食過法國菜都知，賣相味道講究，仲要配埋靚餐酒，呢種就係法國人對生活要求嘅一份執着！不過由頭盤至甜品最少都有四道以上，閒閒哋食3個鐘，叫食開快餐嘅香港人點接受？
同法國菜一樣，法國車一樣要人慢慢欣賞先知係好嘢，所以揸車趕頭趕命嘅香港人好難buy佢。因為咁， Citro螚同Peugeot更曾經一度停止引入。今年2大法國品牌轉代理捲土重來，最新2部更加係最大路嘅五門揭背DS4同細碼7人5008，期望會啱番香港人口味！
闊 別香港一段時間嘅法國2大品牌Peugeot同Citro螚，早前由新代理率先引入迷你揭背Citro螚 DS3同公子小跑Peugeot RCZ兩大搶眼車種同大熱MINI與Audi TT對撼，成功與否問題不大，起碼贏咗noise先。今年代理就解凍2部已經喺外國賣緊嘅實用車種輸港，分別係衝着家庭揭背王VW Golf而來嘅Citro螚 DS4同挑戰如Toyota Wish等中型MPV嘅Peugeot 5008，前者以精緻包裝，貴同級車成10萬，真係要好識欣賞至得；後者反而只係貴日本對手2、3萬，設備又夠齊全，跑出機會反而大啲。
有着法式外表個性
法 國人一向講性格，連帶法國車都與別不同，從外表上已經可以睇得出，無論係之前到港嘅「玩車」DS3同RCZ或者今次「實用車」DS4同5008，外形同線 條都比現時追求多骨線嘅同級車款圓潤好多。 不過，雖然圓潤係共通點，但唔代表法國車唔會有變化，好似DS4比起DS3，無論外形、用色上都明顯走高雅路線，車頭雖然同樣用Citro螚家族式隱藏廠 徽鬼面罩，但頭燈、車尾都煥然一新，唔會一個設計用落幾個車款咁悶。至於5008，身為一架實用型MPV，外表上比較保守，反而有啲似日本車嘅風格，幸好 飽滿車頭造型加上家族式大徽章，可以話到畀人聽，我係法國仔！
勁多花臣 安全窩心
法國出品除咗外形賣「靚」，喺設備 上都有勁多其他車冇嘅花巧嘢，尤其係喺安全方面，DS4同5008同樣達歐洲撞擊測試五星標準，中控台上同樣有獨立顯示燈監察乘客是否扣上安全帶，德、日 車系中罕見。 除咗共同特點外，DS4更有一套Blind Spot Monitoring System盲點監察系統，只要喺車速達20km/h以上，打燈cut線時有車喺左右出現，兩邊後鏡就會喺左上角着燈提示，而且跟車已包括自動轉向頭燈、 超聲波防盜系統、前按摩電動椅……設備多到不得了！ 5008亦都唔弱，喺傳統表板上就整咗塊可以電動開合嘅透明投射式表版顯示車速，令駕駛者可以放更多視線喺路面上，加上全車座位用晒3點式安全帶，每個乘 客都 可以得到最全面保護。
Peugeot 5008 Spec.
引擎：1,598c.c.直四turbo 馬力：156/5,800 扭力：24kgm/1,400 - 3,500rpm 傳動：6速Tiptronic自動 車身：4,529×1,837×1,644 車價：$298,800 查詢：2834 4128（法國汽車）
獨有設計 開揚感覺
法國車不單外形飽滿，事實都比同級車款高同闊！DS4比 Golf闊咗24mm同高咗46mm；而5008亦都比Wish闊咗92mm同高咗44mm，所以2架車都可以比同級車有更闊、更高嘅空間。DS4擋風玻 璃大到去頭頂咁滯，前座開揚度爆燈，仲有諗都未諗過嘅活動遮光板，細心到暈！不過因為DS4希望外形更sporty，所以車尾比較低矮，後座頭部空間比 Golf窄，而且為遷就流線設計，後車門車窗竟然冇得開，有愛靚唔愛命感覺！ 反觀空間運用上5008就照顧得比較周到，5008採用2+3+2座位布局，而且罕有地採用獨立式分割座椅，頭部及肩部空間都冇得彈，加上原廠特大玻璃天 幕，有如坐喺架7座開蓬車之中。不過因為車長比同級Wish短61mm，即使尾排已偷到好薄，但腿部空間依然狹窄，呢點有待改善。
Citron螚 DS4 Spec.
引擎：1,598c.c. 直四turbo 馬力：155ps/5,800rpm 扭力：24kgm/1,400-3,500rpm 傳動：6速+/-電動離合器 車身：4,275×1,810×1,526 車價：$358,800 查詢：2834 4128（法國汽車）
DS4
5008
波箱性能大分野
講 設備法國車確係細心，但喺機械設計上真係唔太啱香港，DS4同5008同樣用牌費貴一截嘅1.6公升直四turbo引擎，而且馬力、扭力幾乎一樣，不過放 喺2架唔同車種，再配合唔同型式波箱，當然各有特色！ DS4車重1,460kg，比160匹Golf GT重174kg，不過DS4因為引擎容積比Golf大200c.c.，加速反應出奇地快！可惜DS4嘅6速電動離合器波箱運作反應一般，而且轉波比傳統 自動波突兀，論反應、論舒適，似乎跟平10萬嘅Golf GT DSG波箱比下去。另一邊廂5008用上由Porsche所開發嘅6速Tiptronic波箱，反應都較DS4快同暢順，舒適度比DS4可以用倍數形容。 幸好，DS4車架比想像中紮實，而且轉向準繩，急彎轉向車身鮮有重大傾側，配合軚盤+/-波檔撥片，算係為駕駛樂趣加分；而5008駕駛上則如一部穩重的 MPV沒有驚喜，但就有一定舒適性。 ####
從車側看DS4（前）同5008（後）都唔覺有鋒利骨線，似乎法國人比較愛圓潤。
DS4 中控台按鈕清晰，用料造工都有高級歐洲車水準，而且膠感唔重。
5008 膠感重，而且軚盤不設控制按鈕，感覺上有啲過時。
DS4 位於A柱嘅超聲波感應器，只要車上鎖，若有賊仔打爆玻璃偷嘢，感應器就會探測到空氣流動，自動響防盜。
當cut線時旁邊行車線有車，車側後鏡上嘅公仔就會着黃燈提示。
表板內外圈可分別獨立設定唔同顏色背光，有白、淺藍、藍同紫4色。
5008 車內倒後鏡分上下兩塊，可以減少出現盲點位同嵋實後座細路，夠晒貼心
中排中間位都用三點式安全帶，由車頂拉落嚟分兩邊扣喺座椅兩旁。
加入咗投射車速表板，駕駛者可更專注喺路面上。
無論係5008定DS4，都有獨立顯示器顯示乘客安全帶扣好未。
左起：Peugeot 5008、Citron螚 DS4
大銀幕頂除咗有普通太陽擋外，更可分左右獨立前後推改變大銀幕透光面積。
後座下身空間其實好鬆動，不過頭部空間一般，而且進出車廂唔太方便。
DS4前座雖然缺少電動調校，但多咗按摩同發熱功能，同級加錢都冇呢種option！
除咗要留意橫跨前、中座嘅玻璃天幕，仲要留意中、尾排座椅可完全扳平。
中排獨立座設計，3個位面積平均，而且空間不俗。
尾排腳位不足，小朋友坐會比較適合。
DS4 DS4嘅1,600c.c.直四turbo引擎比5008少1匹，力量表現不錯，卻被波箱拖累。
DS4嘅電子離合器波箱表現平平，細小波棍設有M檔，可隨軚盤上轉波撥片作手動轉波。
5008 與DS4共用引擎，用喺7人車時反而只係剛剛夠用。
5008用嘅6速波箱始終係Porsche出品，雖然都係傳統自動波，但用落比DS4嘅波箱柔順好幾倍。
沒有留言:
張貼留言