時間過得真係快！上年呢個時間，睇住張栢芝黐鬼線同「自拍人魔」陳冠希喺機艙影「自殺合照」，之後見住謝霆鋒同佢搞咗場離婚大龍鳳，媽咪姐齋睇都覺得好鬼煩！最難為Lucas同Quintus人仔細細就要接受咗啲咁深層次嘅反面教育啫。
呢 一年間，復合傳聞無停過，最近就因為一家四口齊齊整整咁去Lucas嘅家長日，更加傳到似層層！媽咪姐呢，唔識夜觀天象、預測未來，只係見栢芝周二（8 日）出席《影子愛人》北京記者會時，眼無焦距，嘴角抽緊嘅樣，就知道復合無咁易囉！老實講，當日霆鋒點會單單為一張「自殺合照」而離婚呢？大家點會忘記 「艷照門」吖？男人嘅大忌，栢芝中晒咁滯！嗰張合照只係自插一刀，送自己一程啫。 之不過咁，媽咪姐真心認為，鋒芝實在係「天生一對」嘅！放眼成個娛樂圈，有邊個做到佢哋嗰種喺刻意低調中，又唔覺意變高調嘅境界先？一個將chok完全融 入咗生活嘅爹哋；一個估佢唔到下一秒會做啲乜嘅媽咪。普通人，點handle呀？
大合照後，栢芝仍強顏歡笑，但同男主角權相佑零交流。《蘋果日報》圖片
早前鋒芝兩人難得一齊出席Lucas家長日，令復合之說甚囂塵上。如果屬實，一家四口嘅幸福情景大家已即時見到啦，係咪？
呢套「連續劇」有排未完，鋒芝係唔會悶親大家嘅！信我。
鋒芝分婚Fun
一年前，鋒芝變熱烈上演，結果因霆鋒不知怎樣繼續走下去而落幕。今日，坊間盛傳栢芝以三頁紙悔過書令霆鋒回心轉意，兜兜轉轉一輪前塵恩怨煙消雲散，惟當事人斬釘截鐵否認復合。姑勿論傳聞孰真孰假，鋒芝要復合也得通過幾個考驗，破了的鏡子方可重圓。 撰文：妮芬蘇
放棄珍藏
栢芝曾數臭霆鋒戴黑超懶型，仲掛住打機唔湊仔。相信鋒芝要復合，霆鋒私藏的黑超和電腦遊戲一律冇得留低。
空中繳械
去年因與陳冠希機艙自拍而鬧婚變，今後栢芝若要搭飛機，向空姐們「繳械」是常識吧。
狂掃食材
霆鋒失驚無神做廚佬，栢芝夫唱婦隨，勢必一車車購入食材返家玩煮飯仔，令其所住地區物價急劇上漲。
豪龍擺酒
盛傳「打手」張豪龍一直唔妥霆鋒，今次睇在家姐及日後生計份上，自掏腰包擺和頭酒又點話。
甩金掃帚
爛片影后栢芝叠埋心水湊碌昆（Lucas和Quintus），無緣冧莊金掃帚和金話梅，導演陳勳奇要拍楊家將續集也得另覓人選。
Chok爆記招
連場勞師動眾的大龍鳳記者會蓄勢待發，預計影帝影后在會上將大chok特chok，恩愛之情羨煞旁人。
不再逃學
Lucas終於不用跟栢芝四圍飛，重過正常的學童生活。可憐李克勤的乖仔Ryan，因與Lucas做同學而可能日日見報。
Swing玩復出
Swing埋齋演唱會，栢芝甩底，連累霆鋒俾人玩。鋒芝復合的話，斷估Swing都要復出，在紅館搵多一水。
簽名三思
當年有傳霆鋒將手頭上的物業全部轉名給栢芝，結果釀成家變。今後Lucas的家課冊要簽名，量霆鋒也不敢簽。
放棄珍藏
沒有留言:
張貼留言