那些追女孩的年頭，《那些年》主角柯騰、老曹、勃起、廖該邊即使性格不同，追女方法各異，但都喜歡同一個沈佳宜。那些聽音樂的年頭，我們因喜好選用 各式耳機、耳筒，有平有貴，最終不過想追求耳朵中那一粒清純原音。 細個懶威拎住部 CD Walkman出街晒命聽Canton Pop，同朋友仔齊齊儲錢追買百蚊貨仔，已像柯景騰死追沈佳宜咁辛苦；入大學，打機睇片、連線打FPS、聽英倫Indi Band，幾年宿房生活就係靠一對大耳筒陪你度過漫漫長夜；終於踏出社會，喺cafe懶有生活態度用MacBook上網睇股票，有對頂級靚聲耳機，先贏人 又贏陣。 今期為你揀選平、中、貴價款式耳機、耳筒，有冇令你諗起那些年？
奴COMMENT 《FACE》Gadget版監修人903 DJ Donald
要講那些年，張敬軒首《酷愛》一定勾起我最多回憶。至於揀耳機，我自己都係偏愛隔音做得足同重低音表現勁的耳機。知道Shure呢款耳機，我只係買最平款，已經令我「嘩」一聲，有次喺旺角落好大雨，一戴隻耳機，即時乜都聽唔到，隔聲好到離晒譜！
那回憶中的復古韻味 Krator Dione C1140
銀 根有限的那些年，要買大大嚿耳筒仲要當眼地掛喺頭，自然係非型不買。今日睇見奇形怪狀耳筒，平平哋買返去收藏，懷緬「青春」，都係不錯選擇。 《那些年》之所以令人窩心，或多或少係講出「錯過」的可惜。咁人真係唔多識珍惜眼前，好似明明係現代，就偏要用70年代麥克風造型打造耳筒，不過戴上頭又 真係特別搶鏡。出開電腦喇叭的Krator，以創意造型出Headphone。雖然音質冇大驚喜，但設計見心思，波浪造型設計，頭帶具彈力，減低壓力，長 戴都唔易頭痛。 spec. 單元：40mm 阻抗：32Ω 訊噪比：112dB 頻率範圍：20Hz至20kHz 線長：2m 重量：260g 售價：$799 查詢：永利達（2407 1118）
方形迷思 CRESYN C515H
年 歲愈長，韻味愈深，就好似CRESYN呢個牌子，喺韓國生產耳筒超過半個世紀，對韓流迷而言，望見呢個方形耳機，自然勾起韓星戴喺頭上的畫面。最近賣嚟香 港，終於可以拎上手玩玩，方形海綿耳罩唔只樣靚，戴上去幾舒服，可惜係隔音功能表現較弱。不過同一color tone嘅扁平耳帶同電線，真係搶眼到暈，加番分。 spec. 單元：40mm 阻抗：32Ω 訊噪比：97dB 頻率範圍：20Hz至20kHz 線長：1.2m 重量：71g 售價：$520 查詢：捷成洋行（2926 2300）
法式甜點 CRESYN C300H
法國絕對係浪漫派代表，連帶法國系產品，都帶點餘韻。耳罩外形十足法式甜點marcoon的C300H，設計僅以一條銀邊頭帶加個Tiffany Blue marcoon，充滿法式簡約風。 spec. 單元：40mm 阻抗：16Ω 訊噪比：102dB 頻率範圍：20Hz至20kHz 線長：1.2m 重量：71g 售價：$360 查詢：捷成洋行 （2926 2300）
靜音境界 i-mego Walker JR
靜靜聽歌，感受住歌者感情，會突然令人變得感性，就好似《那些年》最後一幕，柯景騰同沈佳宜四目交投，全世界彷彿只餘下二人般浪漫。所以揀耳機，最好抗噪功能夠勁。Walker JR自家的ANC抗噪技術，絕對滿足要求，最重要係，佢夠平。 spec. 單元：40mm 阻抗：32Ω 訊噪比：102dB 頻率範圍：20Hz至20kHz 線長：1.2m 重量：230g 售價：$699 查詢：i-mego（3481 8351）
那些細小耳機 那些細膩情感
掛於耳上，那不起眼的小小耳機，彷彿那些年，一段被掩蓋了的情感。今日連着iPhone陪你四處闖蕩的耳機，有冇勾起你回憶中的感情？
回歸自然 EOps Noisezero i+ Eco
沈 佳宜之所以吸引，不是她外貌突出，而是一份自然美。揀耳機，若具自然美，一定加分。由著名設計師Michael Young操刀的這款EOps Noisezero i+ Eco，選用簡單白色。而材質更加選用環保物料，以天然玉米澱粉提煉，棄選難以回歸大自然的塑膠，抵讚。音質方面亦不令人失望，隔音工夫做得足，使樂器細 節位表達得細膩，以這個價錢來說，絕對抵玩。 spec. 單元：9mm 阻抗：未有提供 訊噪比：未有提供 頻率範圍：20Hz至22kHz 線長：1.1m 重量：5g 售價：$599 查詢：永利達（2407 1118）
牢掛耳機 Skullcandy FIX IN-EAR
就算事隔多年，刻骨的感情在回憶中都是清晰的，想起時，還是會牽掛對方，就像這隻牢牢掛在耳上的耳機Skullcandy FIX IN-EAR，怎樣也抹不走。它運用自家專利的防脫落技術，特別係連有免提及音量控制器的一邊耳機，即使用力拉或按掣，亦不鬆脫，厲害。 spec. 單元：8.8mm 阻抗：32Ω 訊噪比：未有提供 頻率範圍：20Hz至20kHz 線長：1.3m 重量：未有提供 售價：$549 查詢：Street Value（2577 2599）
隔音矽膠 Altec Lansing MZX606
柯景騰 不惜打到爆血，都想證明自己係鋼鐵型男。黑金耳機Altec Lansing MZX606之所以吸引，亦是散發一種鋼鐵味。除了外形煞食，MZX606用上SnugFit矽膠耳塞，彈性十足，更加貼近耳道，令隔音效果突出，音色更 細緻。而且亦設有咪位及線控，一物兩用，好睇好抵！ spec. 單元：未有提供 阻抗：29Ω 訊噪比：105dB 頻率範圍：20Hz至20kHz 線長：1.2m 重量：未有提供 售價：$799 查詢：Action Group Ltd（2955 0033）
女神羽翹：耳機不用太貴
最令唱作女歌手羽翹勾起昔日 回憶的音樂，必然是宇多田光的《First Love》。平日出街聽歌，多選用耳機的羽翹，她解釋：「我較喜歡入耳式耳機，因隔音比較好，及方便帶出街。而且我用iPhone或iPod聽歌，所以對 耳機的要求，只需要聽回自己的歌曲錄音時，能夠聽到樂器細節，不少一千蚊以下的耳機，都能做到這點。」
瘋狂年代 我們追求更多
那些瘋狂的大學歲月，和宿友幹些蠢事，像柯景騰去搞打拳比賽，或是不理實際經濟狀況，就去買些過千元的耳筒耳機，把咭都刷光了，才叫做青春呀！
耳朵上的櫻桃 Shure SE535 Special Edition
將Your are The of my eye這句英文俚語直譯作「你是我眼中的蘋果」（其實是源自聖經，寓意你是我的瑰寶），感覺很怪，但要形容這鮮紅特別版Shure SE535耳機作「耳朵上的櫻桃」，絕不失為過。此耳機起用3個新式金屬動鐵單元，1個高音、2個低音，令音域表現更廣，音色精準，表現如一貫Shure 風格，不會過分強調低音。惟體積變得較大，恍如一粒紅色的櫻桃。 spec. 單元：未有提供 阻抗：36Ω 訊噪比：119dB 頻率範圍：18Hz至19.5kHz 線長：1.16m 重量：未有提供 售價：$3,900 查詢：Shure（2893 4290）
獨門秘鐵 ATOMIC FLOYD SuperDarts
戀人眼中，對方總是獨特的。獨門的東西，自然有它的吸引處，就像ATOMIC FLOYD SuperDarts，在千篇一律的膠感耳機中，竟選用金屬質料。金屬耳機並非一味為型而造，而是其獨門鋼材經過10小時 1,300℃ 高溫煉製，有效控制諧震及保持強勁低頻。而且採用動鐵單元，令體積不會過大，及減輕重量，彌補耳機金屬材質較重的缺點。 spec. 單元：動鐵 阻抗：16Ω 訊噪比：100dB 頻率範圍：5Hz至25kHz 線長：1.2m 售價：$2,799 查詢：Streetvalue（2577 2599）
寂靜階段 Sennheiser CXC 700
戀愛起碼分追求、拍拖、結婚三個階段。Sennheiser CXC 700的NoiseGard消噪系統，也分三個階段。以一粒3A電推動，3個抗噪模式分針對類似飛機引擎的低頻、Office空調噪音的中頻，及地鐵站背 景雜音的特闊頻率，方便不同場景自選唔同mode。 spec. 單元：未有提供 阻抗：45Ω 訊噪比：未有提供 頻率範圍：20Hz至21kHz 售價：$1,981 查詢：Sennheiser（3412 8400）
木材靚音 Audez'e LCD-2
五個大男孩一齊睇中同一個女孩，女孩一定有過人之處。正如高級喇叭總愛用木材，亦有一定原因。好似Audez'e LCD-2，特別以木質作耳筒材料，取木材能吸音，減低諧震，保持音色原汁原味之長處。加上由人手打造，更顯矜貴獨特。 spec. 單元：未有提供 阻抗：50Ω 訊噪比：91dB 頻率範圍：5Hz至20kHz 線長：未有提供 重量：550g 售價：$7,988 查詢：金聲耳筒（3586 0201）
碳纖型味 PHIATON MS400
不時出現於貴價跑車、手表甚至手機上的碳纖質地，除了格仔效果夠型，同時亦有高硬度及輕巧的優點。而美國品牌耳筒PHIATON MS400，揀選碳纖作材質，令耳筒保持輕身，戴出街又型又方便。而且採用封閉式設計，出街聽歌更可隔絕噪音及防漏聲，實用度極高。 spec. 單元：40mm 阻抗：32Ω 訊噪比：98dB 頻率範圍：15Hz至22kHz 線長：1.2m 重量：185g 售價：$2,490 查詢：捷成洋行（2926 2300）
零失真耳筒 零失真舊夢
今天，假若我們已經變成戲中成年版的柯景騰，除了靠拿着MacBook寫作來追憶過去，或許我們還可透過音質純淨上萬二的高級耳筒，在家中零失真細聽當年金曲，令自己恍如回到「那些年」。
置身現場 Ultrasone Edition 8 Limited
我們的那些年，都是沒有MP3的年代，大家還在聽CD，甚至黑膠碟，面對如此高 質的音源，造工平庸的平價耳筒實在難以呈現出具現場感的音色。德國名廠Ultrasone這對全球量產888對的Edition 8 Limited，具備已成專利的S-Logic Plus原音臨場技術，聲音唔會由單元直射到耳膜，而會先經過耳殼折射，再進入耳道，增強聲音的距離同方向感，模擬出人聲與各種樂器聲由不同位置傳來的感 覺，就好似喺現場聽歌一樣。 spec. 單元：40mm 阻抗：30Ω 訊噪比：96dB 頻率範圍：6Hz至42kHz 線長：1.2m（附延長線至4米/6.3mm Hi-Fi鍍金轉插） 重量：260g 售價：$16,888 查詢：DMA（3971 0242）
開放自然 Ultrasone Edition 10
以Edition 8為藍本，同樣擁有S-Logic Plus技術，但耳筒構造改用開放式設計，令音色更加自然。耳罩仲用上製作高級珠寶的釕金屬同斑馬木製造，耳筒線物料亦更高級，加埋又係全球限量2010對，難怪仲貴過Edition 8。 spec. 單元：40mm 阻抗：32Ω 訊噪比：99dB 頻率範圍：5Hz至45kHz 線長：3m 重量：282g 售價：$22,888 查詢：DMA
貴價金屬 Final Audio Piano Forte
日本Final Audio呢個Piano Forte系列earphone，能達到最高階萬幾兩萬蚊嘅身價，全因為由3種高硬度貴金屬製成一體化耳塞機體。雖然製造工序好複雜，但能夠更牢固裝嵌單元，播歌時有效減少諧震，令聲音更純淨，貴得有道理！ spec. 單元：16mm 阻抗：16Ω 訊噪比：108dB 線長：1.4m 重量：38g 查詢：DMA
專家教揀耳筒
F：《FACE》 T：Thomas F：耳筒係咪愈貴愈好？ T：貴耳筒當然有佢哋音質優勝嘅地方，但如果只係用手機聽MP3的話，其實冇必要用太貴嘅耳筒，部手機唔夠力推的話，效果反而仲差。過萬蚊嘅耳筒，始終適 合喺屋企聽CD時用。 F：過萬蚊耳筒，唔用AMP推得唔得？ T：真係會嘥咗，經AMP推一推，音色細緻度會高好多。 F：唔計外觀因素，耳罩同earphone，邊種好？ T：因構造問題，耳罩嘅音場同動態表現始終會好啲、聲音澎湃啲、現場感重啲，所以喺屋企聽最好都係用耳罩。Earphone嘅強項係隔音，較適合出街聽。 F：新手點揀耳筒好？ T：用家應該首先問自己，通常係幾時聽歌？如果係返工放工，咁梗係揀earphone。第二問自己聽咩歌多？多數歐洲牌子耳筒嘅音色比較厚，幾啱聽男聲、 rock歌等低音較多嘅音樂；亞洲牌子嘅人聲就比較清，偏向中高音，兼且動態較好，用嚟聽pop或者快歌會啱啲。最後再考慮budget，揀到幾選一嘅地 方，先至需要睇spec.。 F：點解要煲耳筒？ T：因為新耳筒嘅震膜比較硬，要聽番咁上下時間，等佢軟化咗，音質先會到最佳狀態。通常earphone要煲200至300個鐘，耳罩可能要500個鐘以 上。
自動煲耳筒app
Thomas推介iPhone app《Headphone Trainer》，內設Soft、Gentle同Bass 3個模式，夜晚將耳筒插住iPhone，由得個app發聲去煲，邊個模式煲得多，嗰方面嘅音色就會好啲。US$1.99 - (id:APPLE)
耳罩位有軟棉，配合埋麥克風造型變成方形，夠晒特別。
拉起彈力頭帶，用絲帶質地相連，減輕重量。
喺韓劇《瑪莉外宿中》扮型格女嘅金孝珍，戴住sharp色C515H，一樣不失霸氣。
少女時代嘅Tiffany，曾戴住CRESYN chok樣影相。
個樣甜到爆的少女時代成員Jessica，戴住C300H扮cute，甜到呢！
音量控制器背後同插頭位，都有Michael Young簽名，唔怕冇人知你買咗名師作品。
設有咪和音量控制器，可當iPhone免提用。
《蘋果日報》圖片
耳罩及頭帶位全以真皮打造，舒服又矜貴。
全無接駁位的圓形木質耳罩，驟眼睇恍如縮小的喇叭，打造極之精細。
碳纖材質多用於貴價跑車，矝貴度倍升。
單元用高科技鍍鈦複合物料製造，皮材則用好軟好透氣的埃塞俄比亞羊皮，加上耳罩外殼仲用埋玫瑰木，用料矜貴，唔怪得值萬幾蚊。
限量888對，全部由人手裝嵌，骱位內側仲刻埋獨立編號，呢對就係138。
Piano Forte X-CC 物料：鉻銅 售價：$27,800
Piano Forte IX 物料：不銹鋼 售價：$12,800
Piano Forte VIII 物料：黃銅 售價：$9,800
Thomas，亦軒耳機音樂世界第2代負責人，盡得父親Mingo品評耳筒真傳。
沒有留言:
張貼留言