東周刊 446 期 張震遠原係湖北佬 點解認CY做同鄉？

市建局主席張震遠瞓晒身幫振英哥助選，連月來大小場合都見佢傍實CY。點解咁落力？佢經常自稱祖籍山東諸城，有意無意跟CY拉上同鄉關係，大家都係山東漢子，梗要幫手啦。但近期政圈有消息傳出，指張震遠老爹唔係山東人，其實原籍湖北，兩人係咪同鄉大成疑問。

本刊記者翻查多年剪報，發現張震遠鮮有提及其家庭背景，只有《信報》去年一篇專訪提到佢老爹係「港九各界救濟調景嶺難民委員會」嘅香港代表。呢個組織與台灣政府關係密切，負責救助當年流落香港嘅國民黨老兵。

張震遠（中）常伴振英哥左右，以最親密戰友自居，佢聲稱祖籍山東，同CY同鄉，但本刊翻查資料，原來佢老爹係生於湖北嘅國民黨舊將。

記者努力再搵，終於在《香港調景嶺營的誕生與消失》一書中找到端倪，於「張寒松先生訪談錄」一文中，張老先生提到自己育有四男兩女，「老四」曾到英 國讀數學，後在美國哈佛讀企業管理，並曾任職美國麥卡錫顧問公司，「他曾是港督中央政策組的顧問……也是香港土地發展公司（市建局前身）董事。」好明顯係 張震遠。
張震遠曾任董事嘅公司名單，記者發現其中一間叫「寒松控股有限公司」，只有張震遠及張駱晶瑩兩名董事，但公司已於○九年二月解散。假如張寒松真係張 震遠老爹，怪事就發生了，皆因張寒松在訪問中透露：「我於民國十二年出生於湖北省陽新縣陽辛鎮（武漢東南邊）。」佢至少三代以陽新縣為家，反而佢太太係山 東人。
山東諸城與湖北陽新相距近一千公里，為何張震遠唔話自己係湖北人，卻認CY做同鄉？真係要請教高人至知。