有種人叫拐子佬，
專捉人家嘅細路。
唔知帶咗去邊度，
唔知點解要咁做。
總之一提拐子佬，
細路即刻唔敢嘈。
無論喊到幾大聲，
一講拐子佬就驚。
搵到拐子佬睇場，
細路乖過一隻羊。
有種人叫拐子佬，
專捉人家嘅細路。
到底有冇呢個人？
以前都係一嚿雲。
依家竟然有新聞，
拐子佬殺到埋身。
間間學校發通告，
叫人睇實啲細路。
消息愈傳愈恐怖，
嚇壞全港嘅父母。
對付狡猾拐子佬，
爸媽可以點樣做？
自己做貼身保鑣，
或者請番個實Q。
仲要揸番支長槍，
十足十去上戰場。
無論乜嘢陌生人，
一律唔准企埋身。
邊個想拖我個仔，
身份證攞嚟睇睇。
其實呢個拐子佬，
做乜要喺香港撈？
呢度嗰啲細路哥，
出咗名係金叵籮。
捉番去就好容易，
最難係點樣服侍。
食雞要幫佢去骨，
寫字要幫佢刨筆。
個個都係皇帝仔，
拐子佬要聽佢使。
所以呢個拐子佬，
不如走去第度撈。
因為啲怪獸父母，
其實比你仲恐怖。
少少事就玩暴躁，
少少錯就玩投訴。
仲有直升機家長，
隨時「目及」到你個樣。
全港爸媽齊發力，
拐子佬都要乞食。
專捉人家嘅細路。
唔知帶咗去邊度，
唔知點解要咁做。
總之一提拐子佬，
細路即刻唔敢嘈。
無論喊到幾大聲，
一講拐子佬就驚。
搵到拐子佬睇場，
細路乖過一隻羊。
專捉人家嘅細路。
到底有冇呢個人？
以前都係一嚿雲。
依家竟然有新聞，
拐子佬殺到埋身。
間間學校發通告，
叫人睇實啲細路。
消息愈傳愈恐怖，
嚇壞全港嘅父母。
對付狡猾拐子佬，
爸媽可以點樣做？
自己做貼身保鑣，
或者請番個實Q。
仲要揸番支長槍，
十足十去上戰場。
無論乜嘢陌生人，
一律唔准企埋身。
邊個想拖我個仔，
身份證攞嚟睇睇。
其實呢個拐子佬，
做乜要喺香港撈？
呢度嗰啲細路哥，
出咗名係金叵籮。
捉番去就好容易，
最難係點樣服侍。
食雞要幫佢去骨，
寫字要幫佢刨筆。
個個都係皇帝仔，
拐子佬要聽佢使。
所以呢個拐子佬，
不如走去第度撈。
因為啲怪獸父母，
其實比你仲恐怖。
少少事就玩暴躁，
少少錯就玩投訴。
仲有直升機家長，
隨時「目及」到你個樣。
全港爸媽齊發力，
拐子佬都要乞食。
沒有留言:
張貼留言