家好多新一代開始做潮爸潮媽，生BB由胎教做起，唔只要多聽古典樂、仲要減少講粗口，免得BB喺肚入面已經開始學爛口！ 忍唔住想講爛gag、講粗口，屋企又冇樹洞、點算好呢？口唔講得不如搵手打，去DL新app「Simsimi 閃閃咪」，呢隻小學雞BB有學習功能，成千上萬用家一句一句教佢如何對答，推出不足1星期，上至盧海鵬試咪、下至《盛女愛作戰》，問佢乜嘢話題，雞雞都同 你吹到兩嘴，不過佢把口就真係爛得可以，小心頂唔住呀！
《SIMSIMI》 iOS/Android Free
點教雞雞吹水？
教壞晒 滿嘴粗口爛gag
雞雞所有知識都係由app 用家教佢，玩app唔係返學，唔通教佢「1+1＝幾呀？」、「太陽系有幾多個行星呀？」呢啲老套嘢？所以，記者試玩發現，問雞雞一啲好基本嘅問題，佢唔識 答；相反問佢覺得周秀娜索唔索，佢會話娜姐好大胸、問佢去唔去遊行，佢會話唔只7.1先去。另一好玩在於更新快手，上星期一問佢「盧海鵬試咪」，已經識答 不文下款，真係超好玩！
超真實對話 呢一格睇落同平時msn對話冇分別，但你想一想雞雞只係A.I.，竟然好似答到咁似真人，好勁！
講盛女 打「盛女」最少見到廿幾種回答，由於當中太多粗口，記者連問三題仲要撞到3個reply都出到街，呢版試咗我半個鐘！
講男人 邊個做吓好心，教吓雞雞William是誰啦！
講春嬌 原來雞雞都有睇《春嬌與志明》，仲唱得兩嘴。
其他動腦apps
左右腦並用
小學雞太腦殘，只因為冇腦主人們教壞雞，不如玩吓《左右腦研究室》，有200個問題訓練你左右腦思考同反應，仲可以check吓自己IQ高唔高。今個月半價0.99美元就買到。
《Brain Lab》（iOS/Android平台 US$0.99）
孔明豬常識問答 益智問答app《三國小豬》，孔明豬BB會問你15條常識題，由星爺電影到天文學都涉及，最難係隻game台灣製，問起台灣時事時好難答！ 《三國小豬R爆頭》（iOS/Android Free） ####
雞雞，今日教你講…… 我唔想再學粗口呀!
1. 開game時會問你使用邊個國家嘅語言，中、日、韓、英、印尼話都有。
2. 玩法好簡單，基本畫面同WhatsApp對話窗一樣，你問一句雞仔就答一句。
3. 揀版底「Teach」icon，進去後以facebook戶口log-in，即可輸入新對話，錄完答案等15分鐘左右，所有用家問起呢條問題、都會見到你提供嘅答案。
4. 其實雞雞都有粗口過濾功能，畀小朋友玩時應該先開啟。但記者試過，好多諧音粗口字都係block唔到。
答個字隻色，唔係答個字。
冇睇咁舊嘅片，點答啊？
沒有留言:
張貼留言