趁住來港拍戲，「國產Angelababy」劉羽琦把握機會，夜蒲中環，豈料卻遇正三狼：錢國偉、李璨琛和沈震軒，「貓晒」的劉羽琦被三狼過足手癮，托胸𢭃籮捉手仔，蝕晒。
乘機攝位
拍 「夜蒲」電影出位的導演Wilson錢國偉，現實中同樣係「夜蒲聖手」，出手既狼且快，而且食得唔好嘥，連身邊演員都唔放過。 上週三（四月十八日）凌晨一點，有「國產Angelababy」之稱的劉羽琦、李璨琛和JJ賈曉晨緋聞男友沈震軒，由導演Wilson帶隊，踩上中環安慶 台熱門蒲竇Play，沈震軒更徹底換look，染了一頭金髮，十足蒲友格。 三男一女一行四人在夜店玩足三個鐘，凌晨四點終於劈夠，著低胸短裙的劉羽琦醉到fing手fing腳行唔穩，踩住四吋高踭鞋大玩「貓步」；Wilson立 即把握抽水機會一個箭步上前，從後攬實做過「足球寶貝」的劉羽琦上腰，與C級「世界波」幾乎零距離，但劉羽琦對Wilson的上帝之手問題球毫無知覺，更 轉身同對方咬耳仔，露出一副冧樣。
享受世界波
醒目Wilson食到頭啖湯，四人行到安蘭街長樓梯位置，李璨琛也不甘後人，展現「紳士風度」，主動上前孭起醉娃落樓梯，雙手順勢往劉羽琦兩髀一𢭃，加上豐滿好波打孖降落後背，簡直雙重享受。 睇住兩位brother出手，金毛沈震軒有得睇冇得食，本來在安慶台已經揮手say goodbye，見到「有飯開」，一於唔執輸行返轉頭，可惜兩位狼兄佔盡好位，沈震軒僅在醉娃酒瘟失控踢甩高踭鞋時，爭取做執鞋仔，再捉實劉羽琦幫佢著鞋，執個尾彩。 被李璨琛孭住落樓梯直達皇后大道中後，Wilson接手繼續扶實劉羽琦，其他人在路邊截的士，再由Wilson負責送她離開。無其他兄弟阻頭阻勢，在的士上Wilson繼續上演好戲，兩人無縫頭貼頭，明顯見到Wilson狂嘴女方。
明益老友
據 知，自從劉羽琦參與Wilson執導的《戀夏•戀夏•戀戀下》後，兩人變得熟絡；最近再開拍《喜愛夜蒲2》，除了女主角苟云慧，Wilson亦安排劉羽琦 參演一角。 對於夜擒事件，Wilson說：「當日劉羽琦係由北京嚟試造型，因為佢未去過香港嘅夜場，所以先約埋有份演出嘅沈震軒一齊落去睇景兼消遣。當晚除咗我哋， 關楚耀都喺度，成班朋友玩得好開心，咁先飲多咗啫！劉羽琦走嗰陣已經醉晒，又著對四、五吋高踭鞋，連行都行唔到，唔通唔扶佢咩！總之真係完全冇心嘅，希望 大家唔好誤會！」 ####
沈震軒 1:00am Wilson拖住著大露背超熱短裙的國產Baby，以及金毛沈震軒到Play夜蒲喪劈。
3:35am 金毛軒離開Play，跟Wilson、李璨琛及國產Baby仍識得講拜拜。
返轉頭 點知金毛軒又返轉頭，陪兩個brother挾住國產Baby行落安蘭街，Wilson愈攬愈實，挨住他的國產Baby更醉到拂走腳上四吋高踭鞋。
執鞋 嘔完一輪，清醒少少的金毛軒跟李璨琛夾手夾腳，幫國產Baby執鞋。
箍實 見國產Baby講唔停，Wilson加多兩錢肉緊，左手亦向上移位，托實國產Baby的波邊，而腳步浮浮的金毛軒亦拖住國產Baby，一行四人行落樓梯。
托胸
壓上身 國產Baby醉到冇晒力，李璨琛即時「捱義氣」孭住擁有34C的她落樓梯，為防跌落地，李璨琛兩手用力𢭃住她的豐籮。
冧晒
合力將國產Baby送上的士，機不可失的Wilson閃埋入車廂內，接住向冇晒反抗力的國產Baby狂嘴。
狂嘴
李璨琛早前自爆向拍拖七年女友Pae求婚，不過求婚後一直未有下文，至今仍停留拖友關係。
劉羽琦（後排右二）有份拍《喜愛夜蒲2》，早前來港試造型，之後便相約導演Wilson等人夜蒲。
有翻版古天樂之稱的沈震軒，未染金毛前，先後跟徐子珊及JJ傳過緋聞。去年中，本刊拍到他跟徐子珊到灣仔學跳舞，fans更將二人合照放上網。
沈震軒跟JJ大前年合作旅遊節目而傳出緋聞，二人之後又被影到在將軍澳踢拖行街。
Wilson拍親遊戲節目，一班女仔都要性感打扮，著泳衣晒身材走唔甩。
沒有留言:
張貼留言