【新車保養入門知識】

女人同男人唔同，大部分女人揸車都係為咗代步，好少好似我咁愛車如命。所以唔少女車主只識揸車，但你問佢一啲關於車嘅基本常識，佢可能呆咗喺度唔知你問乜！今期講吓一啲關於新車保養嘅入門問題，專業司機可能覺得啲問題有無咁「入門」，但實際上真係有司機唔識㗎！
乜嘢係偈油？幾時要加？
偈油即係汽缸潤滑油，能減低活塞活動而引起汽缸嘅磨損。你可以自己加偈油，但要先檢查偈油係咪充足。最簡單係去入油時，麻煩加油站職員幫手檢查。
係咪要定期入水畀架車？
如果架車水箱無漏水，通常兩個月加一次，只需要喺後備膠水箱內加蒸餾水或車用coolent就OK。記住唔好加水喉水，會令水箱生鏽。
新車落地幾耐先可以打蠟？
新車油漆需要三個月去settle，過早打蠟有機會磨損表層clear coat，一般架車出廠日期加三個月就可以打蠟。但唔好以為打蠟打得多對架車一定好，過度清潔車身會加速車漆老化，每星期洗兩次車，一年打一次水晶蠟，平時用雞毛掃輕輕掃幾下，咁就夠晒。
唐安麒玩車Profile
唐 安麒國際集團主席，於美容界及商界地位眾所周知，但卻不像一般女人以名貴珠寶及潮流服飾為樂，最大興趣是玩車，喜歡落場比賽那種不限時速的自由快感，91 年已開始玩小型賽車，擁有過的名車包括Ferrari、Porsche、Rolls-Royce、Jaguar等，現役座駕為Aston Martin DB9，品味超然，玩車界女中豪傑。 ####