大時大節約埋朋友去旅行，旅途期間影落一大批相，返港後只會各有各上傳Facebook分享。想集齊全套，尤其是被朋友tag了自己的相，就要人手 逐張下載，麻煩又費時。其實可以搵Pictarine網站（http://www.pictarine.com）幫手，自動call齊所有同自己有關的 相，再根據上載日期時間排列，毋須逐個拜訪朋友的Facebook相簿。另外，網站仲可以集合埋Flickr、Picasa同Twitter等賬戶內的 相，簡簡單單完成備份。
模Leanne一得閒就去旅行，並將旅行相放上網分享，她說Facebook的相簿未夠好用，「每次去完旅行，都會獨立開個album放相，但被朋友tag了的相會自動放在其他位置，想放入相同相簿，就要自己逐張搵逐張下載，勁麻煩。」
合併相簿
介 紹她試用Pictarine網站，登記時只要填入Facebook賬戶資料，系統就會自動匯入Facebook賬戶內自己曾上載及被朋友tag了的相，並 根據上載日期分類排列，完成後只要click入資料夾，再按右上角「download」下載。 試完集相功能，Leanne大讚，「一次過搵齊同我有關的相，好方便，而且速度快，匯入三千張相只需十分鐘；下載過千張相（約3GB）亦只需三十分鐘，好 用。」 除了Facebook，Pictarine亦可同時匯入例如Flickr、Twitter同Instagram等網站內的個人相簿，不過，就要入番 Pictarine網站內左方的「add another photo service」，填寫以上賬戶資料，之後就可一併備份。Leanne話功能都幾貼心，「有時貪得意用iPhone影相app Instagram，間中又會放相上Shutterfly，搞到處處留影，用Pictarine就可以一次過集齊。」
仍有改善空間
雖 然網站功能不俗，但仍有不少地方可以改進，例如將同一張相放上Facebook及Twitter，網站不懂自行篩選而會重複顯示，而且暫時未支援港人愛玩 的微博。另外，下載的影像質素視乎upload時有無揀high resolution，如果當初貪快揀了low resolution，下載返來的相就只會是低解像度，沖印3R相（最低解像度要求為1280×1024）都不夠，以備份為目的的話，叫做有好過無。 ####
網站匯入Facebook相簿的速度都幾快，三千幾張相只用了十分鐘。
Pictarine只會根據上載日期分folder擺相，所以即使同場合影相而朋友遲了上載，就會被分入不同folder，造成重複顯示。
不單只可匯入Facebook，仲可以選擇網站左邊的「add another photo service」，就可以整理埋其他網站的相。
1152期《壹週刊》
沒有留言:
張貼留言