嚟緊最hit大片，肯定係4月26日上畫嘅《復仇者聯盟》，就算每個Marvel英雄都咁堅，亦要結集埋一齊打壞人先夠睇頭。同一道 理，iPhone本身都夠強，若然再用埋配件去幫佢升呢，就更加如虎添翼，霸氣外露！呢期啲配件仲唔再只係speaker播歌、尿袋叉電咁簡單，而係做到 好多想像唔到嘅嘢，似足Marvel英雄咁有勁多異能！
《FACE》Gadget版監修人903 DJ Donald
咁 多配件我最喜愛遙控直升機，因為佢係iPhone功能以外的新點子！將iPhone再變身，100個like！第二愛係過相系統，因為有好多人仲未識得將 啲相存入電腦，send WhatsApp又將相壓縮，呢個燒碟機幾好。裸眼3D都好得意，但唔會成日玩，不過家《盛女愛作戰》咁hit，啲人去speed dating可以買個裸眼3D貼，簡單打開話題呀。
iPhone睇裸眼3D Lead3D芒貼
《復仇者》套戲咁大製 作，梗係有3D版，iPhone想變到班hero咁勁，亦需要升呢做3D芒。唔使等到iPhone 5，家只要貼咗呢塊Lead3D芒貼落4S/i4，佢就會好似啲實物立體畫咁，透過光線折射將畫面變成兩組影像，睇落就有裸眼3D嘅效果。塊貼仲好在啲 坑紋唔明顯，平常用機唔會受影響，可以當普通保護貼長期貼住。$229（Shooting/2959 6226）
自拍3D復仇者
要發揮塊貼嘅功效，就要安裝埋Lead3D個官方免費影相app，跟住app嘅指示去影，將兩張相合而為一得出3D相，並即時喺芒上裸眼睇到。睇落效果雖然冇3DS或裸眼3D相機咁明顯，但只要相片構圖有層次，仍會有主體凸出嘅感覺，而且睇耐咗都唔會覺眼花。
有鬼影就睇到
除咗影相，廠方仲話開發緊相對應的3D播片、遊戲app，不過未講幾時會出。但記者發現只要上網搵到睇落有鬼影嘅3D相或片，經呢塊芒貼射折，都可能睇到唔同程度嘅3D效果，用途唔局限於自己影3D相。 上Google搜尋「Lead3D」，都會搵到唔少完全對應呢塊貼嘅鬼影3D相同片，可以用嚟測試塊貼嘅效果。
燒錄相片 Plextor PlexEasy燒碟機
喺 《復仇者》入面，黑寡婦嘅任務係收集情報，平日偷拍埋咁多相同片，如果佢係用4S，64GB都肯定save爆！用iCloud又驚俾hacker偷料，咁 最實際就係燒隻碟交畀神盾局長啦！ 呢部Plextor PlexEasy燒碟機嘅異能啱晒佢，經USB cable駁機後即會自動將iPhone相庫入面嘅相同片，全部燒晒落DVD-R，唔使經電腦，全程㩒1個掣就搞掂，方便黑寡婦一路過相一路打鬥，我哋凡 人去旅行亦好啱使呀。$1,090（升科/3188 4983）
DVD-R再過手指
當啲相同片backup晒落碟後，更可以掹走部iPhone，改插USB手指，將DVD-R入面嘅嘢再複製過去手指度，想過大量相畀人， 就唔使逐張經藍牙send或寄email咁煩，終於解決到iPhone冇得插microSD嘅不足。其實部機亦支援埋iPad同Android手機、 tablet，亦可當Ultrabook嘅外置燒碟機用，人人都分享到呢種異能。
英雄上身 86hero case
86hero最新呢set《Avengers》4S/i4 case雖冇異能，但1套5款玩金屬feel，夠晒型格，完全滿足到fans！殼入面仲會送1張抽獎咭，喺5月12日前購買，再用咭上網址核對抽獎編號， 中咗嘅話即會獲贈《復仇者聯盟》3D版換票證1張，連買飛錢都可能慳番。各$198（Gadget Gallery/2578 1826）
iPhone加腳架 OZAKI O!photo Bumper+
拎 iPhone影相，好難好似鷹眼射箭咁定，但iPhone要用腳架，同樣需要異能配件幫助！呢條O!photo Bumper+，上面有埋腳架螺絲窿，裝上幾十蚊個嘅DC仔腳架（Bumper唔包），就可以好定咁影相，影夜景再唔怕手震。拆走腳架後，亦能當做普通 Bumper咁保護兼裝飾部機（有紅、粉紅、藍、黃、黑5色）。$599（ECT/ 3188 0767）
無線飛擊 電視直播iPhone畫面
超 級英雄除咗精於埋身肉搏，都總要有一、兩招好似美國隊長掟飛盾咁嘅遠程攻擊。iPhone亦有多種配件可以幫你遙距接駁其他裝置。平時喺屋企唔想睇師奶劇 都係拎部iPhone㩒㩒㩒，唔想浪費部電視，不如用呢個Morisaki AirShuttle，無線將iPhone畫面輸出於電視之上，物盡其用先係真英雄做法。$1,880 （對應：iPod、iPhone、iPad/ 查詢：JC shop / 3102 2783）
免App又易裝
AirShuttle分為發信器同接收器兩部分。發訊器插於iPhone下方插槽，接收器需要接駁電源及以附送AV線接上電視。即插即用，唔使用app，安裝唔使10分鐘搞掂，簡單又方便。
妙用01 神盾局長大芒Briefing
佢嘅安裝仲易過官方無線方案Air Play，神盾局長就算去到第三世界國家，搵到有AV線嘅電視都可以同超人們開大芒Briefing。我哋平民用來開會之外，睇YouTube同iTune影片就非常流暢，但PPS等睇戲app就唔十卜。 我哋今次目標係幫X教授搵佢隻愛貓……放大畀大家睇吓，但唔好介意，因為AV輸出，畫面大過24吋就會矇。
妙用02 扮Wii U大細芒打機
而家好多iOS game都要fing芒玩，美國隊長從二戰就冰封北極，迫佢玩賽車game一定頭痛，將打機畫面remote去TV輸出，連佢都玩得掂，大細芒同步打機，感覺仲幾似任天堂部新機Wii U添！ 實試打機都唔覺delay，聲畫亦冇話唔同步，但原來唔係乜嘢遊戲都對應AV out，直度遊戲玩唔到，上官網有list畀你慢慢check。
iPhone異能影音攻略
1.駁都費事 投影機case 有時打到去沙漠，邊度搵部電視呀！局長不如買埋呢部迷你iPhone投影機case，可以投影出65吋畫面（實試去到30吋已經開始唔清），是但搵幅沙牆都已經開到會，佢除咗投影之外，仲可當係外置充電，電量為2,100mAH，都叉到成80%左右，同你長期戰鬥。 KIDIGI Pico Projector for iPhone4/4S 投影時間：2.5小時 體積：126.6×63.5×22mm/105g $1,780（Uni Mobile/ 2959 0832)
2.Air Play喇叭轟Rock歌 睇完《復仇者聯盟》鬼咁high，返屋企特別想聽美式Rock歌。呢隻Air Play喇叭，可以利用iOS無線傳輸技術，以家中WiFi網絡無線接駁各種影音資訊裝置，呢隻美國廠Klipsch新作Gallery G17更十卜到Android手機（要下載Klipsch Control App：免費），一機兩用呀！ Klipsch Gallery G17 體積：428.6×152.4×88.9mm/ 3.96kg 售價：$4,580（昇和影音/ 2314-0811)
遙控武裝 飛彈戰機 iFlyer
Iron Man真身Tony Stark係個軍火商，新片入面為Avengers造咗部垂直升降飛行要塞！原來iPhone異能配件都一樣有武裝直升機，除可以用手機控制飛行，呢部新 機犀利在裝埋飛彈，真係可以遙控開火，支援鐵甲奇俠打空戰，或者搵朋友開兩部互射互片。$499（永萊/ 2385 5188）
先要到App Store，為iPhone安裝專用遙控器app iFlyer，奇在佢唔係駁機底USB，而係駁耳筒位。 左手面控桿升降高度，右手控制左右水平移動，芒頂A、B、C字樣代表remote頻率、3P都唔會撞機，而字母旁邊兩粒紅掣就可發射左右兩支彈。
TEST 飛彈硬Iron Man
擊中Iron Man應聲倒地，飛彈速度頗快，目測飛行距離能達50cm開外，射到公仔斷腳，威力驚人小心射親眼。
i血壓計防變身
Hulk 受到刺激、血壓暴升就會失控變身，所以佢平時都長期戴住血壓計手表。咁呢件iPhone特異配件佢真係要買：呢隻iHealth Blood Pressure Dock血壓計，可以為iPhone接駁捲臂式加壓帶，綁於臂上即可check血壓，用手機測量並save起每日心跳及血壓指數，對變形俠醫自救非常有 用。$1,250（Shooting/ 2959 6226） Check過一個手臂式電子血壓計都要$500左右，但iPhone版可以記錄資料，仲可以度埋心跳，值得買個看門口。
i異能未來報告
神盾局長Nick Fury深明齊心就事成新紮道理，佢成立S.H.I.E.L.D神盾局除咗keep住搵各路英雄入隊，原來仲秘密搜羅快將推出嘅iPhone異能配件，合作發揮iPhone最大潛力。
iPhone變狗臉 Smartpet機械犬
Sony 機械犬Aibo大家都仲好記得，嚟緊Bandai 嘅Smartpet話唔定會令電子寵物翻hit。佢嘅概念好簡單，就係將iPhone當做機械犬個頭，可以用app自己畫樣，外形cute爆。出街時，拎 走佢個頭變番做電話；返到屋企裝番落底座就可以同個狗頭玩。最大賣點可能係一切功能源自iPhone app，機件簡單，幾嚿水有智能寵物玩，抵！（4月24日於日本推出，定價6,500至7,800日圓，約700港紙）
智能手表 Pebble Watch
iPod Nano當年有唔少fans覺得當表用有型，家有人諗到隻同iPhone及Android手機互動嘅手表，能用app擴充功能，亦能作遙控播歌、接收訊 息等互動功能。隻表現時喺創業網kickstarter集資緊，已集得過百萬美元，應該面世有望。（上YouTube搜尋Pebble Watch有片睇）
兒時魔術板 iFoolish Case
細個人人都有用過魔術畫板畫公仔，呢個殼將成塊魔術板放 喺底部，有支筆仔，一樣可以畫完抹走佢，畀你每日畫case 換換look。定價19.99美元，官網有售，淘寶已有山寨版，未計運費賣27蚊人仔（http://www.rokitscience.co.uk） ####
1.未貼時唔會明顯睇到坑紋，不過貼身係黑色，貼落白機唔靚仔。
2.貼之前要裝Lead3D個官方app，開住佢個3D畫面嚟對準芒貼角度，好似相中咁折射出斜紋，即係唔夠正，直紋要同機邊成水平先啱。
貼正後睇落只覺好似貼咗防偷窺貼咁，畫面有輕微間紋，但唔影響用機，仲連home screen都有少少立體感。
1.影完一次後，畫面中間會出現一個長方框，畀你對準景物去影第二次。若第二張相走位得太犀利，合成後只會見到鬼影。
2.影完兩次後，合成得勁快，即刻見到3D效果。但注意因個app唔識自動對焦，太近會focus唔到，iPhone離拍攝主體要有30cm距離。
3.影完可將3D相save落相庫，用普通睇相app開番嚟睇都得，有貼3D貼就會見到Iron Man個頭浮喺背景之前。
3D Camera For Lead3D Free
4GB Marvel USB手指各$98（heroesunited/2341 8766）
1.一定要插住火牛先着到機，iPhone就當係一般USB裝置咁經cable駁去機底嘅USB插頭，佢就識讀取iPhone相庫。然後只需按屏幕旁邊個箭嘴掣確認，就會開始燒碟，乜都唔使set，其間亦唔使喺iPhone㩒任何掣。
2.燒碟時仲會顯示埋iPhone相庫入面有幾多GB相同片，若多過DVD-R容量，燒滿就會叫你換碟；燒1隻4.7GB碟大約要5分鐘。
3.機側有埋SD咭槽，但iPhone資料唔可以直接落咭，其用途係畀你駁SD咭，抄咭內file落DVD-R或USB手指，去旅行時，連DC相片都可backup。
同盟徽號
雷神奇俠
鐵甲奇俠
美國隊長
變形俠醫
OZAKI O!photo Gear相同概念，OZAKI仲出埋4S/i4膠case，保護埋機背（有啡、銀、黃、灰4色）。$298
總共有3個腳架窿，可選擇4S/i4喺腳架上嘅水平位置，但唔可以打直插部機。
Bumper+靠啪扣扣實部機，唔使扭螺絲，幾時拆都得。
發訊器
發訊器可以USB充電，可連續使用兩小時左右，支援3組通道，唔易同其他無線裝置相撞。
接收器 呢個座就放喺電視前面做接收，座後面有電源線、而AV輸出就駁落電視機，解像度亦限制於480i。
推到上24吋電視都仲算可以接受，佢仲可以無線輸出埋聲音，睇片都得。
我要買！
去官網sp.asovision.com睇片之餘，有多種狗樣wallpaper畀你下載，為Smartpet變臉。
能夠用前置鏡頭同佢玩遊戲，佢可以同其他同類跳舞互動。
沒有留言:
張貼留言