-
Scroll Page | Stop Scrolling
近年醫管局不時引進尖端科技，最突出是機械臂達文西。
這儀器用於更精密的微創手術，可深入位置極狹窄的盆腔做切割，特別適用於前列腺癌、子宮瘤及尿失禁等病人，可減少病人手術期間失血情況。
目前公立醫院有四部達文西，每部二千多萬，總造價達一億元，分布於不同聯網，惟因各醫院的山頭主義，再加上醫管局根本無培訓醫生使用達文西，令這手術臂使用率不足一半，造成大浪費。
「砰！砰！砰！」六十七歲的沈先生，在土瓜灣一間肉食公司做「豬肉佬」近五十年，斬豬肉當食生菜。他○七年在私家診所做身體檢查時，偶然發現前列腺指數超標一倍，醫生轉介他往沙田威爾斯親王醫院做詳細檢查，才發現患有初期前列腺癌，成為第一批使用達文西機械臂的病人。
一個月開工
「手 術做咗四個鐘，喺醫院住咗三日就出院，一個星期後拆線除尿袋，一個月後就返街市開工，日日企喺度斬豬肉都冇滲尿，我都覺得康復得好快！」沈先生邊斬豬肉邊 說，記者問他性功能有冇影響，他即說：「冇呀！」果然有氣有力。 沈先生的主診醫生、中文大學泌尿外科教授吳志輝表示，達文西是近年外科技術上一大突破，「病人做手術會少咗流血，而且好快可以出院（以前開刀平均住院十七 日，用達文西八日就可出院），可以保留番性能力，唔會容易滲尿，以前開刀做呢類手術，喺盆腔咁窄個位，放隻手落去已遮住咗，好難做，新科技對病人有好處， 應該多啲人可以享用。我哋最初過新加坡上堂學識點用，又請外國專家來示範。」 備受推崇的手術臂理應長期爆滿，不過威爾斯、瑪麗、東區尤德和瑪嘉烈醫院雖然各有一部達文西，每部達文西每年應可做二百至三百宗手術，四部機應可做至少一 千宗，但根據醫管局的資料，去年四間醫院只做了四百九十一宗，使用率不足一半。瑪嘉烈醫院的使用量最低，只有八十九宗，瑪麗一百一十三宗，東區尤德一百五 十五宗，威爾斯一百一十五宗；其他聯網的公立醫院病人使用情況就更少，廣華醫院只有三個病人使用，伊利沙伯和屯門醫院合共只有八個病人使用，觀塘聯合醫院 一個病人也沒有！
有得睇冇得用
公共外科醫生聯盟創會會長傅錦峯認為達文西的分配嚴重不均，「只有4%非聯網嘅病人有 得用，好多外科及泌尿科醫生都覺得對病人好唔公平。」 三十八歲的傅錦峯是泌尿科醫生，他表示醫管局五年前已引入達文西，應該愈來愈多人可以受惠，但情況卻剛好相反，因為醫院根本無計劃教導更多醫生使用達文 西，目前可以獨立使用手術臂的專科醫生只有十多個，十分不足，醫生想學習使用都無途徑。「好多外科同泌尿科醫生都敢怒不敢言，擔心出聲會受壓，所以我去年 底就成立咗聯盟，希望為病人和同行出吓聲。」九九年中大醫學院畢業的他，在屯門長大，「我生於基層，明白民間疾苦，屯門醫院都有好多前列腺癌症病人，數目 肯定唔會少過瑪嘉烈同瑪麗，點解佢哋就冇機會去享用新技術？不單只病人用唔到，醫生亦冇機會受訓，就算係其他聯網嘅主管級，都只係有得睇冇得用，這個就係 山頭主義，咁樣管理，病人同醫生都成為受害者。」 在山頭主義下，醫院就算有手術臂都得物無所用，其中一個矛頭，就是指瑪麗醫院泌尿科主管姚銘廣醫生。姚銘廣原本是瑪嘉烈醫院的泌尿科主管，去年七月轉投瑪 麗，「佢喺瑪嘉烈時，成個泌尿科得佢一個識用達文西，唔好話其他聯網，連瑪嘉烈其他外科醫生都係有得睇冇得學，佢去年走咗，接佢手嘅醫生全部都要重新學 過，咪搞到啲症咁少。」消息人士說。
主管獨食唔教人
據悉姚銘廣早有前科，「基本上，佢冇心同計劃去develop其 他醫生，例如人造膀胱手術，佢好少教人做，有啲醫生甚至被封刀，有啲senior被安排行行企企，近排工會有人嘈才收斂，要放番（手術）出嚟。佢做瑪嘉烈 泌尿科主管時，副手張富強醫生就被佢封刀十多年，而家佢走咗先有運行，但都年近五十歲了。」消息人士說。 記者向姚銘廣查詢，他說：「大家而家都熱烈討論點用達文西，部機最好所有人都用到，但如果其他醫院嘅症走晒過嚟，occupy咗其他手術時間，對我哋自己 病人都有影響，我都冇可能生啲時間出來。」記者指有醫生不滿其「獨食」，他就說：「新技術一開始，梗係由一兩間醫院做起先，之後先spread出去，而家 我哋同廣華都開始一齊做，都唔可以一步到位。」 前醫管局總監、候任食物及衞生局局長大熱高永文亦關注事件，他說：「呢個係資源分配問題，當年我做總監時，伊利沙伯醫院得一部MRI（磁力共振），覺得對 病人有用，於是總部就搞咗個共用機制，同各聯網部門主管傾，而家每間醫院都有一部。」醫管局發言人則表示，未來會繼續安排沒有機械臂設施的聯網醫院，進行 更多這類的培訓手術。 ####
患了前列腺癌的沈先生，接受了機械臂微創手術後一個月就返工斬豬肉，刀刀有力，並無滲尿。
目前本港四間公立醫院有達文西，私家醫院養和亦有一部，醫生坐在控制室（箭嘴）就可遙控機械臂進行前列腺癌切除手術。
達文西手術可以3D影像進行，臂前端的手術鉗可三百六十度屈曲，穿針引線無難度。
唔可以話今日買部機，聽日就全部醫生過來用。 被指「獨食」多年的姚銘廣，現時是瑪麗醫院泌尿外科主管，他說已開始和其他醫院共同享用達文西。
山頭主義嚴重，非聯網醫生好難有機會用部機！ 傅錦峯認為達文西未能令病人受惠，造成浪費，更直指「醫院高層霸住自己用」，總部又欠缺監察機制，影響資源分配。
醫管局近年推行手術新科技，但欠缺監管，行政總裁梁柏賢（右）和主席胡定旭（左）難辭其咎。（《蘋果日報》圖片）
這儀器用於更精密的微創手術，可深入位置極狹窄的盆腔做切割，特別適用於前列腺癌、子宮瘤及尿失禁等病人，可減少病人手術期間失血情況。
目前公立醫院有四部達文西，每部二千多萬，總造價達一億元，分布於不同聯網，惟因各醫院的山頭主義，再加上醫管局根本無培訓醫生使用達文西，令這手術臂使用率不足一半，造成大浪費。
「砰！砰！砰！」六十七歲的沈先生，在土瓜灣一間肉食公司做「豬肉佬」近五十年，斬豬肉當食生菜。他○七年在私家診所做身體檢查時，偶然發現前列腺指數超標一倍，醫生轉介他往沙田威爾斯親王醫院做詳細檢查，才發現患有初期前列腺癌，成為第一批使用達文西機械臂的病人。
一個月開工
「手 術做咗四個鐘，喺醫院住咗三日就出院，一個星期後拆線除尿袋，一個月後就返街市開工，日日企喺度斬豬肉都冇滲尿，我都覺得康復得好快！」沈先生邊斬豬肉邊 說，記者問他性功能有冇影響，他即說：「冇呀！」果然有氣有力。 沈先生的主診醫生、中文大學泌尿外科教授吳志輝表示，達文西是近年外科技術上一大突破，「病人做手術會少咗流血，而且好快可以出院（以前開刀平均住院十七 日，用達文西八日就可出院），可以保留番性能力，唔會容易滲尿，以前開刀做呢類手術，喺盆腔咁窄個位，放隻手落去已遮住咗，好難做，新科技對病人有好處， 應該多啲人可以享用。我哋最初過新加坡上堂學識點用，又請外國專家來示範。」 備受推崇的手術臂理應長期爆滿，不過威爾斯、瑪麗、東區尤德和瑪嘉烈醫院雖然各有一部達文西，每部達文西每年應可做二百至三百宗手術，四部機應可做至少一 千宗，但根據醫管局的資料，去年四間醫院只做了四百九十一宗，使用率不足一半。瑪嘉烈醫院的使用量最低，只有八十九宗，瑪麗一百一十三宗，東區尤德一百五 十五宗，威爾斯一百一十五宗；其他聯網的公立醫院病人使用情況就更少，廣華醫院只有三個病人使用，伊利沙伯和屯門醫院合共只有八個病人使用，觀塘聯合醫院 一個病人也沒有！
有得睇冇得用
公共外科醫生聯盟創會會長傅錦峯認為達文西的分配嚴重不均，「只有4%非聯網嘅病人有 得用，好多外科及泌尿科醫生都覺得對病人好唔公平。」 三十八歲的傅錦峯是泌尿科醫生，他表示醫管局五年前已引入達文西，應該愈來愈多人可以受惠，但情況卻剛好相反，因為醫院根本無計劃教導更多醫生使用達文 西，目前可以獨立使用手術臂的專科醫生只有十多個，十分不足，醫生想學習使用都無途徑。「好多外科同泌尿科醫生都敢怒不敢言，擔心出聲會受壓，所以我去年 底就成立咗聯盟，希望為病人和同行出吓聲。」九九年中大醫學院畢業的他，在屯門長大，「我生於基層，明白民間疾苦，屯門醫院都有好多前列腺癌症病人，數目 肯定唔會少過瑪嘉烈同瑪麗，點解佢哋就冇機會去享用新技術？不單只病人用唔到，醫生亦冇機會受訓，就算係其他聯網嘅主管級，都只係有得睇冇得用，這個就係 山頭主義，咁樣管理，病人同醫生都成為受害者。」 在山頭主義下，醫院就算有手術臂都得物無所用，其中一個矛頭，就是指瑪麗醫院泌尿科主管姚銘廣醫生。姚銘廣原本是瑪嘉烈醫院的泌尿科主管，去年七月轉投瑪 麗，「佢喺瑪嘉烈時，成個泌尿科得佢一個識用達文西，唔好話其他聯網，連瑪嘉烈其他外科醫生都係有得睇冇得學，佢去年走咗，接佢手嘅醫生全部都要重新學 過，咪搞到啲症咁少。」消息人士說。
主管獨食唔教人
據悉姚銘廣早有前科，「基本上，佢冇心同計劃去develop其 他醫生，例如人造膀胱手術，佢好少教人做，有啲醫生甚至被封刀，有啲senior被安排行行企企，近排工會有人嘈才收斂，要放番（手術）出嚟。佢做瑪嘉烈 泌尿科主管時，副手張富強醫生就被佢封刀十多年，而家佢走咗先有運行，但都年近五十歲了。」消息人士說。 記者向姚銘廣查詢，他說：「大家而家都熱烈討論點用達文西，部機最好所有人都用到，但如果其他醫院嘅症走晒過嚟，occupy咗其他手術時間，對我哋自己 病人都有影響，我都冇可能生啲時間出來。」記者指有醫生不滿其「獨食」，他就說：「新技術一開始，梗係由一兩間醫院做起先，之後先spread出去，而家 我哋同廣華都開始一齊做，都唔可以一步到位。」 前醫管局總監、候任食物及衞生局局長大熱高永文亦關注事件，他說：「呢個係資源分配問題，當年我做總監時，伊利沙伯醫院得一部MRI（磁力共振），覺得對 病人有用，於是總部就搞咗個共用機制，同各聯網部門主管傾，而家每間醫院都有一部。」醫管局發言人則表示，未來會繼續安排沒有機械臂設施的聯網醫院，進行 更多這類的培訓手術。 ####
患了前列腺癌的沈先生，接受了機械臂微創手術後一個月就返工斬豬肉，刀刀有力，並無滲尿。
目前本港四間公立醫院有達文西，私家醫院養和亦有一部，醫生坐在控制室（箭嘴）就可遙控機械臂進行前列腺癌切除手術。
達文西手術可以3D影像進行，臂前端的手術鉗可三百六十度屈曲，穿針引線無難度。
唔可以話今日買部機，聽日就全部醫生過來用。 被指「獨食」多年的姚銘廣，現時是瑪麗醫院泌尿外科主管，他說已開始和其他醫院共同享用達文西。
山頭主義嚴重，非聯網醫生好難有機會用部機！ 傅錦峯認為達文西未能令病人受惠，造成浪費，更直指「醫院高層霸住自己用」，總部又欠缺監察機制，影響資源分配。
醫管局近年推行手術新科技，但欠缺監管，行政總裁梁柏賢（右）和主席胡定旭（左）難辭其咎。（《蘋果日報》圖片）
沒有留言:
張貼留言