老婆 懷孕 七個月 蔡一智 報喜 晒 超聲波 B相

老婆懷孕七個月蔡一智報喜晒超聲波B相

龍B效應果然厲害！在龍年做父母的圈中人，真正是大排長龍，繼劉德華、楊千嬅、黎姿、朱茵後，蔡一智昨日在微博宣佈將再為人父，太太周雪芳已為他懷龍B，令原本已十分熱鬧的圈中生B潮，再多添一份喜悅。
 
在今個龍年要做龍爸龍媽的圈中人多到數都數唔晒，昨日，蔡一智也來排隊，在微博宣佈太太周雪芳有喜，並附上一張胎兒超聲波照片，胎兒的面部輪廓已成熟。
順天命不設防
阿智在微博中寫道：「今年喜訊特別多，我家幸運有一個，多謝上天的恩賜，大女Gigi笑到眼睛唔見咗，細女China將榮升二家姐，蔡家上下笑呵呵、興奮莫名、多謝夫人！」阿智宣佈喜訊後，伍詠薇、袁詠儀等好友紛紛留言恭賀。雖然阿智未有透露太太懷孕多久，但他昨日接受商台電話訪問前，宣傳聲帶指他太太懷孕七個月，阿智在節目中宣佈再做爸爸：「冇特別追，係個天畀我，生完細女都不設防，到今年真係有，預產期下半年。」
撲床位好辛苦
問到BB性別時，阿智說：「有啲眉目，但唔肯定唔講住，反而兩個女想要細佬，朋友話我外父相。我仔女都冇問題。」阿智昨日接受本報訪問，問到太太是否已懷有七個月身孕，他故作神秘說：「差唔多喇，唔係要玩乜嘢神秘，有BB係開心事，只係唔想太太受到騷擾，有人知道咗咪講囉。」林珊珊指不知阿智是否已爭到床位？阿智隨即哈哈大笑：「我家至知原來生仔床位真係咁緊張，由驗到已開始搵床位，但一直都搵唔到，好彩有醫生朋友幫手，好辛苦、好艱難咁至搵到私家醫院一張床位。」生仔價是否比之前生女時昂貴好多？阿智說：「唉！錢呢個問題，已經冇諗，有位就算。」會唔會再追？他說：「我open嘅，但都要尊重夫人，生BB好偉大，好辛苦，如果真係想再有，會問吓夫人。」採訪：李珮洳

阿智宣佈太太周雪芳再度懷孕，為他添個龍B。資料圖片

阿智將胎兒的超聲波照片上載到微博，胎兒已見成熟。微博圖片

蔡一智經常陪二女兒China玩耍，以後將會更加忙碌了。資料圖片