-
Scroll Page | Stop Scrolling
近呢幾年真係多咗好多人踩單車，尤其去到大埔、大圍呢啲租車熱點，假日收你$60租架幾百蚊成本嘅國產鐵車玩一日，單車徑又迫到旺角咁款都咪話唔危險！
今期帶大家跳出大埔同大圍呢個框框，介紹元朗一間新開嘅單車鋪租車，架架出租單車都係名牌，仲會介紹踩入少人去嘅錦田村落，話你知仲租鐵車踩吐露港已經out晒！
平時租架單車踩，通常都係放低錢攞車走人，除咗要加錢先有嘅車籃外，基本上就係齋車一架，服務頂多可以畀你喺另一地方還車，實在已經過時。點解咁講？因為今次介紹嘅單車鋪Wecycle，除咗有靚車租外，服務亦非常周到，而且收費清楚唔會海鮮價，租車唔怕俾人劏到一頸血。
細心裝備 服務全面
家普通租一day單車踩，平平哋一架日租都收$40以上，最貴收$80都夠膽死，都咪話唔狼死！雖然今次介紹嘅Wecycle日租收費唔會比佢哋平，不過 車款就堅好多，而且更獨家有加入唔同裝備如咪表（Dahon摺車除外）、前後車燈、車身儲物袋同幫你認路還車嘅QR code系統。 不過你可能會發覺，日租要車燈嚟做乜？其實Wecycle除咗日租外，更有同日租同價嘅夜租服務，即係晚上拎車，到翌日中午前還車，畀人成架攞走去其他地 方踩。除夜租服務外，如果喺元朗附近踩唔熟環境，更可預早2日左右預約導遊帶隊一天遊，導遊收費$250/日，1位導遊最多對8位團友，唔使次次去假日迫 爆人嘅南生圍，可以深入今次介紹嘅錦田村落，唔係好多人識去㗎咋！
出租靚車逐架睇
以往出租單車九成九係幾百蚊車款， 未必好踩同舒服，不過Wecycle租嘅車款除咗有台灣大牌Giant MTB外，更有Dahon摺車，存車量每款都有幾十架，而且pro到XXS至L尺碼齊晒，男女都啱踩！雖然街客租車需畀$1,500（摺車） 同$3,000（MTB）按金，但做會員可以豁免，而且入會費全免同即時批核，買嘢仲有九折，入到去必申請！
Wecycle
日租時間：10:00-20:00(星期一至五)、09:00-20:00(星期六及公眾假期) 夜租時間：19:00-11:59 查詢：2476 0202
罕有出租碟剎 Giant Revel
元朗附近單車徑都唔算非常平坦，要穩陣揀MTB就最啱嘞！呢架Giant Revel硬架MTB日租$80，街價都要賣過$3,000，除咗有齊前避震同24速Shimano指撥轉波外，最勁仲用到出租車罕見嘅碟式迫力，當然成為最搶手車款！
厚座位最舒服 Giant Rincon
除 咗Giant Revel之外，同場亦有另一款MTB Rincon，日租同樣$80，雖然級數比Revel低少少冇咗碟迫力，不過一樣係鋁架車，同有齊前避震同24速Shimano指撥轉波。筆者最buy就 係Rincon個座椅係3架車之中最好坐，坐足半日都唔會痛，踩長途必揀！
摺車輕鬆方便 Dahon Dream B6
除咗租MTB，呢度仲有最受單車友like嘅Dahon名牌摺車，雖然唔係top model，不過呢架又名HT-060嘅Dream B6日租只係$60，20吋車轆操控容易，配6速波箱踩元朗平原夠晒，加上車管低，女士踩最啱！
踩入錦田更新鮮
九 成人入元朗踩車都係去附近南生圍踩個round就算，不過今次有Wecycle陀地帶路，就主力推介隱藏喺錦田水頭、水尾村一帶嘅遊樂路線。喺元朗沿單車 徑踩過去約1個鐘左右，再沿村路踩會有唔少名勝古蹟睇吓，仲可以入埋附近農場參觀同食個lunch，來回加埋可以玩足半日，寫意過人多車迫嘅吐露港好多！
Start：從單車徑起步
租完車推2分鐘車就可以去到青山公路旁邊嘅單車徑，不過單車徑一個路牌都冇，要留意馬路路牌，跟錦田方向就冇問題。
Check Point 1：離單車徑入村
一路踩單車徑入錦田，沿路會經過中石化油站，慢踩約45分鐘就會見到指入水頭、水尾村路牌，跟路牌左轉直入就可以入村。
Check Point 2：參觀清朝書院
入到水頭、水尾村，首先會見到一羣舊建築，呢度就係建於清朝道光初年有200年歷史嘅二帝書院，入面除供奉文武二帝外，二戰前亦係供文昌會子弟學習嘅書室。
Check Point 3：入貓頭鷹勝地
離開二帝書院，直入5分鐘就會見到一堆龍友對住棵樹狂影，呢度就係錦田最出名嘅樹屋，樹屋據講原本係書齋，旁邊大榕樹自書齋主人搬走後無人理，之後不斷長到纏住石屋嘅奇景，而且呢度日與夜都有罕見貓頭鷹出沒，吸引大批龍友，去到記得保持安靜，咪嚇走貓頭鷹！
Check Point4：$70食私房農家菜
睇 完樹屋貓頭鷹，再沿村路田間踩10分鐘，就會到達開業2年嘅復興農場，入面有種滿時令蔬菜嘅菜田，仲有箭豬、盾臂龜等動物睇，參觀費用全免，亦有冰凍飲品 出售，不過參觀前記得打個電話畀老闆開門畀你。預早一日聯絡仲可以畀每位$70食場主私房農家菜，至少要5人一枱，菜式由場主自定，揀當地當造材料煮成， 風味十足！
復興農場 地址：元朗錦田大江埔114號 查詢：9621 7239 ####
想了解錦田多啲又唔識路，Wecycle提供導遊帶隊服務。
前後燈用微型LED車燈，用嚟照明唔夠用，不過就符合法例。
咪表有時間、車速同距離顯示，而且仲重本用Cateye型號。
為咗令租客踩得輕鬆，車上設有小儲物袋，足夠放銀包、電話同相機，同時鋪頭亦有大件行李寄存服務。
車尾有張QR code咭，可以用下載咗QR code reader嘅手機嘟個Google Map引路帶你返鋪頭。
用機械式碟迫力，用落比V-brake更加線性。
座位都係原廠Giant出品，不過坐落非常舒適。
租過夜摺車最好，因為摺埋放屋企唔阻地方又安全。
當日就俾我哋見到一隻貓頭鷹，有成罐氣水咁大隻！
入到場內有隻好似背囊咁大嘅盾臂龜，唔怕人會跟住人走，勁cute！
當日去到同行5個人，老闆共煮咗6餸1湯，最正係用蛋同肉碎焗嘅農場番茄（上），又甜又多汁；仲有即焗嘅元朗出產大烏頭（下），啲肉夠鮮甜。
家夏天仲有期間限定菠蘿、自種青瓜同茄子嘅沙律，勁freah！
平時租架單車踩，通常都係放低錢攞車走人，除咗要加錢先有嘅車籃外，基本上就係齋車一架，服務頂多可以畀你喺另一地方還車，實在已經過時。點解咁講？因為今次介紹嘅單車鋪Wecycle，除咗有靚車租外，服務亦非常周到，而且收費清楚唔會海鮮價，租車唔怕俾人劏到一頸血。
細心裝備 服務全面
家普通租一day單車踩，平平哋一架日租都收$40以上，最貴收$80都夠膽死，都咪話唔狼死！雖然今次介紹嘅Wecycle日租收費唔會比佢哋平，不過 車款就堅好多，而且更獨家有加入唔同裝備如咪表（Dahon摺車除外）、前後車燈、車身儲物袋同幫你認路還車嘅QR code系統。 不過你可能會發覺，日租要車燈嚟做乜？其實Wecycle除咗日租外，更有同日租同價嘅夜租服務，即係晚上拎車，到翌日中午前還車，畀人成架攞走去其他地 方踩。除夜租服務外，如果喺元朗附近踩唔熟環境，更可預早2日左右預約導遊帶隊一天遊，導遊收費$250/日，1位導遊最多對8位團友，唔使次次去假日迫 爆人嘅南生圍，可以深入今次介紹嘅錦田村落，唔係好多人識去㗎咋！
出租靚車逐架睇
以往出租單車九成九係幾百蚊車款， 未必好踩同舒服，不過Wecycle租嘅車款除咗有台灣大牌Giant MTB外，更有Dahon摺車，存車量每款都有幾十架，而且pro到XXS至L尺碼齊晒，男女都啱踩！雖然街客租車需畀$1,500（摺車） 同$3,000（MTB）按金，但做會員可以豁免，而且入會費全免同即時批核，買嘢仲有九折，入到去必申請！
Wecycle
日租時間：10:00-20:00(星期一至五)、09:00-20:00(星期六及公眾假期) 夜租時間：19:00-11:59 查詢：2476 0202
罕有出租碟剎 Giant Revel
元朗附近單車徑都唔算非常平坦，要穩陣揀MTB就最啱嘞！呢架Giant Revel硬架MTB日租$80，街價都要賣過$3,000，除咗有齊前避震同24速Shimano指撥轉波外，最勁仲用到出租車罕見嘅碟式迫力，當然成為最搶手車款！
厚座位最舒服 Giant Rincon
除 咗Giant Revel之外，同場亦有另一款MTB Rincon，日租同樣$80，雖然級數比Revel低少少冇咗碟迫力，不過一樣係鋁架車，同有齊前避震同24速Shimano指撥轉波。筆者最buy就 係Rincon個座椅係3架車之中最好坐，坐足半日都唔會痛，踩長途必揀！
摺車輕鬆方便 Dahon Dream B6
除咗租MTB，呢度仲有最受單車友like嘅Dahon名牌摺車，雖然唔係top model，不過呢架又名HT-060嘅Dream B6日租只係$60，20吋車轆操控容易，配6速波箱踩元朗平原夠晒，加上車管低，女士踩最啱！
踩入錦田更新鮮
九 成人入元朗踩車都係去附近南生圍踩個round就算，不過今次有Wecycle陀地帶路，就主力推介隱藏喺錦田水頭、水尾村一帶嘅遊樂路線。喺元朗沿單車 徑踩過去約1個鐘左右，再沿村路踩會有唔少名勝古蹟睇吓，仲可以入埋附近農場參觀同食個lunch，來回加埋可以玩足半日，寫意過人多車迫嘅吐露港好多！
Start：從單車徑起步
租完車推2分鐘車就可以去到青山公路旁邊嘅單車徑，不過單車徑一個路牌都冇，要留意馬路路牌，跟錦田方向就冇問題。
Check Point 1：離單車徑入村
一路踩單車徑入錦田，沿路會經過中石化油站，慢踩約45分鐘就會見到指入水頭、水尾村路牌，跟路牌左轉直入就可以入村。
Check Point 2：參觀清朝書院
入到水頭、水尾村，首先會見到一羣舊建築，呢度就係建於清朝道光初年有200年歷史嘅二帝書院，入面除供奉文武二帝外，二戰前亦係供文昌會子弟學習嘅書室。
Check Point 3：入貓頭鷹勝地
離開二帝書院，直入5分鐘就會見到一堆龍友對住棵樹狂影，呢度就係錦田最出名嘅樹屋，樹屋據講原本係書齋，旁邊大榕樹自書齋主人搬走後無人理，之後不斷長到纏住石屋嘅奇景，而且呢度日與夜都有罕見貓頭鷹出沒，吸引大批龍友，去到記得保持安靜，咪嚇走貓頭鷹！
Check Point4：$70食私房農家菜
睇 完樹屋貓頭鷹，再沿村路田間踩10分鐘，就會到達開業2年嘅復興農場，入面有種滿時令蔬菜嘅菜田，仲有箭豬、盾臂龜等動物睇，參觀費用全免，亦有冰凍飲品 出售，不過參觀前記得打個電話畀老闆開門畀你。預早一日聯絡仲可以畀每位$70食場主私房農家菜，至少要5人一枱，菜式由場主自定，揀當地當造材料煮成， 風味十足！
復興農場 地址：元朗錦田大江埔114號 查詢：9621 7239 ####
想了解錦田多啲又唔識路，Wecycle提供導遊帶隊服務。
前後燈用微型LED車燈，用嚟照明唔夠用，不過就符合法例。
咪表有時間、車速同距離顯示，而且仲重本用Cateye型號。
為咗令租客踩得輕鬆，車上設有小儲物袋，足夠放銀包、電話同相機，同時鋪頭亦有大件行李寄存服務。
車尾有張QR code咭，可以用下載咗QR code reader嘅手機嘟個Google Map引路帶你返鋪頭。
用機械式碟迫力，用落比V-brake更加線性。
座位都係原廠Giant出品，不過坐落非常舒適。
租過夜摺車最好，因為摺埋放屋企唔阻地方又安全。
當日就俾我哋見到一隻貓頭鷹，有成罐氣水咁大隻！
入到場內有隻好似背囊咁大嘅盾臂龜，唔怕人會跟住人走，勁cute！
當日去到同行5個人，老闆共煮咗6餸1湯，最正係用蛋同肉碎焗嘅農場番茄（上），又甜又多汁；仲有即焗嘅元朗出產大烏頭（下），啲肉夠鮮甜。
家夏天仲有期間限定菠蘿、自種青瓜同茄子嘅沙律，勁freah！
沒有留言:
張貼留言