TVB《盛女愛作戰》上週播映以來，
五位盛女激變城市話題。標榜以「真人show」拍攝，《盛》女雖被質疑做媒，網友又話眾女質素低兼所謂星級導師欠說服力，但邊鬧邊睇，上週最高收28
點，MyTV首集點擊更達48萬，比現正播映的兩線黃金檔劇更高，破晒資訊節目收視紀錄。
全城齊心將5女大起底， 首集中直認仍然未忘初戀男友的Florence最神秘潛晒水，更被傳遭上司勒令停薪留職。本刊獨家獲得Florence和唯一前度多張熱戀照，其I.T才 俊男友Kenny與她拍拖5年，可惜Florence最後難逃被飛命運，飽受重創；而硬淨Bonnie則自爆性開放，連搵到男友的Suki亦瘟錯溝女王， 《盛》女故事有排未講完。
無綫《盛女愛作戰》，難得搵到5位勇者無懼的素人「中女」做節目，節目播出一半，5位女 角中最矚目、成為攻擊目標嘅係39歲高學歷、高收入的Florence，於上週節目中的多次相睇活動，都要求多多嫌三嫌四，連城市大學講師CK同美籍飛機 師亦藐爆，麻煩港女形象深入民心。
「異地戀好難keep！」
39歲的Florence，自細家教嚴厲，名校畢業擁碩 士學位，又是會計師；Florence不覺到29歲先初戀，早前接受本刊訪問時，Florence直認：「我拍過一次拖，嗰次拍咗4、5年，分手係因為分 隔異地好難keep，散咗後一直單身到家都有5、6年。未參加呢個節目之前，我未試過任何形式的dating活動，不過節目內介紹嗰幾個都唔係好ok， 所以冇發展過。其實我唔係好事業型、好剛強的女人，我只係享樂型啫，而我覺得自己同外面所標籤的『港女』係唔同嘅，我睇愛情唔係單憑學歷、收入同外在條件 決定！」 雖然外間勁踩Florence，但其實她超情深，喺節目中Florence亦曾自爆：「我仍然鍾意舊嗰個！」上週有Florence密友向本刊爆料，稱令 Florence念念不忘的初戀男友其實是從事I.T行業的Kenny。知情者說：「Florence 01年嗰陣認識都喺加拿大安大略省讀書嘅Kenny，佢哋拍拖5年，一放假就去遊山玩水，之後兩個喺唔同省份做嘢，分隔兩地耐咗感情轉淡，Kenny咪提 出分手囉。近年Kenny已經返咗嚟香港，喺一間I.T顧問公司做嘢，聽講佢哋仲有聯絡，不過人哋家有穩定女友，應該唔會同Florence復合囉！」 原來Florence想做小龍女，不過可惜楊過Kenny已經有女友，睇怕Florence想食回頭草有難度囉！
前度有新女
Florence前男友Kenny飛起Florence後，已有一親密女友，兩人經常去海邊遠足旅行，俾Florence睇到一定傷心死，本來在Florence的Goggle+內仍有「tag」Kenny，但週一（16日）已取消關注。
第六盛女係Florence老死
《盛 女愛作戰》原來唔只5女，仲有第六名女士Vera Cheung參與節目，據知Vera跟Florence分屬友好，最初Florence更講明一定要Vera陪伴，才肯參加《盛女》。不過節目製作人員頂 唔順Vera太麻煩，故最後飛佢出局。據節目製作人透露：「Vera係Florence嘅friend，大家以為Florence麻煩，其實Vera先至 最難頂，乜都唔肯做，結果最後決定飛咗佢，不過因為前期凡有Florence出現，Vera都一定陪到實，所以好難將Vera cut晒，如果大家細心都會發現。」 週一（16日）本刊致電任職Creative Senior Director的Vera，對於性格問題被飛，Vera說：「又冇所謂嘅，我更加唔會詆譭自己啦，我家冇拖拍，不過就算做剩女，都唔會再參加呢類節目 囉！我覺得回響太大喇！（Florence家心情點？）佢ok！」
Bonnie自爆性開放
Florence表面強 悍內裏深情，相反29歲性格男仔頭的Bonnie，雖然被嘲是女版錢嘉樂，但經改造後深得網友歡心。原來《盛女》節目未播出前，Bonnie已為網上電台 開咪做主持，於「民間電台」主持《盛女再作戰》，澳洲留學回港的Bonnie，喺電台節目中更自爆曾在不知情下兩度介入別人婚姻做小三，被大婆電話鬧爆。
抗拒北上
本刊更發現豪爽的Bonnie，喺網上開勁多blog，上載相片及文章，更於婚姻狀況寫上「性開放」。疑似 open，但週一晚Bonnie對本刊說：「其實我係用英文字open relationshiop，只係個網站譯錯，one night stand我唔係好接受到，始終自己唔係呢類人，亦唔接受到呢種事。」但其實open relationship的確解作可與伴侶以外異性發生性關係，Bonnie真係愈描愈黑。 Bonnie其實都不乏拍拖經驗：「我喺呢10年內共拍過6次拖，都有試過異地戀，鍾意一個澳洲同學，不過最hurt係有次拍咗5年拖，因為性格及人生方 向唔同而分開，到28歲甩拖之後就一直單身到家，我冇諗過北上搵男仔呀，始終對上面啲文化唔係好了解，怕溝通唔到，做女仔嘅只係想搵到個可以付託及依賴 嘅男人啫！」多拖拍都參加《盛女》，似搏入行多啲喎！
解構《盛女》 平場拍speed dating
在《盛女》第二集Bonnie遇見半禿宅男Mickey的speed dating cafe叫day date cafe，位於上樓私人骨場林立的太子東海大廈，是專為這類單身約會派對而設的餐廳，消費便宜，就算包場都只不過約2千元。
《盛男》出擊？
《盛女》成為熱話，有指無綫已着手打造《盛男愛作戰》，為一班宅男謀幸福。本刊發現Yahoo旗下交 友網「友緣人（meetu.hk）」更舉辦「盛男大作戰」招募行動，而在主頁放了4張港男照片，均在《盛女愛作戰》中出現過，跟Bonnie和Gobby 配對，令《盛男》之說更似層層。 無綫外事部曾醒明則澄清：「其實冇啲咁嘅事，係都唔會咁快，之前拍《盛女》都用咗好多時間籌備，所以冇咁快。」
為Florence平反
首週以Florence的嘴臉和強硬的性格最惹人反感，但原來今個星期《盛女》會為她大平反，據製作人員透露：「嚟緊第7集開始會幫佢平反，主要顯示她溫柔和善良的一面。」今週之後Florence可能剩女變爭崩頭筍盤。
Suki瘟錯碩士溝女王
最 索最標緻嘅Suki係唯一找到如意郎君的「盛女」，不過據知在節目中經Mandy介紹認識的Suki男友Zion，其實是溝女王，經常到蘭桂坊夜蒲識女 仔。這星期《盛女》講到參加者Mandy介紹了有碩士學位的Zion給Suki認識，兩人最後撻着拍拖。節目拍攝至今已8個月，自稱拍拖是「緣分安排」的 Suki和Zion，更毫不避忌地在記招上咀嘴晒恩愛，更被傳媒拍得攬啜搣股相。 據知情者透露，Zion其實與Mandy及《盛女》編導岑應非常老友，三人幾乎每星期都到蘭桂坊的Beijing和Sugar等夜店「搵食」，Zion獵 女習慣直至跟Suki拍拖後仍未有改，有時岑應及Mandy甚至在夜店介紹索女給Zion，Suki卻完全蒙在鼓裏。身在台灣和Suki避風頭的 Zion，被指是溝女王仍冷笑回應：「係男仔都識女仔㗎啦！」Suki覓錯郎，睇怕好快又變番「剩女」！
Mandy岑應孖住溝仔
至 於Mandy亦是非多多，有傳她其實是媒，與編導岑應是青梅竹馬的朋友，當其他參加者要公布真實年齡，Mandy卻有特權。Mandy回應本刊時亦承認： 「我同岑應由細玩到大，我拍過3、4次拖啦，上個男友識咗第二個咪分手囉。冇拍拖一年，咁啱岑應拍呢個節目時我單身，佢問我有冇興趣參加，我要佢應承唔公 開我年齡至肯。」 Mandy經常和岑應孖住蒲，據知Mandy在夜場內亦頗受男客歡迎，蒲親有仔埋身之餘，Mandy性格熱情來者不拒，Mandy亦承認：「以前我有好多 男仔約㗎，參加呢個節目只係想知有冇其他途徑識男仔啫。」尋尋覓覓始終得個桔，Mandy說：「港男睇嘢太窄，成日話男女平等，但又要受保護要女人照顧， 唔尊重女人；要公一份婆一份，又介意女朋友搵錢多過自己。」所謂家家有求，「剩女」唔係浪得虛名。
拍檔數臭 同學爆料 揭大話精Santino呃錢滾女
《盛 女》唯一男導師Santino，因貌似黃子華加過期鄭伊健，27歲仔造型似足MK潮童，加上「45度角望住」和「覆對方短訊要鬥字少」偉論，即時響朵兼被 起底。 本刊收到消息，自稱叫郭政彤（真名郭偉燊）的Santino，在加拿大讀高中時，早已衣着品味獨特，並經常四圍撩鬼妹同學打「友誼波」，更猴擒到嚇喊女同 學而成當地華人學生圈笑柄；而Santino前公司「PUA（HK）」夥伴、「Our Radio香港把妹達人」主持Norris向本刊踢爆有人在澳洲因犯事被踢出大學，去年更穿「PUA（HK）」櫃桶底！
自詡為「兩性關係專家」的Santino，聲稱根據多年資料搜集，以美國流行多時的「pick up」（把妹）理論加上實戰，自製一套溝仔女「課程」攻略，更吹噓自己除咗有位拍拖9年的正印外，另有5個女友，互知對方存在，十足港男公敵咁款。
收中女錢澳門陪玩
不 過，另一位「把妹達人」主持，即Santino前拍檔Norris Kong，週一向本刊踢爆Santino大話連篇。「大約03、04年左右，Santino在澳洲讀Year 1，因為打交Working Visa被取消，搞到大學都冇得讀要返香港。其實佢之前被澳洲警方懷疑涉嫌用假咭，不過最後佢打甩咗。」後來Norris介紹『Pick Up Girl』（「把妹達人」理論）畀Santino認識，一起組成公司「PUA（HK）」收生教學，後更獲網上電台「Our Radio」賞識開咪。 「（節目）講到Season 3，佢已經唔夠料，自睇完套（日本漫畫）《夜王》同《帝王》，諗到扮成男公關咁去speed dating，點知真係有啲中女又冧佢喎，仲試過有次同一個中女過澳門玩，收咗人哋1.2萬利是添！」去年「PUA（HK）」舉辦電影包場，Norris 指有人借影相為名，趁機落格2、3千元，Santino後自組「Faculty of Romance （牽緣學系）」，起Norris飛腳。
Santino 曾以原名「郭偉燊」於加拿大「Columbia International College」就讀高中，並於香港開設牽緣學系有限公司教人溝女，但有指佢聲名狼藉，現跟前拍檔Norris反臉。週一問到穿櫃桶傳聞，現跟 Santino搵食的徒弟Pierce（左）則搶說：「佢只喺用咗啲錢請Photo（攝影師）食飯。」
一夜情唔衞生
而 其中學同學亦向本刊爆料，指Santino在加拿大「Columbia International College」讀高中時，早已喜歡着衫唔扣鈕，貫徹其獨特口味，更被同學取笑係「曱甴鬚」。當時佢亦相當積極女，不時撩鬼妹「一晚企」，有女同學更被 佢嚇喊。 Santino上《盛女駕到》時稱，有一拍拖9年的女友（本刊得知為Caroline），又跟人聲稱溝掂上海有錢主播龔露，但Norris踢爆 Caroline已飛甩他：「佢要吹到有好多女冧佢，唔係點教人追女！當初我哋落街實戰時，佢仲好鵪鶉話『唔得呀，我有女朋友㗎！』根本龔露從來冇同佢拍 過拖，佢約過人一次啫，人哋都拒絕咗，佢咪用呢件事扮自己溝女叻囉！」週一（16日）晚Santino大反駁：「我好討厭one night stand，好唔衞生。佢話我用假咭？你哋有證據就攞出嚟，對於前拍檔嘅嘢，我冇嘢再回應。我唔係俾人趕出境，只係大學3年班時去咗上海做嘢，冇再返去讀 書啫！我亦都唔會為錢出賣肉體！」
各施各法
帶領Santino入門做「把妹（追女）達人」嘅 Norris，大彈後輩在節目教盛女溝仔技巧學藝未精。「暫時套theory未有for女仔用嚟追男仔，佢根本只係將套男仔扮cool嚟吊女仔癮嘅方法掉轉嚟用。」
45度望對方 本來係希望減少女士try-hard嘅表現，但佢咁講好矯情，會令到男方驚同覺得唔尊重。 正面望對方唔超過3秒 男方會以為你好輕佻同白鴿眼，十足港女咁，一定趕客！ Send Message的字數要比對方少 搞到女士以為扮高竇就work，如果係開始大家互相flirt嘅時候就仲可以，但之後大家點樣再溝通同發展落去？」
導師要自救
《盛女》被網友狠批，當中一班負責教導盛女嘅「導師」，水平和價值觀被質疑，其實部分導師本身也是單身剩女，根本能醫不自醫。
人生教練 Winnie
加拿大約克大學心理學畢業嘅Winnie（梁穎妍），曾做過《蘋果日報》名人版，現職人生教練（Life Coach）6年兼寫美容專欄，但佢因嫌男友「太老練」而剛分手，自己都未搞掂喎。
鑽石級媒人 Mei Ling
手上持有大量「筍盤」嘅Mei Ling（吳美玲），開辦「Hong Kong Match Makers」婚介公司，為高學歷的商界尖子服務，女性年薪50萬起跳，男性則要70萬，現跟退休商人丈夫廖佩章（左）居於市值約千8萬的何文田山賀龍居相連單位，生活無憂。
語言訓練導師 Eva
由加拿大回流發展嘅Eva Lau，本身為舞台演員，擅長說話訓練以改善溝通技巧。自言「私人嘢唔會透露」嘅佢現時單身，更對本刊反駁：「好似Winnie話齋，識煮餸都唔一定要開餐廳」，語言訓練專家，真係得佢講晒！
星級化妝師 Jessica
任職形象設計和化妝的Jessica是補習天后June親妹，為不少TVB藝員及歌手化妝，她曾批評盛女「男人鍾意漂亮同標準身形」。原來她在23歲時結婚，但已離婚5、6年，現時冇拍拖，好冇說服力啫。 ####
輕攬豐腰 02年時，圓潤的Florence和初戀男友Kenny一齊往夏威夷參加朋友婚禮，男方輕攬女腰，少有着住低胸晚裝的Florence，都幸福過。 初戀I.T男友Kenny
殘爆睇日出 Florence跟初戀男友一齊去夏威夷睇日出，未瞓醒的Florence披頭散髮，零妝夠自然。
我同港女係唔同嘅！真實對白
前週五（6日），四位盛女出席宣傳活動時，獨欠單親媽咪Gobby，而節目編導岑應則企正喺中間，相信她們當時未想過合作引起咁大回響。
早前Florence接受本刊訪問時，直言自己並非港女，並說：「我睇愛情唔係單憑學歷、收入同外在條件決定！」
大字歎
瞓浴缸 難得去夏威夷度假，Florence亦忍唔住在大浴缸內攝影，而Kenny則大字形喺梳化攤唞，關係甜蜜痴纏。
自稱睡美人 Florence見到大床即時影番張海棠春睡，見佢搽住鮮紅色腳甲油、又自稱係睡美人，三高女原來都有浪漫一面。
29歲才初戀的Florence，於加拿大邂逅同在當地讀書的Kenny，其實算係中女版《那些年》，難怪刻骨銘心。
Vera Cheung Florence同Vera係孖公仔，婚介顧問Mei Ling更批評她掛住同Vera傾偈，冷落相睇的城大專上學院講師曾志剛（CK）。
Vera曾在澳洲長住，跟大隻男合照留念。
Bonnie於電台節目自爆唔小心做過2次第三者，又於blog內的婚姻狀況一欄填上性開放，後生女真鬼馬！
想搵到個可以依賴嘅男人啫！真實對白
Bonnie熱愛寫blog，亦愛於blog中放單人相，其中07年於澳洲留學時的照片，見佢又舔雪糕、又擺晒pose咁，都好可愛啫。
開咪博入行 《盛女 》節目未出街，Bonnie已跟導師Santino的徒弟Pierce，於民間電台中主持節目《盛女再作戰》。
被 爆種金 前社民連秘書長，現為網台主持的季詩傑，上週五於香港人網中爆曾於英皇金融工作的Bonnie疑似種金，他於節目中說：「我想講呢個《盛女愛作戰》……嗰 班原本種金㗎喎，我見過個節目中其中嘅一條女……」而Bonnie亦曾以甜心婉兒名字於Instagram上載一張英皇集團中心的相片。
季詩傑
Bonnie搵到人生目標，積極開咪做節目，日前飯敍蹺住現任商台CEO的陳志雲，果然識do夠叻女。
係緣分安排！真實對白
親密錫 Suki和Zion雖然已經拍拖8個月，但兩人仍十分親熱，上週四（12日），Suki出席完商台《光明頂》陶傑訪問後，Suki即飛撲往九龍城茶餐廳搵Zion，兩人於茶餐廳內更不避忌打茄輪。《蘋果日報》圖片
《蘋果日報》圖片
搣pat pat 食完咀完，Zion連送Suki回家時又忍唔住搣她一下pat pat。《蘋果日報》圖片
6呎2多女圍 任職美亞保險經理的Zion平時勁多女埋身，但據知他亦是九龍城潮語浸信會的話劇團中堅分子，而有劇友就力撐Zion教會內和女教友保持距離，搵食都識得行遠啲。 美亞保險經理Zion Ngai
Zion愛玩自拍，於Instagram內亦有上載一張跟Suki的親密合照；而Suki十分「醒目」，被人起底後，連fb亦刪埋，改用另外戶口再開戶，以防被人再摷料。
於港大碩士畢業的Zion，據知女性緣甚佳，常和一班女仔去旅行。
Mandy愛夜蒲，星期一至日幾乎晚晚有party，據知她蒲親都酒不離口。
在岑應介紹下，古巨基上年〈鑽石敗犬〉MV，Mandy和人生導師Winnie都有份客串，而Winnie則說：「我都係嗰刻先識佢！」
上週五（13日），Gobby出席特備節目《盛女駕到》錄影時，不堪傳媒追訪，岑應即挺身而出助她解圍。
花名曱甴鬚 前年Santino曾以假名「郭政彤」參加tvb.com舉辦的「10分試愛」活動，更在簡介上自稱「米蘭郭政鴻」，又自稱怕醜和不善溝通，但有舊校友將參賽相惡搞並踢爆其舊花名「曱甴鬚」。
Santino以一頭gel到行嘅「伊健髮型」，再加開到落肚臍嘅西裝造型，被網友取笑「似日本牛郎」、「深圳鴨仔」，但原來真係參考過有關造型。
前拍檔Norris
被舊拍檔Norris爆「同女友講嘢唔掂」兼「追女經驗唔夠」，今時今日Santino升呢做「兩性關係導師」，難怪其偉論一出口，全城嘩然。對於拍檔指他穿櫃桶底，他說：「唔係我負責喎！」《蘋果日報》圖片
Santino自稱任職設計師，但其實只係布料採購，對於自己衣着一時似學陳浩南、一時又超MK，他仍很自信說：「因為我咁着好睇囉！」
拍拖9年俾女撇 Norris指Santino跟女友Caroline在澳洲讀書認識，跟男友同齡嘅Caroline任職日資公司當日語文書工作，Norris形容佢「冇乜主見，好信任男友」，對於俾女飛，Santino說：「我哋離合過好多次。」
溝上海有錢主播 有指在上海生活過嘅Santino，跟上海籍有錢主播龔露關係親密，在微博只關注她，但Norris再踢爆「佢想追人，但人哋只係同佢食過一次飯，跟住都冇下文啦！」。
單身
已婚
單身
曾離婚
全城齊心將5女大起底， 首集中直認仍然未忘初戀男友的Florence最神秘潛晒水，更被傳遭上司勒令停薪留職。本刊獨家獲得Florence和唯一前度多張熱戀照，其I.T才 俊男友Kenny與她拍拖5年，可惜Florence最後難逃被飛命運，飽受重創；而硬淨Bonnie則自爆性開放，連搵到男友的Suki亦瘟錯溝女王， 《盛》女故事有排未講完。
無綫《盛女愛作戰》，難得搵到5位勇者無懼的素人「中女」做節目，節目播出一半，5位女 角中最矚目、成為攻擊目標嘅係39歲高學歷、高收入的Florence，於上週節目中的多次相睇活動，都要求多多嫌三嫌四，連城市大學講師CK同美籍飛機 師亦藐爆，麻煩港女形象深入民心。
「異地戀好難keep！」
39歲的Florence，自細家教嚴厲，名校畢業擁碩 士學位，又是會計師；Florence不覺到29歲先初戀，早前接受本刊訪問時，Florence直認：「我拍過一次拖，嗰次拍咗4、5年，分手係因為分 隔異地好難keep，散咗後一直單身到家都有5、6年。未參加呢個節目之前，我未試過任何形式的dating活動，不過節目內介紹嗰幾個都唔係好ok， 所以冇發展過。其實我唔係好事業型、好剛強的女人，我只係享樂型啫，而我覺得自己同外面所標籤的『港女』係唔同嘅，我睇愛情唔係單憑學歷、收入同外在條件 決定！」 雖然外間勁踩Florence，但其實她超情深，喺節目中Florence亦曾自爆：「我仍然鍾意舊嗰個！」上週有Florence密友向本刊爆料，稱令 Florence念念不忘的初戀男友其實是從事I.T行業的Kenny。知情者說：「Florence 01年嗰陣認識都喺加拿大安大略省讀書嘅Kenny，佢哋拍拖5年，一放假就去遊山玩水，之後兩個喺唔同省份做嘢，分隔兩地耐咗感情轉淡，Kenny咪提 出分手囉。近年Kenny已經返咗嚟香港，喺一間I.T顧問公司做嘢，聽講佢哋仲有聯絡，不過人哋家有穩定女友，應該唔會同Florence復合囉！」 原來Florence想做小龍女，不過可惜楊過Kenny已經有女友，睇怕Florence想食回頭草有難度囉！
前度有新女
Florence前男友Kenny飛起Florence後，已有一親密女友，兩人經常去海邊遠足旅行，俾Florence睇到一定傷心死，本來在Florence的Goggle+內仍有「tag」Kenny，但週一（16日）已取消關注。
第六盛女係Florence老死
《盛 女愛作戰》原來唔只5女，仲有第六名女士Vera Cheung參與節目，據知Vera跟Florence分屬友好，最初Florence更講明一定要Vera陪伴，才肯參加《盛女》。不過節目製作人員頂 唔順Vera太麻煩，故最後飛佢出局。據節目製作人透露：「Vera係Florence嘅friend，大家以為Florence麻煩，其實Vera先至 最難頂，乜都唔肯做，結果最後決定飛咗佢，不過因為前期凡有Florence出現，Vera都一定陪到實，所以好難將Vera cut晒，如果大家細心都會發現。」 週一（16日）本刊致電任職Creative Senior Director的Vera，對於性格問題被飛，Vera說：「又冇所謂嘅，我更加唔會詆譭自己啦，我家冇拖拍，不過就算做剩女，都唔會再參加呢類節目 囉！我覺得回響太大喇！（Florence家心情點？）佢ok！」
Bonnie自爆性開放
Florence表面強 悍內裏深情，相反29歲性格男仔頭的Bonnie，雖然被嘲是女版錢嘉樂，但經改造後深得網友歡心。原來《盛女》節目未播出前，Bonnie已為網上電台 開咪做主持，於「民間電台」主持《盛女再作戰》，澳洲留學回港的Bonnie，喺電台節目中更自爆曾在不知情下兩度介入別人婚姻做小三，被大婆電話鬧爆。
抗拒北上
本刊更發現豪爽的Bonnie，喺網上開勁多blog，上載相片及文章，更於婚姻狀況寫上「性開放」。疑似 open，但週一晚Bonnie對本刊說：「其實我係用英文字open relationshiop，只係個網站譯錯，one night stand我唔係好接受到，始終自己唔係呢類人，亦唔接受到呢種事。」但其實open relationship的確解作可與伴侶以外異性發生性關係，Bonnie真係愈描愈黑。 Bonnie其實都不乏拍拖經驗：「我喺呢10年內共拍過6次拖，都有試過異地戀，鍾意一個澳洲同學，不過最hurt係有次拍咗5年拖，因為性格及人生方 向唔同而分開，到28歲甩拖之後就一直單身到家，我冇諗過北上搵男仔呀，始終對上面啲文化唔係好了解，怕溝通唔到，做女仔嘅只係想搵到個可以付託及依賴 嘅男人啫！」多拖拍都參加《盛女》，似搏入行多啲喎！
解構《盛女》 平場拍speed dating
在《盛女》第二集Bonnie遇見半禿宅男Mickey的speed dating cafe叫day date cafe，位於上樓私人骨場林立的太子東海大廈，是專為這類單身約會派對而設的餐廳，消費便宜，就算包場都只不過約2千元。
《盛男》出擊？
《盛女》成為熱話，有指無綫已着手打造《盛男愛作戰》，為一班宅男謀幸福。本刊發現Yahoo旗下交 友網「友緣人（meetu.hk）」更舉辦「盛男大作戰」招募行動，而在主頁放了4張港男照片，均在《盛女愛作戰》中出現過，跟Bonnie和Gobby 配對，令《盛男》之說更似層層。 無綫外事部曾醒明則澄清：「其實冇啲咁嘅事，係都唔會咁快，之前拍《盛女》都用咗好多時間籌備，所以冇咁快。」
為Florence平反
首週以Florence的嘴臉和強硬的性格最惹人反感，但原來今個星期《盛女》會為她大平反，據製作人員透露：「嚟緊第7集開始會幫佢平反，主要顯示她溫柔和善良的一面。」今週之後Florence可能剩女變爭崩頭筍盤。
Suki瘟錯碩士溝女王
最 索最標緻嘅Suki係唯一找到如意郎君的「盛女」，不過據知在節目中經Mandy介紹認識的Suki男友Zion，其實是溝女王，經常到蘭桂坊夜蒲識女 仔。這星期《盛女》講到參加者Mandy介紹了有碩士學位的Zion給Suki認識，兩人最後撻着拍拖。節目拍攝至今已8個月，自稱拍拖是「緣分安排」的 Suki和Zion，更毫不避忌地在記招上咀嘴晒恩愛，更被傳媒拍得攬啜搣股相。 據知情者透露，Zion其實與Mandy及《盛女》編導岑應非常老友，三人幾乎每星期都到蘭桂坊的Beijing和Sugar等夜店「搵食」，Zion獵 女習慣直至跟Suki拍拖後仍未有改，有時岑應及Mandy甚至在夜店介紹索女給Zion，Suki卻完全蒙在鼓裏。身在台灣和Suki避風頭的 Zion，被指是溝女王仍冷笑回應：「係男仔都識女仔㗎啦！」Suki覓錯郎，睇怕好快又變番「剩女」！
Mandy岑應孖住溝仔
至 於Mandy亦是非多多，有傳她其實是媒，與編導岑應是青梅竹馬的朋友，當其他參加者要公布真實年齡，Mandy卻有特權。Mandy回應本刊時亦承認： 「我同岑應由細玩到大，我拍過3、4次拖啦，上個男友識咗第二個咪分手囉。冇拍拖一年，咁啱岑應拍呢個節目時我單身，佢問我有冇興趣參加，我要佢應承唔公 開我年齡至肯。」 Mandy經常和岑應孖住蒲，據知Mandy在夜場內亦頗受男客歡迎，蒲親有仔埋身之餘，Mandy性格熱情來者不拒，Mandy亦承認：「以前我有好多 男仔約㗎，參加呢個節目只係想知有冇其他途徑識男仔啫。」尋尋覓覓始終得個桔，Mandy說：「港男睇嘢太窄，成日話男女平等，但又要受保護要女人照顧， 唔尊重女人；要公一份婆一份，又介意女朋友搵錢多過自己。」所謂家家有求，「剩女」唔係浪得虛名。
拍檔數臭 同學爆料 揭大話精Santino呃錢滾女
《盛 女》唯一男導師Santino，因貌似黃子華加過期鄭伊健，27歲仔造型似足MK潮童，加上「45度角望住」和「覆對方短訊要鬥字少」偉論，即時響朵兼被 起底。 本刊收到消息，自稱叫郭政彤（真名郭偉燊）的Santino，在加拿大讀高中時，早已衣着品味獨特，並經常四圍撩鬼妹同學打「友誼波」，更猴擒到嚇喊女同 學而成當地華人學生圈笑柄；而Santino前公司「PUA（HK）」夥伴、「Our Radio香港把妹達人」主持Norris向本刊踢爆有人在澳洲因犯事被踢出大學，去年更穿「PUA（HK）」櫃桶底！
自詡為「兩性關係專家」的Santino，聲稱根據多年資料搜集，以美國流行多時的「pick up」（把妹）理論加上實戰，自製一套溝仔女「課程」攻略，更吹噓自己除咗有位拍拖9年的正印外，另有5個女友，互知對方存在，十足港男公敵咁款。
收中女錢澳門陪玩
不 過，另一位「把妹達人」主持，即Santino前拍檔Norris Kong，週一向本刊踢爆Santino大話連篇。「大約03、04年左右，Santino在澳洲讀Year 1，因為打交Working Visa被取消，搞到大學都冇得讀要返香港。其實佢之前被澳洲警方懷疑涉嫌用假咭，不過最後佢打甩咗。」後來Norris介紹『Pick Up Girl』（「把妹達人」理論）畀Santino認識，一起組成公司「PUA（HK）」收生教學，後更獲網上電台「Our Radio」賞識開咪。 「（節目）講到Season 3，佢已經唔夠料，自睇完套（日本漫畫）《夜王》同《帝王》，諗到扮成男公關咁去speed dating，點知真係有啲中女又冧佢喎，仲試過有次同一個中女過澳門玩，收咗人哋1.2萬利是添！」去年「PUA（HK）」舉辦電影包場，Norris 指有人借影相為名，趁機落格2、3千元，Santino後自組「Faculty of Romance （牽緣學系）」，起Norris飛腳。
Santino 曾以原名「郭偉燊」於加拿大「Columbia International College」就讀高中，並於香港開設牽緣學系有限公司教人溝女，但有指佢聲名狼藉，現跟前拍檔Norris反臉。週一問到穿櫃桶傳聞，現跟 Santino搵食的徒弟Pierce（左）則搶說：「佢只喺用咗啲錢請Photo（攝影師）食飯。」
一夜情唔衞生
而 其中學同學亦向本刊爆料，指Santino在加拿大「Columbia International College」讀高中時，早已喜歡着衫唔扣鈕，貫徹其獨特口味，更被同學取笑係「曱甴鬚」。當時佢亦相當積極女，不時撩鬼妹「一晚企」，有女同學更被 佢嚇喊。 Santino上《盛女駕到》時稱，有一拍拖9年的女友（本刊得知為Caroline），又跟人聲稱溝掂上海有錢主播龔露，但Norris踢爆 Caroline已飛甩他：「佢要吹到有好多女冧佢，唔係點教人追女！當初我哋落街實戰時，佢仲好鵪鶉話『唔得呀，我有女朋友㗎！』根本龔露從來冇同佢拍 過拖，佢約過人一次啫，人哋都拒絕咗，佢咪用呢件事扮自己溝女叻囉！」週一（16日）晚Santino大反駁：「我好討厭one night stand，好唔衞生。佢話我用假咭？你哋有證據就攞出嚟，對於前拍檔嘅嘢，我冇嘢再回應。我唔係俾人趕出境，只係大學3年班時去咗上海做嘢，冇再返去讀 書啫！我亦都唔會為錢出賣肉體！」
各施各法
帶領Santino入門做「把妹（追女）達人」嘅 Norris，大彈後輩在節目教盛女溝仔技巧學藝未精。「暫時套theory未有for女仔用嚟追男仔，佢根本只係將套男仔扮cool嚟吊女仔癮嘅方法掉轉嚟用。」
45度望對方 本來係希望減少女士try-hard嘅表現，但佢咁講好矯情，會令到男方驚同覺得唔尊重。 正面望對方唔超過3秒 男方會以為你好輕佻同白鴿眼，十足港女咁，一定趕客！ Send Message的字數要比對方少 搞到女士以為扮高竇就work，如果係開始大家互相flirt嘅時候就仲可以，但之後大家點樣再溝通同發展落去？」
導師要自救
《盛女》被網友狠批，當中一班負責教導盛女嘅「導師」，水平和價值觀被質疑，其實部分導師本身也是單身剩女，根本能醫不自醫。
人生教練 Winnie
加拿大約克大學心理學畢業嘅Winnie（梁穎妍），曾做過《蘋果日報》名人版，現職人生教練（Life Coach）6年兼寫美容專欄，但佢因嫌男友「太老練」而剛分手，自己都未搞掂喎。
鑽石級媒人 Mei Ling
手上持有大量「筍盤」嘅Mei Ling（吳美玲），開辦「Hong Kong Match Makers」婚介公司，為高學歷的商界尖子服務，女性年薪50萬起跳，男性則要70萬，現跟退休商人丈夫廖佩章（左）居於市值約千8萬的何文田山賀龍居相連單位，生活無憂。
語言訓練導師 Eva
由加拿大回流發展嘅Eva Lau，本身為舞台演員，擅長說話訓練以改善溝通技巧。自言「私人嘢唔會透露」嘅佢現時單身，更對本刊反駁：「好似Winnie話齋，識煮餸都唔一定要開餐廳」，語言訓練專家，真係得佢講晒！
星級化妝師 Jessica
任職形象設計和化妝的Jessica是補習天后June親妹，為不少TVB藝員及歌手化妝，她曾批評盛女「男人鍾意漂亮同標準身形」。原來她在23歲時結婚，但已離婚5、6年，現時冇拍拖，好冇說服力啫。 ####
輕攬豐腰 02年時，圓潤的Florence和初戀男友Kenny一齊往夏威夷參加朋友婚禮，男方輕攬女腰，少有着住低胸晚裝的Florence，都幸福過。 初戀I.T男友Kenny
殘爆睇日出 Florence跟初戀男友一齊去夏威夷睇日出，未瞓醒的Florence披頭散髮，零妝夠自然。
我同港女係唔同嘅！真實對白
前週五（6日），四位盛女出席宣傳活動時，獨欠單親媽咪Gobby，而節目編導岑應則企正喺中間，相信她們當時未想過合作引起咁大回響。
早前Florence接受本刊訪問時，直言自己並非港女，並說：「我睇愛情唔係單憑學歷、收入同外在條件決定！」
大字歎
瞓浴缸 難得去夏威夷度假，Florence亦忍唔住在大浴缸內攝影，而Kenny則大字形喺梳化攤唞，關係甜蜜痴纏。
自稱睡美人 Florence見到大床即時影番張海棠春睡，見佢搽住鮮紅色腳甲油、又自稱係睡美人，三高女原來都有浪漫一面。
29歲才初戀的Florence，於加拿大邂逅同在當地讀書的Kenny，其實算係中女版《那些年》，難怪刻骨銘心。
Vera Cheung Florence同Vera係孖公仔，婚介顧問Mei Ling更批評她掛住同Vera傾偈，冷落相睇的城大專上學院講師曾志剛（CK）。
Vera曾在澳洲長住，跟大隻男合照留念。
Bonnie於電台節目自爆唔小心做過2次第三者，又於blog內的婚姻狀況一欄填上性開放，後生女真鬼馬！
想搵到個可以依賴嘅男人啫！真實對白
Bonnie熱愛寫blog，亦愛於blog中放單人相，其中07年於澳洲留學時的照片，見佢又舔雪糕、又擺晒pose咁，都好可愛啫。
開咪博入行 《盛女 》節目未出街，Bonnie已跟導師Santino的徒弟Pierce，於民間電台中主持節目《盛女再作戰》。
被 爆種金 前社民連秘書長，現為網台主持的季詩傑，上週五於香港人網中爆曾於英皇金融工作的Bonnie疑似種金，他於節目中說：「我想講呢個《盛女愛作戰》……嗰 班原本種金㗎喎，我見過個節目中其中嘅一條女……」而Bonnie亦曾以甜心婉兒名字於Instagram上載一張英皇集團中心的相片。
季詩傑
Bonnie搵到人生目標，積極開咪做節目，日前飯敍蹺住現任商台CEO的陳志雲，果然識do夠叻女。
係緣分安排！真實對白
親密錫 Suki和Zion雖然已經拍拖8個月，但兩人仍十分親熱，上週四（12日），Suki出席完商台《光明頂》陶傑訪問後，Suki即飛撲往九龍城茶餐廳搵Zion，兩人於茶餐廳內更不避忌打茄輪。《蘋果日報》圖片
《蘋果日報》圖片
搣pat pat 食完咀完，Zion連送Suki回家時又忍唔住搣她一下pat pat。《蘋果日報》圖片
6呎2多女圍 任職美亞保險經理的Zion平時勁多女埋身，但據知他亦是九龍城潮語浸信會的話劇團中堅分子，而有劇友就力撐Zion教會內和女教友保持距離，搵食都識得行遠啲。 美亞保險經理Zion Ngai
Zion愛玩自拍，於Instagram內亦有上載一張跟Suki的親密合照；而Suki十分「醒目」，被人起底後，連fb亦刪埋，改用另外戶口再開戶，以防被人再摷料。
於港大碩士畢業的Zion，據知女性緣甚佳，常和一班女仔去旅行。
Mandy愛夜蒲，星期一至日幾乎晚晚有party，據知她蒲親都酒不離口。
在岑應介紹下，古巨基上年〈鑽石敗犬〉MV，Mandy和人生導師Winnie都有份客串，而Winnie則說：「我都係嗰刻先識佢！」
上週五（13日），Gobby出席特備節目《盛女駕到》錄影時，不堪傳媒追訪，岑應即挺身而出助她解圍。
花名曱甴鬚 前年Santino曾以假名「郭政彤」參加tvb.com舉辦的「10分試愛」活動，更在簡介上自稱「米蘭郭政鴻」，又自稱怕醜和不善溝通，但有舊校友將參賽相惡搞並踢爆其舊花名「曱甴鬚」。
Santino以一頭gel到行嘅「伊健髮型」，再加開到落肚臍嘅西裝造型，被網友取笑「似日本牛郎」、「深圳鴨仔」，但原來真係參考過有關造型。
前拍檔Norris
被舊拍檔Norris爆「同女友講嘢唔掂」兼「追女經驗唔夠」，今時今日Santino升呢做「兩性關係導師」，難怪其偉論一出口，全城嘩然。對於拍檔指他穿櫃桶底，他說：「唔係我負責喎！」《蘋果日報》圖片
Santino自稱任職設計師，但其實只係布料採購，對於自己衣着一時似學陳浩南、一時又超MK，他仍很自信說：「因為我咁着好睇囉！」
拍拖9年俾女撇 Norris指Santino跟女友Caroline在澳洲讀書認識，跟男友同齡嘅Caroline任職日資公司當日語文書工作，Norris形容佢「冇乜主見，好信任男友」，對於俾女飛，Santino說：「我哋離合過好多次。」
溝上海有錢主播 有指在上海生活過嘅Santino，跟上海籍有錢主播龔露關係親密，在微博只關注她，但Norris再踢爆「佢想追人，但人哋只係同佢食過一次飯，跟住都冇下文啦！」。
單身
已婚
單身
曾離婚
沒有留言:
張貼留言