去年尾，陳芷菁與大律師老公張錦榮婚姻亮紅燈，本刊更拍得張大狀夜麻麻貢上尖沙嘴只招待男賓的桑拿浴室揼骨。 為箍實花弗老公，深信風水命理的陳芷菁，近日火速搬離桃花極旺的大埔雍怡雅苑舊居，舉家遷入同區的比華利山五層高獨立屋別墅。雖然新屋比舊居貴足足一倍 租，不過換個新環境可增進夫妻感情，讓老公戒絕外間女色，陳芷菁當然笑住俾。日前她返電視城錄影節目，春風滿面大談老公：「我哋依家好好，佢（老公）依家 晚晚返屋企陪我，杜絕晒啲女仔埋身。」張太終於飲得杯落！
去年中陳芷菁和老公張錦榮的感情正處於低潮期，情緒低落 的陳芷菁，除了在微博上載多段對婚姻失望的心聲，據知篤信風水的她，更四出搵師傅化解婚姻危機。陳芷菁一名好友透露：「芷菁為咗呢頭家做咗好多嘢，佢喺舊 屋都擺咗好多有利夫妻和順嘅擺設，不過芷菁覺得擺咗之後，老公依然成日早出晚歸，兩公婆好少溝通。佢問過師傅，師傅話佢間屋好重桃花，繼續住落去，佢哋是 但一個好容易會有外遇。」
與新居比華利山別墅相比，麥玲玲師傅話陳芷菁舊居雍怡雅苑較旺桃花：「雍怡成個地形都係吸納桃花位，所以住嗰度嘅人一定旺桃花。反而住比華利山就有利夫妻宮，兩夫婦一定和睦。」
有商有量
為免桃花屋影響感情，日前陳芷菁一家索性搬竇，由大埔雍怡雅苑，搬到同區的豪宅比華利山四千呎獨立屋，新居比舊居大至少一千呎，月租要五萬元，比舊居貴接近一倍。 日前，記者發現張大狀趁着復活節假期，與老婆夾手夾腳由舊屋執拾細軟搬往新屋。其間兩夫婦有商有量，見老婆拎着兩個裝滿雜物的大膠袋上車，張錦榮亦即時拍拍老婆，示意由他拎，看來夫妻關係比去年的確大有改善。
打算追仔
為箍實老公，除了搬新屋避桃花，42歲的陳芷菁更有意為老公再追個仔，好讓張家有後。「芷菁其實呢幾年都想追個仔，覺得屋企有個『好』字美滿啲，佢搵嗰個師傅話新屋利夫妻之餘仲旺丁，最後芷菁先扑槌租呢間屋。」陳芷菁早前亦透露若佗BB，便會減少幕前工作，專心相夫教子。
陳：老公冇再出夜街
早前，陳芷菁到電視城錄影《盛女駕到》節目，她大方承認搬屋一事。 記者：記 陳芷菁：陳 記：你舊屋住咗好短時間，點解急住搬屋？ 陳：唔想俾人跟，以前曾志偉住喺我隔籬，我成日好驚啲記者跟佢會順便跟埋我。 記：係咪舊屋重桃花？擔心老公出去玩？ 陳（沉思一陣）：其實佢（老公）冇再去夜街喇！嗰次你哋出咗新聞話佢去揼骨之後，我都話佢「抵死」！去咩男賓部呢？哈哈……依家佢晚晚準時返屋企，杜絕晒啲女 仔埋身，真係要多得你哋。 記：搬屋之後，感情好過之前？ 陳：都係 ！ 記：有冇搵師傅睇過新屋？ 陳：都有，師傅話呢間屋會利健康，住喺度嘅屋企人都會和睦相處。 記：係咪打算想追個仔？ 陳：唔……依家未諗住，睇定啲先啦！ 除了靠風水命理，其實要維繫感情，最重要始終係靠夫妻兩個人嘅努力囉！ ####
夫婦齊心 兩公婆在家品店掃了數袋日用品，上車時張錦榮示意老婆先上車，自己就負責搬大件雜物上車，對老婆相當體貼。
住家男人 4月4日，陳芷菁偕老公張錦榮出動搬屋。以往西裝骨骨的張大狀，搬屋時着上一身casual look，甚有住家男人feel。
去年9月，陳芷菁在微博不斷發放婚姻出問題的字句，本刊亦拍得張錦榮偕男性朋友到只服務男賓的尖沙嘴溢泉桑拿揼骨。
日前陳芷菁在微博承認搬家，有網友問她點解搬屋？她答得相當幽默。
舊居
新居
甜笑回應 4月13日（周五）陳芷菁在電視城大方回應與丈夫關係有改善：「佢晚晚一定返屋企食飯，陪個女同陪吓我。」 佢依家好乖。（真實對白）
鎖住你心 兩夫婦在大埔墟買完日用品後，陳芷菁到附近賣門鎖的店舖親自挑選靚鎖。買鎖都咁認真， 係咪有暗示？
幸福家庭 陳芷菁透露目前最大心願， 是能與丈夫張錦榮及女兒張家瑋一家三口過着幸福生活。
考慮退出 為了維繫家庭，據知陳芷菁逐漸減少幕前工作，反而會專注演藝人協會事務，幫藝人處理問題。
曾想自殺 向來想法悲觀的陳芷菁，周一（23日）早上，在微博透露曾想了斷生命，亦坦言現在會努力去愛人。
沒有留言:
張貼留言