曾與歐陽Bobby齊名，獲封為「師奶殺手」的陶大宇，大好事業，因06年偷嗒郭羨妮，再同老婆離婚，形象、事業從此向下急插；即使一度知衰氹番前妻，但復合僅半年，再度各行各路，前妻拒回收，舊愛郭羨妮亦已下嫁內地武指，重新嚟過大肚等做媽咪。
成為三角關係中最失敗一個，轉戰內地，但陶大宇卻有異於其他港星，冇人搵佢拍劇，要搵錢開飯，唯有以開心價二萬元接夜場騷。連平日篤波消遣，亦由過去尖沙咀，下移到牛頭角街坊波樓，慳家過日。
收視唔掂
○六年拍《學警出更》偷嗒郭羨妮，陶大宇住家好男人形象大破產，前妻阿寶（黃寶慧）提出離婚，親證郭羨妮是第三者，但不倫戀一年唔夠，分手收場。 師奶殺手變賤男，陶大宇為女賠上事業，形象沉底，往後在無綫孭飛的兩部劇集《和味濃情》及《掌上明珠》，收視均未如理想，加上氹唔掂掌管藝員部的樂易玲，陶大宇於是轉戰內地市場。 「九七年，大宇因為見《刑事》大收，要無綫加人工，不過傾唔掂，佢擘晒面炮轟無綫，話過乞食都唔會返去，後來雖然扮衰仔再返無綫，但搭上咗郭羨妮搞出事，擔旗嘅劇收視又唔掂，無綫即刻飛佢！ 「依家佢同無綫無約，雖然好似其他人咁返大陸，但唔係個個掂，之前佢同溫兆倫拍過套內地劇《義本同心》，酬勞價唔高，但因為反應唔好，跟住都無製作人搵佢。」一名內地製作人說。
家庭保事業
除了陶大宇，當年「師奶殺手」人腳仲有歐陽震華、吳啟華、劉青雲，個個有幸福家庭兼愈做愈有，唯獨陶大宇拋妻令形象盡失，愈撈愈霉。 吳啟華 人財兩得 與陶大宇是訓練班同學，雖然拍過三級片，身邊女伴經常換畫，但自從接拍了《妙手仁心》系列後，痴情醫生形象令事業大翻身，不停有機會在內地拍劇狂賺人仔。○九年在內地拍攝《俠醫傳奇》期間，認識細自己二十一年的長春女演員石揚子，二人註冊結婚，並誕下女兒，人財兩得。
歐陽震華 拍唔停 憑《壹號皇庭》系列爆出的歐陽震華，之後孭飛的《醉打金枝》、《陀搶師姐》、《洗寃錄》系列均大爆，進身師奶殺手，同時也是無綫收視福將，近年長駐內地拍劇密賺，與澳門前賭王傅老榕孫女傅潔嫻結婚十六年至今。
林 文龍 有驚無險 八十年代尾加入無綫，在《都市的童話》初做男主角，之後拍攝《錦繡良緣》、《皆大歡喜》、《法證先鋒》及《布衣神相》等作品，但最叫人津津樂道是公開力追 花旦郭可盈。二人於○四年結婚，雖然其間爆出背妻偷食，但林文龍願意浪子回頭，更與太太誕下女兒，成功保住形象，近日更與王維基簽約，與娘家無綫打對台。
劈價求生
遭無綫冷待，大陸又無人吼，陶大宇馬死落地行，向內地搞手撈做登台剪綵，人窮志短，想當年「師奶殺手價」十萬八萬，今時今日賤男優惠價，兩萬人仔照殺。 「佢主力返大陸做吓剪綵活動，東莞、常平、溫州遠近都去，就算酬勞得兩萬人仔都照殺，如果一個月走到兩轉，都執到啲嘅！」知情者說。 收入有限，並無物業揸手的陶大宇，兩年前以萬五元月租搬入紅磡的服務式住宅海灣軒，平日出入，仍是十年前購入的舊款凌治，又經常翻著舊衫，慳得就慳；之前就因為拖欠超速罰款，被警方通緝，押上「豬籠車」帶返警署兼上法庭，倒霉事件接二連三。
殺手興衰
48 歲的陶大宇，18歲參加藝員訓練班入行，起初只做閒角，92年參演《壹號皇庭》，開始為人熟悉，其後更憑《刑事偵緝檔案》系列開始爆紅，深受一眾師奶觀眾 歡迎，獲封為「師奶殺手」。走紅後，陶大宇要求無綫加薪但被拒絕，最後決定離巢並向傳媒炮轟娘家：「以後乞食都唔返無綫！」 之後陶大宇過檔亞視，接拍劇集《縱橫四海》，人氣不復當年。03年他反口重返無綫，拍了《青出於藍》、《開心賓館》等劇，但已無法挽回昔日氣勢。
探路投魔童
四十八歲中佬要翻身唔易，但陶大宇未有坐以待斃，眼見電視大戰即將爆發，「電訊魔童」王維基不斷對準無綫大挖角，張可頤、林文龍、黃日華已加盟旗下，他亦主動搵人搭路撈，求財若渴。 「王維基要打仗，係咁狂撬無綫啲人，因為有好多以前嘅舊同事過咗去，大宇就搵佢哋做中間人搭路𡃁撈！」陶大宇身邊人說。 對於向王維基叩門，陶大宇避重就輕：「以前TVB啲朋友過咗去，我係約過佢哋飲嘢，但真係無傾王維基！依家上大陸剪綵幾好吖，收人民幣，只要你肯做，係唔會無嘢做！」 要劈價求生主動𡃁撈，陶大宇事業無運行，感情生活亦乏善足陳。自○七年被郭羨妮狠飛後，陶大宇一度希望與前妻阿寶重修舊好，經常借探狗為名，爭取相處時間。 「俾郭羨妮飛咗之後，佢好失落，好多時會借啲意去搵阿寶，對方本來都心軟，但喺番埋一齊發覺已經無咗之前嘅信任，半年後都係決定分手
慳家消遣
老 婆拒回收，舊愛郭羨妮去年亦嫁內地武指朱少杰，更加大埋肚將於七月產女。兩女選擇重過新生活，陶大宇去年被發現與做傳媒的女伴來往，近日亦有傳他交上內地 女公關。 平日在港，陶大宇深居簡出，身邊亦未見有女埋身！唯一不變，是依然喜歡篤波，不過，以前去尖沙咀，今日降格落牛頭角，到位於德寶商場地庫的桌球室篤波打發 時間，一篤六小時，仲要校啱時間，在俗稱「學生鐘」的優惠時段開波，四十七蚊一小時，平玩。之後駕車返回紅磡寓所，飯都冇出街食。
嗒女出事
與前妻黃寶慧拍拖近十年，00年拉埋天窗，直至06年拍攝《學警出更》，背住老婆與拍檔郭羨妮撻着，雖然二人堅決否認戀情，但阿寶不甘被第三者介入婚姻，公開大爆：「郭羨妮係第三者！」並稱自己與老公都是受害者。 一個月後，阿寶忍無可忍提出離婚，但陶大宇仍被發現漏夜到郭羨妮寓所相聚，死性不改。 為了郭羨妮，陶大宇拋棄十七年的糟糠，形象全毀，更被封為「賤男」，事業從此插水，近年幾乎消失香港電視圈。 ####
無工開，陶大宇大部分時間到牛頭角波樓打躉，儼如第二個家。
日打夜打，試過一Q打出73度成績，登上排行榜。
陶大宇打的是四十七元一小時的「學生鐘」，埋單唔使三百元 。
陶大宇打波姿勢多多，為打中目標，幾乎瞓埋上枱。
愈撈愈霉，陶大宇篤波場地亦由尖沙咀搬到牛頭角。
慳得就慳，陶大宇08年拍《和味濃情》（右圖）時戴過的頸巾，亦於去年欠交交通違例罰款上庭時翻戴。
（《蘋果日報》圖片）
同郭羨妮嘴出真火，終令陶大宇賠上家庭和事業。（《忽然1周》圖片）
上週五大肚郭羨妮到東港城為《盛世仁傑》宣傳，已為人妻準備做媽咪 ，重過新生活。
有指陶大宇出力溝內地辦活動的女公關，網上便有他與年輕索女頭貼頭的合照。
上週四，陶大宇到亞視接受甘國亮訪問，錄影完畢即駕車返回紅磡寓所。
陶大宇所揸的凌治座駕，十年前以廿多萬購入，一直無換過車。
去年陶大宇到西安出席活動，穿的西裝褸與到亞視訪問的款式一模一樣。
與郭可盈拍《刑事》爆紅。
2/4
08年，陶大宇翻兜前妻阿寶，二人復合半年便分手。（《忽然1周》圖片）
王維基狂撬昔日無綫花旦小生，偏偏未有意慾傾陶大宇。
陶大宇10年拍擺《掌上明珠》即離開無綫。
1152期《壹週刊》
成為三角關係中最失敗一個，轉戰內地，但陶大宇卻有異於其他港星，冇人搵佢拍劇，要搵錢開飯，唯有以開心價二萬元接夜場騷。連平日篤波消遣，亦由過去尖沙咀，下移到牛頭角街坊波樓，慳家過日。
收視唔掂
○六年拍《學警出更》偷嗒郭羨妮，陶大宇住家好男人形象大破產，前妻阿寶（黃寶慧）提出離婚，親證郭羨妮是第三者，但不倫戀一年唔夠，分手收場。 師奶殺手變賤男，陶大宇為女賠上事業，形象沉底，往後在無綫孭飛的兩部劇集《和味濃情》及《掌上明珠》，收視均未如理想，加上氹唔掂掌管藝員部的樂易玲，陶大宇於是轉戰內地市場。 「九七年，大宇因為見《刑事》大收，要無綫加人工，不過傾唔掂，佢擘晒面炮轟無綫，話過乞食都唔會返去，後來雖然扮衰仔再返無綫，但搭上咗郭羨妮搞出事，擔旗嘅劇收視又唔掂，無綫即刻飛佢！ 「依家佢同無綫無約，雖然好似其他人咁返大陸，但唔係個個掂，之前佢同溫兆倫拍過套內地劇《義本同心》，酬勞價唔高，但因為反應唔好，跟住都無製作人搵佢。」一名內地製作人說。
家庭保事業
除了陶大宇，當年「師奶殺手」人腳仲有歐陽震華、吳啟華、劉青雲，個個有幸福家庭兼愈做愈有，唯獨陶大宇拋妻令形象盡失，愈撈愈霉。 吳啟華 人財兩得 與陶大宇是訓練班同學，雖然拍過三級片，身邊女伴經常換畫，但自從接拍了《妙手仁心》系列後，痴情醫生形象令事業大翻身，不停有機會在內地拍劇狂賺人仔。○九年在內地拍攝《俠醫傳奇》期間，認識細自己二十一年的長春女演員石揚子，二人註冊結婚，並誕下女兒，人財兩得。
歐陽震華 拍唔停 憑《壹號皇庭》系列爆出的歐陽震華，之後孭飛的《醉打金枝》、《陀搶師姐》、《洗寃錄》系列均大爆，進身師奶殺手，同時也是無綫收視福將，近年長駐內地拍劇密賺，與澳門前賭王傅老榕孫女傅潔嫻結婚十六年至今。
林 文龍 有驚無險 八十年代尾加入無綫，在《都市的童話》初做男主角，之後拍攝《錦繡良緣》、《皆大歡喜》、《法證先鋒》及《布衣神相》等作品，但最叫人津津樂道是公開力追 花旦郭可盈。二人於○四年結婚，雖然其間爆出背妻偷食，但林文龍願意浪子回頭，更與太太誕下女兒，成功保住形象，近日更與王維基簽約，與娘家無綫打對台。
劈價求生
遭無綫冷待，大陸又無人吼，陶大宇馬死落地行，向內地搞手撈做登台剪綵，人窮志短，想當年「師奶殺手價」十萬八萬，今時今日賤男優惠價，兩萬人仔照殺。 「佢主力返大陸做吓剪綵活動，東莞、常平、溫州遠近都去，就算酬勞得兩萬人仔都照殺，如果一個月走到兩轉，都執到啲嘅！」知情者說。 收入有限，並無物業揸手的陶大宇，兩年前以萬五元月租搬入紅磡的服務式住宅海灣軒，平日出入，仍是十年前購入的舊款凌治，又經常翻著舊衫，慳得就慳；之前就因為拖欠超速罰款，被警方通緝，押上「豬籠車」帶返警署兼上法庭，倒霉事件接二連三。
殺手興衰
48 歲的陶大宇，18歲參加藝員訓練班入行，起初只做閒角，92年參演《壹號皇庭》，開始為人熟悉，其後更憑《刑事偵緝檔案》系列開始爆紅，深受一眾師奶觀眾 歡迎，獲封為「師奶殺手」。走紅後，陶大宇要求無綫加薪但被拒絕，最後決定離巢並向傳媒炮轟娘家：「以後乞食都唔返無綫！」 之後陶大宇過檔亞視，接拍劇集《縱橫四海》，人氣不復當年。03年他反口重返無綫，拍了《青出於藍》、《開心賓館》等劇，但已無法挽回昔日氣勢。
探路投魔童
四十八歲中佬要翻身唔易，但陶大宇未有坐以待斃，眼見電視大戰即將爆發，「電訊魔童」王維基不斷對準無綫大挖角，張可頤、林文龍、黃日華已加盟旗下，他亦主動搵人搭路撈，求財若渴。 「王維基要打仗，係咁狂撬無綫啲人，因為有好多以前嘅舊同事過咗去，大宇就搵佢哋做中間人搭路𡃁撈！」陶大宇身邊人說。 對於向王維基叩門，陶大宇避重就輕：「以前TVB啲朋友過咗去，我係約過佢哋飲嘢，但真係無傾王維基！依家上大陸剪綵幾好吖，收人民幣，只要你肯做，係唔會無嘢做！」 要劈價求生主動𡃁撈，陶大宇事業無運行，感情生活亦乏善足陳。自○七年被郭羨妮狠飛後，陶大宇一度希望與前妻阿寶重修舊好，經常借探狗為名，爭取相處時間。 「俾郭羨妮飛咗之後，佢好失落，好多時會借啲意去搵阿寶，對方本來都心軟，但喺番埋一齊發覺已經無咗之前嘅信任，半年後都係決定分手
慳家消遣
老 婆拒回收，舊愛郭羨妮去年亦嫁內地武指朱少杰，更加大埋肚將於七月產女。兩女選擇重過新生活，陶大宇去年被發現與做傳媒的女伴來往，近日亦有傳他交上內地 女公關。 平日在港，陶大宇深居簡出，身邊亦未見有女埋身！唯一不變，是依然喜歡篤波，不過，以前去尖沙咀，今日降格落牛頭角，到位於德寶商場地庫的桌球室篤波打發 時間，一篤六小時，仲要校啱時間，在俗稱「學生鐘」的優惠時段開波，四十七蚊一小時，平玩。之後駕車返回紅磡寓所，飯都冇出街食。
嗒女出事
與前妻黃寶慧拍拖近十年，00年拉埋天窗，直至06年拍攝《學警出更》，背住老婆與拍檔郭羨妮撻着，雖然二人堅決否認戀情，但阿寶不甘被第三者介入婚姻，公開大爆：「郭羨妮係第三者！」並稱自己與老公都是受害者。 一個月後，阿寶忍無可忍提出離婚，但陶大宇仍被發現漏夜到郭羨妮寓所相聚，死性不改。 為了郭羨妮，陶大宇拋棄十七年的糟糠，形象全毀，更被封為「賤男」，事業從此插水，近年幾乎消失香港電視圈。 ####
無工開，陶大宇大部分時間到牛頭角波樓打躉，儼如第二個家。
日打夜打，試過一Q打出73度成績，登上排行榜。
陶大宇打的是四十七元一小時的「學生鐘」，埋單唔使三百元 。
陶大宇打波姿勢多多，為打中目標，幾乎瞓埋上枱。
愈撈愈霉，陶大宇篤波場地亦由尖沙咀搬到牛頭角。
慳得就慳，陶大宇08年拍《和味濃情》（右圖）時戴過的頸巾，亦於去年欠交交通違例罰款上庭時翻戴。
（《蘋果日報》圖片）
同郭羨妮嘴出真火，終令陶大宇賠上家庭和事業。（《忽然1周》圖片）
上週五大肚郭羨妮到東港城為《盛世仁傑》宣傳，已為人妻準備做媽咪 ，重過新生活。
有指陶大宇出力溝內地辦活動的女公關，網上便有他與年輕索女頭貼頭的合照。
上週四，陶大宇到亞視接受甘國亮訪問，錄影完畢即駕車返回紅磡寓所。
陶大宇所揸的凌治座駕，十年前以廿多萬購入，一直無換過車。
去年陶大宇到西安出席活動，穿的西裝褸與到亞視訪問的款式一模一樣。
與郭可盈拍《刑事》爆紅。
2/4
08年，陶大宇翻兜前妻阿寶，二人復合半年便分手。（《忽然1周》圖片）
王維基狂撬昔日無綫花旦小生，偏偏未有意慾傾陶大宇。
陶大宇10年拍擺《掌上明珠》即離開無綫。
1152期《壹週刊》
沒有留言:
張貼留言