單車種類繁多，每個車種都會有佢自己特性同功能，筆者覺得最怪嘅車種，就係近年先出現嘅小輪徑，事關佢車轆得20吋兼且唔摺得，講穩定一定唔及傳統大車、講收藏又唔及摺車慳位，但事實上卻有唔少車友鍾情小輪徑，令筆者非常費解！
為咗一個好奇心，今期就搵咗幾位小輪徑忠實fans，解構小輪徑嘅吸引之處！
細車轆練氣易 馬仔×KHS Urban Racing
小 輪徑車仔細細唔好以為只為休閒而設，其實香港都有唔少人改到好似road bike咁踩，好似喺2011年滙豐環南中國國際單車大賽拎冠軍嘅馬仔，4年前開始接觸小輪徑，家依然keep住踩，而且仲用小輪徑參加比賽。「我本身 玩MTB先，之後至轉玩road bike，踩咗半年後先有朋友借架小輪徑玩吓，之後發覺架車幾好去，而且車轆比road bike細啲，踩起上嚟用嘅力少咗，所以我家除咗多咗參加小輪徑公路賽外，仲會用架小輪徑操車，因為用嘅力少啲可以踩更長途，主要練吓條氣，練力先用番 普通road bike，都幾有用㗎！」 KHS Urban Racing Spec. 車架：KHS Urban Racing鋁合金 傳動：Shimano 150 2x10速 制動：前後Shimano Ultegra卡鉗式 輪組：前後Carbon Custom 車價：約$18,800
香港啲馬路鬼咁死多燈位，用輕腳啲嘅小輪徑會仲好玩！
其 實小輪徑個車轆比road bike細咗成個碼，行車穩定性肯定比較飄，但馬仔反而覺得小輪徑更好玩：「講穩定、好踩肯定係road bike，不過香港啲馬路鬼死咁多燈位，用比較重腳嘅road bike踩會好辛苦，反而用輕腳啲嘅小輪徑會仲好玩，而且有時用架小輪徑都可以追到啲road bike車友，嗰種成功感比真正速度開心好多！」馬仔仲話佢用road bike踩車最勁可以平路爆至60km/h以上，不過用小輪徑最勁都係50km/h左右，由屯門爆盡踩到荃灣會慢2分鐘，對車手差2分鐘好大分別，但對筆 者嚟講其實係差唔多。
視覺上比實際小 Wayne×Takumi TKM905
筆者唔明有小輪徑同摺車揀，偏偏就有 人好似阿Wayne咁唔揀摺得嘅摺車，反而揀冇得摺嘅小輪徑，而且仲改到成架road bike咁，唔通真係威啲？細問阿Wayne，原來揀小輪徑並唔係為威咁簡單。「我一開始係先踩road bike，不過因為屋企人覺得架車實在太阻地方，試過踩摺車又覺得架車好飄，所以先試吓傳說似road bike嘅小輪徑，睇吓會唔會冇咁阻地方，雖然拎到返屋企唔係想像中咁細，但最後出奇地屋企人竟然接受到，所以就將架小輪徑改成road bike咁繼續踩車嘞！」阿Wayne仲話小輪徑最多比road bike細20%左右，但最大因素都係個細車轆令人產生錯覺，所以如果有車友俾屋企人投訴，換小輪徑的確係好方法。 Takumi TKM905 Spec. 車架：Takumi TKM905鋁合金 傳動：Shimano 150 2x10速 制動：前後Tektro R530卡鉗式 輪組：前後Sunrise 20線 車價：約$19,000
Road bike架架差唔多樣，小輪徑可塑性比road bike強好多！
其實市面上玩得 小輪徑10個有9個都會將架車大改，再問阿Wayne如果冇限制，仲會唔會揀番小輪徑，結果佢都係覺得小輪徑吸引啲，全因小輪徑改裝潛力大。「Road bike雖然夠快而且定好多，不過我覺得個樣就比較悶，架架都差唔多樣，好似小輪徑鍾意點改都得，好似我想架車用靚嘅road bike件，落個road bike把手又得，好似我呢架新車入手$4,600，最後用咗成$12,000改成而家咁；唔like road bike setting想用MTB件再改直把手都可以，只要留意車尾唔裝得『長波腳』以免刮地就得，可塑性比road bike強好多！而且小輪徑車身重心低，高彎會靈活好多㗎！」
罕玩避震小輪 Samuel×Speedone SOR
除 咗可以改到road bike款咁踩，亦都有人以小輪徑做郊遊工具，不過一般小輪徑都係以硬叉、硬架為主，踩入爛少少嘅草地、泥地一定扽到暈，所以鍾意踩車周圍去嘅 Samuel就醒揀咗架齊前後避震嘅小輪徑嘞！「我原本踩開摺車嘅，之後試過朋友架小輪徑，發覺啲角度好正，即刻想換架玩吓，之後睇睇吓就發現呢架有齊前 後避震嘅小輪徑好特別，試車時行過啲泥地都唔會好扽，比一般小輪徑舒服好多，加上車架仲可以用番26吋大轆玩真正off-road，即使架車成3萬蚊都決 心換車。」 Speedone SOR Spec. 車架：Speedone SOR 鋁合金、碳纖維尾懸掛連桿 懸掛：Rockshox Reba RLT 80mm（前）、ROCKSHOX Monarch RT3（後） 傳動：SRAM X0 3x10速 制動：前後Avid X0油壓碟式 輪組：前後FAXSON FA20CO 451 Disc 車價：約$38,000
玩真正off road小輪徑未必應付到，用番26吋轆最好。
筆者都有玩開MTB，見到呢架 有前後避震嘅小輪徑，但又可以成架車換轆變成26吋MTB咁爆，自然會問有冇試過用細轆入山？「其實用細轆踩最多都係行吓新界村路咁，即使有齊前後避震， 個轆咁細就算落長樓梯都一定頂唔順，而且轆細入山好易入坑炒車，所以都會用番26吋轆先敢入山玩越野單車徑。不過如果去郊遊當然會係用番20吋細轆啦，因 為入新界啲村路有時好窄，所以用細轆會比大轆靈活好多，轉彎都冇咁扽啦！」
Complete靚小輪
唔好以為個個將架小輪徑激改，就以為出面冇complete車賣，其實市場上都有唔少靚小輪選擇，入門由$3,000至神級$30,000都有，當然愈貴嘅車用料最好，要改嘅機會自然細好多。
經濟玩色至上 Doppelganger 552 Vortex V2 日系玩色專家Doppelganger，小輪徑車款552 Vortex V2雖然唔係用靚件包裝，但黑色車架撞紅色車件，連條鏈都用埋紅色，踩出街唔快得都叫可以型吓！$2,930(a)
中價講求特色 Cannondale Hooligan 1 美牌Cannodale出名以lefty前叉MTB響朵，即使出小輪徑都不忘加入生招牌，雖然lefty前叉冇避震系統，不過其形望落已經好爆！$8,300(b)
頂級追求用料 Speedone R30 玩到最頂級嘅小輪徑，同road bike一樣都係玩手工同物料，呢架手工造Speedone R30用咗英國Reynolds 725低溫氣冷強化鋼材，加埋有BB30 road bike五通中軸規格同Sram Rival波箱，夠晒威！$22,845(c)
a）http://www.buy-friendly.com b）飛球單車行（2381 3661） c）Pro Bike Center（35680629） ####
馬仔's Profile 年齡：22 職業：單車店技術顧問 小輪徑年資：4年
泊埋一齊發覺尾座角度比較斜，實際小輪徑只係比road bike短咗約10mm左右，唔細架得好多。
馬仔架車用嘅車軨，係朋友為佢自家製嘅碳纖軨，獨一無二。
車架尾三角比較長，相信小輪徑吸震力會比road bike強。
改用road bike把手，係落場小輪徑必改parts。
連座椅都用同road bike一樣嘅碳纖款式。
Wayne Ng's Profile 年齡：23 職業：救生員 小輪徑年資：2年
所有MTR或road bike傳動件都可以用喺小輪徑之上。
只有小輪徑車架可以喺尾座樋設有水壺架。
碳纖前叉唔係road bike專利，小輪徑一樣可以有。
五通中軸仲未有家road bike最hit嘅BB3D，行車當然冇road bike咁定。
Samuel's Profile 年齡：35 職業：單車店行政經理 小輪徑年資：1年
大部分小輪徑叉盤比較長，即使Samul呢架避震車一樣係，比一架MTB長3分1左右。
用普通MTB前叉都可以，方便大細轆轉換。
裝上28吋轆，原來全睇唔出個車架係水輸徑。
20吋轆只可以應付到新界村路。
Samuel架Speedone SOR車架係特別為20吋小輪徑（右）同26吋MTB（上）兩用設計，非常罕見。
細車轆練氣易 馬仔×KHS Urban Racing
小 輪徑車仔細細唔好以為只為休閒而設，其實香港都有唔少人改到好似road bike咁踩，好似喺2011年滙豐環南中國國際單車大賽拎冠軍嘅馬仔，4年前開始接觸小輪徑，家依然keep住踩，而且仲用小輪徑參加比賽。「我本身 玩MTB先，之後至轉玩road bike，踩咗半年後先有朋友借架小輪徑玩吓，之後發覺架車幾好去，而且車轆比road bike細啲，踩起上嚟用嘅力少咗，所以我家除咗多咗參加小輪徑公路賽外，仲會用架小輪徑操車，因為用嘅力少啲可以踩更長途，主要練吓條氣，練力先用番 普通road bike，都幾有用㗎！」 KHS Urban Racing Spec. 車架：KHS Urban Racing鋁合金 傳動：Shimano 150 2x10速 制動：前後Shimano Ultegra卡鉗式 輪組：前後Carbon Custom 車價：約$18,800
香港啲馬路鬼咁死多燈位，用輕腳啲嘅小輪徑會仲好玩！
其 實小輪徑個車轆比road bike細咗成個碼，行車穩定性肯定比較飄，但馬仔反而覺得小輪徑更好玩：「講穩定、好踩肯定係road bike，不過香港啲馬路鬼死咁多燈位，用比較重腳嘅road bike踩會好辛苦，反而用輕腳啲嘅小輪徑會仲好玩，而且有時用架小輪徑都可以追到啲road bike車友，嗰種成功感比真正速度開心好多！」馬仔仲話佢用road bike踩車最勁可以平路爆至60km/h以上，不過用小輪徑最勁都係50km/h左右，由屯門爆盡踩到荃灣會慢2分鐘，對車手差2分鐘好大分別，但對筆 者嚟講其實係差唔多。
視覺上比實際小 Wayne×Takumi TKM905
筆者唔明有小輪徑同摺車揀，偏偏就有 人好似阿Wayne咁唔揀摺得嘅摺車，反而揀冇得摺嘅小輪徑，而且仲改到成架road bike咁，唔通真係威啲？細問阿Wayne，原來揀小輪徑並唔係為威咁簡單。「我一開始係先踩road bike，不過因為屋企人覺得架車實在太阻地方，試過踩摺車又覺得架車好飄，所以先試吓傳說似road bike嘅小輪徑，睇吓會唔會冇咁阻地方，雖然拎到返屋企唔係想像中咁細，但最後出奇地屋企人竟然接受到，所以就將架小輪徑改成road bike咁繼續踩車嘞！」阿Wayne仲話小輪徑最多比road bike細20%左右，但最大因素都係個細車轆令人產生錯覺，所以如果有車友俾屋企人投訴，換小輪徑的確係好方法。 Takumi TKM905 Spec. 車架：Takumi TKM905鋁合金 傳動：Shimano 150 2x10速 制動：前後Tektro R530卡鉗式 輪組：前後Sunrise 20線 車價：約$19,000
Road bike架架差唔多樣，小輪徑可塑性比road bike強好多！
其實市面上玩得 小輪徑10個有9個都會將架車大改，再問阿Wayne如果冇限制，仲會唔會揀番小輪徑，結果佢都係覺得小輪徑吸引啲，全因小輪徑改裝潛力大。「Road bike雖然夠快而且定好多，不過我覺得個樣就比較悶，架架都差唔多樣，好似小輪徑鍾意點改都得，好似我想架車用靚嘅road bike件，落個road bike把手又得，好似我呢架新車入手$4,600，最後用咗成$12,000改成而家咁；唔like road bike setting想用MTB件再改直把手都可以，只要留意車尾唔裝得『長波腳』以免刮地就得，可塑性比road bike強好多！而且小輪徑車身重心低，高彎會靈活好多㗎！」
罕玩避震小輪 Samuel×Speedone SOR
除 咗可以改到road bike款咁踩，亦都有人以小輪徑做郊遊工具，不過一般小輪徑都係以硬叉、硬架為主，踩入爛少少嘅草地、泥地一定扽到暈，所以鍾意踩車周圍去嘅 Samuel就醒揀咗架齊前後避震嘅小輪徑嘞！「我原本踩開摺車嘅，之後試過朋友架小輪徑，發覺啲角度好正，即刻想換架玩吓，之後睇睇吓就發現呢架有齊前 後避震嘅小輪徑好特別，試車時行過啲泥地都唔會好扽，比一般小輪徑舒服好多，加上車架仲可以用番26吋大轆玩真正off-road，即使架車成3萬蚊都決 心換車。」 Speedone SOR Spec. 車架：Speedone SOR 鋁合金、碳纖維尾懸掛連桿 懸掛：Rockshox Reba RLT 80mm（前）、ROCKSHOX Monarch RT3（後） 傳動：SRAM X0 3x10速 制動：前後Avid X0油壓碟式 輪組：前後FAXSON FA20CO 451 Disc 車價：約$38,000
玩真正off road小輪徑未必應付到，用番26吋轆最好。
筆者都有玩開MTB，見到呢架 有前後避震嘅小輪徑，但又可以成架車換轆變成26吋MTB咁爆，自然會問有冇試過用細轆入山？「其實用細轆踩最多都係行吓新界村路咁，即使有齊前後避震， 個轆咁細就算落長樓梯都一定頂唔順，而且轆細入山好易入坑炒車，所以都會用番26吋轆先敢入山玩越野單車徑。不過如果去郊遊當然會係用番20吋細轆啦，因 為入新界啲村路有時好窄，所以用細轆會比大轆靈活好多，轉彎都冇咁扽啦！」
Complete靚小輪
唔好以為個個將架小輪徑激改，就以為出面冇complete車賣，其實市場上都有唔少靚小輪選擇，入門由$3,000至神級$30,000都有，當然愈貴嘅車用料最好，要改嘅機會自然細好多。
經濟玩色至上 Doppelganger 552 Vortex V2 日系玩色專家Doppelganger，小輪徑車款552 Vortex V2雖然唔係用靚件包裝，但黑色車架撞紅色車件，連條鏈都用埋紅色，踩出街唔快得都叫可以型吓！$2,930(a)
中價講求特色 Cannondale Hooligan 1 美牌Cannodale出名以lefty前叉MTB響朵，即使出小輪徑都不忘加入生招牌，雖然lefty前叉冇避震系統，不過其形望落已經好爆！$8,300(b)
頂級追求用料 Speedone R30 玩到最頂級嘅小輪徑，同road bike一樣都係玩手工同物料，呢架手工造Speedone R30用咗英國Reynolds 725低溫氣冷強化鋼材，加埋有BB30 road bike五通中軸規格同Sram Rival波箱，夠晒威！$22,845(c)
a）http://www.buy-friendly.com b）飛球單車行（2381 3661） c）Pro Bike Center（35680629） ####
馬仔's Profile 年齡：22 職業：單車店技術顧問 小輪徑年資：4年
泊埋一齊發覺尾座角度比較斜，實際小輪徑只係比road bike短咗約10mm左右，唔細架得好多。
馬仔架車用嘅車軨，係朋友為佢自家製嘅碳纖軨，獨一無二。
車架尾三角比較長，相信小輪徑吸震力會比road bike強。
改用road bike把手，係落場小輪徑必改parts。
連座椅都用同road bike一樣嘅碳纖款式。
Wayne Ng's Profile 年齡：23 職業：救生員 小輪徑年資：2年
所有MTR或road bike傳動件都可以用喺小輪徑之上。
只有小輪徑車架可以喺尾座樋設有水壺架。
碳纖前叉唔係road bike專利，小輪徑一樣可以有。
五通中軸仲未有家road bike最hit嘅BB3D，行車當然冇road bike咁定。
Samuel's Profile 年齡：35 職業：單車店行政經理 小輪徑年資：1年
大部分小輪徑叉盤比較長，即使Samul呢架避震車一樣係，比一架MTB長3分1左右。
用普通MTB前叉都可以，方便大細轆轉換。
裝上28吋轆，原來全睇唔出個車架係水輸徑。
20吋轆只可以應付到新界村路。
Samuel架Speedone SOR車架係特別為20吋小輪徑（右）同26吋MTB（上）兩用設計，非常罕見。
沒有留言:
張貼留言