮潛
睇見 model Hidy戴住鏡管，輕飄飄咁喺水中做「拱橋」動作，好睇過鍾嘉欣跳舞。有潛水牌嘅Hidy覺得浮潛其實玩味十足：「你戴個鏡管，跳落海就玩得，唔使拎太多 裝備就可以同海魚共舞，勁free。」唔只Hidy，明星都愛玩浮潛，好似美國R&B天后Rihanna、拍《異形海戰》之餘，早排都去夏威夷玩 浮潛；畢彼特一家七口出海，都齊齊玩浮潛。其實浮潛易玩易學，基本上只要學識用支管吸氣已經掂，平浮喺水面睇海底世界。就算唔識游水，都可以着上救生衣幫 手浮。
浮潛全裝備
喺淺水地帶徒手潛水，不時浮上水面換氣，就算係浮潛，其裝備主要係鏡管，如果自問唔多熟水性，着齊下面裝備，受傷或遇溺機會即時極低。
浮潛自拍
玩 浮潛想影低水中靚景，學向西話齋：「其實唔難！」因為喺香港玩浮潛，唔使潛太深，落到2至3米已經有珊瑚同魚仔睇。加上OLYMPUS新出入門級防水機仔 TG-620，二千幾蚊已經有5米防水，要玩浮潛攝影，絕對綽綽有餘。最抵讚係部機冇整色整水玩觸芒操作，即使玩家仲未控制到自己浮去邊，都肯定可以控制 到部機。學model阿明咁，用部DC仔游近珊瑚玩自拍，絕對係今夏指定動作。
試 相影珊瑚
近鏡試影軟珊瑚，珊瑚隨水流郁唔停，人又會時浮時沉，咁多因素影響都無令相片出現離焦問題。而且試拍效果勁讚，靚到唔相信係香港水底。
試 相試自拍
要快手游去珊瑚，忍氣除走吸管整笑樣玩自拍，難度極高。好彩部機防手震表現勁，試拍一次即成功，人靚景靚！
試 相影魚仔
珊瑚魚一閃即逝，好彩部機對焦快先影到，揸機嘅阿明仲猛讚部DC反應快，兼容易操作，影魚一流。
Model Hidy浮潛後話
今年係我第一次喺香港落水玩浮潛，估唔到一落水已經成堆魚游去我面前。而且水質都算唔錯，冇乜垃圾又可清楚影到珊瑚，真係好好玩。比起我去過外國潛水，香港水淺啲，好易就睇到珊瑚，新手玩浮潛真係一流！
5米黑珍寶
OLYMPUS TG-620 像素：1,200萬像素 屏幕：3" Hyper Crystal III 變焦：5x光學 光圈：f/3.9-f/5.9 感光度：ISO 100-6,400 拍片：1,080p 防水：5m 防水級數：IPX8 儲存：內置46.8MB、支援SDXC 尺寸：98.4×65.9×21.9mm 重量：167g 售價：$2,290 查詢：Olympus（2376 2150）
水中操作貼士 開水底mode
潛到水中影相，好多時會出現偏藍問題。好彩家機仔都有「水底mode」糾正偏色問題，落水前記得set定。
記得鎖機
防水機個死穴位（紅圈），其實係拆電插咭位，成日唔記得啪埋個保險掣就走落水，好易入水，所以落水前一定要check清楚。而且出水後，唔好快手開機拆咭，以毛巾抹水或風乾後先好再開機。
買機睇防水級數
部 機究竟落到幾米深，必睇IPX呢個國際防水標準。好多日系手機都達到IPX5，右圖呢部Softbank Sharp 005SH都達呢個級數，可以防水濺，帶去沖涼都冇問題。IPX7就可以落到1米水深下操作30分鐘；而最高級的IPX8，可以1.5至10米水底下操作 超過30分鐘。
深海獵奇 親近珊瑚怪魚
浮潛只係潛水嘅初階，玩玩吓一定想潛深啲。但乜裝備都唔用就潛落好深水嘅徒潛又太高難度，唔係一般人玩到，所以孭住個氣樽嘅 水肺潛水，先至係最hit嘅深水潛法。深潛即係以氧氣樽呼吸，要孭咁多裝備上身，勞師動眾先潛到落深海，海底梗係有佢獨特嘅魅力。Hidy話：「落到去可 以伸手去摸勁靚嘅珊瑚，同啲平時只能夠喺水族館隔住玻璃睇嘅特別魚類，頭幾次真係有大開眼界嘅感覺，仲試過掛住睇到唔記得踢水，要阿明拖我向前游。」而啟 導Hidy玩潛水嘅男友阿明就話：「潛水技能去到一定水平，已唔覺裝備同水壓係負擔，置身深海嘅感覺，比浮潛更放鬆同自由自在，我好enjoy！」佢仲指 出，香港水質比唔上外國浮潛只係易入門，唔及外國咁靚，好在潛深啲之後，香港水底個view都唔差，比浮潛多好多靚景睇，唔玩好可惜。
試 相影珊瑚
用水中mode試影，顏色好準，冇偏藍或偏黃，影像亦極細膩，就連珊瑚四周嘅微生物都睇到。
試 相試自拍
阿明經常同Hidy四圍去潛水，深潛部分的靚相都係由佢負責揸機幫Hidy影，而明哥又用WG-II同珊瑚自拍合照。你睇個補光燈，好處係機距離人咁近都冇閃爆。
深潛拍攝必備 12米防水 Pentax Optio WG-2 GPS
水肺潛水見到咁多海洋奇觀，更加要帶相機落去影低，不過普通防水DC只能應付浮潛，要搵部更 堅嘅機至得。呢部Pentax WG-2就係現今防水能力最強嘅DC仔，潛落12米深水入面連影兩粒鐘都保證冇事，堅sir話喺香港潛水，通常都係潛10米左右，呢部機夠晒用。同時佢亦 能夠防撞、抗寒同抗壓，就算水底環境幾惡劣都頂得順。而且佢內置埋GPS，落水影完相，喺電腦得番每張相嘅拍攝位置，帶去唔同國家旅行潛水，就啱晒po相 上fb晒戰績。
Spec.
像素：1,600萬 CMOS 影片：1,080p 光學變焦：5倍（28-140mm） 感光度：ISO 6400 屏幕：3" 記憶：SDXC 體積：122.5×61.5×29.5mm 重量：198g 顏色：橙/白 售價：$3,790 查詢：捷成（2926 2300）
專業拍攝 潛水殼加打燈
潛水DC仔就算影得再靚都好，鏡頭同設定方面始終有局限，想影到阿明同Hidy嗰種級數嘅水底相，最好都係用番單反或無反DC。只要有個專業防水殼加身，呢啲機最深更潛到成40米，去外國潛深淵都夠，唔想破費買殼，主流機款嘅防水殼亦可以逐次租用。
潛水教練教基本功
喺 潛水歷險會教咗18年嘅教練堅sir話，初學者通常較難掌握下沉嘅方法，有時會因緊張而狂吸氣，令到個人游極都沉唔到底。其實應該要先呼氣，跟住至向下 游。另外，初學者最緊要明白浮升得太急，隨時會爆肺，下潛太快亦可能氮氣中毒（學名「氮醉」），呢兩個情況最危險，會喺理論堂時教人避免。仲有水中因講唔 到嘢，所以必學以下幾個潛水手語。
進階深潛 水肺潛水全裝備
為安全計，水肺潛水嘅裝備一定比浮潛講究得多，買齊全套會花費不菲，不過初學者都可以向潛水學校租借，full gear租金大約只係$500一日，抵玩過睇戲唱K直落。
潛水衣
主要作用係保暖，就算係香港夏天，長時間潛入深水，唔着的話都會覺得凍。但若然潛得唔深，着Hidy身上款短褲潛水衣保護身體都夠。售價$1,000至$2,000
鏡管
面鏡選購方法前面浮潛已介紹過，留意就算深潛係用氣樽，但仍要帶埋呼吸管落水於淺水時使用，幫氣樽慳氣。
蛙鞋
水肺潛水隨時要游好遠先到目的地，比浮潛更需要借助蛙鞋推進，鞋面愈大，power愈大！售價$580至$980
呼吸調節器
連接氣樽嘅裝置，有兩個吸嘴，萬一潛伴冇氣，都可以分畀佢吸埋一份；仲附設顯示剩餘氧氣同水深兩個儀表。售價$2,500至$3,500
浮量控制裝置
俗稱「BCD」，靠佢繫緊氣樽喺身，亦可從氣樽充氣幫人浮升，亦能加放鉛帶令人更易下潛。售價$2,000至$3,000
壓縮氣樽
視乎玩家吸氣量，一樽氣約夠潛40至80分鐘，通常租船出海會包埋，唔使自己買，後面會再詳細解釋租用方法。
香港必去 潛水靚景點推介
有晒器材裝備、學埋潛水知識同技術，仲爭個目的地就可以落水。唔一定要去到馬爾代夫、浮羅交怡先至有海底靚景，香港一樣有！堅sir就向大家推介以下4大景點，無論想玩浮潛定水肺潛水都有着落，而且全部鄰近西貢，搭車搭船都唔使好耐。
海下灣 適宜：浮潛
除咗水底景色靚，最特別係有架船沉咗喺水深5米左右嘅地方，於是成為玩家邊浮潛邊尋寶嘅熱門景點。
尖洲 適宜：水肺潛水
有最出名嘅小丑魚林，啲水清嘅時候，成堆小丑魚喺你面前游過，隨便影都係沙龍。
甕缸灣
適宜：水肺潛水
海底珊瑚礁面積極之廣闊，鍾意影珊瑚嘅人必去，海底生物種類亦夠多，容易影到稀奇古怪相。
橋咀 適宜：浮潛
由西貢碼頭出發，唔使15分鐘船程就到。呢處嘅水唔深，唔使潛好深已有珊瑚同魚群睇。
$3,200租船出海
香港多數潛水景點都遠離岸邊，需要自行租船到海中心先落到水。租船會包埋壓縮氣樽、鉛帶等共用嘅基本器材，一日租金約$3,200不等，日夜都有得租。不過每年6至9月為旺季，假期船期或會比較緊張，未必咁易租到，亦可能會稍為加價。
4日考到潛水牌
除 患哮喘、耳水不平衡、心臟病等人士外，基本上只要年過10歲，就可以學浮潛或水肺潛水。香港嘅潛水學校，都得到PADI同NAUI兩個著名美國潛水組織認 可，只要通過考試，就能獲頒潛水員資歷咭。基本嘅水肺潛水課程包括3堂理論課、3節泳池訓練同1日海中實習；考試時好似考車咁，喺水底做到晒考官指定嘅動 作就能pass，最快4日就考到個牌。
全文器材及教學查詢：潛水歷險會（2572 2138） ####
浮潛標準動作
玩浮潛時，身體同水平線一致咁平游，人體自然有浮力可以令身體上升，令吸管保持係水面畀你吸氣。雙腳可着上蛙鞋，有助推進，雙手無特別動作，學Hidy咁垂喺身邊就得。
唔好以為浮潛易玩就冇明星追捧，R&B天后Rihanna前排去完夏威夷，都特登喺facebook貼番張玩浮潛相。
水中打轉 自問好似Hidy咁水性夠好，可以戴住鏡管喺水中打轉，等朋友幫你喺水底同珊瑚影靚相，好好玩！
鏡管 浮潛必有裝備，好多新款鏡管，大力向吸管吹氣，就可吹出管內的沙同水。$200至$1,500
助浮衣 作用同救生衣差唔多，若玩家自覺浮力唔夠，可用佢嚟加大浮力。$400至$1,000
手套 從岸邊上水，有機會需要抓住大石借力，避免被植物尖刺割傷，不少人會戴定手套保護。$100至$400
蛙鞋 大海水流有時好急，唔着蛙鞋，淨靠雙腳踢水有時游極都原地踏步。$200至$1,600
買鏡必試面形 買鏡管時，最緊要睇個潛水鏡啱唔啱面形。買之前學Hidy咁，將鏡吸到面上，再吸一啖氣，潛水鏡無跌落嚟就為之fit。
上水咪反鏡 玩完浮潛上水時，千祈咪好似Hidy咁將鏡架上額頭，一來易飛脫落海，二來令隊友誤會你身體出現問題，衝嚟幫手，正確做法係向下拉到頸上。
用機仔影我都好靚㗎！
所有操作都利用機背的實體掣，十字掣改為joystick形，方便落水操作。
快門掣極之大粒，戴住手套都冇影響手感。
游落3米深水狂玩30分鐘，完全冇滲水問題。
機側有位繫上隨機送嘅掛扣；機背按鈕比一般防水DC多同細，操控較快捷，但戴住手套就冇咁易㩒。
鏡頭外圍有6盞LED補光燈，只要開咗顯微鏡mode就會着，喺漆黑水底影相都夠光，但拍片就用唔到。
特設水中影相同水中拍片兩個模式，白平衡等setting最fit影潛水相，不過LED補光燈唔會着。
電池蓋一合埋就會自己lock實，包保唔會忘記上鎖。我哋潛完10米上水後check機，電池同咭仍然乾爽。
由機仔細細嘅Panasonic GF3，到專業單反Canon 7D都已有潛水殼。售價：$700至$1,500/$150至$300租一日
陽光射唔到落深海，隨時黑過夜晚，用閃燈效果都未必好，反而用防水LED電筒射住拍攝主體嚟影仲靚。售價：$400至$1,500 / $50至$120租一日
除咗將時間同深度作對比外，最簡單衡量點為之唔算浮升得過快嘅標準，就係個人唔可以升得快過面罩呼出嘅氣泡。
堅sir 潛齡：20年以上 呢個手勢代表氣樽冇氣，潛伴睇到就明你要上水。
OK 同平常做開嘅ok手勢一樣。
唔得 攤開隻手，手板向下，意思就同ok相反。
上水 手指公向上代表上水，向下就係往下潛。
Hidy 潛齡：5年 阿明 潛齡：8年
通常租出海嘅船都夠容納30人，除開每人百幾蚊玩一日，唔算貴。
以潛水歷險會為例，佢哋嘅課程有PADI認可，基本課程學費連器材費為$2,500（15歲以下$2,700）。
《FACE》Gadget版監修人
903 DJ Donald
試過去馬爾代夫玩，都有租用酒店的Canon G11相機加潛水殼，雖然都要兩三百蚊，但可以影到海底世界真係好值得。自己去玩滑水都愛影相，每季見到新款防水相機都好想入貨，今年咁快就有新機出， 正！個人比較鍾意部Optio WG-2，有6顆LED補光燈，水底黑媽媽影到，讚！
耀舞海中 好玩浮潛
睇見 model Hidy戴住鏡管，輕飄飄咁喺水中做「拱橋」動作，好睇過鍾嘉欣跳舞。有潛水牌嘅Hidy覺得浮潛其實玩味十足：「你戴個鏡管，跳落海就玩得，唔使拎太多 裝備就可以同海魚共舞，勁free。」唔只Hidy，明星都愛玩浮潛，好似美國R&B天后Rihanna、拍《異形海戰》之餘，早排都去夏威夷玩 浮潛；畢彼特一家七口出海，都齊齊玩浮潛。其實浮潛易玩易學，基本上只要學識用支管吸氣已經掂，平浮喺水面睇海底世界。就算唔識游水，都可以着上救生衣幫 手浮。
浮潛全裝備
喺淺水地帶徒手潛水，不時浮上水面換氣，就算係浮潛，其裝備主要係鏡管，如果自問唔多熟水性，着齊下面裝備，受傷或遇溺機會即時極低。
浮潛自拍
玩 浮潛想影低水中靚景，學向西話齋：「其實唔難！」因為喺香港玩浮潛，唔使潛太深，落到2至3米已經有珊瑚同魚仔睇。加上OLYMPUS新出入門級防水機仔 TG-620，二千幾蚊已經有5米防水，要玩浮潛攝影，絕對綽綽有餘。最抵讚係部機冇整色整水玩觸芒操作，即使玩家仲未控制到自己浮去邊，都肯定可以控制 到部機。學model阿明咁，用部DC仔游近珊瑚玩自拍，絕對係今夏指定動作。
試 相影珊瑚
近鏡試影軟珊瑚，珊瑚隨水流郁唔停，人又會時浮時沉，咁多因素影響都無令相片出現離焦問題。而且試拍效果勁讚，靚到唔相信係香港水底。
試 相試自拍
要快手游去珊瑚，忍氣除走吸管整笑樣玩自拍，難度極高。好彩部機防手震表現勁，試拍一次即成功，人靚景靚！
試 相影魚仔
珊瑚魚一閃即逝，好彩部機對焦快先影到，揸機嘅阿明仲猛讚部DC反應快，兼容易操作，影魚一流。
Model Hidy浮潛後話
今年係我第一次喺香港落水玩浮潛，估唔到一落水已經成堆魚游去我面前。而且水質都算唔錯，冇乜垃圾又可清楚影到珊瑚，真係好好玩。比起我去過外國潛水，香港水淺啲，好易就睇到珊瑚，新手玩浮潛真係一流！
5米黑珍寶
OLYMPUS TG-620 像素：1,200萬像素 屏幕：3" Hyper Crystal III 變焦：5x光學 光圈：f/3.9-f/5.9 感光度：ISO 100-6,400 拍片：1,080p 防水：5m 防水級數：IPX8 儲存：內置46.8MB、支援SDXC 尺寸：98.4×65.9×21.9mm 重量：167g 售價：$2,290 查詢：Olympus（2376 2150）
水中操作貼士 開水底mode
潛到水中影相，好多時會出現偏藍問題。好彩家機仔都有「水底mode」糾正偏色問題，落水前記得set定。
記得鎖機
防水機個死穴位（紅圈），其實係拆電插咭位，成日唔記得啪埋個保險掣就走落水，好易入水，所以落水前一定要check清楚。而且出水後，唔好快手開機拆咭，以毛巾抹水或風乾後先好再開機。
買機睇防水級數
部 機究竟落到幾米深，必睇IPX呢個國際防水標準。好多日系手機都達到IPX5，右圖呢部Softbank Sharp 005SH都達呢個級數，可以防水濺，帶去沖涼都冇問題。IPX7就可以落到1米水深下操作30分鐘；而最高級的IPX8，可以1.5至10米水底下操作 超過30分鐘。
深海獵奇 親近珊瑚怪魚
浮潛只係潛水嘅初階，玩玩吓一定想潛深啲。但乜裝備都唔用就潛落好深水嘅徒潛又太高難度，唔係一般人玩到，所以孭住個氣樽嘅 水肺潛水，先至係最hit嘅深水潛法。深潛即係以氧氣樽呼吸，要孭咁多裝備上身，勞師動眾先潛到落深海，海底梗係有佢獨特嘅魅力。Hidy話：「落到去可 以伸手去摸勁靚嘅珊瑚，同啲平時只能夠喺水族館隔住玻璃睇嘅特別魚類，頭幾次真係有大開眼界嘅感覺，仲試過掛住睇到唔記得踢水，要阿明拖我向前游。」而啟 導Hidy玩潛水嘅男友阿明就話：「潛水技能去到一定水平，已唔覺裝備同水壓係負擔，置身深海嘅感覺，比浮潛更放鬆同自由自在，我好enjoy！」佢仲指 出，香港水質比唔上外國浮潛只係易入門，唔及外國咁靚，好在潛深啲之後，香港水底個view都唔差，比浮潛多好多靚景睇，唔玩好可惜。
試 相影珊瑚
用水中mode試影，顏色好準，冇偏藍或偏黃，影像亦極細膩，就連珊瑚四周嘅微生物都睇到。
試 相試自拍
阿明經常同Hidy四圍去潛水，深潛部分的靚相都係由佢負責揸機幫Hidy影，而明哥又用WG-II同珊瑚自拍合照。你睇個補光燈，好處係機距離人咁近都冇閃爆。
深潛拍攝必備 12米防水 Pentax Optio WG-2 GPS
水肺潛水見到咁多海洋奇觀，更加要帶相機落去影低，不過普通防水DC只能應付浮潛，要搵部更 堅嘅機至得。呢部Pentax WG-2就係現今防水能力最強嘅DC仔，潛落12米深水入面連影兩粒鐘都保證冇事，堅sir話喺香港潛水，通常都係潛10米左右，呢部機夠晒用。同時佢亦 能夠防撞、抗寒同抗壓，就算水底環境幾惡劣都頂得順。而且佢內置埋GPS，落水影完相，喺電腦得番每張相嘅拍攝位置，帶去唔同國家旅行潛水，就啱晒po相 上fb晒戰績。
Spec.
像素：1,600萬 CMOS 影片：1,080p 光學變焦：5倍（28-140mm） 感光度：ISO 6400 屏幕：3" 記憶：SDXC 體積：122.5×61.5×29.5mm 重量：198g 顏色：橙/白 售價：$3,790 查詢：捷成（2926 2300）
專業拍攝 潛水殼加打燈
潛水DC仔就算影得再靚都好，鏡頭同設定方面始終有局限，想影到阿明同Hidy嗰種級數嘅水底相，最好都係用番單反或無反DC。只要有個專業防水殼加身，呢啲機最深更潛到成40米，去外國潛深淵都夠，唔想破費買殼，主流機款嘅防水殼亦可以逐次租用。
潛水教練教基本功
喺 潛水歷險會教咗18年嘅教練堅sir話，初學者通常較難掌握下沉嘅方法，有時會因緊張而狂吸氣，令到個人游極都沉唔到底。其實應該要先呼氣，跟住至向下 游。另外，初學者最緊要明白浮升得太急，隨時會爆肺，下潛太快亦可能氮氣中毒（學名「氮醉」），呢兩個情況最危險，會喺理論堂時教人避免。仲有水中因講唔 到嘢，所以必學以下幾個潛水手語。
進階深潛 水肺潛水全裝備
為安全計，水肺潛水嘅裝備一定比浮潛講究得多，買齊全套會花費不菲，不過初學者都可以向潛水學校租借，full gear租金大約只係$500一日，抵玩過睇戲唱K直落。
潛水衣
主要作用係保暖，就算係香港夏天，長時間潛入深水，唔着的話都會覺得凍。但若然潛得唔深，着Hidy身上款短褲潛水衣保護身體都夠。售價$1,000至$2,000
鏡管
面鏡選購方法前面浮潛已介紹過，留意就算深潛係用氣樽，但仍要帶埋呼吸管落水於淺水時使用，幫氣樽慳氣。
蛙鞋
水肺潛水隨時要游好遠先到目的地，比浮潛更需要借助蛙鞋推進，鞋面愈大，power愈大！售價$580至$980
呼吸調節器
連接氣樽嘅裝置，有兩個吸嘴，萬一潛伴冇氣，都可以分畀佢吸埋一份；仲附設顯示剩餘氧氣同水深兩個儀表。售價$2,500至$3,500
浮量控制裝置
俗稱「BCD」，靠佢繫緊氣樽喺身，亦可從氣樽充氣幫人浮升，亦能加放鉛帶令人更易下潛。售價$2,000至$3,000
壓縮氣樽
視乎玩家吸氣量，一樽氣約夠潛40至80分鐘，通常租船出海會包埋，唔使自己買，後面會再詳細解釋租用方法。
香港必去 潛水靚景點推介
有晒器材裝備、學埋潛水知識同技術，仲爭個目的地就可以落水。唔一定要去到馬爾代夫、浮羅交怡先至有海底靚景，香港一樣有！堅sir就向大家推介以下4大景點，無論想玩浮潛定水肺潛水都有着落，而且全部鄰近西貢，搭車搭船都唔使好耐。
海下灣 適宜：浮潛
除咗水底景色靚，最特別係有架船沉咗喺水深5米左右嘅地方，於是成為玩家邊浮潛邊尋寶嘅熱門景點。
尖洲 適宜：水肺潛水
有最出名嘅小丑魚林，啲水清嘅時候，成堆小丑魚喺你面前游過，隨便影都係沙龍。
甕缸灣
適宜：水肺潛水
海底珊瑚礁面積極之廣闊，鍾意影珊瑚嘅人必去，海底生物種類亦夠多，容易影到稀奇古怪相。
橋咀 適宜：浮潛
由西貢碼頭出發，唔使15分鐘船程就到。呢處嘅水唔深，唔使潛好深已有珊瑚同魚群睇。
$3,200租船出海
香港多數潛水景點都遠離岸邊，需要自行租船到海中心先落到水。租船會包埋壓縮氣樽、鉛帶等共用嘅基本器材，一日租金約$3,200不等，日夜都有得租。不過每年6至9月為旺季，假期船期或會比較緊張，未必咁易租到，亦可能會稍為加價。
4日考到潛水牌
除 患哮喘、耳水不平衡、心臟病等人士外，基本上只要年過10歲，就可以學浮潛或水肺潛水。香港嘅潛水學校，都得到PADI同NAUI兩個著名美國潛水組織認 可，只要通過考試，就能獲頒潛水員資歷咭。基本嘅水肺潛水課程包括3堂理論課、3節泳池訓練同1日海中實習；考試時好似考車咁，喺水底做到晒考官指定嘅動 作就能pass，最快4日就考到個牌。
全文器材及教學查詢：潛水歷險會（2572 2138） ####
浮潛標準動作
玩浮潛時，身體同水平線一致咁平游，人體自然有浮力可以令身體上升，令吸管保持係水面畀你吸氣。雙腳可着上蛙鞋，有助推進，雙手無特別動作，學Hidy咁垂喺身邊就得。
唔好以為浮潛易玩就冇明星追捧，R&B天后Rihanna前排去完夏威夷，都特登喺facebook貼番張玩浮潛相。
水中打轉 自問好似Hidy咁水性夠好，可以戴住鏡管喺水中打轉，等朋友幫你喺水底同珊瑚影靚相，好好玩！
鏡管 浮潛必有裝備，好多新款鏡管，大力向吸管吹氣，就可吹出管內的沙同水。$200至$1,500
助浮衣 作用同救生衣差唔多，若玩家自覺浮力唔夠，可用佢嚟加大浮力。$400至$1,000
手套 從岸邊上水，有機會需要抓住大石借力，避免被植物尖刺割傷，不少人會戴定手套保護。$100至$400
蛙鞋 大海水流有時好急，唔着蛙鞋，淨靠雙腳踢水有時游極都原地踏步。$200至$1,600
買鏡必試面形 買鏡管時，最緊要睇個潛水鏡啱唔啱面形。買之前學Hidy咁，將鏡吸到面上，再吸一啖氣，潛水鏡無跌落嚟就為之fit。
上水咪反鏡 玩完浮潛上水時，千祈咪好似Hidy咁將鏡架上額頭，一來易飛脫落海，二來令隊友誤會你身體出現問題，衝嚟幫手，正確做法係向下拉到頸上。
用機仔影我都好靚㗎！
所有操作都利用機背的實體掣，十字掣改為joystick形，方便落水操作。
快門掣極之大粒，戴住手套都冇影響手感。
游落3米深水狂玩30分鐘，完全冇滲水問題。
機側有位繫上隨機送嘅掛扣；機背按鈕比一般防水DC多同細，操控較快捷，但戴住手套就冇咁易㩒。
鏡頭外圍有6盞LED補光燈，只要開咗顯微鏡mode就會着，喺漆黑水底影相都夠光，但拍片就用唔到。
特設水中影相同水中拍片兩個模式，白平衡等setting最fit影潛水相，不過LED補光燈唔會着。
電池蓋一合埋就會自己lock實，包保唔會忘記上鎖。我哋潛完10米上水後check機，電池同咭仍然乾爽。
由機仔細細嘅Panasonic GF3，到專業單反Canon 7D都已有潛水殼。售價：$700至$1,500/$150至$300租一日
陽光射唔到落深海，隨時黑過夜晚，用閃燈效果都未必好，反而用防水LED電筒射住拍攝主體嚟影仲靚。售價：$400至$1,500 / $50至$120租一日
除咗將時間同深度作對比外，最簡單衡量點為之唔算浮升得過快嘅標準，就係個人唔可以升得快過面罩呼出嘅氣泡。
堅sir 潛齡：20年以上 呢個手勢代表氣樽冇氣，潛伴睇到就明你要上水。
OK 同平常做開嘅ok手勢一樣。
唔得 攤開隻手，手板向下，意思就同ok相反。
上水 手指公向上代表上水，向下就係往下潛。
Hidy 潛齡：5年 阿明 潛齡：8年
通常租出海嘅船都夠容納30人，除開每人百幾蚊玩一日，唔算貴。
以潛水歷險會為例，佢哋嘅課程有PADI認可，基本課程學費連器材費為$2,500（15歲以下$2,700）。
沒有留言:
張貼留言