同你吟一吟
甘比女行到邊抱到邊
身為大劉千金，甘比囡囡劉秀樺集萬千寵愛在一身，雖然得四歲人仔，睇 嚟佢都知道自己多人錫，尤其係媽咪，無論係行街街，抑或湊放學，都會扭計要人抱。
上個禮拜二（二月二十八日），甘比由保鏢陪同，去幼稚園湊女放學，劉秀樺一見到媽咪就要抱抱。其實當日天氣都幾凍，甘比著住件皮草，阿女又有件羽絨，兩母女攬埋一嚿，萬一叉錯腳都幾危險，所以甘比就算同囡囡傾緊偈，不時都會瞄一瞄個地下，睇清睇楚條路先至行。
湊放學要抱，就連去買麵包都唔例外，再早個禮拜，《壹》仔又喺跑馬地撞見兩母女，一齊落車買麵包，例牌動作，全程由阿媽抱實，就算揀包包食都唔願落地，難為甘比仲要著住三吋高踭鞋，真係少啲腳力同臂力，都湊唔掂大劉呢位心肝椗。
著住三吋 踭，仲要行條暗斜，甘比冇叫個女自己行，由落車到返上車，一直抱實唔放手。
行到車門邊，囡囡似乎唔願上車，扭咗一陣計先肯乖乖 哋坐低。
湊放學，兩母女一邊行一邊傾，甘比不時要望實地下睇路！
撰文：八珍
沒有留言:
張貼留言