探熱針
即月開刀 陳慧琳放棄追女
2012年03月08日
將於今個月開刀生第二胎「小龍包」的陳慧琳，近日開始停工閉關養胎，臨盆在即的她，體重亦暴增廿多磅，日前，本刊拍得 Kelly到替她安排人工受孕的何永超醫生診所覆診。今胎再生仔，主張環保的 Kelly，已計劃好將「蝦餃仔」穿過的舊衫，留給細仔日後繼續著，至於追女計劃， Kelly已決定放棄，將來會以家庭為重，減少幕前工作，專心照顧一對寶貝仔。
日日接放學
性格率直的陳慧琳，是第一個公開承認人工受孕的女藝人，由於大仔劉昇七月便屆三歲， Kelly希望兩個小朋友的年齡可以拉近，所以一直心急再做媽咪。
「因為怕蝦餃仔一個人玩太孤獨，所以孖女流產之後，佢都好積極再追，好在 Kelly性格開朗， 再有 BB都無陰影。」 Kelly身邊人說。
將於今個月開刀生第二胎， Kelly已在山頂嘉諾撒醫院 book定床位，近月更全面閉關，爭取時間休息之外，每日仍堅持接兒子放學。
「自從劉昇返學之後， Kelly幾乎每日都親自接送，不過，呢排個肚大咗好多，佢要爭取多啲時間休息，而家老公 Alex返工前送囝囝返學，之後 Kelly接力湊囝囝放學。」知情者說。
已經懷孕八個多月， Kelly相比一般孕婦，身形未有暴升，全因 Kelly有一套健康飲食餐單。
「 Kelly好注重健康，所以佢已經問晒醫生，如果孕婦吸收過量，體重會一發不可收拾。所以控制飲食佢好拿手， Kelly會飲好多湯水，花膠、冬蟲草、魚湯唔少得，仲會揀啲有機同健康嘅嘢食，盡量少食煎炸嘢同甜嘢，因為醫生吩咐，食得太多甜嘢，孕婦好易會有高血壓同孕婦糖尿病。」 Kelly好友說。
28/2
去年 12月， Kelly佗住 6個月肚替 May姐節目錄影。 |
| 大肚期間， Kelly推掉大量工作，但仍俾面出席黎明演唱會任嘉賓。 |
見到記者追訪， Kelly表現友善，坦言今次懷胎比第一胎時輕鬆不少。
唔見三千萬
去年八月， Kelly接拍《八星報喜》時仍未知有喜，拍罷電影後即時停工。
去年 11月，陳慧琳公開再度有喜，為了安心養胎， Kelly已甚少出席公開活動，並推掉超過三十個工作。以往， Kelly每個月至少返國內唱五至六場騷，佗 B後，起碼推掉近 20場工作，以 60萬一場計算， Kelly至少唔見 1,200萬。
至於廣告， Kelly只會選擇性接拍，只接了美心月餅、金至尊首飾和 Bovel手錶，為怕舟車勞頓，最近亦推掉了兩個內地廣告，損失共 2,000萬酬勞。埋單計算， Kelly為生 B仔，前前後後唔見超過 3,200萬。
潮服再加工
雖然體重升到一百三十磅，但 Kelly睇落個肚唔算大，原來有 竅妙。
「 Kelly做咗兩年幾媽咪，一直俾人叫潮媽，佢最抗拒著大肚婆衫，直到依家佢都鍾意著牛仔褲，咪睇佢手幼腳幼，其實佢個肚已經好大，啲褲全部搵人改闊褲頭先著到，所以大家唔覺佢有肚，其實只係遮得好啫！」知情者說。
賺錢能力高，但 Kelly卻毫不浪費，為主張環保， Kelly已計劃好待小龍包出世後，會翻著蝦餃仔舊衫。
「細路仔大得好快，啲衫著幾次已經唔啱著，見到衫仔仲咁新， Kelly覺得好嘥，所以打算留俾細仔著，呢排 Kelly停工休息，得閒就將啲衫分門別類， mark好晒啲 size，方便遲啲攞出嚟著！」知情者說。
至於一直想生女的 Kelly，原來已經打算放棄：「香港做人工受孕，因為法律問題唔可以揀性別，既然唔一定生到女，佢同老公商量過之後，都係決定唔追，不如專心湊兩個仔仲好。」知情者說。
5/3
近日流感高峰期， Kelly無俾蝦餃仔返學一星期，週一由爹哋抱返學的蝦餃仔，由落車一刻已經扁嘴係咁喊，入到學校門口，喊得更厲害， Alex只好硬住心腸送他入班房。
中午放學， Kelly親自接蝦餃仔，還教他向記者揮手「拜拜」，但蝦餃仔依然木無表情。
臨盆在即的 Kelly，將個肚收收埋埋，側面睇才見隆起。
即將出世的細仔小龍包，將會著番晒哥哥劉昇啲舊衫， Kelly更將所有衫仔分門別類。
撰文、攝影：娛樂組
沒有留言:
張貼留言